Fréttablaðið - 23.04.2008, Blaðsíða 22
[ ]
Ferðalangur á heimaslóð verður haldinn í
fimmta sinn á sumardaginn fyrsta. Markmið
viðburðarins er að hvetja almenning til að
kynna sér fjölbreytta ferðaþjónustu á heimaslóð.
Dagskrá Ferðalangs á heimaslóð í ár er fjölbreytt og
fjölskylduvæn og ættu allir að finna eitthvað við sitt
hæfi. „Kynnisferð með hópferðabíl eða gönguferð
með leiðsögumanni, útsýnisflug, skemmtiferðir,
hestaferðir, söfn, gönguferðir, klifur, hvalaskoðun og
víðavangshlaup er meðal þess sem ferðalangar geta
kynnt sér á sumardaginn fyrsta. Við sem búum á
höfuð borgarsvæðinu vitum oft lítið hvað er í boði í
ferðaþjónustunni þó að erlendir gestir viti gjarnan
allt um það,“ segir Guðríður Inga Ingólfsdóttir, við-
burðafulltrúi hjá Höfuðborgarstofu.
Þátttaka í Ferðalangi hefur verið stigvaxandi ár
frá ári og tókst mjög vel í fyrra er þúsundir tóku þátt.
Reykjanes og Austurland taka þátt í ár og vonast er
eftir þátttöku enn fleiri landshluta að ári.
Á höfuðborgarsvæðinu má finna viðburði allt frá
miðborginni, upp í loftin blá þar sem Flugfélag
Íslands býður upp á útsýnisflug yfir höfuðborgar-
svæðið og austur í Heiðmörk, en þar er hægt að velja
úr náttúrutengdri göngu, útileikjum á vegum Nátt-
úruskólans í útirjóðrum og kaffiveitingum í Elliða-
vatnsbænum.
Dagskrá Ferðalangs er skipt upp í nokkra flokka til
þess að tryggja að allir finni eitthvað við sitt hæfi.
Þar má finna „Hraustan ferðalang“, „Menningarlegan
ferðalang, „Ferðalang á sjó“ og „Ferðalang á ferð á
flugi“ en tveir nýir bætast við í ár. Í liðnum „Gakktu
í bæinn“ bjóða þrjú reykvísk hótel upp á kynningu á
sínum húsakynnum og tilboð á veitingum og á „Græn-
um ferðalangi“ á hafnarbakkanum verða vistvæn
farartæki kynnt. Þar verða metan- og vetnisbílar til
sýnis og hægt verður að taka í og sigla með vetnis-
báti. Flestir viðburðir eru annað hvort ókeypis eða
með miklum afslætti. Eini viðburðurinn sem þarf að
panta með fyrirvara er útsýnisflugið því þar er tak-
markaður sætafjöldi.
Dagskráin hefst klukkan 9 um morguninn og henni
lýkur með draugagöngu um kvöldið. Allar nánari
upplýsingar um viðburði er hægt að nálgast á heima-
síðunni www.ferdalangur.is, auk þess sem prentaða
dagskrá má sækja í Upplýsingamiðstöð ferðamanna
Aðalstræti 2, Borgarbókasafni aðalútibúi Tryggva-
götu og Ráðhúsi Reykjavíkur. Fólk er eindregið hvatt
til þess að nota fyrsta sumardag ársins vel með því að
njóta alls þess besta sem ferðaþjónustan hefur upp á
að bjóða á höfuðborgarsvæðinu, Austurlandi og á
Reykjanesi. mikael@frettabladid.is
Fjölbreytt og fjölskylduvæn
Guðríður Inga Ingólfsdóttir segir að dagskráin sé glæsileg að
þessu sinni og allir geti fundið eitthvað við sitt hæfi.
FRÉTTABLAÐIÐ/ANTON
Í Heiðmörk verður ýmislegt um að vera á sumardaginn fyrsta.
Ferðataskan fer ekki vel með nýstraujaðar flíkur. Til
að forðast krumpur og brot má reyna að rúlla fötunum
upp þegar pakkað er.
Sólheimasafn Borgarbókasafns
býður til bókmenntagöngu í
Vogahverfinu.
Sólheimasafn er sextíu ára í ár og
af því tilefni verður sjónum beint
að umhverfi þess. Laugardaginn
26. apríl verður farið í bókmennta-
göngu um heimaslóðir skálda í
Vogahverfinu, en fjölmörg skáld
hafa búið í hverfinu og búa þar
enn. Áætlað er að dagskráin taki
um tvær klukkustundir.
Safnast verður saman í Sól-
heimasafni kl. 14 og þar mun Vig-
dís Grímsdóttir spjalla og lesa upp
fyrir gesti en hún ólst upp í hverf-
inu. Síðan leiða aðrir fyrrverandi
og núverandi íbúar, þær Úlfhildur
Dagsdóttir og Margrét Árnadóttir,
göngugesti um Voga og Heima og
staldra við heimili nokkurra
skálda. Bankað verður upp á hjá
þremur þeirra, þeim Árna Berg-
mann, Andra Snæ Magnasyni og
Olgu Guðrúnu Árnadóttur.
Að göngu lokinni er boðið í kaffi
og með því í Sólheimasafni. Ekk-
ert þátttökugjald er í gönguna og
eru allir velkomnir. - ve
Skáldaslóðir
Bókmenntaganga verður á laugardaginn
um heimaslóðir skálda í Vogahverfinu.
Hertz Car Rental
Flugvallarvegi
101 Reykjavik, Iceland
hertz@hertz.is
Tel. +354 522 44 00
Fax. +354 522 44 01 www.hertz.is
Bókaðu bílinn fyrir 1. maí á
www.hertz.is og fáðu 1000 vildarpunkta
hjá Vildarklúbbi Icelandair.
Tilboðið gildir til 1. maí.
Hertz hefur yfi r 7600 afgreiðslustaði í 146 löndum.