Fréttablaðið - 05.05.2008, Blaðsíða 56
24 5. maí 2008 MÁNUDAGUR
FRÉTTABLAÐIÐ SPÁIR FYLKI 6. SÆTINU Í LANDSBANKADEILD KARLA 2008
GENGI SÍÐUSTU ÁRA 2007 4. sæti í A-deild 2006 8. sæti í A-deild 2005 5. sæti í A-deild 2004 4. sæti í A-deild 2003 4. sæti í A-deild 2002 2. sæti í A-deild
AÐRIR
LYKILMENN
GENGI Á VORMÓTUNUM
■ Sigrar ■ Jafntefli ■ Töp
3
3
1
KRISTJÁN
VALDIMARSSON
PETER GRAVESEN HALLDÓR ARNAR
HILMISSON
> LYKILMAÐURINN
Fjalar Þorgeirsson hefur á undanförnum
árum verið að stimpla sig inn sem einn besti
markvörður landsins og hann hefur
verið verðlaunaður með sæti í
landsliðshópum síðustu misseri.
Fjalar átti stórbrotið sumar í fyrra
og það var ekki síst fyrir frábæra
markvörslu hans sem Fylkir náði
fjórða sætinu í fyrra. Fylkir fékkk á
sig fæst mörk allra liða í deildinni
eða 18. Fjalar þarf klárlega að fylgja
þessu góða tímabili eftir í sumar og
takist honum það verða Fylki allir
vegir færir.
> X-FAKTORINN
Ólafur Ingi Stígsson hefur verið
einstaklega óheppinn með meiðsli
síðustu ár en heill heilsu er hann
með betri miðjumönnum landsins.
Fylkismenn þurfa að hafa hann heilan
heilsu í sumar.
Fylkir náði eftirtektarverðum árangri á
síðustu leiktíð. Endaði í fjórða sæti og hefði
jafnvel getað gert betur.
Lykillinn að góðu gengi liðsins var öflug-
ur varnarleikur, þar sem Kristján Valdi-
marsson sprakk út í stöðu miðvarðar með
David Hannah, og frábær markvarsla. Fyl-
kir er að halda sömu varnarlínu sem verður
ekki auðveldlega brotin niður í sumar.
Sóknarleikurinn var aftur á móti höfuð-
verkur Fylkismanna og Árbæingar vonast
eftir meira púðri í sóknarleiknum í sumar
með tilkomu þeirra Jóhanns Þórhallssonar
og Danans Allan Dyring.
Báðir leikmenn geta verið skeinuhættir á
góðum degi en hafa mikið að sanna í deild
þeirra bestu. Jóhann kom lítið við sögu hjá
KR í fyrra og Allan Dyring sló ekki í gegn
með FH þó svo hann hefði sýnt lipra takta á
köflum. Verður áhugavert að fylgjast með
gengi þeirra félaga í sumar.
Á miðjunni hefur Fylkir misst Pál Einars-
son, sem er hættur, en í staðinn hafa Fylkis-
menn fengið Ian Jeffs frá ÍBV en Jeffs
hefur verið mjög öflugur í liði Eyjamanna.
Hann hefur reynsluna af efstu deildar bolta
hér á Íslandi og ætti að nýtast Fylki vel. Ef
heilsufar Ólafs Stígssonar er síðan í lagi eru
Fylkismenn í góðum málum.
Fylkismenn hafa í rauninni flest vopnin,
frábæran markvörð, öfluga vörn, sterka
miðju og frambærilega framherja. Smelli
allt hjá liðinu gæti það komið skemmtilega
á óvart í sumar.
Fylkir gæti komið á óvart
FÓTBOLTI Kvennalandslið Íslands
gerði 1-1 jafntefli við Finnland í
vináttulandsleik í Espoo í Finn-
landi í gær. Edda Garðarsdóttir
skoraði mark Íslands með glæsi-
legu langskoti í byrjun síðari hálf-
leiks en þær finnsku jöfnuðu svo
leikinn í uppbótartíma.
Sigurður Ragnar Eyjólfsson
landsliðsþjálfari kvaðst sáttur við
leik íslenska liðsins þótt vissulega
hafi verið svekkjandi að missa
leikinn niður í jafntefli á síðustu
mínútunni.
