Fréttablaðið - 30.04.2008, Blaðsíða 22
MARKAÐURINN 30. APRÍL 2008 MIÐVIKUDAGUR14
F Y R S T O G S Í Ð A S T
07.00 Vakna um sjö. Viðurkenni að ég er meiri kvöldmaður en
morgun maður. Ég og sonur minn kíkjum á teiknimyndir og spjöllum
til hálfátta. Dagurinn hefst varla fyrr en með fyrsta kaffibollanum.
Ætlunin er að skjótast í ræktina sem fyrri daginn, en af því verður
ekki að þessu sinni.
8.30 Mættur yfirleitt í vinnu 8.30, en þessi dagur hefst með nefndar-
fundi um fjármögnun og skipulag ferðaþjónustu.
10.30 Ég hef verið að hitta starfsmenn á mínum nýja vinnustað til að
spjalla um fyrirtækið og þær breytingar sem fram undan eru. Tek
einn slíkan fund.
11.00 Fer yfir og svara tölvupósti – þarf að eyða um 2-3 tímum á dag
í þá vinnu.
12.00 Hollustan er í fyrirrúmi hjá starfsmönnum JetX í hádeginu í
Hlíðasmáranum. En ég og Palli, sölu- og markaðsstjóri, skjótumst
í þetta sinn á Þrjá Frakka og snæðum þar plokkfisk og ræðum um
ýmis mál sem fram undan eru.
14.00 Samstæðan er nú að vinna í að fara yfir tölvu- og kerfismál
– ræði við Daða sem er yfir tæknimálunum um hvað sé næst á dag-
skrá.
15.00 Kíki aftur á tölvupóstinn og svara því helsta.
16.00 Hitti Andra Má Ingólfsson, eiganda og stofnanda Primera
Travel Group, á fundi og við skrifum undir nokkra samninga um flug
sumarsins.
17.15 Kominn í skvassið með félögum mínu í Veggsporti við
Gullinbrú. Höfum spilað tvisvar í viku í æði mörg ár – alltaf jafn
gaman þótt hraðinn sé nú eitthvað farinn að minnka.
18.30 Kominn heim í kvöldmat, en samverustundin með fjölskyldunni
er í styttra lagi því ég þarf að vera mættur á fund eftir klukkutíma.
Ég og Vala eigum fjögur börn og erum nýlega orðin amma og afi.
19.30 Fundur með flugliðum um hvað fram undan sé. Starfsmenn
hafa mikinn áhuga á fyrirtækinu og það er frábært að heyra skoðanir
og hugmyndir allra.
23.00 Ég er ekki alltaf vinsæll hjá Völu þau kvöld þegar ég tek tölv-
una með mér í rúmið. Það kemur fyrir þegar lítill tími hefur verið
yfir daginn að sinna tölvupóstinum.
24.00 Kvöldmaðurinn ég hef tilhneigingu til að drolla lengur fram eftir,
en reyni þó að vera sofnaður um miðnættið. Aðalmálið er að sofa vel
og það er sem betur fer ekki vandamál – þegar ég loksins sofna.
„Hestamennska og gönguferðir
eru mín áhugamál,“ svarar
Finnur Ingólfsson, fjárfestir með
meiru, þegar hann er spurður út
í hvað hann geri helst í sínum frí-
stundum. „En hestaferð í góðum
félagsskap er toppurinn,“ segir
hann.
„Eftirminnilegasta hesta-
ferðin sem ég hef farið í var
ferð sem farin var frá Langa-
nesi til Reykjaness árið 2004.
Þetta var um 780 kílómetra löng
ferð og farnir voru um fimmtíu
kílómetrar að meðaltali á dag.
Í löngum hestaferðum skiptir
sköpum að hópurinn sé vel sam-
stilltur,“ segir hann og bætir því
við í léttu gríni til frekari skýr-
ingar „að mikilvægt sé að allir
ferðafélagarnir í hópnum séu
skemmtilegir“.
„Heima í Vík í Mýrdal var ég
mikið í hestum sem strákur,“
segir Finnur þegar hann er spurð-
ur um hvaðan brennandi áhuginn
fyrir hestum sé kominn. „Þegar
ég var í skólanum var lítill tími
fyrir hestana og má segja að
ég hafi lagt hestamennskuna til
hliðar á náms árunum. Þráðurinn
var síðan tekinn upp að nýju árið
1996 og hefur hann ekki slitn-
að síðan. Yngsta dóttirin fékk
þá brennandi áhuga fyrir hest-
unum, en þau eldri eru reyndar
orðin áhugasamari um hestana í
seinni tíð,“ segir hann.
„Þegar fyrsta folaldið er komið
finnst mér alltaf eins og vorið sé
komið,“ segir Finnur, sem er
með jörð austur á Skeiðum þar
sem hestarnir eru. Auk þess er
hann með hesta í bænum ásamt
fjórum vinum sem halda hest-
hús saman og skipta á milli sín
verkum. „Það fylgir því mikil
hvíld og afslöppun frá amstri
hversdagsins að vera í kring-
um hesta. Hestar eru gefandi
verur sem þurfa mikla athygli
og sterka umsjón. Aðalatriðið er
þó að hestamennskan er fyrst og
fremst skemmtileg.“
Gönguferðir um landið eru á
hinn bóginn áhugamál númer
tvö. Finnur og eiginkona hans
fóru á sínum tíma fimm ár í röð
í gönguferðir um Hornstrandir.
