Fréttablaðið - 05.05.2008, Blaðsíða 10
10 5. maí 2008 MÁNUDAGUR
VILJA BJÓR Í BÚÐIRNAR Þær Jóhanna Dagbjört Gilsdorf og
Guðný Kristjánsdóttir keyptu sér sígarettur, langlokur og mjólk,
en vildu gjarnan að sala bjórs væri leyfð í búðinni. Þær voru á
þeirri skoðun að sólarhringsopnun verslana væri góð og gild, en
þó ekki í miðbænum.
BORGARMÁL Verslun 10-11 í Austurstræti
hefur opið allan sólarhringinn, alla daga
vikunnar. Þrisvar sinnum var veist að
öryggisvörðum að störfum í búðinni í
síðasta mánuði. Í einu þessara tilfella var
um mjög alvarlega árás að ræða, en þá var
öryggisvörður sleginn með flösku í höfuðið
með þeim afleiðingum að blæddi inn á
heila hans. Manninum líður að sögn vel og
mikil mildi þykir að ekki fór verr en á
horfðist. Hin tvö tilvikin voru ekki eins
alvarlegs eðlis, en hafa þó vakið ýmsar
spurningar varðandi það hvort forsvaran-
legt sé að hafa sólarhringsopnun á svo
varasömu svæði sem miðborgin er um
helgar. Hefur Geir Jón Þórisson yfirlög-
regluþjónn meðal annars lýst því yfir í fjöl-
miðlum að hann telji ómögulegt að
afgreiðslutíminn fái að standa óbreyttur.
Sigurður Reynaldsson, framkvæmda-
stjóri 10-11, telur breyttan afgreiðslutíma
ekki fela í sér neina langvarandi lausn.
„Það er engin lausn að skella í lás og gefast
upp vegna örfárra svartra sauða. 99
prósent kúnna í þessari verslun haga sér
eins og fólki sæmir, og það er mikil
eftirspurn eftir þeirri þjónustu sem við
veitum. Ég hef fulla trú á því kerfi sem við
vinnum eftir, en mun hitta Stefán Eiríksson
lögreglustjóra á fimmtudaginn til að ræða
betri samvinnu milli lögreglu og þjónustu-
aðila í miðbænum.“
Talsverð ölvun var í miðbænum þegar
blaðamann Fréttablaðsins bar að garði
seint aðfaranótt sunnudags. Nokkuð var
um líkamsmeiðingar innan og utan
skemmtistaða í Austurstræti en vandræðin
skiluðu sér ekki inn í verslun 10-11. Sex
öryggisverðir frá Öryggisgæslunni voru á
vakt í búðinni, auk eins starfsmanns 10-11.
Þurftu þeir heldur lítið að skipta sér af
viðskiptavinum, utan stöku atvika þar sem
mönnum var meinaður aðgangur, ýmist
vegna þess að þeir höfðu meðferðis áfengi
eða gerðu sig seka um að ónáða aðra
viðskiptavini. Heilt á litið höguðu við-
skiptavinir sér vel og var létt í fólki.
Einhverjir grínuðust með vandræðin sem
nýlega hafa átt hafa sér stað í versluninni
og þegar lögreglubíll renndi upp að
skemmtistaðnum Hressó til að hafa hendur
í hári árásarmanns heyrðust margir kalla:
„Gas! Gas!“ í átt að lögreglumönnunum.
kjartan@frettabladid.is
Laugardagsnótt í 10-11
Í síðasta mánuði var þrisvar veist að öryggisvörðum verslunarinnar 10-11 í Austurstræti. Í kjölfarið
hefur skapast umræða um afgreiðslutíma verslunarinnar. Fréttablaðið kannaði málið aðfaranótt
sunnudags og komst að því að ýmis vandræði í Austurstræti skiluðu sér ekki inn fyrir dyr 10-11.
„Öryggisverðir utan af landi
eru oft og tíðum ansi lagnir
við að tala erfiða kúnna til,“
segir Snorri Guðjónsson, vakt-
stjóri hjá Öryggisgæslunni,
en sjálfur kemur hann frá
Seyðisfirði. „Í minni bæjum
úti á landi eru öryggisverðir
að kljást við fjölskyldu, vini
og jafnvel kennara í vinnunni
og læra þannig að beita
diplómatískum aðferðum við
að róa málin.“
Snorri varð vitni að alvarlegri árás á örygg-
isvörð í 10-11 fyrir um mánuði. „Ég stóð við
hliðina á honum þegar hann var sleginn og
náði árásarmanninum. Auðvitað var öllum
brugðið en jafnframt ákveðnir í að láta þetta
ekki á sig fá. Ég kann vel við mig í þessu starfi
og samvinnan milli 10-11 og Öryggisgæslunnar
er til fyrirmyndar.“
Öryggisvörður í 10-11:
Varð vitni að
alvarlegri árás
Þeir Ari Júlíus Árnason og Jóhannes Ingi-
bertsson sögðu mikið hungur draga sig í
verslun 10-11 klukkan fimm á laugardags-
nóttu. „Við komum alltaf hérna eftir bæjar-
ferðir um helgar til að kaupa okkur samlokur
að borða. Þessi búð er fyrirtaks síðasta stopp
á leiðinni heim.“ Aðspurðir sögðust þeir
endrum og eins verða varir við einhver vand-
ræði inni í búðinni, en segja öryggisverðina
greiða úr þeim jafnharðan. „Í miðbænum
safnast allir saman eftir fyllirí og þetta er
auðvitað suðupottur fyrir villimennsku og
vitleysu, en sjálfir höfum við ekki lent í neinu
slíku,“ segja þeir Ari og Jóhannes.
Miðbærinn suðupottur
fyrir villimennsku
SVANGIR Ari Júlíus Árnason og
Jóhannes Ingibertsson.
HANGIKJÖT Í MORGUNSÁRIÐ Þessi maður festi kaup á hangikjöti með uppstúfi frá
1944 og gæddi sér á kræsingunum köldum fyrir utan verslunina.
VILL MEIRI SAMVINNU „Litlar þægindaverslanir sem eru opnar
allan sólarhringinn eins og þessi eru reknar úti um allan heim.
Ég trúi ekki öðru en það sé mögulegt á Íslandi eins og annars
staðar,“ segir Sigurður Reynaldsson, framkvæmdastjóri 10-11.
GRIÐASTAÐUR Heldur var farið að fækka í miðbænum þegar klukkan var farin að
ganga sjö um morguninn. Þeir fáu sem eftir voru söfnuðust saman fyrir framan 10-11.
SLAGSMÁL Sjúkrabíll var kvaddur á vett-
vang eftir slagsmál á skemmtistaðnum
Hressó.
UTANBÆJAR-
MAÐUR Snorri
Guðjónsson
vaktstjóri.
Ópusallt er öflugt
Ópusallt er öflugur viðskiptahugbúnaður fyrir fyrirtæki
sem hafa þörf fyrir sveigjanlegt sölu- og birgðakerfi,
gott verkbókhald auk allra almennra eiginleika góðrar
og reyndrar viðskiptalausnar. Ópusallt er í notkun hjá
fjölda fyrirtækja sem þarfnast viðskiptahugbúnaðar
sem auðveldlega aðlagast breyttu rekstrarumhverfi.
HugurAx / Guðríðarstíg 2-4 / 113 Reykjavík / hugurax@hugurax.is / Sími 545 1000
www.opusallt.is/kynning