Fréttablaðið - 07.05.2008, Blaðsíða 42
18 7. maí 2008 MIÐVIKUDAGUR
timamot@frettabladid.is
Tilkynningar um merkis atburði, stórafmæli og
útfarir má senda á netfangið
timamot@frettabladid.is.
Auglýsingar á að senda á auglysingar@frettab-
ladid.is eða hringja í síma 550 5000.
MERKISATBURÐIR
1810 Skoski náttúrufræðingurinn
Sir George Stuart Mackenz-
ie og læknirinn Henry Hol-
land koma til landsins og
ferðast víða. Báðir skrifa
bækur um ferðina.
1812 Sjö skip frá Önundar-
firði farast í óveðri og með
þeim 54 menn.
1951 Bandaríska varnarliðið
kemur til landsins en varn-
arsamningur var gerður
tveimur dögum áður.
1978 Jarðgöngin í Oddsskarði
vígð.
1999 Þrír kínverskir ríkisborgarar
láta lífið og tuttugu særast
þegar NATO-flugvél varpar
sprengju á kínverska sendi-
ráðið í Belgrad.
2002 MD-82 flugvél frá China
Southern Airlines ferst í
Gula hafinu og með henni
112 manns.
Ísraelski fornleifafræðingurinn Ehud
Netzer skýrði frá því að gröf Heródesar,
konungs Júdeu, hefði fundist á hæð, 12
kílómetra suður af Jerúsalem, innan her-
numda svæðisins á Vesturbakkanum.
Netzer og fornleifafræðingar frá Hebr-
eska háskólanum í Jerúsalem höfðu
unnið að rannsóknum á svæðinu frá
árinu 1972 og var þetta ein stærsta upp-
götvun sögunnar á sviði fornleifarannsókna.
Steinkista með jarðneskum leifum konungsins
fannst á greftrunarstaðnum við efsta hluta stap-
ans Herodium, þar sem Heródes byggði sér hall-
arhverfi á hæðinni, sem er meira en 750 metra
yfir sjávarmáli.
Það hafði löngum verið talið að Heródes væri
grafinn á staðnum, en það var fyrst árið 2007 sem
fornleifafræðingum tókst að finna kistuna. Hún
var þá mölbrotin en talið er að hún hafi verið
eyðilögð á árunum 66 og 72 eftir Krist.
Heródes var einnig þekktur sem Her-
ódes I og Heródes hinn mikli og var
hann uppi frá um 73 til 4 fyrir Krist í Jer-
íkó. Hann komst til valda í landinu helga
þegar Rómverjar gerðu það að skattríki
sínu. Hann lét byggja virkisvegg í kring-
um Jerúsalem og stendur hluti veggj-
arins enn. Hann lét einnig reisa ýmis
mannvirki í Jerúsalem sem nú eru merkar forn-
minjar.
Heródesar er getið í Matteusarguðspjalli 2:16-
18 í Nýja testamentinu. Þar er sagt frá því þegar
hann fyrirskipaði að láta myrða öll sveinbörn í
Betlehem undir tveggja ára aldri til að missa ekki
völdin til hins nýfædda konungs gyðinga sem vitr-
ingarnir spáðu fyrir um. Þar er átt við Jesú en faðir
hans Jósef flúði með soninn og móðurina Maríu
til Egyptalands.
ÞETTA GERÐIST: 7. MAÍ 2007
Grafhýsi Heródesar finnst
Elskuleg eiginkona mín, móðir okkar,
dóttir, tengdadóttir, systir og mágkona,
Auður Eggertsdóttir
lést á Líknardeild Landspítalans 3. maí síðastliðinn.
Útförin fer fram fimmtudaginn 15. maí kl. 13.00 frá
Seljakirkju.
Gunnar Jóhannsson
Jóhann Gunnarsson
Guðrún Þóra Gunnarsdóttir Kári Gunnarsson
Oddur Ævar Gunnarsson
Eggert Oddur Össurarson Guðrún Sigurðardóttir
Sólveig Gunnarsdóttir
systkini og aðrir vandamenn.
Móðir mín,
Guðrún Magnúsdóttir
Hrefnugötu 6, Reykjavík,
lést laugardaginn 3. maí.
Fyrir hönd aðstandenda,
Málfríður L’Orange.
Föðurbróðir minn,
Sigurþór Jónasson
frá Efri-Kvíhólma,
sem lést 27. apríl sl. verður jarðsunginn frá
Ásólfsskálakirkju föstudaginn 9. maí kl. 14.00.
Blóm og kransar afþökkuð, en þeim sem vildu minnast
hans er bent á Dvalarheimilið Kirkjuhvol, Hvolsvelli.
Fyrir hönd aðstandenda,
Guðfinna Sveinsdóttir.
Elskulegur eiginmaður minn, faðir okkar,
tengdafaðir, afi og langafi,
Garðar Sölvason
Þórðarsveig 1, 113 Reykjavík,
sem lést 26. apríl sl. verður jarðsunginn frá
Árbæjarkirkju í Reykjavík fimmtudaginn 8. maí
kl. 15.00.
Edda Hrönn Hannesdóttir
María Garðarsdóttir Theodór S. Friðgeirsson
Elín Inga Garðarsdóttir Brynjar H. Jóhannesson
Ríkey Garðarsdóttir Margrét Sigurðardóttir
barnabörn og barnabarnabörn.
Eiginmaður minn, faðir okkar, tengdafaðir
og afi,
Hjörleifur Þórðarson
Skógarseli 17, Reykjavík,
lést á Landspítalanum sunnudaginn 4. maí. Sérstakar
þakkir færum við starfsfólki 11E. Útförin fer fram
15. maí kl. 13.00 í Bústaðakirkju.
