Fréttablaðið - 25.04.2008, Side 66
34 25. apríl 2008 FÖSTUDAGUR
tonlist@frettabladid.is
TÓNNINN GEFINN
Steinþór Helgi Arnsteinsson
Skærasta nýstirnið í popp-
heiminum það sem af er
ársins 2008 er án efa velska
soulpopp-undrið Duffy,
en fyrsta platan hennar,
Rockferry, mokast út þessa
dagana. Trausti Júlíusson
skoðaði Duffy.
Það er greinilegt að velska söng-
konan Duffy hefur eitthvað sem
fólk kann að meta. Smáskífulagið
hennar Mercy fór beint á toppinn í
Bretlandi áður en smáskífan sjálf
kom í verslanir og fyrsta stóra
platan hennar, Rockferry, hefur á
þeim fáu vikum sem eru liðnar frá
því að hún kom út selst í yfir millj-
ón eintökum.
Frá krummaskuði í Norður-Wales
Aimee Anne Duffy er fædd 23.
júní 1984 í Gwynedd í Wales. Hún
ólst upp í smábænum Nefyn í
Norður-Wales sem er það afskekkt-
ur að þangað berast plötur seint
og illa. Sagan segir að Duffy hafi í
æsku horft mikið á myndbands-
spólur sem pabbi hennar átti með
Ready Steady Go! tónlistarþáttun-
um sem voru vinsælir í Bretlandi
á sjöunda áratugnum. „Þar sá ég
Bítlana, Stones, Walker Brothers,
Sandy Shaw og Millie að syngja
My Boy Lollipop,“ segir Duffy, en
þættirnir höfðu mikil áhrif á
hana.
Kynnt fyrir Bernard Butler
Þegar Duffy var fimmtán ára hóf
hún að syngja með hinum og þess-
um hljómsveitum í Nefyn. Hún
tók þátt í velskum Idol-þætti árið
2003 og lenti í öðru sæti. Ári seinna
hitti hún núverandi umboðsmann
sinn, Jeannette Lee, sem er einn af
eigendum og stjórnendum Rough
Trade-plötufyrirtækisins, en var
áður tónlistarmaður og m.a. með-
limur í Public Image Ltd.
Jeannette sá strax mikla hæfi-
leika í Duffy og kynnti hana í
ágúst 2004 fyrir fyrrum Suede-
gítarleikaranum Bernard Butler.
Butler hreifst líka af stelpunni og
úr varð að hann samdi með henni
nokkur lög og stjórnaði upptökum
á stórum hluta af Rockferry-plöt-
unni.
„Hin nýja Amy“
Duffy gerði samning við Polydor-
fyrirtækið og fyrsta smáskífan,
Rockferry, kom út í nóvember sl. Í
sama mánuði kom hún fram í sjón-
varpsþætti Jools Holland, Later
og eftir frammistöðuna þar var
hún orðin sjóðandi heit, fékk m.a.
viðurnefnið „hin nýja Amy (Wine-
house)“ í bresku pressunni. Sjálf
er hún ekkert sérstaklega hrifin
af þeirri samlíkingu. Hún mundi
frekar vilja fá viðurnefnið „hin
nýja Dusty Springfield“.
60’s stemning
Tónlist Duffy er bjart og vel unnið
soul-popp og reyndar mjög ólík
tónlist Amy Winehouse. Það er
mikil 60’s stemning yfir Rock-
ferry-plötunni. Hún minnir í senn
á Motown-soul, stelpupoppið hans
Phil Spector og fyrrnefnda Dusty
Springfield. Duffy hefur skæra og
sterka söngrödd sem setur sterk-
an svip á tónlistina. Hljómurinn á
plötunni er mjög flottur og það
sama má segja um útsetningarnar
sem stundum vísa beint í soul-
popp smelli sjöunda áratugarins.
Duffy hefur hæfileika, á því leik-
ur enginn vafi. Tíminn sker svo úr
um það hvernig henni tekst að
nýta þá.
Einstök söngrödd
Morðingjarnir hafa vakið verðskuldaða athygli
fyrir aðra plötu sína, Áfram Ísland! Hún kom
nýverið út hjá Kimi Records á Akureyri og er full
af borðleggjandi partípönki. Textarnir eru berorðir
og blátt áfram og fjalla um fremur pönkaða hluti
eins og eiturlyfjasjúklinga og græðgi. Haukur
Viðar Alfreðsson, söngvari og gítarleikari, er þó
lítið ógnvekjandi dags daglega.
„Æi, ég er bara þessi steríótýpa af íslenskum
hljómsveitargaur og starfa á leikskóla,“ segir
hann. „Ég veit að þetta er voða mikið 1997-
eitthvað, en þetta er bara svo skemmtileg vinna.
Konurnar eru ánægðar með hljómsveitina og það
er enginn að tuða yfir nafninu. Fólk náttúrlega sér
mann ekki sveittan og æpandi.“
Morðingjarnir halda útgáfutónleika sína í kvöld í
Iðnó. Einnig koma fram Sudden Weather Change
og Reykjavík! Herlegheitin hefjast um kl. 22.
Platan verður á tilboði sem og bolir með textabrot-
um Morðingjanna. „Á einum stendur „Áfram
Ísland! Sýnum hvað í okkur býr“ en hinn er
rosalega dónalegur. Á honum stendur „Hvítt rusl,
svona gerist þegar maður ríður systur sinni“. Þessi
dónalegi hefur verið miklu vinsælli til þessa. En
það er deginum ljósara að ég mæti ekki í honum í
vinnuna.“
Haukur segir hljómsveitina ætla að spila sem
mest í sumar. „Það er samt eiginlega ekki hægt að
segja neitt kúl um okkur eins og er. Einn okkar er
að fara að eignast barn og annar er að fara að gifta
sig. Hann ætlar reyndar að gera það í Las Vegas
svo það er smá kúl.“ - glh
Morðingi vinnur á leikskóla
ÚTGÁFUTÓNLEIKAR Í IÐNÓ Í KVÖLD Morðingjarnir. Haukur
lengst til hægri.
