Fréttablaðið - 08.05.2008, Blaðsíða 34

8. MAÍ 2008 FIMMTUDAGUR2 ● fréttablaðið ● hæðin
Guðbergur Þór Garðarsson og Inacio
Pacas da Silva Filho, matreiðslu- og
listamenn.
Hvers vegna ákváðuð þið að taka þátt í Hæð-
inni?
Vinkona okkar skráði okkur í keppnina og
sagði okkur síðan frá því. Við slógum til því
við hreinlega elskum að breyta, hanna og
skapa hluti til að gleðja mannshjartað.
Hafið þið einhverja reynslu af því að innrétta
hús?
Við höfum báðir byggt hús, annar á Íslandi og
hinn í Brasilíu. Svo erum við alltaf að innrétta
eitthvað fyrir sjálfa okkur og eins höfum við
breytt ýmsu fyrir vini okkar og ættingja.
Hvernig er þetta tímabil búið að vera?
Í einu orði sagt frábært.
Var þetta eins og þið bjuggust við?
Nei, miklu jákvæðara og skemmtilegra.
Hvert sækið þið innblástur og hugmyndir?
Við sækjum mikið af okkar innblæstri í nátt-
úruna og birtuna í mannshjartanu.
Hvernig var að hafa kvikmyndatökuvélarnar
alltaf á eftir sér?
Fyrir okkur var það ekkert mál, við komum
til dyranna eins og við erum klæddir og hefur
aldrei þótt það neitt mál.
Hefur þátturinn haft áhrif á ykkar daglega
líf?
Alveg heilmikil. Við erum svo þakklátir öllu
fólki sem við hittum á förnum vegi og brosir
til okkar og sérstaklega börnin sem eru svo
einlæg. Þá er okkar tilgangi náð, að fá fram
bros hjá fólki og að fólki líði vel.
Voruð þið alltaf sammála um hvernig þið
vilduð hafa hlutina?
Yfirleitt, en ef það kom upp ágreiningur þá
erum við báðir svo klárir á hvor annan að
sannfæra hinn.
Gætuð þið hugsað ykkur að búa á Hæðinni?
Já, við gætum það því að við settum í íbúð-
ina kærleika og ást og okkur leið alveg rosa-
lega vel þar, en svo eigum við yndislegan
100 ára gamlan kofa og fallegan garð sem
að við elskum óendanlega og líður rosalega
vel þar líka.
Hvað tekur við hjá ykkur þegar þættinum
lýkur?
Fullt af vinnu, til dæmis mikil garðvinna
og að reyna að gera eitthvað við kofann
okkar og koma honum í afmælisbúning en
húsið verður 100 ára eins og Hafnarfjörður
í sumar.
Hafið þið fengið einhver tilboð í verkefni í
kjölfar þáttanna?
Já, við höfum fengið alveg fullt af tilboðum
að innrétta og breyta húsnæði og líka fullt af
tilboðum í matreiðslu og þess háttar. Það er
allt mjög spennandi og tilhlökkunarvert.
Fljótir að leysa ágreining
Brynjar Ingólfsson fasteigna-
sali og Steinunn Garðarsdóttir
nuddari.
Hvers vegna ákváðuð þið að taka
þátt í Hæðinni?
Okkur fannst þetta ævintýri og auk
þess erum við miklar keppnism-
anneskjur.
Hafið þið einhverja reynslu af því
að innrétta hús?
Við höfum keypt nokkrar eignir og
gert upp í gegnum tíðina. Vorum að
klára eign í Hafnarfirði á síðasta
ári og erum að klára eignina okkar
í Kópavoginum núna.
Hvernig er þetta tímabil búið að
vera?
Mjög skemmtilegt. Þetta er lífs-
reynsla og frábært fólk sem kemur
að þættinum. Við erum mjög ánægð
að hafa fengið tækifæri til að vera
með í þessu.
Hvert sækið þið innblástur og hug-
myndir?
Við sækjum innblástur okkar
mikið í náttúruna. Við erum hrifin
af hráum hlutum og einnig höfum
við fengið innblástur úr feng shui-
fræðunum.
Hvernig var að hafa kvikmynda-
tökuvélarnar alltaf á eftir sér?
Maður hættir alveg að taka eftir
því. Það var bara fyrstu dagana sem
maður tók eftir þeim. Það er frekar
sjokk að vera ekki með myndatöku-
lið á eftir sér, svona þegar keppn-
in er búin.
Voruð þið alltaf sammála um hvern-
ig þið vilduð hafa hlutina?
Aldeilis ekki. Við erum oftast sam-
mála, en þegar við erum ósammála
þá er niðurstaðan oftast sú að við
blöndum hugmyndum okkar saman
eða veljum þriðja valkostinn og
erum oftast ánægðust eftir að hafa
þurft að fara þá leiðina.
Gætuð þið hugsað ykkur að búa á
Hæðinni?
