Fréttablaðið - 28.04.2008, Blaðsíða 50
18 28. apríl 2008 MÁNUDAGUR
timamot@frettabladid.is
Ástkær móðir okkar, amma, dóttir og
tendamóðir,
Sigríður Kristinsdóttir
lést sunnudaginn 20. apríl. Útför fer fram frá
Fríkirkjunni í Reykjavík þriðjudaginn 29. apríl kl.
15.00.
Kristinn S. Sæmundsson Verity Sharp
Gunnar S. Sæmundsson Sigríður G. Ásgeirsdóttir
Hörður Sæmundsson Margrét Lárusdóttir
Jóhanna Svanhvít Júlíusdóttir
og barnabörn.
Okkar ástkæri
Valdimar Óskar Jónsson
loftskeytamaður,
verður jarðsunginn frá Áskirkju
þriðjudaginn 29. apríl kl. 11.00.
Blóm og kransar eru vinsamlega afþakkaðir
en þeim sem vildu minnast hans
er bent á reikning 0315-13-304040 kt: 041167-3279
til styrktar Grensásdeild LSH.
Jóna Margrét Guðmundsdóttir
Guðmundur St. Valdimarsson Hjördís Kvaran Einarsdóttir
Ragnheiður Valdimarsdóttir Gunnar Skúli Guðjónsson
Davíð Þór Valdimarsson Erla Dögg Ragnarsdóttir
Margrét Valdimarsdóttir Ormar Gylfason Líndal
og barnabörn.
Elskulegur eiginmaður minn, faðir okkar,
stjúpfaðir, tengdafaðir, afi og langafi,
Þórhallur Guðmundsson
sjómaður
sem lést á hjúkrunarheimilinu Hrafnistu föstudaginn
18. apríl, verður jarðsunginn frá Bústaðakirkju þriðju-
daginn 29. apríl kl. 15.00.
Steinunn Egilsdóttir
Berglind Þórhallsdóttir Ragnar J. Guðjónsson
Hafsteinn G. Þórhallsson
Hafþór R. Þórhallsson Margrét Guðmundsdóttir
Eygló S. Stefánsdóttir Þórhallur Sveinsson
barnabörn og barnabarnabörn.
Elskuleg móðir okkar, tengdamóðir, amma
og langamma,
Lára J. Sigurðardóttir
sem andaðist þann 24. apríl sl. á Hjúkrunarheimilinu
Skógarbæ, verður jarðsungin frá Fossvogskirkju mið-
vikudaginn 30. apríl kl. 11.00.
Sigurður Karlsson Unnur Laufey Jónsdóttir
Ásmundur Karlsson Guðbjörg Alfreðsdóttir
Guðríður Karlsdóttir Guðni Eyjólfsson
Hólmfríður Karlsdóttir Friðrik Sigurgeirsson
ömmubörn og langömmubörn.
JESSICA ALBA ER 27 ÁRA Í DAG
„Mín kenning er að með
nógu sjálfsöryggi geti maður
hvað sem er, jafnvel þegar
maður hefur ekki hugmynd
um hvað maður er að gera.“
Leikkonan Jessica Alba er
fædd í Kaliforníu en hún er
af mexíkóskum, frönskum og
dönskum ættum.
MERKISATBURÐIR
1237 Bæjarbardagi er háður að
Bæ í Borgarfirði og rúm-
lega þrjátiu manns láta
lífið.
1819 Tukthúsið í Reykjavík
verður embættisbústaður
stiftamtmanns.
1920 Aserbaídsjan verður hluti
af Sovjetríkjunum.
1945 Benito Mussolini og Clara
Petacci ástkona hans eru
tekin af lífi.
1969 Charles de Gaulle lætur
af forsetaembætti í Frakk-
landi.
1990 Axl Rose úr Guns and
Roses kvænist Erin Everly.
2001 Bandaríski milljónamær-
ingurinn Dennis Tito verð-
ur fyrsti geimferðamaður í
heimi.
SAMFOK, samtök foreldrafélaga og
foreldraráða í grunnskólum Reykja-
víkur, var stofnað árið 1983 og fagnar
því tuttugu og fimm ára starfsafmæli
um þessar mundir.
„Sambandið er meðal fyrstu for-
eldrasamtaka landsins og starfa ein-
ungis í Reykjavík. Síðan hafa til dæmis
bæst í hópinn Heimili og skóli sem eru
landssamtök foreldra og önnur svæða-
sambönd,“ segir Hildur Björg Haf-
stein, formaður SAMFOK. Hún hefur
starfað með samtökunum síðastlið-
in fjögur ár í sjálfboðavinnu og á sjálf
fjögur börn á öllum skólastigum.
„Ástæðan fyrir stofnun SAMFOK
var þörf á sameiginlegum vettvangi
fyrir hagsmuni foreldra skólabarna.
Staður þar sem raddir þeirra öðluðust
ákveðinn hljómgrunn. Þarna voru for-
eldrar farnir að starfa heilmikið í for-
eldrafélögum skólanna og því kjörið
tækifæri til að taka höndum saman,“
útskýrir Hildur Björg, sem segir mikl-
ar breytingar hafa orðið á samstarfi
foreldra og skóla.
