Fréttablaðið - 01.05.2008, Blaðsíða 60
40 1. maí 2008 FIMMTUDAGUR
maturogvin@frettabladid.is
Nú er tími...
...bjartsýninnar
kominn, og um að
gera að leggja drög
að lautarferðum
sumarsins! Þeir sem
ekki eiga tágakörfu á
lager geta fjárfest í
lautarferðartöskum og
bakpokum, sem búnir
eru öllu sem til þarf til
góðra stunda úti við. Þá er
ekkert eftir nema að
smyrja nestið, kaupa vínið
og finna flíspeysuna.
Með rísandi sól vilja margir létta
það sem á borð er borið heima við
og fiskur og salöt heilla marga.
Hvað eftirrétti varðar er um að
gera að prófa að sjóða ávexti heima
við. Sömu reglur gilda um slíka
suðu óháð því hvaða ávextir eða
suðuvökvi verður fyrir valinu, Fjöl-
margar uppskriftir er að finna á
internetinu, til dæmis á síðunni
Epicurious.com.
Þegar ávextir á borð við perur og
epli eru soðnir á þennan hátt þarf
fyrst að afhýða þá og fjarlægja
kjarnann, helst án þess að stilkur-
inn losni frá. Til eru sérstök áhöld
til þeirra nota, en teskeið gæti einn-
ig komið að góðu gagni. Sé notast
við viðkvæmari ávexti, eins og
ferskjur eða plómur, er hýðið ekki
fjarlægt.
Setjið ávextina í suðuvökvann,
sem getur verið vín, vatn, ávaxta-
safi, eða einhver blanda þess, ásamt
kryddi og sykri, í potti, og leggið
matardisk ofan á til að halda ávöxt-
unum á kafi í vökvanum.
Sjóðið við vægan hita í um tíu
mínútur, og notið hníf til að athuga
hvort ávextirnir eru tilbúnir. Þeir
mega ekki verða of mjúkir. Mis-
jafnt er hvort ávextirnir eru þá
fjarlægðir úr vökvanum og kældir,
eða látnir kólna í vökvanum, áður
en þeir eru bornir fram með ein-
hverju girnilegu, ís, vanillusósu
eða öðru.
Suðuvökvann má svo geyma,
sjóða niður, og nota sem sósu með
ávaxtakeim með kjöti eða öðru góð-
gæti.
Ávextir í eftirrétt
Íslandsmeistaramót barþjóna fer fram í Turninum á
sunnudagskvöld, en þar verður í fyrsta skipti haldin
svokölluð „flair“-keppni. „Við erum annars vegar
með árlegt Íslandsmeistaramót, og sá sem vinnur
þann titil fer á heimsmeistaramótið í Púertó Ríkó í
haust. Nú verður hins vegar líka keppt í „flair“, sem
er svona flöskukast eins og í myndinni gömlu með
Tom Cruise,“ útskýrir Margrét Gunnarsdóttir,
forseti Barþjónaklúbbs Íslands. Hún segir nokkra
íslenska barþjóna vera að æfa „flair“-taktana, en
mikla æfingu þarf til að ná góðum árangri. „Danilo
Oriba, sem er þrefaldur heimsmeistari, æfir sig í
átta til tíu tíma á dag,“ bendir hún á.
Íslandsmeistaramótið hefst klukkan 18 í Turnin-
um, en „flair“-keppnin klukkan 22.30. Kvöldverður
með þriggja rétta matseðli hefst klukkan 20, og
kostar 5.900 krónur á mann. Bóka þarf borð fyrir
klukkan 16 í dag. Allir eru velkomnir á keppnina, en
nánari upplýsingar má nálgast á bar.is.
Barþjónar keppa
SOÐNAR PERUR Það er ekki erfitt að
sjóða ávexti heima við, en eldunarað-
ferðin býður upp á alls kyns útfærslur.
NORDICPHOTOS/GETTY
STÍFAR ÆFINGAR
Mikla þjálfun þarf til
að ná langt í „flair“.
Fyrsta Íslandsmeist-
aramótið í „flair“ verð-
ur haldið á sunnudag.
FRÉTTABLAÐIÐ/HÖRÐUR
Bergþóra Guðnadóttir
reynir að elda góðan mat á
hverjum degi. Hún býður
upp á nýstárlega útfærslu
af fiski og kartöflum, svona
á krepputímum.