Glæsilegt mark Eddu
„Þetta var mikill baráttuleikur þar
sem við áttum ef til vill aðeins
undir högg að sækja í fyrri hálf-
leik en unnum okkur svo vel inn í
leikinn og vorum sterkari aðilinn í
þeim síðari og náðum að skora
gott mark. Edda Garðarsdóttir tók
þá langt innkast og boltinn barst
aftur til hennar og hún ákvað þá
bara að skjóta á markið á um 25
metra færi og boltinn flaug yfir
finnska markvörðinn og fór efst í
fjærhornið, glæsilegt mark sem
kom á 57. mínútu. Við markið
fannst mér við fá meira sjálfs-
traust í okkar leik og við náðum að
halda boltanum betur innan liðs-
ins og þá komu líka nokkur mark-
tækifæri í kjölfarið. Finnarnir
fengu líka sín færi og pressuðu
nokkuð stíft á lokakafla leiksins
og uppskáru svo mark á 94. mín-
útu og við vorum auðvitað svekkt
með það. Annars notaði ég vita-
skuld leikinn til þess að rótera lið-
inu mikið til þess að skoða leik-
menn,“ sagði Sigurður Ragnar
sem hefur verið ánægður með
varnarleik liðsins að undanförnu.
„Við höfum náttúrlega verið að
spila hörkufínan varnarleik og
þetta mark sem við fengum á
okkur gegn Finnlandi var fyrsta
markið í tæpt ár sem við fáum á
okkur úr opnum leik eða síðan við
töpuðum 4-0 gegn Englandi um
miðjan maí árið 2007. Það er auð-
vitað jákvæð þróun og gefur okkur
sjálfstraust þegar við erum að
spila gegn sterkari þjóðum,“ sagði
Siguður Ragnar sem fagnar því að
fá leiki gegn sterkum andstæðing-
um eins og Finnum.
„Það er mjög gott fyrir okkur að
fá tækifæri til þess að spila gegn
þjóðum eins og Finnum sem eru
fyrir ofan okkur á FIFA-listanum
og gefur okkur möguleika á að
þróa okkar leik enn frekar. Finn-
land verður með á lokakeppni EM
2009 sem gestgjafi og þær voru í
undanúrslitum á síðasta EM
þannig að þetta er gott próf fyrir
okkur. Það var mun sterkara lið
sem mætti okkur í þessum leik
heldur en þegar við spiluðum við
þær á Algarve Cup og unnum 3-0,“
sagði Sigurður Ragnar sem fagnar
því enn fremur hvað liðsheildin er
orðin sterk hjá íslenska liðinu.
Nýir leikmenn stigið fram
„Það ber klárlega að hrósa stelp-
unum virkilega vel fyrir að það
kemur alltaf maður í manns stað
hjá okkur. Þegar við höfum misst
út góða leikmenn eins Ásthildi
Helgadóttur, Þóru Helgadóttur,
Sif Atladóttur, Ernu B. Sigurðar-
dóttur og núna Guðnýju Björk
Óðinsdóttur og Guðbjörgu Gunn-
arsdóttur, þá hafa alltaf komið inn
nýir leikmenn sem hafa stigið upp
og staðið sig vel. Markvörðurinn
Sandra Sigurðardóttir var til að
mynda að leika sinn fyrsta lands-
leik í byrjunarliðinu og stóð sig
mjög vel og varði oft á tíðum með
tilþrifum. Hún greip vel inn í fyr-
irgjafir og var í raun nálægt því
að verja skotið sem Finnarnir
skoruðu úr,“ sagði Sigurður Ragn-
ar að lokum en liðin mætast aftur
í Finnlandi næstkomandi miðviku-
dag og þá er stefnan sett á sigur.
omar@frettabladid.is
Kemur alltaf maður í manns stað
Kvennalandslið Íslands gerði 1-1 jafntefli í vináttulandsleik gegn Finnlandi í gær. Sigurður Ragnar Eyjólfs-
son landsliðsþjálfari var ánægður með margt í leik íslenska liðsins og hrósar sérstaklega sterkri liðsheild.