Jensína Guðrún Magnúsdóttir
Þórður Georg Hjörleifsson Emelía Blöndal
Þórdís Hjörleifsdóttir Haukur Þór Bjarnason
barnabörn.
EAGLE-EYE CHERRY TÓNLISTARMAÐUR
ER 39 ÁRA Í DAG
„Lagið Save Tonight er um ljúfsáran
tíma. Það fjallar um hið fullkomna kvöld
með kertaljósi og víni við arininn. Ef þið
deilið þessu kvöldi saman þá getið þið
líklega lifað af aðskilnað, með því að
minnast góðra tíma. Það fjallar um eitt
þeirra kvölda þar sem þú vilt ekki að
næsti dagur renni upp.“
EAGLE-EYE CHERRY FÆDDIST Í SVÍÞJÓÐ OG ER
BRÓÐIR SÖNGKONUNNAR NENEH CHERRY. ÞAU
FERÐUÐUST MIKIÐ MEÐ FÖÐUR SÍNUM DON
CHERRY SEM VAR TROMPETLEIKARI.
„Það verður kannski engin rosa veisla
en við ætlum þó aðeins að blása í
lúðra,“ segir Hrafnkell Sigtryggsson,
formaður Vélhjólaíþróttaklúbbsins, um
afmælishald klúbbsins í tilefni þeirra
þrjátíu ára sem hann á að baki. Hrafn-
kell nefnir glæsilega árshátíð sem fyr-
irhuguð sé en þó er honum svokallað
Jónsmessumót ofar í huga. „Við ætlum
í fyrsta sinn að halda Jónsmessunætur-
þolaksturskeppni á svæðinu okkar í
grennd við Litlu kaffistofuna. Hún á að
hefjast klukkan 18.01 þann 21. júní og
klárast eina mínútu yfir miðnætti.“
Vélahjólaíþróttaklúbburinn er elsti
klúbbur sinnar tegundar á landinu,
og sá fjölmennasti því félagar eru
um eitt þúsund talsins. Þó þeir dreif-
ist um landið er fjöldinn mestur á
höfuðborgarsvæðinu, og stórt svæði
í nágrenni Vífilfells er svo að segja
heimahagar klúbbsins. „Við sömdum
við sveitarfélagið Ölfus um land nærri
Litlu kaffistofunni og þar eru aksturs-
slóðar, mótorkrossbrautir og byrjenda-
brautir. Við erum líka komin með hús
þangað með vatni og rafmagni og þetta
hefur allt verið byggt upp af okkur fé-
lögunum á síðustu tveimur árum,“ lýsir
Hrafnkell.
Vefur klúbbsins er á slóðinni www.
motocross.is og þar sést að starfsemi
hans er öflug. Hann hefur á stefnu-
skrá sinni uppbyggingu svæða, þjálf-
un, kennslu og keppnishald svo og að
berjast fyrir hagsmunum þeirra sem
ferðast á vélhjólum. „Við erum með
öfluga umhverfisnefnd sem sinn-
ir áróðri fyrir bættri umgengni mót-
orhjólafólks, og einnig samskiptum
við sveitarfélög og aðra hagsmunaað-
ila um aðgengi að slóðum og stígum.
Það starf hefur skilað mjög góðum ár-
angri. Enda var það brýn nauðsyn, því
á síðustu fimm árum er búið að flytja
inn hjól í þúsundavís þannig að fjöldi
þeirra hefur margfaldast. Það dugði
því ekki að einungis væri um eina
braut að ræða sem auk þess var um-
flotin vatni og drullu um tíu mánuði
á ári. Það er erfitt fyrir félag eins og
okkar að segja við hjólafólk: „Geymið
þið hjólin bara í skúrnum. Þið megið
ekkert keyra.“ Mun gæfulegra er að
eiga gott samstarf við landeigendur og
sveitarfélög og fá aðgengi að slóðum
sem henta fyrir þetta sport.“
Hrafnkell segir félaga í vélhjóla-
íþróttaklúbbnum á öllum aldri eða
allt niður í sex ára. Spurður hvort
þeir séu ekki í bráðri hættu brosir
hann og svarar. „Börnin eru auðvitað
mjög vel varin, með hjálma, stór stíg-
vél, hanska, hnjáhlífar, axla- og háls-
kraga og á lágum og litlum hjólum sem
hreyfast ekki hratt. Svo fer leikurinn
fram inni á lokaðri braut þar sem mold
er undir. Ég á einn tíu ára son og tel
hann í meiri hættu á fótboltavellinum
eða bara á reiðhjólinu sínu úti á mal-
biki heldur en á mjúkri mótorkross-
braut. Það er nánast snobbað fyrir
hlífum í þessari íþrótt ólíkt mörgum
öðrum þar sem þær þykja jafnvel hall-
ærislegar. Ef einhver mætir í galla-
buxum og strigaskóm í mótorkross
þá þykir það ekki gott. Fleiri en einn
verða þá til að hnippa í viðkomandi
og benda honum góðlátlega á að hann
þurfi aðeins að hugsa sinn gang.“
gun@frettabladid.is
VÉLHJÓLAÍÞRÓTTAKLÚBBURINN: ÞRJÁTÍU ÁRA UM ÞESSAR MUNDIR
Þolakstur um Jónsmessuleyti
HRAFNKELL SIGTRYGGSSON OG HLYNUR ÖRN HRAFNKELSSON Feðgar með mótorfáka sína. FRÉTTABLAÐIÐ/VALLI