Ekki spurning. Kannski heldur
stærra hús en við þurfum. En þetta
er tvímælalaust góð staðsetning og
hverfi sem verður mjög eftirsótt í
framtíðinni.
Hvað tekur við hjá ykkur þegar
þættinum lýkur?
Við erum að fara til Indlands að
semja við verksmiðju sem mun
sauma kjólana sem eru svo vin-
sælir hjá katínu.is. Við ætlum
okkur að fara um alla Evrópu og
kynna kjólinn. Þegar sending-
in kemur til landsins munum við
halda stórglæsilega sýningu á Ol-
iver, en það verður auglýst betur
síðar.
Hafið þið fengið einhver tilboð í
verkefni í kjölfar þáttanna?
Já, við höfum fengið þó nokk-
ur verkefni. Okkur hefur verið
boðið að taka heilu húsin frá A-Ö
og ætlum eflaust að prófa þennan
geira aðeins, þar sem þetta er eitt
stærsta áhugamál okkar.
Frábært tækifæri að fá að taka þátt í þessu
Pacas og Beggi segjast hafa lagt kærleika og ást í íbúðina á Hæðinni. FRÉTTABLAÐIÐ/ARNÞÓR
Hreiðar Örn Gestsson, húsasmíða-
meistari og viðskiptafræðinemi, og
Elísabet S. Ólafsdóttir skrifstofustjóri
Hvers vegna ákváðuð þið að taka þátt í
Hæðinni?
Okkur fannst verkefnið spennandi og þar
sem við erum mikið keppnisfólk fannst
okkur mjög freistandi að taka þátt.
Hafið þið einhverja reynslu af því að inn-
rétta hús?
Já, við höfum bæði gert það hvort í sínu
lagi, en aldrei fyrr gert það saman. Stand-
setning húsa hefur líka verið og er hluti af
starfi Hreiðars.
Hvernig er þetta tímabil búið að vera?
Skemmtilegt, lærdómsríkt og á köflum
mikil vinna með fullu starfi og námi.
Hvert sækið þið innblástur og hugmyndir?
Við ferðumst mikið bæði innanlands og utan
og erum mikil náttúrubörn. Alla reynslu og
upplifun tekur maður með sér og nýtir á
einhvern hátt í því sem maður gerir.
Hvernig var að hafa kvikmyndatökuvélarn-
ar alltaf á eftir sér?
Það reyndist okkur ótrúlega auðvelt, enda
voru tökumennirnir algjörir snillingar í að
láta lítið fyrir sér fara og smátt og smátt
urðu þeir bara hluti af okkar daglega lífi.
Hefur þátturinn haft áhrif á ykkar daglega
líf?
Hann hafði náttúrlega veruleg áhrif á
okkur á meðan á upptökum stóð. Við fórum
alla daga beint úr vinnunni að vinna í hús-
inu og gerðum nánast ekkert þar fyrir
utan. Vorum sem sagt eins og sannir hús-
byggjendur, vanræktum vinina, slepptum
því að fara í ræktina og gáfum leikhúsmið-
ana.
Voruð þið alltaf sammála um hvernig þið
vilduð hafa hlutina?
Við höfum stundum ólíka sýn á hlutina en
með jákvæðri umræðu og skoðanaskipt-
um náum við sameiginlegri niðurstöðu og
höfum alltaf verið sátt við útkomuna. Það
er nauðsynlegt að ræða málin og komast að
sameiginlegri niðurstöðu því hugmyndirn-
ar eru oft margar.
Hvað tekur við hjá ykkur þegar þættinum
lýkur?
Við höldum okkar striki í vinnunni og erum
byrjuð í vorverkunum í garðinum heima.
Giftum okkur í júní og förum í brúðkaups-
ferð til Brasilíu.
Gaman að sjá húsið
verða að einni heild
Elísabet Ólafsdóttir og Hreiðar Örn Geirsson. Hafa stundum ólíka sýn á hlutina en ná sameiginlegri niður-
stöðu með jákvæðri umræðu. FRÉTTABLAÐIÐ/ANTON
Lífsstíls- og hönnunarþátturinn Hæðin hefur vakið nokkra athygli. Í þættinum, sem hefur verið sýndur á fimmtudögum á Stöð 2, hefur áhorfendum gefist kostur á
að fylgjast með þremur pörum keppast við að innrétta rými í húsum á Hæðinni. Í kvöld er komið að úrslitaþættinum, en hann verður sendur út frá Hæðinni sjálfri. Þá
velja áhorfendur með símakosningu hvaða pari hefur tekist best til við að hanna húsið sitt og fá sigurvegararnir tvær milljónir að launum. Mikil eftirvænting ríkti þegar
Fréttablaðið náði tali af pörunum til að grennslast fyrir um hvernig hefði verið að taka þátt í þessu og hvað tæki við.
Úrslitin ráðast í kvöld
Steinunn og Brynjar sækja innblástur í náttúruna og eru einnig hrifin af feng shui-
fræðum. FRÉTTABLAÐIÐ/ANTON