Fréttablaðið - 07.05.2008, Blaðsíða 46
22 7. maí 2008 MIÐVIKUDAGUR
folk@frettabladid.is
Japanska útgáfufyrirtækið
Rallye/Klee Label hefur gert
samning við hljómsveitina
Rökkurró um að gefa út plötuna
„Það kólnar í kvöld“ þar í landi.
Platan kom út hérlendis í fyrra á
vegum 12 Tóna. Japönsk útgáfa af
plötunni verður gefin út með
aukalögum og nýju umslagi.
Japanska fyrirtækið hefur
einnig á sínum snærum Eberg
auk þekktra sveita á borð við
Klaxons og Au Revoir Simone.
Dreifing á plötunni stendur
einnig yfir í Evrópu í gegnum
þýska fyrirtækið Cargo og verður
hún því fáanleg í helstu plötubúð-
um Vestur-Evrópu innan skamms.
Það er meira framundan hjá
Rökkurró því sveitin hitar upp
fyrir Ólaf Arnalds á tónleikaferð
hans um Þýskaland, Holland og
Sviss í ágúst.
Samningur við Japan
RÖKKURRÓ Hljómsveitin Rökkurró
hefur gert útgáfusamning við japanskt
fyrirtæki.
Fjöldi þekktra flytjenda koma
fram á stórtónleikum í London í
júní í tilefni níræðisafmælis
Nelsons Mandela, fyrrum forseta
Suður-Afríku. Þátttaka Queen,
Leonu Lewis, Annie Lennox,
Sugababes, Simple Minds,
Razorlight og Soweto-gospelkórs-
ins hefur þegar verið staðfest og
vonir standa til að U2, Eminem,
Amy Winehouse og Spice Girls
stígi einnig á svið.
Tónleikarnir fara fram í Hyde
Park og verður áhorfendafjöldinn
46.664 manns, sem er gamalt
fanganúmer Mandela. Allur ágóði
tónleikanna rennur til samnefndra
góðgerðarsamtaka Mandela sem
berjast gegn alnæmi.
Til heiðurs Mandela
MANDELA OG SOWETO Nelson Mandela
samfagnar Soweto-kórnum er hann tók
á móti Grammy-verðlaununum fyrr á
árinu.
Þungarokkssveitin Silent Rivers ætlar að
slá í gegn á erlendum vettvangi. Hún byrj-
ar þó bara í heimabænum Hveragerði.
Út er kominn platan Silent Rivers með samnefndum
þungarokkskvartett frá Hveragerði. Sveitin var
stofnuð um mitt ár 2004 en komst í núverandi form
þegar söngvarinn Þorgils Óttar Vilberg Baldursson
gekk til liðs við hana fyrir tveimur árum.
„Þetta er týpískt heví-metal,“ segir Árni Þráins-
son bassaleikari. „Við hlustum allir mikið á Iron
Maiden en pössum okkur að hljóma ekki alveg eins
og þeir. Það er þó stundum erfitt, enda eru þeir
búnir að gera svo ofboðslega mikið.“
Platan var tekin upp í Hljóðsmiðju Péturs
Hjaltested í Hveragerði og þótt þrír meðlimir búi í
Reykjavík segir Árni að bandið telji sig vera frá
Hveragerði. „Við æfum þar. En það er svo sem ekki
mikið annað í gangi hérna í þessum hljómsveita-
bransa fyrir utan kannski einhver sveitaballa-
bönd.“
Hljómsveitarmeðlimir vinna við ýmislegt,
innanborðs er póstmaður, listamaður og garðyrkju-
nemi. Árni bassaleikari er öryrki eftir að hann lenti
í vinnuslysi fyrir þremur árum. „Það er alltaf verið
að senda annan gítarleikarann til útlanda eitthvað
að vinna, en við förum bráðlega að leggjast í mjög
stífar æfingar,“ segir hann. „Ætli við höldum ekki
útgáfutónleikana eftir sirka mánuð. Platan er bara
fáanleg í einni búð eins og er, í Tíunni, sem er
sjoppa í miðbæ Hveragerðis. Svo má panta hana á
netinu í gegnum heimasíðuna okkar.“
En hvað á þetta nafn að fyrirstilla? „Þetta er nú
bara tilvísun í norðurljósin. Okkur finnst þau
minna á þöglar ár þar sem þau liðast um himin-
geiminn. „Þöglar ár“ hefði samt ekki verið nógu
gott nafn á bandið. Við beinum sjónum okkar
aðallega til útlanda og útlendingar geta ekki sagt
„Þöglar ár“ fyrir fimm aura.“ - glh
Þungarokk í sjoppu í Hveragerði
VÍGALEGIR LIÐSMENN SILENT RIVERS Plötuna má panta á myspace.com/silentrivers.