Bergþóra Guðnadóttir hönnuður
segir allan gang á því hversu mikl-
um tíma hún verji í eldhúsinu. „Ég
er alin upp af mömmu sem var
mikill gourmet-kokkur, en það er
samt ekki endilega þannig að ég
eldi alltaf lúxusmat. Við reynum
frekar að gera góðan mat á hverj-
um degi. Stundum get ég verið
allan daginn að stússast eitthvað í
eldhúsinu, en þetta salat tekur til
dæmis skamman tíma,“ segir Berg-
þóra.
Hún og eiginmaður hennar, Jóel
Pálsson, eru fólkið á bak við fata-
merkið Farmers Market og Berg-
þóra segir hönnuðinn í henni einn-
ig koma fram í eldhúsinu. „Mér
finnst svo gaman að setja saman
liti og bragð. Eldamennskan er oft
svona spuni hjá mér,“ segir Berg-
þóra, sem kveðst léleg í að fylgja
uppskriftum. „Ég á samt fullt af
matreiðslubókum og finnst mjög
gaman að lesa þær til að fá hug-
myndir,“ segir hún.
Farmers Market hefur gengið
vel á síðustu árum, og er nú komið
í sókn á erlendri grund. „Við tókum
þátt í útvistarvörusýningu í
München í febrúar, og sýndum svo
á tískuvikunni í Kaupmannahöfn.
Okkur finnst mjög gaman að við
pössum inn á báða markaðina, það
var svona það sem við lögðum upp
með,“ útskýrir Bergþóra, en vörur
frá Farmers Market fást nú á svo
ólíkum stöðum semJap-
an, New York og Nuuk.
Dressing:
Allt nema olíur þeytt
saman þar til freyðir
ofurlítið, þá er ólívuolíu
og chili-olíu hrært út í.
Salat:
Smjör og olía hituð á
pönnu, humar steiktur í
augnablik, kryddaður
með svörtum pipar.
Vatn hitað að suðu í
djúpri pönnu með loki.
Fiskbitar, til dæmis sjó-
fryst ýsa, settir út í og
suðan látin koma upp.
Fjarlægið af hellu og
látið fiskinn standa í um
2 mín., eða þar til hann
er rétt soðinn í gegn.
Skerið kartöflur, papriku,
gúrku og avókadó í bita. Skerið
rauðlauk og sólþurrkaða tómata í
ræmur. Blandið vel saman fiski,
kartöflum, ólívum, sólþurrkuðum
tómötum og kapers og dálitlu af
dressingunni. Blandið salati og
öðru grænmeti saman í skál og
hellið fiskblöndunni yfir. Hellið
restinni af dressingu og sáldrið
fræjum yfir salatið.
Brauð:
Vatn, ger og sykur hrært saman.
Látið standa, ef freyðir er gerið í
lagi.
Hveiti og spelt blandað saman í
skál. Gerblöndu hellt saman við og
hnoðað vel. Látið hefa sig í að
minnsta kosti 30 mín.
Deigi skipt í tvennt. Hvor hluti
flattur út mjög þunnt og settur á
bökunarplötu klædda bökunar-
pappír. Penslað með ólívuolíu og
maldon-salti og rósmaríni stráð
jafnt yfir. Parmesan-ostur rifinn
yfir. Skorið eftir endilöngu með
kleinujárni eða hníf í um 2 cm
breiðar ræmur. Bakað í um 220°C
heitum ofni í um 10 mín.
sunna@frettabladid.is
Spunaeldhús Bergþóru
MEÐ ELDAMENNSKU Í BLÓÐIN Bergþóra Guðnadóttir er alin upp af gourmet-kokki,
að hennar sögn. Hún býður upp á útfærslu af soðningu og kartöflum, í sumarlegum
salatbúningi. FRÉTTABLAÐIÐ/ARNÞÓR
Fiskisalat:
½ kg soðnar og flysjaðar
kartöflur, í bitum
1 msk. smjör
2 msk. olía
600g fiskur
150 g humar
Blandað salat
Rucola salat
Paprika
Rauðlaukur
Ferskt basil
Ólívur, svartar og grænar
Sólþurrkaðir tómatar
Kapers
Kirsuberjatómatar
Gúrka
Avókadó
Furuhnetur og sólblómafræ
Dressing:
1 msk. Dijon sinnep
½ dl hvítvínsedik
1 tsk. maldon-salt
mulinn svartur pipar
1 dl ólívuolía
Smá chili-olía
Brauð:
3 dl hveiti
3 dl hvítt spelt
½ pk. þurrger
1 tsk. hrásykur
2-2,5 dl volgt vatn
Rósmarín
Maldon-salt
Parmesanostur
FISKISALAT MEÐ RÓSMARÍNBRAUÐI
Hvaða matar gætirðu síst verið án?
