Fréttablaðið - 30.04.2008, Blaðsíða 2

MARKAÐURINN 30. APRÍL 2008 MIÐVIKUDAGUR2
F R É T T I R
G E N G I S Þ R Ó U N
Vika Frá ára mót um
Atorka -0,5% -25,8%
Bakkavör -1,6% -28,4%
Exista 3,5% -37,0%
FL Group -1,5% -55,5%
Glitnir 0,6% -23,5%
Eimskipafélagið -3,0% -35,7%
Icelandair -4,6% -17,1%
Kaupþing 1,3% -3,3%
Landsbankinn -0,3% -12,7%
Marel 0,8% -11,4%
SPRON -0,6% -43,2%
Straumur 7,3% -13,1%
Teymi -6,2% -36,7%
Össur 9,2% 0,9%
Miðað við gengi í Kauphöll á mánudag
Landsambandið segir í umsögn
til efnahags- og skattanefndar
Alþingis að ástand á verðbréfa-
mörkuðum kalli á frestun, auk
þess sem sjóðirnir þurfi svigrúm
til að undirbúa breytinguna.
Að óbreyttu tekur gildi í vor
frumvarp fjármálaráðherra,
sem meðal annars veitir lífeyris-
sjóðum heimild til að lána verð-
bréf sín til fjárfesta í eitt ár
eða lengur, gegn tryggingum
og þóknun. Þeir sem fá lánað
geta síðan selt bréfin, hluta- eða
skuldabréf, og grætt með því að
kaupa þau aftur á lægra verði.
Landsamband lífeyrissjóða
segir í umsögninni að það mæli
með samþykkt frumvarpsins.
Ögmundur Jónasson, for maður
BSRB, hefur varað við þessu,
þar sem menn fái bréf sjóðanna
að láni, í því skyni að rýra eign
landsmanna í lífeyrissjóðum.
Jónas Fr. Jónsson, forstjóri
Fjármálaeftirlitsins, segir í við-
tali við Viðskiptablaðið að hann
vilji kanna hvort setja eigi ramma
um skortstöðu, meðal annars
þannig að fyrir liggi hverjir það
séu sem slíkt gera. Jónas vill
ræða þessi mál við Kauphöllina
og Samtök fjármálafyrirtækja.
Eftir því sem Fréttablaðið
kemst næst hafa lífeyrissjóðirnir
einnig áhuga á að ræða þessi mál.
- ikh
Vilja fresta gildistökunni
Landsamband lífeyrissjóða vill fresta gildistöku
frumvarps sem heimilar þeim að lána allt að
fjórðung eigna sinna.
ÚR VERÐBRÉFADEILDINNI Landssam band
lífeyrissjóða vill fresta gildis töku frumvarps
sem heimilar þeim að lána verðbréf sín.
FRÉTTABLAÐIÐ/GVA
„Það hafa um 150 manns hætt í
bönkunum frá áramótum og um
helmingi þeirra hefur verið sagt
upp,“ segir Friðbert Trausta-
son, framkvæmdastjóri Samtaka
starfsmanna fjármálafyrirtækja.
Hann segir nokkuð um að fólk
hafi farið á eftirlaun, auk þess
sem fólk hafi verið ráðið tíma-
bundið, en ráðningar tíminn síðan
runnið út. Hins vegar hafi engar
holskeflur orðið í uppsögnum á
fólki í bankakerfinu. „Við frétt-
um af öllum þessum uppsögnum,
en ef fjöldauppsagnir verða ber
fyrirtækjum skylda til að gera
okkur viðvart, sem og Vinnu-
málastofnun,“ segir Friðbert.
Hann bætir við að dæmi séu um
að fólk fái góð starfslokakjör eða
fari beint í nám eftir að hafa hætt
hjá fjármálafyrirtækjum. „Það
kemur lítið inn á borð til okkar.“
Bankarnir eru flestir af þeirri
stærð að fjöldauppsögn er skil-
greind sem þrjátíu manns eða
fleiri.
