Fréttablaðið - 01.05.2008, Blaðsíða 56
36 1. maí 2008 FIMMTUDAGUR
Söngleikurinn Ástin er diskó, lífið
er pönk eftir Hallgrím Helgason
verður frumsýndur á Stóra sviði
Þjóðleikhússins í kvöld í leikstjórn
Gunnars Helgasonar. Verkið er
ástarsaga umvafin tíðaranda átt-
unda og níunda áratugar síðustu
aldar, en þá áttu sér stað talsverð
átök í dægurmenningu Vestur-
landa þegar pönkarar og diskó-
boltar börðust um yfirráð almenn-
ingsvitundarinnar. Í söngleiknum
fá gamlar og nýjar diskó- og pönk-
perlur að hljóma í frábærum flutn-
ingi okkar bestu listamanna.
Skyldi engan undra að tímabilið í
kringum 1980 hafi orðið leikskáld-
inu Hallgrími að yrkisefni, enda
var það um margt merkilegt í tón-
listarsögu okkar, diskóæðið var í
algleymingi og hérlend dægur-
lagatónlist litaðist af henni á sama
tíma og pönkið gerði strandhögg
og hleypti öllu í bál og brand.
Undir kæruleysislegu yfirborði
dægurmenningarinnar mátti þó
greina þjóðfélagsátök þar sem
tekist var á um þýðingarmeiri
hluti en öryggisnælur og axla-
púða.
Söguþráður verksins er á þá leið
að diskódrottningin Rósa, nýkrýnd
Ungfrú Hollywood, hittir fyrir
pönknaglann Nonna niðri á Hall-
ærisplani. Nonni og Rósa virðast
við fyrstu sýn eiga fátt sameigin-
legt, en eitthvert einkennilegt
aðdráttarafl dregur þau hvort að
öðru. Munu heildsaladóttirin fóta-
fima og hinn hugumstóri for-
söngvari Neysluboltanna ná að
sætta sín ólíku sjónarmið?
En að sögupersónum ólöstuðum
er eitt stærsta aðdráttarafl söng-
leiksins óumdeilanlega tónlistin.
Meðal slagara í söngleiknum má
nefna kaldastríðsóðinn
„Hiroshima“ eftir Bubba Morthens,
diskósmellinn „Dagar, nætur“ eftir
Jóhann G. Jóhannsson og hið sívin-
sæla „Fjólublátt ljós við barinn“
eftir Gunnar Þórðarson og Þor-
stein Eggertsson.
Tónlistarstjóri sýningarinnar,
Þorvaldur Bjarni Þorvaldsson,
hefur sjálfur samið sjö ný lög fyrir
sýninguna og auk þess státar hún
af tveimur splunkunýjum pönklög-
um sem báru sigur úr býtum í pönk-
lagasamkeppni Þjóðleikhússins og
Rásar 2 í vetur. - vþ
Ástin vinnur þrautir allar
ÓLÍKIR ÞJÓÐFLOKKAR Ljósmynd frá æfingu á söngleiknum Ástin er diskó, lífið er
pönk.
Þær Laufey Sigurðardóttir fiðluleikari og Elísabet
Waage hörpuleikari koma fram á tónleikum í
Sauðárkrókskirkju í kvöld kl. 20.30. Tónleikarnir eru
liður í Sæluviku Skagfirðinga og ber efnisskráin þar
af leiðandi sælukeim. Þær stöllur munu meðal
annars leika túlkun Louis Spohr á stefjum úr
Töfraflautu Mozarts, þekkt frönsk lög og lag eftir
Tsjaíkovskí. Að auki verða flutt nokkur íslensk
sönglög í útsetningum fyrir fiðlu og hörpu og botni
verður svo slegið í þessa glaðlegu efnisskrá með
nokkrum sígaunalögum.
Laufey og Elísabet hafa starfað saman að tónlistar-
flutningi um langa hríð og komið fram á tónleikum
bæði í Hollandi og á Íslandi. Samstarf þeirra hefur
verið gjöfult, enda hafa íslensk tónskáld samið verk
sérstaklega fyrir þær og í sumar munu þær leika á
tíunda Alheimsþingi hörpuleikara sem haldið verður
í Amsterdam. Geisladiskur með flutningi þeirra á
ýmsum verkum, bæði nýjum íslenskum og eldri
erlendum, er væntanlegur innan skamms.
Aðgangseyrir að tónleikunum er 500 kr., en eldri
borgarar og ungmenni undir átján ára aldri fá þó
frítt inn. - vþ
Sællegir tónar á Sauðárkróki
LAUFEY SIGURÐARDÓTTIR OG ELÍSABET WAAGE Koma fram í
Sauðárkrókskirkju í kvöld.
Sjónlistadagurinn er runninn upp, annað
árið í röð. Á degi þessum opna fjölmargir
íslenskir myndlistarmenn vinnustofur
sínar fyrir almenningi og bjóða þannig upp
á sjaldfengna sýn inn í daglegt starf sitt.
