Fréttablaðið - 08.05.2008, Blaðsíða 18

18 8. maí 2008 FIMMTUDAGUR
Garðsláttur hefst af fullum krafti upp úr
miðjum maí. Fréttablaðið kannaði mögu-
leika þeirra sem vilja losna við umstangið í
kringum slík þarfaverk og komst að því að
um auðugan garð er að gresja.
Líklega þykir flestum ilmurinn af nýslegnu grasi
bæði góður og hressandi. Þó eru hreint ekki allir
sem kunna því vel að slá grasið í garðinum sínum.
Mörgum vex í augum tilstandið sem því fylgir og
kjósa þess í stað að borga utanaðkomandi aðila fyrir
að sjá um sláttinn. Í slíkum tilvikum er hægt um vik
að leita til eins af fjölmörgum fyrirtækjum sem
bjóða upp á þjónustu af þessu tagi.
Brynjar Kjærnested, eigandi Garðlistar ehf. í
Kópavogi, segir meira en að segja það fyrir fólk að
standa sjálft í garðslætti. „Fólk þarf að eiga bæði
sláttuvél og orf, og þegar slætti er lokið má ekki
henda grasinu í ruslið heldur þarf að pakka því inn
og fara með í Sorpu. Það eru því afar margir sem
hreinlega vilja ekki hafa fyrir þessu. Við komum á
staðinn og sláum grasið, snyrtum kanta, hirðum upp
grasið, sópum stéttina og förum með allt draslið í
Sorpu,“ segir Brynjar. Slík alhliða þjónusta er í boði
hjá öllum þeim fyrirtækjum sem Fréttablaðið hafði
samband við.
Birgir Símonarson, skrúðgarðyrkjufræðingur hjá
Ísrós í Kópavogi, segir einna mest um að húsfélög
panti slíka þjónustu. „Það er algengt að íbúar í
stórum fjölbýlum slái saman fyrir þjónustunni, í
stað þess að skiptast á að slá grasið. Það þarf ekki að
vera svo dýrt fyrir hvern íbúa.“
Ýmsir þættir geta haft áhrif á verð á þjónustu af
þessu tagi. Þau fyrirtæki sem Fréttablaðið hafði
samband við fylgja öll þeirri reglu að kanna fyrst
aðstæður á svæðinu sem á að slá og gera síðan
verðtilboð. Ef um er að ræða 400 fermetra grasflöt
má gera ráð fyrir að verðið sé á bilinu 7.500 til
12.500 krónur, allt eftir umfangi verkefnisins.
Vinnuskóli Reykjavíkur býður eldri borgurum og
öryrkjum upp á svokallaða græna heimaþjónustu.
Guðrún Þórsdóttir skólastjóri segir megintilganginn
vera að efla lífsgæði. „Andstyggilegur garður sem
fólk ræður ekki við fælir það fyrr úr húsunum
sínum. Við sjáum um 5-600 garða á sumri og förum
einu sinni til tvisvar í hvern garð. Við reynum að
haga því þannig að þeir njóti þjónustu okkar sem
mest þurfa á að halda.“ Græn heimaþjónusta er í
boði fyrir öryrkja og fólk yfir 67 ára. Verðið er 3.000
krónur fyrir eina þriggja tíma heimsókn og tekið er
við umsóknum í þjónustumiðstöðvum borgarinnar.
kjartan@frettabladid.is
hagur heimilanna
> Verð á vínarbrauði. Meðalverð í febrúarmánuði á
landinu öllu.
HEIMILD: HAGSTOFA ÍSLANDS
95 11
4
84 12
4
14
6
17
6
1998 2000 2002 2004 2006 2008
■ Klassísk húsráð frá Guðnýju Gerði
Gunnarsdóttur borgarminjaverði.
„Þegar ég heyri
orðið húsráð
dettur mér fyrst í
hug orðið blettir
og hvernig eigi
að losa sig við þá.
Ef rauðvín hellist
niður á dúka þá
er að slá salti yfir
blettinn og láta
saltið drekka í sig litinn og síðan
bursta eða ryksuga saltið upp. Ef
kertavax fer niður þá er gott að fara
með heitan straubolta yfir. Langbest
er að hafa blað af eldhúsrúllu undir
og yfir og láta pappírinn sjúga vaxið
upp í,” segir Guðný Gerður Gunnars-
dóttir borgarminjavörður.
GÓÐ HÚSRÁÐ
SALT Á RAUÐVÍNSBLETT
Nú þegar sumarið er farið að banka allverulega á
dyrnar hjá landsmönnum er hætt við að fáir séu með
hugann við veturinn. Flestir enda fegnir að geta losað
sig við þykku úlpurnar inn í skáp og skíðagræjurnar í
geymsluna.
Sumarið er tíminn til að kaupa vetrarvörur, því iðu-
lega sitja verslanir uppi með einhvern lager af vörum frá því
í fyrra sem koma þarf út áður en nýi árgangurinn kemur í hús. Þeir sem þurfa
ekki að vera ætíð í allra nýjustu tísku og skammast sín ekki niður í tær fyrir árs-
gömul skíði, ættu því að nýta sér sumarið til að birgja sig upp fyrir næsta vetur.
■ Verslun
Kaupa vetrarvörur á sumrin Algengt að húsfélög
slái saman á sumrin
ERFIÐI Oft fylgir því mikið umstang að sjá sjálfur um garðslátt-
inn.
„Sumarbústaðurinn minn er hiklaust bestu kaup
sem ég hef gert,“ segir Halldór Halldórsson, bæj-
arstjóri á Ísafirði. „Reyndar keypti ég hann ekki í
heilu lagi. Ég varð náttúrlega að byggja hann.“
Þar með var Halldór kominn með híbýli
á bernskustöðvarnar en bústaðurinn er
í Ögri í Ísafjarðardjúpi á jörð foreldra
hans sem eru þar með búskap. „Það
er því nóg um að vera þegar ég fer í
bústaðinn. Þarna er líka afar gott að
hvíla sig frá amstri dagsins. Öll þæg-
indi eru til staðar eins og rafmagn,
heitur pottur og svo ekkert sjónvarp
sem eru sérstök þægindi.“ Þessi
kaup gerði hann árið 1996
en verstu kaupin gerði
hann nokkru áður.
Þau hafa reyndar
dregið nokkurn dilk
á eftir sér og eiga
það til að hrella bæjarstjórann enn þann daginn
í dag.
„Verstu kaupin gerði ég í hvert skipti sem
ég keypti mér flík á diskótímabilinu.
Ég sé það glögglega þegar ég sé
myndir frá þessum tíma. Þetta er
alveg agalegt, ég fæ aulahroll
þegar ég sé þetta. Sérstaklega
er mér annt um að ein mynd
sem tekin var af mér í Reykjavík
á hátindi diskótímabilsins, fari
ekki á neinn flæking. En þó að
fatatískan hafi verið hin hlægi-
legasta er aldrei að vita nema
að þessi klæðaburður muni
þykja nokkuð töff
þegar fram í sækir,“
segir bæjarstjórinn
minnugur þess að
tískan fer í hringi.
NEYTANDINN: HALLDÓR HALLDÓRSSON, BÆJARSTJÓRI Á ÍSAFIRÐI
Gerði verstu kaupin á diskótímabilinu
Útgjöldin