„Síðastliðin ár hafa foreldrar komið
mikið inn í skólastarfið. Áður var þetta
aðskilið en í dag lítur skólinn á for-
eldra sem mikilvægar stoðir fyrir far-
sælt starf,“ segir hún og heldur áfram:
„Fyrstu markmiðin voru að byggja
traust milli foreldra og skóla. Þá helst
að styrkja foreldra og gera þá örugg-
ari í sínu starfi. Þetta höfum við gert
meðal annars með námskeiðahaldi og
fræðslu sem hefur tekist mjög vel.
Enda viðhorfin allt önnur í dag.“
Árangur af þessu starfi segir Hild-
ur einnig mega sjá í framhaldsskólum
í dag.
„Foreldrafélög framhaldsskólanna
eru sýnilegasti árangur af þessu starfi.
Þegar foreldrar voru búnir að festa sig
í sessi í grunnskólum fóru þeir í fram-
haldsskólana. Enda hafa þeir mikinn
áhuga á námi barna sinna, þrátt fyrir að
þau séu komin í framhaldsskóla. Sama
má segja um framhaldsskólana sem
hafa mikinn áhuga og taka þessu sam-
starfi vel. Þar er einnig reynt, eins og
á grunnskólastigi, að styrkja og fræða
báða aðila,“ segir Hildur og nefnir
einnig rannsóknir um virka þátttöku
foreldra í skólastarfi barna sinna.
„Þeir nemendur sem njóta samstarfs
foreldra og skóla fá að jafnaði meira út
úr sinni skólagöngu. Þetta eru einnig
óbein áhrif því önnur börn njóta sam-
starfsins líka.
Ekki bara börn þeirra foreldra sem
eru virk,“ segir hún og nefnir einn-
ig þátttöku SAMFOK í menntastefnu
borgarinnar. „Við erum áheyrnaraðili
í menntaráði borgarinnar, sem sýnir
líka hversu mikið samtökin hafa vaxið
og geta gert.“
Framundan er aðalfundur 14. maí í
Hlíðaskóla og þar verður einnig boðið
upp á skemmtilegan fyrirlestur í til-
efni afmælisársins. „Við ætlum að fá
til okkar Sigurjón Þórðarson, ráðgjafa
hjá Capacent, sem mun halda erind-
ið Tímastjórnun reykvísks ofurfor-
eldris, enda ekki vanþörf á. Einnig er
framundan málþing í haust í tilefni af
afmælinu, en það verður auglýst sér-
staklega þegar að því kemur.“ Allar
nánari upplýsingar er að finna á www.
samfok.is.
rh@frettabladid.is
SAMFOK: SAMTÖK FORELDRAFÉLAGA OG FORELDRARÁÐA Í GRUNNSKÓLUM REYKJAVÍKUR
Tuttugu og fimm ár frá stofnun
AFMÆLI Hildur Björg Hafstein, formaður SAMFOK, segir mikinn árangur hafa hlotist af því starfi sem samtökin hafi unnið síðustu 25 ár.
FRÉTTABLAÐIÐ/ARNÞÓR
AFMÆLI
HARPER LEE
RITHÖFUND-
UR
er 82 ára.
TERRY PRAT-
CHETT RIT-
HÖFUNDUR
er 60 ára.
JAY LENO
ÞÁTTASTJÓRN-
ANDI
er 58 ára.
PENÉLOPE
CRUZ LEIK-
KONA
er 34 ára.
JOHN DALY
KYLFINGUR
er 42 ára.
JORGE GARCIA
LEIKARI
er 35 ára.
Hersetu Bandaríkjamanna í Japan lauk á þessum
degi árið 1952 með undirritun friðarsamninga
milli þjóðanna tveggja.
Bandaríski hershöfðinginn Douglas MacArthur
hafði gert róttækar breytingar á valdauppbygg-
ingu herliðsins árið 1949 með þeim afleiðing-
um að vald japanskra stjórnvalda jókst að nýju.
Athygli MacArthurs og Hvíta hússins beindist að
sama skapi í síauknum mæli að Kóreustríðinu
sem flýtti fyrir endalokum hersetunnar.
San Fransisco-friðarsamningurinn, sem var
undirritaður 8. september árið 1951, markaði
lokin á hersetu Bandamanna í Japan. Japan varð
aftur sjálfstætt ríki þegar samningnum var hrint í
framkvæmd 28. apríl árið 1952. Undantekningar
þar á voru Iwo Jima, sem var áfram undir stjórn
Bandaríkjamanna til ársins 1968, og Okinawa,
sem laut stjórn þeirra allt til ársins 1972.
Enn eru í kringum 47.000 starfsmenn á vegum
bandaríska hersins í Japan en þeir eru þar í boði
japanskra stjórnvalda.
ÞETTA GERÐIST: 28. APRÍL 1952
Hersetu Bandaríkjamanna í Japan lýkur