Frést hefur af því að lítið sé
ráðið inn í bankana. Friðbert seg-
ist hafa tekið eftir því að Lands-
bankinn og SPRON hafi auglýst
eftir fólki. „En ég hef ekki tekið
eftir því að Glitnir eða Kaupþing
auglýsi eftir starfsfólki.“
Þá bætir Friðbert því við að
mun færri verði ráðnir til sumar-
starfa í bönkunum en undanfar-
in ár. „Þeir hafa verið duglegir
við að taka inn sumarfólk, en nú
heyrir maður að erfiðara sé að
komast inn en áður.“
Um 5.500 manns eru í samtök-
unum en auk þeirra má ætla að
um þúsund til viðbótar starfi við
fjármálaþjónustu. - ikh
Nokkur fækkun í bönkunum frá áramótum
ÚR BANKANUM Bankastarfsmönnum
hefur fækkað nokkuð það sem af er ári.
Óli Kristján Ármannsson
skrifar
„Við vinnum í þessu með Seðlabanka Finnlands
og þeir hafa komið hingað í mánuðinum og fund-
að með bönkunum,“ segir Einar Sigurjónsson, for-
stjóri Nasdaq/OMX Verðbréfaskráningar Íslands.
„Ferlið er farið í gang og kauphallaraðilar þurfa að
standa klárir á að sækja um hjá bankanum fyrir lok
maí, og upp úr því verður hægt að fara í innleiðingu
og prófanir.“
Einar segist gera ráð fyrir að hægt verði að hefja
viðskipti með hlutabréf í evrum í haust. „Sjálfsagt
verður það samt aldrei fyrr en á síðasta ársfjórð-
ungi, því allt tekur þetta sinn tíma.“
Upphaflega áttu viðskipti með hlutabréf í evrum
að hefjast 20. september í fyrra með umskráningu
bréfa Straums-Burðaráss í þá mynt. Viku fyrir þann
tíma gerði Seðlabanki Íslands hins vegar athuga-
semdir við fyrir-
komulagið og taldi lagastoð vanta til þess að loka-
uppgjör hvers dags færi í gegn um stórgreiðslukerfi
annars banka en Seðlabanka Íslands. Á þessum tíma
stóð til að Landsbanki Íslands annaðist uppgjörið til
bráðabirgða þar til Seðlabanki Finnlands tæki við á
þessu ári. Í Finnlandi vildu menn hafa ráðrúm til
að ljúka við að innleiða nýtt stórgreiðslukerfi, svo-
kallað Target2-uppgjörskerfi, áður en Kauphöll Ís-
lands bættist við.
„Seðlabanki Finnlands tók Target2-kerfið upp í
febrúar og luku þeirri innleiðingu í mars,“ segir
Einar og vonar að snurða hlaupi ekki á þráðinn á
ný. Seðlabanki Íslands er eftir sem áður umsagn-
araðili yfir greiðslukerfum sem hér eru í notkun,
enda gætu hnökrar í þeim ógnað fjármálastöðug-
leika. „En þarna förum við í greiðslukerfi Seðla-
banka Evrópu og allra seðlabanka sem nota evrur.
Ég geri ekki ráð fyrir að miklar athugasemdir verði
gerðar við það,“ segir Einar.
Þá er á borði viðskiptanefndar Alþingis frum-
varp til breytinga á lögum um rafræna eignaskrán-
ingu verðbréfa, en þar er tekið á túlkunaratriðum
þeim sem Seðlabanki Íslands benti á síðasta
haust. Ágúst Ólafur Ágústsson þing maður
og formaður viðskiptanefndar gerir ráð
fyrir að frumvarpið verði afgreitt úr
nefndinni í næstu viku og fari þá til
annarrar umræðu í þinginu. „Við
höfum kallað eftir umsögnum, þær
hafa skilað sér að mestu og verið
jákvæðar,“ segir hann og bætir við
að stefnt sé að því að lagabreyting-
in nái fram að ganga fyrir þing-
lok. „Ég á ekki von á öðru en að
það gerist.“
EVRUSPEGLUN Í KAUPHÖLLINNI
Nú hillir undir að viðskipti með hluta-
bréf í evrum fái hafist í Kauphöll Íslands
með aðkomu finnska seðlabankans að
greiðslu- og uppgjörskerfi. Myndin er
samsett.
Vinna hafin að inn-
leiðingu evrunnar
Fulltrúar Seðlabanka Finnlands funduðu með bönkum hér
í apríl. Þeir undirbúa að annast uppgjör evruhlutabréfa.
