Fréttablaðið - 30.04.2008, Blaðsíða 54

42 30. apríl 2008 MIÐVIKUDAGUR
1
6 7 8
10
13
119
12
15
16
18
21
20
17
14
19
2 3 4 5
MORGUNMATURINN
„Ég er mikill morgunmaður og
morgunmaturinn er mér því
mikilvægur, en hann sam-
anstendur af súrmjólk, múslí og
banönum að ógleymdu rót-
sterku, svörtu kaffi sem ég drekk
á meðan ég les blöðin.“
Ari Kristinsson kvikmyndaleikstjóri.
„Maður verður bara að velja það
sem er best fyrir sýninguna en
ekki vera að hugsa um einhver
nöfn,” segir Gísli Örn Garðars-
son. Gamla Bond-pían Honor
Blackman hlaut ekki náð fyrir
augum leikstjórans og verður því
ekki hluti af enskri uppfærslu á
söngleiknum Ást, sem frumsýnd-
ur verður þann 29. maí í Lyric
Hammersmith-leikhúsinu. Fjöldi
breskra leikara á besta aldri
mætti í prufur fyrir söngleikinn
fyrr á þessu ári, og þar var nafn
Blackman hvað þekktast á þátt-
takendaskránni. Blackman fór
með hlutverk Pussy Galore í Gold-
finger, og þótt hlutverk Bond-
stelpnanna hafi oftar en ekki fall-
ið í gleymskunnar dá er nafnið
Pussy án efa eitt af þeim eftir-
minnilegri í sögu bálksins um
breska leyniþjónustumanninn.
Enginn hörgull er hins vegar á
þekktum breskum leikurum í sýn-
ingunni, þótt nöfn þeirra komi
Íslendingum spánskt fyrir sjónir.
Gísli segist reyndar lítið hafa
kynnt sér feril þessara leikara en
breskir leikhúsáhugamenn séu
upprifnir yfir leikaravalinu og
telji hann hafa komist í feitt.
Meðal helstu leikara má nefna
Dudley Sutton sem lék aðstoðar-
mann forngripasalans Lovejoy í
samnefndum þáttum, en þeir nutu
mikilla vinsælda á Bretlandseyj-
um. Auk þess hefur Dudley verið
fastur gestur í hinum vinsælu
sápum EastEnders og er feyki-
lega virtur í breskum leikhús-
heimi. Sutton er þó ekki eina
breska sápustjarnan sem verður á
sviði Lyric Hammersmith-leik-
hússins undir stjórn Gísla því
Maria Charles, löngu fræg hjá
tjöllum fyrir leik sinn í sápunni
Coronation Street, verður einnig
meðal leikenda. Auk þeirra Sutton
og Charles verður Anna Calder-
Marshall hluti af leikhópnum, en
hún hefur verið heimilisvinur
bresku þjóðarinnar í tæp fjörutíu
ár í fjölbreyttum sjónvarpsmynd-
um og þáttum frá BBC. Ítarleg
umfjöllun var um enska Ást í
menningarkálfi Guardian á laug-
ardaginn. Gísli segist merkja það
að Vesturport eigi sér dygga fylg-
ismenn innan breska leikhússlífs-
ins, og grannt sé fylgst með hvað
leikhópurinn taki sér fyrir hend-
ur.
Að sögn Gísla hefur söngleikur-
inn verið aðlagaður að breskum
raunveruleika og því hafa íslensku
slagararnir verið látnir víkja fyrir
enskri klassík. Meðal tónlistar-
manna sem eiga lög í sýningunni
eru Nick Cave, The Streets, Arc-
tic Monkeys og Madness, auk þess
sem tónlist sukkdrottningarinnar
Amy Winehouse leikur víst stórt
hlutverk. „Þetta er sennilega í
fyrsta skipti þar sem ég veit hvað
ég er að gera. Maður byrjar oft á
byrjunarreit en veit aldrei hvar
maður endar en núna er þetta
svona tiltölulega skýrt,” segir
Gísli.
freyrgigja@frettabladid.is
GÍSLI ÖRN GARÐARSSON: SÁPUSTJÖRNUR Í BRESKRI ÚTGÁFU AF ÁST
Afþakkaði Pussy Galore
ÁST SETT UPP Í LONDON
Dudley Sutton til vinstri, fer með hlutverk í söngleiknum Ást þegar hann
verður settur upp í Bretlandi. Sutton er kunnur fyrir hlutverk sitt í Lovejoy.
