Fréttablaðið - 08.05.2008, Blaðsíða 55
FIMMTUDAGUR 8. maí 2008
Flestir kannast við Guðdómlega gleðileik-
inn, átakanlega og innblásna sögu Dantes
af ferð sinni, ásamt leiðsögumanninum
Virgli, í gegnum Helvíti, Hreinsunareldinn
og áleiðis til Paradísar. Fjórir trúðar, þau
Barbara, Úlfar, Za-ra og Gjóla, hafa nú
tekið verkið upp á sína arma og endursegja
það í grófum dráttum á fjölum Borgarleik-
hússins í leikritinu Dauðasyndirnar.
Í hlutverkum trúðanna eru þau Halldóra Geirharðs-
dóttir, Bergur Þór Ingólfsson, Halla Margrét
Jóhannesdóttir og Harpa Arnardóttir. Það er heldur
óvenjulegt að gleðigjafar á borð við trúða taki að sér
að miðla stórvirkjum bókmenntasögunnar til
almennings og því liggur beint við að inna einn
leikaranna, Halldóru nánar tiltekið, eftir því hvernig
þessi ráðahagur komst á. „Við Bergur höfum brugðið
okkur í hlutverk trúðanna Barböru og Úlfars ansi oft
og höfum haft gaman af því að láta þau kljást við
safaríkar sögur á borð við píslarsögu Krists. Kveikj-
an að þessari sýningu var bókin Syndirnar sjö eftir
finnskan rithöfund, Jaakko Heinimäki. Út frá henni
fórum við að kynna okkur þessa kaþólsku heims-
mynd, sem var afar skemmtilegt og fróðlegt fyrir
okkur lúthersku skólabörnin. Satt best að segja leið
okkur eins og við hefðum setið í gegnum háskólakúrs
og kynnst alveg nýrri sýn á heiminn. En í þessari
heimildarvinnu kynntumst við Dante og eftir það
varð ekki aftur snúið; við sáum að þessi magnaða
ferðasaga hentaði trúðunum afskaplega vel.“
Spurð hvernig trúðum gangi að takast á við þær stóru
tilvistarlegu spurningar sem varpað er fram í
gleðileik Dantes segir Halldóra trúðana rétt eins og
hverja aðra leikara. „Þessir trúðar eru svokallaðir
leikhústrúðar og eru þannig kannski meiri sannleik-
sverur en grínarar. Þeir reyna að leika þessa frásögn
eins og hægt er og eiga það líka til að gerast sögu-
menn. Þeir detta reyndar stundum út úr sögunni og
fara af stað í einhverjar vangaveltur um hitt og þetta,
en þeir gera sér vel grein fyrir endatakmarkinu og er
mikið í mun að komast til Paradísar.“
Dauðasyndirnar verða frumsýndar í Borgarleik-
húsinu í kvöld. Rétt er að vekja athygli á að aðeins
eru fyrirhugaðar níu sýningar á verkinu og því er
áhugasömum hollast að tryggja sér miða sem fyrst.
vigdis@frettabladid.is
Kaþólsk heimsmynd könnuð
SANNLEIKSVERUR Trúðarnir sem koma fram á fjölum Borgar-
leikhússins. FRÉTTABLAÐIÐ/ANTON
Fram undan er aldarafmæli Steins
Steinars og hinn 25. maí eru fimm-
tíu ár liðin frá andláti hans. Verð-
ur þessara tímamóta minnst með
ýmsum hætti og hefur Elfar Logi,
leiklistarforkólfur á Ísafirði, ráð-
ist í að setja saman einleik skáld-
inu til heiðurs, en Steinn var fædd-
ur í Djúpinu. Leikurinn verður
frumsýndur í Tjöruhúsinu á Ísa-
firði í kvöld. Alls verða þrjár sýn-
ingar á Ísafirði en eftir það verður
flakkað um Vestfirðina og sýnt á
Flateyri, á Bíldudal, í Bolungarvík
og í Haukadal í Dýrafirði. Einnig
hefur leikhúsinu verið boðið að
sýna leikinn á sérstakri Steins-
hátíð á Snjáfjallasetri 21. júní
næstkomandi.