Tónleikaþyrstir Íslendingar eiga
nú kost á að fá tólf ókeypis miða
á Hróarskelduhátíðina sem verð-
ur haldin í Danmörku 3. til 6.
júlí.
Til að eiga möguleika á miðun-
um þarf að skrá sig inn á www.
roskilde-festival.is eða á heima-
síðu Popplands hjá Rúv.is og taka
þátt í einföldu krossaprófi.
Meðal þeirra sem koma fram á
hátíðinni í ár eru Grinderman,
Hot Chip, Radiohead, Neil Young,
The Chemical Brothers, Slayer,
Kings of Leon, Jay-Z og The Cult.
Breska söngkonan Adele hefur
aftur á móti afboðað komu sína á
hátíðina þar sem hún er á leið-
inni í upptökuver og hefur lítinn
tíma fyrir tónleikahald.
Frímiðar á Hróarskeldu
HOT CHIP Danspoppararnir í Hot Chip spila á Hróarskelduhátíðinni í sumar.
> HATAR STÚTINN
Keira Knightley þolir ekki stútinn
á vörunum sem er eitt helsta að-
alsmerki hennar, og annaðhvort
pirrar eða heillar fólk upp úr
skónum. „Það er eins og andlit-
ið mitt sé frosið í eilífum undr-
unarsvip, og það hjálpar ekki
beinlínis til við að koma til-
finningum til skila,“ segir
hún. „Þegar ég er stressuð
verður hálsinn á mér mjög
stífur, og sú stífni ýtir vörunum á mér
einhvern veginn út, og þaðan kemur
stúturinn,“ útskýrir leikkonan.
■ Lettar senda síkáta sjóræningja með
grínlag sem hljómar ekki ósvipað og
framlag Merzedes Club til íslensku undan-
keppninnar. „Ég vildi gera eitthvað spes og
þar sem sjóræningjar eru vinsælir um
þessar mundir datt mér þetta í hug,“ segir
Roberto Meloni, Ítali búsettur í Ríga, sem
fer fyrir hópnum. Lettar keppa í sama riðli
og við. Þeir hafa keppt síðan 2000 og unnu
árið 2002 í þriðju tilraun. Lettar voru í 16.
sæti í síðustu tvö skipti og eru því orðnir
óþreyjufullir; treysta nú á sjóræningja til að
rétta skipið af.
■ Safnplatan „100 Eurovisionlög á 5
geislaplötum“ kom út í gær. Á plötu 1 og 2
er að finna 39 lög sem hafa unnið í Eurov-
ision-söngvakeppninni, á plötu 3 eru lög sem
hafa náð vinsældum hér á landi en hafa ekki
unnið keppnina. Á plötu 4 er að finna öll
íslensku lögin 21 sem hafa verið send í
keppnina og á plötu 5 er að finna lög sem
hafa notið vinsælda úr forkeppnum fyrir
Eurovision hér á landi. Þá er einnig komin
út safnplatan „All the Songs from the Show“
á tveimur diskum, en þar eru öll lögin 43 í
keppninni í ár.
Lettar treysta á sjóræningja
ROBERTO MELONI LENGST TIL
HÆGRI Lettneski sönghópurinn
The Pirates of the Sea.
FIMMTÁN DAGAR TIL STEFNU
THOMAS HØILAND AUKTIONER A/S
Frímerki • Mynt
Muslingevej 40 • 8250 Egå • Tlf. +45 8612 9350 • +45 4032 4711
www.thauctions.com • e-mail: tr@thauctions.com
FRÍMERKI • UMSLÖG • SEÐLAR • MYNT
Dagana 9. og 10. maí n.k. munu sér-
fróðir menn frá fyrirtækinu verða á
Íslandi í leit að efni á næstu uppboð.
Fyrirtækið Thomas Höiland Auktioner A/S í Kaupmannahöfn er stærsta fyrirtækið á
Norðurlöndum með uppboð á frímerkjum og mynt og heldur stór uppboð á hverju
ári auk þess að vera stöðugt með uppboð á Netinu.
Leitað er eftir frímerkjum, gömlum
umslögum og póstkortum, heilum
söfnum og lagerum svo og gömlum
seðlum og mynt.
Boðið er upp á umboðssölu eða staðgreiðsluviðskipti eftir óskum viðskiptavinarins.
Þeir verða til viðtals á Hótel Holti föstudaginn 9. maí kl. 16:00-18:00
og laugardaginn 10. maí kl. 10:00-12:00