Fréttablaðið - 08.05.2008, Blaðsíða 66

46 8. maí 2008 FIMMTUDAGUR
FRÉTTABLAÐIÐ SPÁIR ÍA 3. SÆTINU Í LANDSBANKADEILD KARLA 2008
GENGI SÍÐUSTU ÁRA 2007 3. sæti í A-deild 2006 6. sæti í A-deild 2005 3. sæti í A-deild 2004 3. sæti í A-deild 2003 3. sæti í A-deild 2002 5. sæti í A-deild
AÐRIR
LYKILMENN
GENGI Á VORMÓTUNUM
■ Sigrar ■ Jafntefli ■ Töp
2 5
0DARIO CINGEL STEFÁN ÞÓR
ÞÓRÐARSON
BJÖRN BERGMANN
> LYKILMAÐURINN
Bjarni Guðjónsson er potturinn
og pannan í spili Skagaliðsins. Frábær
miðjumaður og klárlega einn af
betri leikmönnum deildarinnar.
Geysilega öflugur spyrnumað-
ur sem tekur allar auka- og
hornspyrnur liðsins. Hefur
spilað frábærlega síðustu
sumur og mun væntanlega
halda áfram að láta veru-
lega að sér kveða í sumar.
> X-FAKTORINN
Þórður Guðjónsson nýttist
Skagaliðinu ekki sem skyldi í fyrra þar
sem hann var að glíma við meiðsli.
Meiðslafrír er Þórður á meðal betri
leikmanna deildarinnar og það mun
skipta miklu fyrir Skagann hvort Þórð-
ur geti spilað á fullu í sumar.
Guðjón Þórðarson náði gríðarlega miklu út
úr frekar ungum og fámennum leikmanna-
hópi ÍA á síðustu leiktíð. Ekki var endilega
búist við ÍA mjög ofarlega á töflunni en
drengir Guðjóns enduðu í þriðja sæti. Það
er því ljóst að Guðjón er að byggja upp lið
sem á að geta komist enn hærra.
Hann hefur bætt þriðja Króatanum í
leikmannahóp sinn en Króatarnir tveir sem
komu til liðsins í fyrra gjörbreyttu leik
liðsins. Ef Guðjón nær álíka miklu úr þriðja
Króatanum eru Skagamenn í fínum málum.
Sóknarleikur liðsins verður þess utan
væntanlega enn sterkari enda hafa Skaga-
menn endurheimt Stefán Þórðarson frá
Svíþjóð þar sem hann var að gera frábæra
hluti.
Svo er Björn Bergmann árinu eldri og
reynslunni ríkari en hann er einn efnileg-
asti knattspyrnumaður landsins. Jón Vil-
helm Ákason er annar ungur maður sem
sló í gegn á síðustu leiktíð og verður áhuga-
vert að sjá hvort hann geti fylgt því eftir í
sumar.
Skagamenn hafa misst Kára Stein Reyn-
isson sem er hættur og Dean Martin fór til
Akureyrar. Óvissa er með markvarðamálin
hjá ÍA en aðalmarkvörður liðsins er meidd-
ur og spilar ekki í sumar.
Þegar þetta er skrifað hafa Skagamenn
ekki fengið nýjan markvörð en það gæti
óneitanlega sett strik í reikninginn hjá lið-
inu fái það ekki sterkan markvörð.
ÍA er sterkara en í fyrra
FÓTBOLTI Íslenska kvennalands-
liðið gerði markalaust jafntefli
við Finnland í seinni æfingaleik
þjóðanna í Lahti í Finnlandi í gær
en liðin gerðu 1-1 jafntefli í fyrri
leiknum.
„Það var margt gott í þessu hjá
okkur og það var mjög jákvætt
að halda hreinu. Ég gerði fimm
breytingar á liðinu og gaf öllum
leikmönnum tækifæri af þeim
sem voru heilar,“ sagði Sigurður
Ragnar Eyjólfsson, þjálfari
íslenska liðsins, eftir leikinn.
Íslenska landsliðið hefur nú
haldið hreinu í þremur af síðustu
fjórum landsleikjum og aðeins
fengið á sig tvö mörk í sex leikj-
um ársins og hefur enginn þeirra
tapast. „Við höfum lagt mikla
áherslu á vörnina og að halda
hreinu. Ég talaði um þá tölfræði
fyrir leikinn að kvennalandsliðið
hafi unnið alla leikina sína sem
það hefur haldið hreinu síðustu
sex ár. Þetta var því fyrsti leikur-
inn sem við náum ekki að vinna
þar sem við höldum hreinu,“
sagði Sigurður Ragnar.