Á RÉTTRI LEIÐ Sigurður Ragnar Eyjólfsson landsliðsþjálfari hefur náð eftirtektarverð-
um árangri með kvennalandslið Íslands og hefur til að mynda virkilega hreinsað til í
varnarleik liðsins. FRÉTTABLAÐIÐ/VILHELM
Vináttulandsleikur í fótbolta
Finnland-Ísland 1-1
0-1 Edda Garðarsdóttir (57.), 1-1 ekki vitað (94.).
Meistaradeildin í handbolta
Ciudad Real-Kiel 27-29 (13-14)
Ólafur Stefánsson skoraði sjö mörk fyrir Ciudad.
EHF-bikarinn í handbolta
Nordhorn-FCK 31-27 (15-15)
Arnór Atlason skoraði eitt mark fyrir FCK.
ÚRSLIT
HANDBOLTI Samkvæmt heimildum
Fréttablaðsins munu bæði Fram
og Valur hafa hug á því að fá til
sín Magnús Stefánsson sem leikið
hefur með Akureyri. Magnús
kvaðst hafa heyrt af áhuga liða en
vildi lítið tjá sig um málið.
„Jú, ég hef heyrt af áhuga
einhverra liða en ég er samnings-
bundinn Akureyri út næstu
leiktíð og því fara mögulegar
fyrirspurnir í gegnum forráða-
menn Akureyraraliðsins og ég
hef ekki heyrt neitt um það
frá þeim,“ sagði Magnús sem
viðurkenndi að síðasta
tímabil hafi spilalega
valdið sér og öðrum
vonbrigðum enda liðið
sterkara en lokastaðan
gaf til kynna.
Það er heldur ekki
loku fyrir það skotið
að erfiðleikar í
rekstri handknatt-
leiksdeildar
Akureyrar muni
ýta frekar
undir að
menn fari frá
liðinu. - óþ
N1-deild karla í handbolta:
Fram og Valur
á eftir Magnúsi
HANDBOLTI Ólafur Stefánsson og
félagar hans hjá spænska liðinu
Ciudad Real töpuðu fyrri leik
sínum 27-29 fyrir þýska liðinu
Kiel í úrslitum Meistaradeildar-
innar á Spáni í gær. Kiel er því
með pálmann í höndunum
fyrir seinni leik liðanna sem
fram fer í Þýskalandi um
næstu helgi.
Leikurinn fór fjörlega
af stað þar sem hraður
sóknarleikur réði
ríkjum enda sam-
ansafn af bestu
handknattleiks-
mönnum heims á gólfinu
að leika listir sínar. Eftir
um tíu mínútna leik var
staðan orðin 6-7 gestun-
um í Kiel í vil og þeir
leiddu svo leikinn
13-14 þegar
flautað var til
hálfleiks.
Kiel virkaði
ávallt skrefinu á
undan Ciudad Real
í upphafi síðari hálf-
leiks en heimamenn
náðu þó að vinna sig
aftur inn í leikinn og
náðu loks undirtök-
unum. Staðan var 24-
23 Ciudad Real í vil
um miðbik síðari
hálfleiks en þá
sýndu núverandi
Meistaradeildar-
meistararnir í Kiel úr hverju þeir
eru gerðir og sigldu fram úr á
nýjan leik og munaði þar mest
um landana frönsku, þá Thierry
Omeyer í markinu og Nikola Kar-
abatic.
Karabatic, sem er af mörgum
talinn besti leikmaður heims,
skoraði fjögur mörk í röð fyrir
Kiel á þeim kafla sem þýska liðið
sneri leiknum sér í hag og Ciudad
átti í stökustu vandræðum með
hann í leiknum. Lokatölur urðu
svo sem segir 27-29 og útlitið ekki
sérstakt fyrir Ciudad Real fyrir
seinni leikinn.
Ólafur Stefánsson var af öðrum
ólöstuðum besti maður Ciudad
Real í leiknum og skoraði sjö
mörk og var hvað eftir annað að
leggja upp færi fyrir samherja
sína með öflugum stoðsending-
um. - óþ
Kiel sigraði Ciudad Real í fyrri leik liðanna í úrslitum Meistaradeildarinnar:
Kiel sýndi styrk sinn á Spáni
ALLT Í ÖLLU
Ólafur Stefáns-
son fór fyrir
sínum mönnum
í Ciudad Real
í gær.
NORDIC PHOTOS/GETTY