Fréttablaðið - 25.04.2008, Síða 12
25. apríl 2008 FÖSTUDAGUR
LAGADEILD
HÁSKÓLANS Í REYKJAVÍK
Tökum við umsóknum núna
Kynntu þér námið á www.hr.is
Við lagadeild HR er í boði metnaðarfullt og nútímalegt laganám, sem miðar að því að
útskrifaðir nemendur verði framúrskarandi lögfræðingar og í fremstu röð á sínu sviði.
Hlutverk lagadeildar HR er að skapa og miðla þekkingu í umhverfi sem hvetur til
frumkvæðis, gagnrýninnar hugsunar og vísindalegra vinnubragða og auka þannig
lífsgæði og samkeppnishæfni í samfélaginu.
Lagadeild HR er brautryðjandi í nútímavæðingu laganáms hér á landi, hvort sem litið
er til skipulags námsins, kennsluaðferða eða þeirra miklu krafna sem gerðar eru til
nemenda á öllum námsstigum.
Grunnnámið tekur 3 ár og að því loknu gefst nemendum kostur á 2ja ára framhalds-
námi til meistaraprófs í lögfræði.
Kynntu þér spennandi og krefjandi laganám við Háskólann í Reykjavík á vef lagadeildar,
www.lagadeild.is.
Það ólgar undir og fólk
skrifar undir af ýmsum
ástæðum, bæði vegna náttúru-
verndarsjónarmiða og einnig
að þjónustusamningurinn við
Landsvirkjun fór illa í marga.
SVANHVÍT HERMANNSDÓTTIR
ÍBÚI Í FLÓAHREPPI
ORKUMÁL Meirihluti íbúa Flóa-
hrepps átján ára og eldri skorar á
sveitarstjórn hreppsins að endur-
skoða ákvörðun sína um að setja
Urriðafossvirkjun í Þjórsá inn á
aðalskipulag hreppsins. Sveitar-
félagið er betur sett án virkjunar-
innar, að mati þeirra sem rita nafn
sitt undir áskorunina.
Alls rituðu 216 íbúar Flóahrepps
undir áskorunina en þeir eru 424
alls sem eru átján ára og eldri.
Undirskriftalistinn var afhentur
sveitarstjóra Flóahrepps í gær, að
undirlagi félagsskaparins Sól í
Flóa, en kjörnir fulltrúar voru ekki
viðstaddir.
Svanhvít Hermannsdóttir, íbúi í
Flóahreppi, segir að í ljósi þess að
meirihluti íbúa hafi skrifað undir
áskorunina séu bundnar vonir við
að kjörnir fulltrúar í sveitarstjórn
taki tillit til óska þessa stóra hóps.
„Það ólgar undir og fólk skrifar
undir af ýmsum ástæðum, bæði
vegna náttúruverndarsjónarmiða
og einnig að þjónustusamningur-
inn við Landsvirkjun fór illa í
marga. Það eru spurningar sem
ekki hefur verið svarað eins og
með laxastofn árinnar og jarð-
skjálftahættu. Það er mikil undir-
alda út af þessu máli, það er stað-
reynd.“
Aðalsteinn Sveinsson, oddviti
Flóahrepps, segir að fullt tillit
verði tekið til áskorunarinnar í
þeirri skipulagsvinnu sem fram-
undan er vegna virkjunarinnar en
plaggið hafi hann ekki séð ennþá.
„Við skoðum málið og fjöllum um
þetta á eðlilegan hátt.“ - shá
Íbúar Flóahrepps skora á sveitarstjórn að hætta við fyrirhugaða Urriðafossvirkjun:
Meirihlutinn hafnar virkjun
NEYTENDAMÁL „Í byrjun mánaðar-
ins komumst við að því að heima-
síminn hefði verið dauður í ein-
hvern tíma en nettengingin í lagi.
Það hefur komið fyrir áður að
tenging sé léleg út af „router“ hjá
símafyrirtækinu en þetta var búið
að vera óvenjulengi svo að við
ákváðum að hringja í Hive,“ segir
Þórunn Hjaltadóttir bakari.
Sá sem tók við símtalinu hjá
Hive sagðist ætla að ganga í málið
en ekkert gerðist fyrr en mánu-
daginn 7. apríl að hringt var með
þær upplýsingar að Hive hefði
borist tilkynning um færslu á
heimasímanum yfir til Símans og
þar af leiðandi lokað fyrir tenging-
una.