Samband íslenskra myndlistarmanna stendur að
Sjónlistardeginum, en segja má að tilgangur þeirra
sé tvíþættur. Annars vegar vekur dagurinn athygli á
því mikla starfi sem unnið er á vinnustofum
listamanna víðs vegar um landið og hins vegar
auðveldar hann aðgengi almennings að vinnustofun-
um. „Það eru margir sem hafa áhuga á að heim-
sækja vinnustofur myndlistarmanna og kynnast
betur því starfi sem þar fer fram, en kunna ekki við
að knýja dyra. Með því að bjóða fólki inn að fyrra
bragði náum við vonandi að svala forvitni ein-
hverra,“ útskýrir Áslaug Thorlacius, sem er í
forsvari fyrir skipuleggjendur Sjónlistadagsins.
Hátíðin fór fram í fyrsta skipti fyrir ári og var þá
samtvinnuð opnun Sjónlistamiðstöðvarinnar á
Korpúlfsstöðum. Áslaug segir almenning hafa tekið
deginum afar vel í fyrra og margir hafi nýtt sér
heimboðin á vinnustofurnar. „Ég held að fólki þyki
almennt frekar spennandi að kynnast því hvernig
myndlistarmenn vinna, enda eru margir sem sjá
þetta starf fyrir sér sem hálfgerða draumavinnu.
Starf myndlistarmannsins er þó heilmikil vinna og
ekki síður stressandi og lýjandi en önnur störf, þó
svo að vinnuskipanin sé að mörgu leyti óhefðbundin.
Það hafa sumir hnýtt í okkur fyrir að halda þessa
dagskrá á frídegi verkalýðsins, en okkur þykir
einmitt viðeigandi að nota þann góða dag til þess að
vekja athygli á okkar starfi.“
Á Korpúlfsstöðum verður heilmikil dagskrá í
tilefni dagsins. Þar sýna myndlistarmenn í kjallar-
anum sýninguna Flóð, en eins og flestir muna eftir
flæddi inn á vinnustofur listamanna í byrjun árs
með talsverðum afleiðingum. Vinnustofur á Korp-
úlfsstöðum verða að sjálfsögðu opnar og tónlistar-
menn úr hljómsveitinni Hjaltalín, þau Sigríður
Thorlacius söngkona, Guðmundur Óskar Guðmunds-
son bassaleikari og Hjörtur Ingvi Jóhannsson
píanóleikari, munu flytja tónlistaratriði í stóra
salnum. Dagskráin hefst kl. 13 og stendur til kl. 17.
Auk hátíðarinnar á Korpúlfstöðum mun fjöldi
listamanna um land allt opna vinnustofur sínar.
Áhugasömum er bent á að heimsækja heimasíðu
Sambands íslenskra myndlistarmanna, www.sim.is,
til þess að kynna sér dagskrá Sjónlistadagsins í
heild. vigdis@frettabladid.is
Daglegt starf mynd-
listarmanna til sýnis
FLÓÐ Á KORPÚLFSSTÖÐUM Sýningin Flóð er hluti af hátíðar-
höldum í tilefni af Sjónlistadeginum.
NÝ OG FÁRÁNLEGA SKEMMTILEG SÝNING UM FJÁRMÁL ÍSLENDINGA!
D
Y
N
A
M
O
R
E
Y
K
JA
V
ÍK
Sýnt í Salnum Kópavogi
Miðasala hjá Salnum í síma 5700 400, á salurinn.is
og midi.is. Miðaverð 2000 kr. 50% afsláttur er fyrir
viðskiptavini Byrs (allt að 5 miðar) ef keypt er í miða-
sölunni í Salnum. ATH! Takmarkaður sýningafjöldi.
Fyrst var það Hellisbúinn, síðan Pabbinn og nú er það
HVERS VIRÐI ER ÉG? Óborganlega fyndin sýning
Bjarna Hauks Þórssonar um fjármál Íslendinga.
Frábær sýning í leikstjórn Sigurðar Sigurjónssonar.
D
Y
N
A
M
O
R
E
Y
K
JA
V
ÍK Fös 2
/5
kl. 19
Fös 2/5
kl. 21
Lau 3/5
kl. 20
Lau 3/5
kl. 22
Fös 16/5
kl. 19
Fös 16/5
kl. 21
Lau 17/5
kl. 19
Lau 17/5
kl. 21
Örfá sæti laus
Örfá sæti laus
Örfá sæti laus
Örfá sæti laus
Uppselt
S Ý N I N G A R
„HEILMIKIÐ FYRIR
PENINGINN“– M.K. MBL „Fyndinn ma
ður
um fjár
mál“
– P.B.B
. Frétta
blaðið
Ástin er diskó, lífið er pönk
e. Hallgrím Helgason
frumsýn. fim. 1/5 uppselt
sýn. fös. 2/5 uppselt
Sá ljóti e. Marius von Mayenburg
sýn. fös. 2/5 örfá sæti laus
Sólarferð e. Guðmund Steinsson
sýn. lau. 3/5 örfá sæti laus. Síðasta sýning!
Engisprettur e. Biljana Srbljanovic
sýn. sun 4/5 örfá sæti laus. Síðustu sýningar
Vígaguðinn e. Yasminu Reza
sýn. lau. 3/5 örfá sæti laus. Síðasta sýning!
Miðasala í síma 551 1200
og á www.leikhusid.is
Þjóðleikhúsið
um hel(l)gina
ÞJÓÐLEIKHÚSIÐ
Auglýsingasími
– Mest lesið