Fréttablaðið - 28.04.2008, Blaðsíða 30
● fréttablaðið ● híbýli-eldhús 28. APRÍL 2008 MÁNUDAGUR10
Kaffidrykkja á sér nokkuð
langa og skemmtilega sögu
en kaffi er vinsæll drykkur um
allan heim og þekkist í ýmsum
útgáfum.
Kaffidrykkju má rekja allt aftur
til 9. aldar, þegar kaffi uppgötvast
í Eþíópíu. Þaðan breiddist kaffi-
drykkja til Egyptalands og Yemen.
Arabar voru svo fyrstir þjóða til
að neyta kaffis í þeirri mynd sem
við þekkjum í dag og á 15. öld var
kaffi orðið þekkt í Persíu, Tyrk-
landi og í Norður-Evrópu. Ítal-
ir voru síðan fyrstir Evrópuþjóða
til þess að tileinka sér þennan sið,
sem barst um Evrópu þvera og
endilanga, og til Ameríku þar sem
kaffi nýtur mikilla vinsælda.
Frá því að kaffidrykkja hófst
hefur kaffi oft gegnt mikilvægu
samfélagslegu hlutverki en það
hefur þó ekki alltaf verið litið já-
kvæðum augum. Kaffidrykkja
var til að mynda notuð við trúar-
legar athafnir í Afríku og Yemen
og var af þeirri ástæðu bönnuð á
tímabili af kirkjuyfirvöldum í Eþ-
íópíu. Pólitískar ástæður réðu því
einnig að kaffidrykkja var bönn-
uð í Tyrklandi á 17. öld og eins um
tíma á Englandi þar sem kaffi var
bendlað við hina ýmsu ófriðar-
seggi. Drykkurinn var líka litinn
hornauga af sendiboðum kirkjunn-
ar sem þótti hann vægast sagt var-
hugaverður, enda kominn frá mús-
limum. Þótt ótrúlegt megi virðast
er kaffidrykkja enn illa séð innan
ákveðinna trúarhópa og má það
sjálfsagt að einhverju leyti rekja
til helgiathafnanna sem hún var
bendluð við.
Flestir eru þó á öðru máli og er
kaffi eftirsóttur drykkur um allan
heim. Er það fáanlegt í ýmsum
tilbrigðum, svo sem cappuccino,
espresso, latté, mokka og america-
no, og síðan óteljandi undirflokk-
um. Sjá www.wikipedia.org.
Smelluform er ómissandi í eldhúsinu. Þegar gerðar eru ostakökur er gott
að eiga smelluform og eins þegar bakaðar eru blautar kökur eins og gul-
rótarkökur.
Smelluform fást í öllum stærðum í dag. Fyrirtak er að eiga þau í að
minnsta kosti þremur stærðum.
Tilvalið er að setja deigið í eitt stórt form og annað minna þegar ein
uppskrift er bökuð. Þá er hægt að gæða sér til dæmis á annarri kökunni
og eiga hina til góða.
Heimabökuð kaka á fallegum diski er
dásamleg tækifærisgjöf til að taka með
í heimsókn til vina og ættingja. -vg
Ómissandi í eldhúsinu
Gott er að eiga smelluform og ekki sakar að
eiga þau í nokkrum stærðum.
Smelluform koma að góðum notum við gerð gulrótar- og ostaköku. NORDICPHOTOS/GETTY
Kaffi er víðast hvar vinsæll drykkur en sums staðar er kaffidrykkja litin hornauga.
Mokkakannan er snilldartæki í
eldhús kaffiunnandans. Algeng-
ur misskilningur er að fólk þurfi
að eiga tugþúsunda króna kaffi-
vélar til þess að laga gott kaffi.
Með mokkakönnunni er hægt að
útbúa espressókaffi, cappucc-
ino og venjulegt kaffi en þá er
bara að hafa minna kaffimagn í
kvörninni.
Best er að hafa vatnið
sem sett er í könnuna kalt.
Kaffið á að vera miðlungs-
malað og kröftugt. Hiti er
stilltur á hæsta straum.
Best er að þvo könn-
una einungis með
vatni og nota aldrei
sápu.
Mjólkurþeytar-
inn, eða freyðikann-
an, er ómissandi
fylgihlutur mokka-
könnunnar. Auð-
veldara er að láta
mjólkina freyða en
margur heldur þar
sem nýmjólk freyðir vel. Soja-
mjólk gerir það líka.
Vinsælt er að nota bragðteg-
undir út í mjólkurkaffið eins og
vanillusíróp og karamellusíróp. -vg
Arabar drukku fyrst kaffi eins og við
þekkjum það.
Góðgæti galdrað fram
Margir vilja hefja daginn með vel löguðum kaffibolla. NORDICPHOTOS/GETTY
Eftirsótt um allan heim
Mokkakanna og
freyðikanna.