Fréttablaðið - 05.05.2008, Blaðsíða 64

GÓÐAN DAG!
Sólarupprás Hádegi Sólarlag
Reykjavík
Akureyri
Heimild: Almanak Háskólans
SÍMANÚMER FRÉTTABLAÐSINS: 512 5000, fax: 550 5099 Ritstjórn: 512 5313, fax: 512 5301, ritstjorn@frettabladid.is
DREIFING: dreifing@posthusid.is Auglýsingadeild: auglysingar@frettabladid.is Veffang: visir.is
VIÐ SEGJUM FRÉTTIR SMÁAUGLÝSINGASÍMINN ER 512 5000
Í dag er mánudagurinn 5. maí,
126. dagur ársins
4.45 13.24 22.06
4.16 13.09 22.05
Þegar Bill Clinton, sá ágæti maður, varð uppvís að ástar-
leikjum með ungri konu í fallegum
bláum kjól þurfti hann í kjölfarið
ekki bara að glíma við reiði eigin-
konunnar. Í bandarískum stjórn-
málum þótti það eðlileg krafa að
þessi persónulegu afglöp hans yrðu
rannsökuð af opinberum embætt-
ismönnum. Fenginn var sérstakur
saksóknari, Kenneth Starr, sem
vann að málinu af fullum þunga og
lét meðal annars rannsaka bláa
kjólinn. Þar fann hann svo ummerki
þess að forsetinn var ekki náttúru-
laus maður. Og þá varð voðinn vís.
UMRÆÐA í Evrópu var auðvitað
á þá leið að þessi heimskulegu mis-
tök forsetans ættu að hafa áhrif á
stöðu hans gagnvart eiginkonunni,
en ekki öðrum. Nema kannski í
Frakklandi þar sem kjósendur
sýna ástalífi forsetans svo ofsaleg-
an skilning, að menn gera engar
athugasemdir fyrr en hugsanlega
þegar kvennastandið gerir forset-
ann óvígan í starfi, eins og nú er
reyndin. Þar í landi hefur forsetinn
jafnan átt eiginkonu, þá opinbera
hjákonu, og svo þessa sem allir vita
af, en enginn talar um.
NÚ er merkileg staða aftur komin
upp í bandarískum stjórnmálum.
Forsetaframbjóðandinn Barack
Obama er í vandræðum vegna
ummæla um hryðjuverk og ástæð-
ur 11. september. Þó hefur hann
sjálfur ekki sagt neitt til að unnt sé
að draga hollustu hans sjálfs eða
ást á fósturjörð í efa. Það hefur
hins vegar presturinn hans gert. Í
baráttunni milli Hillary og Obama
virðist það ekki nóg að frambjóð-
endur fari um gjörvalla heims-
byggðina, sem heimamenn telja
Bandaríkin vera, til að kynna skoð-
anir sínar. Ætlast er til að fram-
bjóðendurnir svari líka fyrir skoð-
anir annarra, í þessu tilviki
prestsins sem gaf Obama-hjónin
saman.
DÁSAMLEG sem bandarísk
stjórnmál eru þá telja margir
álitsgjafar nú að ummæli prests-
ins hafi ekki verið tilviljun, heldur
mögulega sett fram til að sverta
frambjóðandann eða einmitt til að
gefa Obama tækifæri til þess að
afneita prestinum opinberlega, og
þar má kannski greina biblíulegt
stef stjórnmálanna.
ATBURÐARÁSIN minnir aðeins
á Lewinsky-hneykslið þar sem ein
samsæriskenningin var sú að unga
konan hefði táldregið forsetann til
þess að svipta hann pólitísku þreki
og fryst bláa kjólinn sem fangaði
forsetann með svo eftirminnilegum
hætti. Í báðum tilvikum blasir nú
samt við að um er að ræða mál sem
eru vandræðaleg en koma starfi
forsetans blessunarlega ekki við.
Af bláum kjólum
BAKÞANKAR
Þorbjargar
Sigríðar
Gunnlaugsdóttur