„Við fengum nokkur færi og
það munaði litlu að við næðum að
vinna leikinn í lokin en annars
vorum við ekki að búa til eins
mikið í sókninni og ég var að von-
ast eftir. Það var góð barátta úti á
vellinum, við vorum meira
með boltann en þær og mjög
öflugar í vörn en náðum
hins vegar ekki að brjóta
þær niður í sókninni Þetta
eru mjög jöfn lið og það eru
ekki slæm úrslit að gera tvö
jafntefli á útivelli á móti
Finnlandi því þær eru
með hörkulið og ofar
en við á heimslistan-
um,“ segir Sigurður
Ragnar sem segir
sínar stelpur hafa ætlað sér sigur
gegn Finnum. „Stelpurnar eru
drullusvekktar með þessi tvö
jafntefli og voru fúlar eftir báða
leikina og það sýnir aðeins styrk-
leikann hjá okkur. Við höfum trú
á því sem við erum að gera og
okkur finnst við vera betri í fót-
bolta en þær,“ sagði Sigurður.
María Björg Ágústsdóttir
var í markinu í gær og hélt
hreinu í sínum fyrsta lands-
leik í tæp þrjú ár. Sigurður
Ragnar gaf henni og Söndru
hvor sinn leikinn og segist
eiga eftir að skoða leikina
aftur sem og byrjun
Íslandsmótsins áður
en hann ákveður
hvor stendur í
markinu í Evrópu-
leiknum gegn Ser-
bíu í lok mánaðar-
ins.
- óój
Kvennalandsliðið gerði jafntefli í báðum æfingaleikjum sínum í Finnlandi:
Voru drullusvekktar eftir leik
BYRJAR VEL María
Björg Ágústdóttir hélt
hreinu í gær.
FÓTBOLTI Olga Færseth, marka-
hæsti leikmaður efstu deildar
kvenna frá upphafi, segist ekki
vera hætt í fótbolta þótt hún sé
ekki búin að taka ákvörðun um
hvað hún gerir í sumar.
„Ég er allavega ekki að fara að
hætta og er ekki búin að gefa það
út,“ segir Olga sem segir ekkert
til í þeim sögusögnum. „Ég er að
skoða þessi mál núna hvort sem
ég spila með KR eða einhverju
öðru liði. Þó að ég spili ekki í
sumar þá gæti ég alveg spilað
næsta sumar. Þegar ég segist
vera hætt þá er ég hætt en ég er
ekki tilbúin til að segja það eins
og staðan er núna,“ sagði Olga
sem segir hennar mál vera í
vinnslu.
Olga er langmarkahæsti
leikmaður deildarinnar með 265
mörk, 111 mörkum meira en sú
næsta en hana vantar auk þess
„bara“ 29 leiki upp á að jafna
leikjametið. - óój
Olga Færseth skoðar sín mál:
Ég er ekki hætt
NÝTT LIÐ? Olga Færseth getur vel hugs-
að sér að spila með öðru liði en KR í
sumar. FRÉTTABLAÐIÐ/DANÍEL
FÓTBOLTI Margrét Lára Viðarsdótt-
ir lék ekki með íslenska landslið-
inu gegn Finnum í gær vegna
meiðsla sem eru þó ekki alvarleg.
Landsliðsþjálfarinn Sigurður
Ragnar Eyjólfsson hefur ekki
áhyggjur af meiðslum marka-
drottningarinnar.
„Hún hefur lítið getað æft
fótbolta síðasta einn og hálfan
mánuð þar sem hún er búin að
vera stíf aftan í læri. Hún er að
jafna sig af því og verður vonandi
bara heil í sumar. Ég hef ekki
stórar áhyggjur af henni því hún
er á batavegi og ég held að hún
verði alveg klár í slaginn þegar
Íslandsmótið byrjar,” sagði
Sigurður. - óój
Margrét Lára Viðarsdóttir:
Klár fyrir mótið
MEIDD Margrét Lára Viðarsdóttir missti
í gær af sínum fyrsta landsleik síðan
2005. FRÉTTABLAÐIÐ/ANTON
FÓTBOLTI Í gær fór fram kynning-
arfundur Landsbankadeilda karla
og kvenna í fótbolta fyrir komandi
tímabil í sumar þar sem meðal
annars voru birtar árlegar spár
þjálfara, forráðamanna og fyrir-
liða Landsbankadeildarliðanna
yfir lokastöðu deildanna. Val var
spáð efsta sæti hjá körlunum og
KR hjá konunum.
Willum Þór Þórsson, þjálfari
Vals, var sáttur með spána fyrir
Landsbankadeild karla og kvaðst
hlakka til mótsins í sumar.
„Þessi spá var svona nokkurn
veginn í takt við það sem ég bjóst
við verð ég að segja. Við Valsmenn
höfum vissulega í hyggju að gera
atlögu að titlinum í sumar en
áttum okkur alveg á því að það
verða mörg önnur lið sem ætla sér
það sama og hafa styrkt sig mikið
frá því á síðasta tímabili,“ sagði
Willum Þór sem telur að toppbar-
áttan muni líklega verða opnari í
sumar heldur en hún var í fyrra og
fleiri lið sem gætu látið að sér
kveða þar.