Viðskipti með evruhlutabréf hefjast líklega í haust.
Össur hf. hagnaðist um 6,7 millj-
ónir Bandaríkjadala, eða rúmar
490 milljónir króna, á fyrsta árs-
fjórðungi. Félagið birti uppgjör
í gær.
Viðsnúningur frá fyrra ári er
allnokkur þegar félagið tapaði
2,7 milljónum dala.
Jón Sigurðsson, forstjóri Öss-
urar, er að vonum ánægður með
uppgjörið og kveður vöxt góðan
hjá fyrirtækinu, bæði í Evrópu
og Asíu, en undir væntingum í
Bandaríkjunum, þar sem hann
segir að þegar hafi verið gripið
til aðgerða til úrbóta. - óká
Hagnast um
490 milljónir
Með vaxandi verðbólgu eru verðtryggðir skuldabréfasjóðir góður og traustur fjárfestingakostur. Glitnir býður fjóra slíka sjóði sem
fjárfesta bæði í ríkistryggðum sem og öðrum skuldabréfum. Kynntu þér kosti skuldabréfasjóða Glitnis. Hver þeirra hentar þér best?
Árleg nafnávöxtun m.v. sl. 12 mánuði skv. www.sjodir.is. Ávöxtun í fortíð er ekki ávísun á ávöxtun í framtíð.
Sjóður 1, 5, 7 og 11 eru verðbréfasjóðir skv. lögum nr. 30/2003 um verðbréfa- og fjárfestingasjóði. Glitnir
sjóðir er rekstrarfélag sjóðanna. Nánari upplýsingar er að fi nna á www.glitnir.is.
KYNNTU ÞÉR MÁLIÐ Á WWW.GLITNIR.IS/SJODIR EÐA HJÁ EIGNASTÝRINGU GLITNIS Í SÍMA 440 4900
NÚ ERU TÆKIFÆRI
Í VERÐTRYGGÐUM SKULDABRÉFUM
14,4%
MEÐALLÖNG
SKULDABRÉF
Fjárfestingatími 1-3 ár
SJÓÐUR 1
14,8%
MEÐALLÖNG
RÍKISSKULDABRÉF
Fjárfestingatími 1-3 ár
SJÓÐUR 5
12,7%
LÖNG
RÍKISSKULDABRÉF
Fjárfestingatími 2-4 ár
SJÓÐUR 7
12,3%
LÖNG
FYRIRTÆKJABRÉF
Fjárfestingatími 2-4 ár
SJÓÐUR 11
Bakkavör Group tapaði 12,8 millj-
ónum punda (tæpum 1,9 milljörð-
um króna) á fyrsta ársfjórðungi
2008. Á sama tíma í fyrra nam
hagnaður fyrirtækisins 9,9 millj-
ónum punda.
Greining Glitis segir að tap
fyrirtækisins megi rekja til 15,8
milljóna punda gjaldfærslu vegna
virðisbreytingar á skiptasamningi
um hluti í írska matvælafyrirtæk-
inu Greencore Group. „Eignar-
hlutur Bakkavarar í Greencore
nemur 10,9 prósentum en hluta-
bréf í írska félaginu hafa lækkað
um 19,5 prósent frá áramótum,“
segir Glitnir og kveður gjald-
færsluna hafa komið nokkuð á
óvart.
Í greiningunni kemur fram að
uppgjörið beri þess nokkur merki
að fyrirtækið hafi staðið í ströngu
á fjórðungnum, auk þess sem að-
stæður hafi verið erfiðar, með
auknum hráefniskostnaði og hækk-
andi orkuverði. Þá hafi Bakka-
vör keypti þrjú matvælafyrirtæki
á tímabilinu, bandaríska félag-
ið Two chefs on a roll, kínverska
ávaxta- og grænmetisframleið-
andann Yantai Longshun og mat-
væla- og drykkjarvöruframleið-
andinn Gastro Primo í Hong Kong
við. Þá kynnti fyrirtækið kaup á ít-
alska fyrirtækinu Italpizza þegar
fjórðungsuppgjörið var kynnt.
Velta Italpizza nam 4,9 milljörð-
um króna í fyrra. - óká
Tapa tveimur milljörðum