Bond-pían Honor Blackman, sem lék Pussy Galore, hlaut ekki náð fyrir
augum Gísla Arnar Garðarssonar, sem er neðst til hægri.
Vor í Kaupmannahöfn!
Come2 Scandinavia er með tvær íbúðir í miðborg Kaup-
mannahafnar. Einungis 15mín gangur að Ráðhústorgi.
Þetta er frábær og ódýr lausn fyrir hópa og fjölskyldur
sem vilja hafa það gott yfir helgi eða viku í Köben.
Erum einnig með góð verð á bílaleigubílum.
Nánari upplýsingar á www.come2scandinavia.com
Sími: +45 3325 6425 • Netfang: info@come2scandinavia.com
LÁRÉTT
2. lítið 6. frá 8. átti heima 9. yfirgaf
11. málmur 12. stoðgrind 14. samfok-
in fönn 16. utan 17. knæpa 18. að 20.
bardagi 21. blóðsuga.
LÓÐRÉTT
1. slitrótt tal 3. í röð 4. gutla 5. tæki
7. pedali 10. segi upp 13. draup 15.
setja 16. erlendis 19. tveir eins.
LAUSN
LÁRÉTT: 2. lágt, 6. af, 8. bjó, 9. fór,
11. ál, 12. stell, 14. skafl, 16. út, 17.
krá, 18. til, 20. at, 21. igla.
LÓÐRÉTT: 1. tafs, 3. áb, 4. gjálfra, 5.
tól, 7. fótstig, 10. rek, 13. lak, 15. láta,
16. úti, 19. ll.
Sú saga flýgur nú fyrir að vöðva-
tröllið í Merzedes Club, Gaz-man,
vilji bæta sviðsframkomu sína. Með
það fyrir augum er hann nýverið
byrjaður að læra dans en engum
sögum fer af hvernig það gengur
– enn sem komið er.
Í kvöld munu vinnufélagar Láru
Ómarsdóttur, fyrrum fréttamanns
á Stöð 2, kveðja hana með tárum
í kveðjusamsæti á veitingastað
í miðborginni – enda Lára með
afbrigðum vinsæl á
sínum vinnustað. En
Lára mun ekki vera
lengi aðgerðarlaus,
ýmsir hafa falast eftir
kröftum hennar og
mun hún tilkynna
um nýjan vinnu-
veitanda sinn
og vinnustað á
föstudag.
Atli Gíslason alþingis-
maður er nú störfum
hlaðinn upp fyrir
haus því hann þarf
nú að sinna sínu starfi
aðstoðarmannslaus.
Heiða er í Kína og
spilar þar með hljóm-
sveit sinni Hellvari.
Furðulegs misskilnings gætir um
fortíð Sturlu Jónssonar vöru-
bílstjóra. Fréttablaðið greindi
frá því í gær að hann yrði næsta
umfjöllunarefni Jóns Ársæls
sjónvarpsstjörnu, og því að Jón
ætlaði sérstaklega að inna hann
eftir ærslatruflunum og því þegar
hann var andsetinn. Líklega hefur
komið á viðmælanda Jóns Ársæls
við þær spurningar því það var alls
ekki Sturla vörubílstjóri sem lenti
í ærsladraugafyrirbærum heldur
alnafni hans. Misskilningsins varð
fyrst vart á síðu Stefáns Pálssonar
sem reit færslu undir fyrir-
sögninni „Ærsladraugur á
þjóðveginum” og vísaði
í grein á sigurfreyr.com.
Nú er komið í ljós að um
allt annan Sturlu var að
ræða. - jbg
FRÉTTIR AF FÓLKI
VEISTU SVARIÐ
Svör við spurningum á síðu 8.
1 Grunnskólakennarar.
2 Matti Vanhanen.
3 Fúla bloggara.
Hringdu í síma
ef blaðið berst ekki
24 þjóðþekktir Íslendingar eru í aðalhlutverki í nýrri
auglýsingaherferð Umferðarstofu, Reykjavíkurborgar
og Eimskipa, Gott á haus, þar sem hvatt er til notkunar
reiðhjólahjálma í umferðinni.
Á meðal þeirra eru Þorgerður Katrín Gunnarsdóttir,
Auðunn Blöndal, Logi Bergmann, Helga Braga,
Ragnheiður Gröndal, Jói Fel, Sammi í Jagúar og
Tryggvi Guðmundsson.
