Tíminn - 29.01.1982, Blaðsíða 22

30

ílilsiii'
WCl ’í'i'i'ei -Tu^ibjíí o*!
Föstudagur 29. janúar 1982
Kvikmyndir og leikhús
kvikmyndahornid
■ GoldieHawn Ihernum,en þarer ekki alltaf sældarlif.
SJÁLFSTÆÐ
PRIVATE BENJAMIN
Leikstjóri: Howard Zieff
Aöalhlutverk: Goldie Hawn (Judy Benjamin), Eileen Brennan
(Lewis kapteinn), Armand Assante (Henri Tremont), Robert
Webber (Thornbush).
Handrit: Nancy Meyers, Charles Shyer og Harvey Miller.
Myndataka: David M. Walsh.
Framleiöandi: Goldie Hawn fyrir Hawn-Meyers-Shyer-Miller pro-
ductions, dreift af Columbia-EMI-Warner, 1980.
■ „Private Benjamin” er ein
þeirra gamanmynda, sem
lýsa eiga hlutskipti kvenna i
karlmannaþjóðfélaginu og
þróun ósjálfstæðrar eiginkonu
til meðvitaðs sjálfstæðis, eins
og það heitir vist.
Sagt er frá Judy Benjamin,
sem er 28 ára dóttir rikra for-
eldra, sem hafa hugsað um
hana af mikilli umhyggju og
alið hana upp með hefðbundn-
um hætti. Helstu áhugamál
hennar er að eignast eigin-
mann, fallegt hús, fint innbú
og annað það, sem talið hefur
verið rétt að ungar, rikar
stúlkur dreymi um. Og þegar
myndin hefst er hún að giftast
i annað sinn (fyrra hjóna-
bandið fór út um þúfur eftir
sex vikur, þar sem eiginmað-
urinn hafði meiri áhuga á pen-
ingum Judy en henni sjálfri)
lögfræðingi af gyðingaættum,
Yale Goodman. En það hjóna-
band stendur aðeins i sex
tima, þar sem eiginmaðurinn
gefur upp öndina snemma á
brúðkaupsnóttinni. Hún er al-
veg eyðilögð, og veit ekkert
hvað hún á af sér að gera. í
sliku ástandi lendir hún i
höndunum á ráðningarmanni
bandariska hersins. Hann
fegrar svo fyrir henni dvölina i
hernum, þar sem hún sé alltaf
örugg, að hún lætur skrá sig og
er send samstundis i þjálfun-
arbúöir ásamt öðrum nýlið-
um. Þar er lifið auðvitað allt
annað og erfiðara en hún hafði
búist við, og ekki bætir úr skák
að hún lendirstrax upp á kant
við Lewis kaptein, sem annast
þjálfun kvenfólksins.
Eftir margvislega erfiðleika
og árekstra fer Judy þó að
standa sig betur: hún fær auk-
iö sjálfstraust og getur betur
séð um sig sjálf. Að frumþjálf-
un lokinni er efnt til heragf-
inga og fyrir tilviljun ná
Judy og stöllur hennar, þar
svo góðum árangri, að hún er
valin i einvalalið fallhlifarher-
manna. Dvölin þar verður þó
ekki löng, þar sem yfirmaður
sveitarinnar Thornbush, reyn-
ir að nauðga henni. Hún er þá
send til aöalstöðva Atlants-
hafsbandalagsins i Evrópu.
Þar kemur ástin aftur til
sögunnar. Franskur læknir,
Henri Tremont, eignast hug
hennar allan, og hún ákveður
að hætta i hernum og giftast
honum, þótt hann sé ekki við
eina fjölina felldur og sýnilega
af gamla skólanum i afstöðu
sinni til kvenna. Og þá er
spurningin, hvort Judy breyt-
ist aftur til sins fyrra horfs,
eða haldi áfram á sjálfstæðis-
brautinni.
Það er að sjálfsögðu Goldie
Hawn sem fer með hlutverk
Judy — og er þar að auki
framleiðandi myndarinnar —
sem ber myndina uppi. Ahorf-
endur hlægja með henni frem-
ur en að henni þegar hún
lendir i margháttuðum vand-
ræðum, og fylgjast af nokkr-
um áhuga með þeirri
breytingu sem á henni verður
smátt og smátt þar til hún
stormar loks i átt til sjálf-
stæðisins handan sjóndeildar-
hringsins. Goldie tekst þannig
með leik sinum að bæta fyrir
oft frekar slappt handrit, þar
sem mikið er um gamalkunn
atriði og klisjur, einkum þó
þegar verið er að lýsa raunum
nýliðanna i hernum — en um
það hefur oftverið fjallað áður
i kvikmyndum.
„Private Benjamin” er
mjög i ætt við mynd Jane
Fonda, „Niu til fimm” sem
sýnd var i Nýja bió i fyrra að
þvi er afstöðu til sjálfstæðis
kvenna og afstöðu karla til
þeirra, varðar. I báðum
myndunum er fjallað um þá
hluti með tungumáli gaman-
semi og grins. Það lætur sér
enginn leiðast að fylgjast með
GoldieHawnog kannski vekur
myndin lika til nokkurrar um-
hugsunar.
Ellas Snæland
Jónsson
skrifar
-¥■ ■¥■ Private Benjamin
★ 1941
★ ★ Hamagangur i Hollywood
★ Cheech og Chong
★ ★ ★ Stjörnustrið II
★ Jón Oddur og Jón Bjarni
stj jörnugj iöf Tfmans
* * * * frábasr ■ * ■* ★ mjög góö • * * góð ■ * sæmlleg ■ 0 léleg