„Við höfum gengið á allar
strandirnar á Vestfjörðum og
einnig höfum við gengið nokkuð
á Austfjörðum. Þegar gengið er
um landið nær maður að skoða
það mjög vel. En mest gaman er
nú að ferðast á hestum,“ segir
Finnur og nefnir að tengslin við
náttúruna séu einfaldlega ein-
stök í þeirri kyrrð sem getur
skapast í samneyti við hrossin.
B
jarni Haukur Þórsson er hugsandi maður
sem hefur hugsað upp hvern einleikinn
á fætur öðrum. Í Hellisbúanum var við-
fangsefni Bjarna Hauks samskipti kynj-
anna í ljósi breyttra kynjahlutverka. Í
einleiknum Pabbinn tók hann fyrir föðurhlutverkið
og sem fyrr var hann þar upptekinn af kynhlut-
verkum. Nú eru það fjármál landans sem þessi
framtakssami leikari hefur tekið að sér að fjalla
um og er afraksturinn einleikurinn „Hvers virði
er ég?“.
„Góðar hugmyndir leynast víða,“ segir Bjarni
Haukur, sem var staddur í veislu með auðmönnum
þegar hugmyndin að einleiknum kviknaði. „Auð-
maðurinn einn gekk að mér og spurði mig blákalt
þeirrar spurningar: „Hvers virði ertu?“ Ég verð
að játa að ég vissi bara ekkert um hvað maðurinn
var að tala í fyrstu. Svo áttaði ég mig á við hvað
hann átti, en það var hvert virði mitt væri í verald-
legu samhengi, eins og hversu marga bíla og hús
ég ætti.“
Peningum fylgja oft sterkar tilfinningar eins og
allir vita, enda eru fjármál einstaklinga dæmi um
viðfangsefni sem er í eðli sínu viðkæmt. Í einleikn-
um Hvers virði er ég? dregur Bjarni Haukur upp
skoplegar myndir af íslenskum auðmönnum og
venjulegum meðaljónum.
Byr sparisjóður hafði áhuga fyrir að koma að
verkefninu með Bjarna Hauki sem aðalstyrktar-
aðili, en aðkoma fjármálafyrirtækis að listviðburði
eins og leiksýningu hefur vakið athygli. Algildur
boðskapur fjármálastofnana og annarra sem láta
sér annt um fjármuni er í raun einfaldur, en hann
er sá að ekki sé gæfulegt að eyða um efni fram.
Farsælast sé að gæta einhvers meðalhófs og fara
sér ekki að voða í óhóflegri eyðslu með tilheyrandi
græðgi. Og ekki er hægt að kaupa allt fyrir pen-
inga.
„Þegar draumurinn er farinn að birtast í Lögbirt-
ingablaðinu, er þá ekki kominn tími til að vakna?“
segir Bjarni Haukur og vitnar í leiktexta og nefnir
söguna um auðmanninn sem er hættur að halda upp
á afmælið sitt. „Auðmaðurinn heldur bara veislur
þegar hann fagnar nýjum sigrum í auðsöfnun,
þegar hann er ríkari í dag en í gær.“
„Viðhorf fólks til peninga hefur einkum verið
litað af einhvers konar ótta,“ bendir Bjarni Haukur
á. En með því að fjalla um fjármál einstaklinga
eins og lagt er upp með í einleiknum „Hvers virði
er ég?“ er verið að reyna að opna augu fólks fyrir
eigin fjármálum. Átakið sem Byr sparisjóður hefur
staðið fyrir frá áramótum hefur verið nefnt heilsu-
átak í fjármálum. Fjárhagur fólks er órjúfanlegur
hluti af heilsu og líðan einstaklinga enda getur það
skipt sköpum að vera með viðhorfið í lagi þegar
peningar eru annars vegar.
Virði fólks mælt í bílum
Í Salnum í Kópavogi var nýverið frumsýndur einleikurinn „Hvers virði er
ég?“ eftir Bjarna Hauk Þórsson. Vala Georgsdóttir tók Bjarna tali en honum
er sem fyrr leikstýrt af Spaugstofumanninum Sigurði Sigurjónssyni.
FJALLAR UM FJÁRMÁL LANDANS Bjarni Haukur Þórsson fékk hugmyndina að einleiknum Hvers virði er ég? þegar hann var staddur í
veislu með auðmönnum. Þar dregur hann upp skoplega mynd af íslenskum auðmönnum og venjulegum meðaljónum.
ANNASAMUR DAGUR Of mikil kyrrseta við tölvuna gerir engum gott og því kíkir Jón
Karl Ólafsson í skvass með félögunum í Veggsporti. FRÉTTABLAÐIÐ/GVA
HESTAFERÐIR TOPPURINN Finnur
Ingólfsson segir vorið komið þegar fyrsta
folaldið stígur á fætur.
GÖNGUFERÐIR Í UPPÁHALDI Þrátt
fyrir að Finni Ingólfssyni finnist gaman að
fara um landið á hestum gengur hann líka
mikið og fór eitt sinn ásamt eiginkonu
sinni um Hornstrandir fimm ár í röð.
D A G U R Í L Í F I . . .
Jóns Karls Ólafssonar forstjóra JetX/Primera Air
F R Í S T U N D I N H J Á F I N N I I N G Ó L F S S Y N I F J Á R F E S T I
Hestaferðir eru toppurinn