„Við báðum aldrei um það,“
segir hún. „Hive sagðist ætla að
laga þetta eins og skot og setja
okkur í forgang með að tengja
þetta strax.“
Eftir margar hringingar fram
og til baka „komumst við loksins í
símasamband aftur 16. apríl. Ég
sagði símafyrirtækjunum frá því
að öryggiskerfið okkar tengt
heimasímanum hefði legið niðri á
þessum tíma og greiðslur þangað
farið í súginn en hvorugt síma-
fyrirtækið vill bæta okkur skað-
ann. Þau fría sig allri ábyrgð,“
segir hún en útilokar ekki að hún
fái einhverjar bætur frá Hive.
Þórunn segir málið allt „fárán-
legt“. „Síminn gat sagt upp áskrift-
inni án þess að hringja í okkur og
fá það staðfest. Svo uppgötvuðum
við seinna að Hive hafði slitið teng-
ingunni og þá var það búið að vera
þannig í einhvern tíma. Hive setti
okkur í forgang og sá forgangur
tók tvær vikur.“
Þórunn fékk engar skýringar
eða afsökunarbeiðni fyrr en eftir
að blaðamaður Fréttablaðsins
spurðist fyrir um málið hjá Síman-
um.
Linda Waage, blaðafulltrúi Sím-
ans, segir að sér sýnist á öllu að
um „mannleg mistök í innslætti á
símanúmeri sé að ræða, fyrir mis-
tök hafi númerið verið aftengt og
svo þegar kom í ljós misræmi í
endastaf á númeri hafi verið haft
samband við hana, flýtimeðferð
sett í gang og allt tengt aftur. Sím-
inn hafi frétt af þessu í kringum
10. apríl og sambandi hafi verið
komið á 16. apríl.
Hermann Jónasson, forstjóri
Hive, segir að Síminn beri ábyrgð
á því sem gerðist þar sem hann
hafi óskað eftir aftengingu. Míla,
dótturfyrirtæki Símans, sjái um að
tengja og aftengja símann og gefi
sér sjö til tíu daga til þess. „Við
viljum gjarnan hafa þetta styttri
tíma en getum ekki stjórnað því,“
segir hann. ghs@frettabladid.is
Sími fluttur
án vitundar
eigandans
Síminn tilkynnti óumbeðinn að viðskiptavinur
hefði flutt viðskipti til Símans. Hálfan mánuð tók
að fá tengingu. Öryggiskerfi heimilisins lá niðri.
SÍMINN HAFÐI
SAMBAND
Síminn hafði samband við Þórunni
eftir að blaðamaður leitaði eftir
viðbrögðum Símans. Starfsmaður
Símans bauðst til að láta gjaldið
á GSM-símanum hennar falla
niður næst, baðst afsökunar og gaf
útskýringu á þeim mistökum sem
áttu sér stað.
FINNLAND Stöðugt fleiri standa í
biðröðum á höfuðborgarsvæðinu
og á öðrum svæðum í Finnlandi
til að fá ókeypis mat. Þeir sem
dreifa matnum segja að fjöldinn
hafi aukist verulega upp á
síðkastið.
Heikki Hursti, sjálfboðaliði í
Helsinki, segir að meira en 1.000
menn hafi komið á hverjum degi
síðustu vikur. Fyrir nokkrum
árum hafi fjöldinn aðeins verið
300-400 og að fjöldinn hafi verið
600-700 í byrjun þessa árs. - ghs
Fátækir í Finnlandi:
Stöðugt fleiri í
röð eftir mat
Hreinn Haraldsson hefur verið settur
vegamálastjóri til eins árs, frá 1. maí.
Hann hefur undanfarið gegnt starfi
framkvæmdastjóra þróunarsviðs
Vegagerðarinnar.
STJÓRNSÝSLA
Settur vegamálastjóri
GREIÐSLURNAR Í SÚGINN Þórunn Hjaltadóttir bakari lenti í því um síðustu mán-
aðamót að heimasímanum hennar var lokað á þeim forsendum að hún hefði flutt
viðskipti sín til Símans – en án þess að hún hefði beðið um það. Þegar hún kannaði
málið kom í ljós að Síminn hefði tilkynnt til Hive – óbeðinn – að númerið hefði verið
flutt til Símans. „Mannleg mistök“ segir blaðafulltrúi Símans. FRÉTTABLAÐIÐ/ANTON BRINK