Í þessum nýja ljóðaleik, Búlúlala
– Öldin hans Steins, eru flutt mörg
af þekktustu ljóðum Steins í bland
við minna þekkt kvæði. Leikurinn
er fluttur af leikara og tónlistar-
manni og er í raun framhald af
samstarfi þeirra Elfars Loga
Hannessonar leikara og Þrastar
Jóhannessonar tónlistarmanns,
sem hófst í fyrra með ljóðaleikn-
um Ég bið að heilsa.
Í þessum nýja ljóðaleik flytur
Elfar Logi ljóð Steins í leik og tali
en Þröstur flytur frumsamin lög
við ljóð hans. Til samstarfs hafa
þeir fengið þriðja listamanninn
sem er Marsibil G. Kristjánsdóttir
en hún hefur gert portrettmynd af
skáldinu sem gegnir hlutverki
leikmyndar í sýningunni.
Meðal ljóða sem koma við sögu í
Búlúlala – Öldin hans Steins má
nefna Að frelsa heiminn, Barn,
Miðvikudagur, Söngvarinn, Tind-
átarnir, Þjóðin og ég og að sjálf-
sögðu ljóðið Búlúlala sem leikur-
inn er nefndur eftir.
Steinn Steinarr er án efa eitt
þekktasta og jafnframt
umdeildasta ljóðskáld síðustu
aldar. Hann hét réttu nafni Aðal-
steinn Kristmundsson og fæddist
13. október árið 1908 á Laugalandi
í Nauteyrarhreppi. Þegar Steinn
kom fram á ritvöllinn hóf hann
þegar að brjóta reglur sem ríkt
höfðu í skáldskap hér á landi um
langa hríð og varð umdeildur fyrir
vikið. Ljóð Steins eru þjóðinni
mjög kær og við mörg þeirra hafa
verið samin lög sem hafa ekki
síður notið vinsælda.
Steinn Steinarr andaðist 25. maí
árið 1958, rétt tæplega fimmtíu
ára að aldri. pbb@frettabladid.is
Búlala fyrir vestan
LEIKLIST Aðalsteinn Kristmundsson
- Steinn Steinarr
FIMMTUDAGUR 8. MAÍ KL. 20
SÖNGTÓNLEIKAR - LHÍ
ÞORVALDUR KR. ÞORVALDSSON
Aðgangur ókeypis.
FÖSTUDAGUR 9. MAÍ KL. 20
TÍBRÁ: SÖNGTÓNLEIKAR
GISSUR PÁLL GISSURARSON OG
JÓNAS INGIMUNDARSON.
Uppselt.
ÞRIÐJUDAGUR 13. MAÍ KL. 20
VÍÓLUTÓNLEIKAR - LHÍ
KATHARINA WOLF
Aðgangur ókeypis.
FIMMTUDAGUR 15. MAÍ KL. 20
FIÐLUTÓNLEIKAR - LHÍ
GRETA SALÓME STEFÁNSDÓTTIR
Aðgangur ókeypis.
LAUGARDAGINN 10. MAÍ KL. 13–16 Á GRAND HÓTELI
Allir velkomnir
Dagskrá:
Ástin er diskó, lífið er pönk
e. Hallgrím Helgason
sýn. mið. 7/5 uppselt, fim. 8/5 uppselt,
lau. 10/5 uppselt
Sá ljóti e. Marius von Mayenburg
sýn. lau. 9/5 örfá sæti laus
Engisprettur e. Biljana Srbljanovic
síðasta sýning lau. 9/5 örfá sæti laus
Skoppa og Skrítla
e. Hrefnu Hallgrímsdóttur
Þrjár sýningar annan í hvítasunnu, uppselt
Miðasala í síma 551 1200
og á www.leikhusid.is
Þjóðleikhúsið
um hel(l)gina
ÞJÓÐLEIKHÚSIÐ