HIN NÝJA DUSTY SPRINGFIELD Velska soul-popp stjarnan Duffy á framtíðina fyrir sér.
> Plata vikunnar
Moby – Last Night
★★★
„Á Last Night er Moby
búinn að kveðja stemnings-
fulla stofupoppið og kominn
aftur út á dansgólfið á ágætri
plötu sem sækir í danstónlist
síðustu tveggja áratuga.“
TJ
Vandi tónlistarheimsins í kjölfar stafrænu byltingarinnar er öllum ljós.
Fólk, sérstaklega í yngri kantinum, er hætt að kaupa tónlist á löglegan
hátt og halar henni þess í stað niður af netinu. Geisladiskabúðum fer ört
fækkandi víða um heim og úrvalið minnkar um leið.
Samt sem áður hefur útgáfa tónlistar sjaldan eða
aldrei verið meiri. Stafræna byltingin hefur skapað
önnur tækifæri til að hagnast á tónlist en geisladiska-
sala heldur samt áfram að dragast saman.
Fyrr í vikunni birti Fréttablaðið grein um aukna
vínylútgáfu hjá íslenskum tónlistarmönnum. Það er
auðvitað frábært að fjölbreytni sé í íslenskri
tónlistarútgáfu og að menn sjái hag sinn í því að gefa
út bæði á vínyl og plastdiski. En fyrst að vínyl-
plötusala er alltaf að glæðast á sama tíma og geisla-
diskasala dvínar, markar það dauða geisladisksins?
Sjálfur er ég af þeirri kynslóð sem var alin upp í þeirri trú að geisla-
diskurinn væri besta uppfinning sögunnar. Ég hóf samt sem áður að safna
vínylplötum strax í grunnskóla. En er þeim var öllum stolið úr félagsmið-
stöðinni minni ákvað ég að snúa mér eingöngu að geisladiskum (auk þess
var ég farinn að hallast meira að rokktónlist og plötur með Korn voru ekki
beint aðgengilegar á vínyl). Ég sé enn í dag eftir þessari ákvörðun. Samt
hef ég aldrei aftur ákveðið að hefja aftur vínylsöfnun. Mér þótti það
einfaldlega of dýrt.
Nú veit ég hins vegar ekki hvað ég á að gera. Plötuspilarar sem hægt er
að tengja við tölvu eru komnir á markað, allir eru farnir að gefa út aftur á
vínyl og svo má auðvitað ekki gleyma því hversu svalt það er að hlusta á
vínyl. Og um það snýst auðvitað tónlistarsöfnun, að vera svalur. Ekki satt?
Síðan er önnur spurning. Mun geisladiskurinn einhvern tímann fá retro-
stimpilinn á sig? Verður þá allt í einu aftur svalt að eiga geisladiska?
Jú, ég held að það sé bara málið að smella sér á einn USB-plötuspilara
og hefja vínylsöfnun á ný, með tilheyrandi ferðum í Kolaportið og
þvíumlíku. Ég mun þó enn halda í geisladiskinn. Mikilvægast af öllu er þó
að halda lífi í plötusöluna (og söfnunina), alveg sama af hvaða meiði hún
er. Reyndar er hún miklu skemmtilegri á föstu formi en sem eitthvert
skjal í tölvu. En kaupum nú tónlist og höldum henni á lífi.
Vandi plötusafnarans
The Edge, gítarleikari U2, ætlar að gefa tvo
Gibson-gítara auk muna úr einkasafni sínu
til góðgerðarsamtakanna Music Rising. The
Edge átti þátt í stofnun samtakanna, sem
hafa það að markmiði að verða sér úti um
hljóðfæri í stað þeirra sem týndust eða
eyðilögðust í fellibylnum Katrina. „Það er
ákveðinn kraftur sem fylgir því að tónlist-
armenn gefi hljóðfæri sín á uppboð til að
hjálpa öðrum tónlistarmönnum sem eiga
erfitt uppdráttar,“ sagði The Edge, sem
heitir réttu nafni David Evans.
The Edge stofnaði samtökin árið 2005
ásamt upptökustjóranum Bob Ezrin og
Henry Juszkiewiz, stjórnarformanni
Gibson, eftir að Katrina gekk yfir New
Orleans. „Margir tónlistarmenn þurftu að
yfirgefa borgina og skilja hljóðfærin sín og
plötusöfn eftir,“ sagði The Edge. Hingað til
hafa samtökin safnað hljóðfærum og
ýmsum öðrum búnaði fyrir 2.700 atvinnu-
tónlistarmenn og fimmtíu þúsund nemend-
ur og kirkjusöfnuði.
Upptökur á næstu plötu U2 standa nú yfir
í Írlandi en óvíst er hvenær hún kemur út.
The Edge gjafmildur
THE EDGE OG BONO The Edge stofnaði góðgerðar-
samtökin Music Rising árið 2005.
> Í SPILARANUM
Flight of the Conchords - Flight of the Conchords
The Last Shadow Puppets - The Age of the Understatement
The Ruby Suns - Sea Lion
Ýmsir - Rokkland 2007
Supergrass - Diamond Hoo Ha
FLIGHT OF THE
CONCHORDS SUPERGRASS
Nýr vefur » Á hvað ert þú að hlusta?
„Sextán
og þú skalt sjá
mig í bíó...“
- 16, Grafík, Höf: Helgi Björnsson