„Ásamt okkur tel ég að KR, FH
og ÍA hafi burði til þess að vera í
toppbaráttunni. Þá reikna ég einn-
ig með því að eitt af eftirtöldum
liðum, Keflavík, Fylkir, Fram eða
Breiðablik, muni gera góða hluti
og jafnvel blanda sér í toppbarátt-
una. Loks hef ég trú á því að í það
minnsta kosti eitt af liðunum fjór-
um sem spáð var neðstu sætunum
eigi eftir að spjara sig mun betur
en spáin gefur til kynna um og
ekkert af þessum liðum er þannig
að þú getir bókað stig gegn þeim
þar sem þetta eru allt erfið lið að
etja kappi við,“ sagði Willum Þór
að lokum.
Margt bendir til þess að Íslands-
meistarar Vals og bikarmeistarar
KR eigi eftir að berjast á ný um
titilinn í Landsbankadeild kvenna
í sumar. Hrefna Huld Jóhannes-
dóttir, fyrirliði KR, var afar ánægð
með spána og reiknar enn og aftur
með harðri baráttu við Val í
sumar.
„Mér líst mjög vel á spána og
get ekki sagt að það hafi verið
neitt sem kom mér sérstaklega á
óvart þar. Spurningin var kannski
helst hvort Val eða KR yrði spáð
efsta sætinu en ég er ekkert hissa
á því að það hafi verið við,“ sagði
Hrefna Huld sem telur að KR-liðið
komi sterkara til leiks í sumar en í
fyrra. omar@frettabladid.is
Val og KR spáð titlunum
Þjálfarar, forráðamenn og fyrirliðar liða í Landsbankadeildum karla og kvenna
í fótbolta hittust í gær á kynningarfundi fyrir komandi tímabil í sumar. Karla-
liði Vals og kvennaliði KR er spáð Íslandsmeistaratitlunum í ár.
SPENNANDI BOLTASUMAR FRAMUNDAN Fyrirliðar liða í Landsbankadeild karla í fót-
bolta voru samankomnir í gær á kynningarfundi Landsbankadeilda og spenningurinn
skein þar af hverju andliti. FRÉTTABLAÐIÐ/VALLI
LANDSBANKADEILDASPÁR
Karlar:
1. Valur 405 stig
2. FH 362
3. KR 343
4. ÍA 323
5. Breiðablik 294
6. Fylkir 241
7. Fram 207
8. Keflavík 199
9. HK 120
10. Þróttur 116
11. Fjölnir 108
12. Grindavík 90

Konur:
1. KR 283 stig
2. Valur 278
3. Breiðablik 240
4. Keflavík 192
5. Stjarnan 172
6. Fylkir 134
7. Þór/KA 105
8. Afturelding 86
9. HK/Víkingur 81
10. Fjölnir 79
FÓTBOLTI Eiður Smári var í
byrjunarliði Barcelona sem lá 4-1
gegn Real Madrid í gær.
Það tók nýkrýnda Spánarmeist-
ara Real Madrid ekki langan tíma
til þess að skora fyrsta markið á
Santiago Bernabeu leikvanginum
í gær og gulldrengurinn Raúl
komst á blað strax á 13. mínútu.
Boltinn datt fyrir Raúl á vítateig
Barcelona og hann lét ekki bjóða
sér það tvisvar og lagði boltann
snyrtilega í stöngina og inn.
Stuttu síðar fékk Arjen Robben
að skalla boltann einn og óvaldað-
ur í markið af stuttu færi. Frank
Rijkaard, þjálfari Barcelona, leist
eðlilega ekki á blikuna og brá á
það ráð að skipta Eiði Smára af
velli fyrir sóknarmanninn
Giovanni Dos Santos á 24. mínútu
en það breytti nákvæmlega engu
um gang leiksins.
Real Madrid hélt áfram að
yfirspila Barcelona og þriðja
markið kom á 63. mínútu þegar
varamaðurinn Gonzalo Higuain
skoraði. Ruud Van Nistelrooy,
sem kom inná og var að spila sinn
fyrsta leik í þrjá mánuði, jók á
eymd Barcelona á 78. mínútu með
fjórða markinu úr vítaspyrnu
áður en Thierry Henry minnkaði
muninn í lokinn. Gremja Bör-
sunga var mikil og Xavi fékk
rautt spjald í uppbótartíma. - óþ
„El Clásico“ á Spáni í gær:
Barca rassskellt
af Real Madrid
LOF Í LÓFA Leikmenn Barcelona
heiðruðu nýkrýnda Spánarmeistara og
erkifjendur sína í Real Madrid fyrir leik
liðanna í gær. NORDIC PHOTOS/GETTY