Auglýsingin, sem verður birt í dagblöðum, tímaritum
og víðar á næstunni, er í óvenjulegri kantinum, því
þátttakendur voru látnir snúa á haus til að sýna fram á
hversu vel hjálmurinn passar. „Útkoman er stundum
dálítið fyndin,“ segir Birgir Hákonarson hjá Umferðar-
stofu, og játar að hugmyndin sé ekki ósvipuð þeirri og
var notuð við gerð smokkaplakatsins sem vakti mikla
athygli á sínum tíma.
Hann segir að fullorðnir þurfi að vera börnunum
sínum góð fyrirmynd í umferðinni. „Lögin segja að
allir yngri en fimmtán ára þurfi að vera með hjálm.
Maður hefur heyrt að fullorðna fólkinu finnist
hallærislegt að vera með hjálm, en það verður að láta
tískuna aðeins til hliðar því það hefur margsannað sig
að hjálmar skipta sköpum í umferðinni,“ segir hann.
Umferðarstofa ætlar einnig að hleypa af stokkunum
herferð fyrir aukinni hjólreiðanotkun. „Þetta er góður
valkostur á tímum hækkandi bensínverðs og það sakar
ekki að hjólin eru bæði umhverfisvæn og góð fyrir
heilsuna. Reykjvíkurborg hefur lagt mikið á sig til að
setja upp hjólreiðastíga og það er nánast hægt að
komast hvert sem er innan borgarmarkanna á hjólum.
Það vantar bara upp á tenginguna á milli sveitarfélag-
anna,“ segir Birgir. - fb
Þjóðþekktir auglýsa á hvolfi
SAMMI Í JAGÚAR 24 þjóðþekktir Íslendingar hvetja til notkunar
reiðhjólahjálma í nýrri auglýsingu Umferðarstofu.
„Samstarfið hefur verið alveg frábært og það
hefur allt gengið mjög vel. Ég hef ekkert undan
þeim að kvarta,“ segir Árni Sigurpálsson,
hótelstjóri á Hótel Bjarkarlundi. Undanfarnar
vikur hefur Dagvaktin sölsað undir sig staðinn
fyrir sjálfstætt framhald af hinni ofurvinsælu
Næturvakt og Árni sér til þess að engan
skorti eitt eða neitt, hvorki mat né
drykk. „Það er nú bara hinn almenni
heimilismatur sem er borinn á borð á
hverjum degi og borgarbörnin hafa
síður en svo fúlsað við honum. Þeir eru
ekkert að biðja um pylsu og kók,“
segir Árni sem er daglega með um
þrjátíu manns í mat á hverjum degi.
Þegar Fréttablaðið náði tali af
honum höfðu staðið yfir tökur um
nóttina og hópurinn því ekki mætt í hádegismat.
En um kvöldið yrði boðið upp á saltfisk með
rófum og hamsatólgi. Menn myndu síðan gera
sér dagamun á frídegi verkalýðsins, 1. maí. „Þá
verður einhver steik á boðstólum og ef það
viðrar vel þá er aldrei að vita nema maður bara
grilli,“ útskýrir Árni sem kýs íslenskt lamb ofar
öllu á grillið sitt.
Eins og kom fram í Fréttablaðinu fyrir
skömmu hefur Jón Gnarr haft það fyrir sið að
umbreytast í Georg Bjarnfreðarson, hinn
skapstygga og pirraða vaktstjóra, þegar
tökuvélarnar byrja að rúlla. Og fór
aldrei úr karakter á meðan Nætur-
vaktin var gerð í miðborg Reykja-
víkur. Hins vegar virðist sveitasæl-
an fyrir vestan hafa brætt bæði Jón
og Georg því leikarinn Gnarr hefur
leikið við hvurn sinn fingur milla
takna og er afar kurteis að sögn
Árna. „Já, hann var víst Georg allan tímann
síðast en núna er hann þeir báðir, Georg fyrir
framan tökuvélarnar en Jón þess á milli.“ - fgg
Sveitasælan bræðir Dagvaktarmenn
BLÍÐUR Jón Gnarr sýnir sitt rétta andlit á
milli takna. Hann hafði búist við að fest-
ast í hlutverki Georgs Bjarnfreðarsonar.
NÆRIR DAGVAKTINA Árni Sigurpálsson er potturinn og
pannan á bak við matinn fyrir Dagvaktina. Hann segist
bara elda venjulegan heimilismat nema þegar vel
viðrar, þá er tendrað upp í grillinu.