Ég get alls ekki verið án kaffis, þá er ég
alveg ómögulegur. Ég var líka mikill kókisti,
en er reyndar laus undan því núna. Annars
er það helst hafragrautur og bananar, það
er morgunmaturinn.
Besta máltíð sem þú hefur fengið:
Ég var í Japan fyrir stuttu og borðaði þar
Kobe-nautakjöt. Það var á mjög skemmti-
legum stað þar sem kokkurinn eldaði
kjötið beint ofan í mann. Maður sat
svona ofan í gryfju, og pannan var bara
rétt innan við borðið. Þetta var mjög
skemmtilegt, og maturinn alveg frábær.
Er einhver matur sem þér finnst vondur?
Smokkfiskur, mér finnst hann mjög vondur.
Svo er ég líka blessunarlega laus við að
vera að snobba fyrir þorramatnum, mér
finnst súrmatur vondur og er stoltur af
því.
Leyndarmál úr eldhússkápnum:
Ég veit ekki hvort ég get kallað
það leyndarmál, en ég set yfirleitt
hvítlauk og ólívuolíu í allt sem
ég elda. Og kóríander. Það er
heilög þrenning.
Hvað borðar þú til að láta þér
líða betur?
Ég borða nú yfirleitt súkkulaði
eða nammi, en það lætur mér
hins vegar yfirleitt líða verr. Ef
ég er skynsamur finnst mér
voða gott að borða góða
súpu.
Hvað áttu alltaf til í
ísskápnum?
Ég á oftast til egg og smjör. Og svo
geymi ég hvítlaukinn í ísskápnum.
Ef þú yrðir fastur á eyðieyju, hvað
tækirðu með þér?
Ég myndi taka með mér lambalæri,
eins mikið af því og ég gæti.
Svo tæki ég vatn, og myndi
bara tína kókoshnetur á
eyjunni.
Hvað er það skrítnasta
sem þú hefur borðað?
Ég borðaði wasabi-baunir
úti í Japan núna um dag-
inn. Þær voru skrítnar, en
ágætar samt. Svo hef ég
borðað froskalappir, sem
mér fannst bæði skrítnar og
vondar.
Veitingastaðurinn Af lífi og sál
mun setja mark sitt á lífið á Lauga-
veginum í sumar, en hann verður
opnaður í portinu þar sem Vín og
skel var áður. Birkir Hjálmarsson,
sem á staðinn, ásamt Sigríði Vil-
hjálmsdóttur, segir aðaláherslu
hans vera á hina gömlu, góðu elda-
mennsku. „Okkur langar að sleppa
frá þessari ný-norrænu matar-
gerð, þar sem maður fær kannski
tíu millilítra af bláberjafrauði í
forrétt. Við ætlum að gefa fólki
almennilega matarskammta,“
segir Birkir og hlær við.
Á Af lífi og sál verður fastur
fimmtán til tuttugu rétta dagseð-
ill, þar sem gestir geta meðal ann-
ars gætt sér á ítölskum eggjakök-
um, fylltum crepes og gúllassúpu,
auk heimagerðra eftirrétta.
„Kvöldunum verður hins vegar
best lýst sem frjálsu, fljótandi
fusion. Það verður sjö til tólf rétta
seðill sem breytist á nokkurra
daga fresti, eftir því hvað okkur
dettur í hug að gera og í hvernig
stuði kokkarnir eru,“ útskýrir
Birkir. „Ég og Sigríður erum bæði
búin að vera í mikilli rútínu und-
anfarin ár og langar bara að fara
að leika okkur,“ bætir hann við.
Líf og fjör mun einkenna stað-
inn í sumar, en meðal annars verð-
ur boðið upp á listasýningar og lif-
andi tónlist í portinu. „Í dag verður
Ágústa Ósk Óskarsdóttir söng-
kona hjá okkur, að syngja bæði
djass og gospel. Og svo verður
listamaður að mála gríðarlega
stóra graffiti-mynd á vegginn
fyrir utan í allt sumar,“ útskýrir
Birkir.
Af lífi og sál er að finna á Lauga-
vegi 55b, þar sem Vín og skel var
eitt sinn til húsa. - sun
Eldamennska af lífi og sál
LÍF OG FJÖR Birkir Hjálmarsson í portinu
við nýja staðinn Af lífi og sál, þar sem
áherslan verður lögð á hina gömlu,
góðu eldamennsku og lifandi stemn-
ingu í sumar. FRÉTTABLAÐIÐ/GVA
MATGÆÐINGURINN SÖLVI TRYGGVASON SJÓNVARPSMAÐUR
Blessunarlega laus við súrmatar-snobb