Fréttablaðið - 09.05.2008, Blaðsíða 13

FÖSTUDAGUR 9. maí 2008 13
VIKA 14
DAGBÓK NÝRRA
ÍSLENDINGA
Nú þegar vorið er
komið fylgir því oft
ferðahugur manna
og er Junphen þar
engin undantekning.
„Ég fór um síðustu
helgi ásamt erlend-
um félögum mínum
í sumarhús í Borgar-
firði,“ segir hún. „Þar höfðum við það
nokkuð gott, nutum náttúrunnar
og grilluðum. Reyndar var rigning
mestallan tímann, sem dró aðeins úr
gleðinni.“
Junphen hefur um nokkurn tíma
reynt að komast á íslenskunám-
skeið. „Ég sótti um hjá Mími en þar
var allt uppbókað. Svo komst ég á
íslenskunámskeið annars staðar, en
þar er aðeins kennt einu sinni í viku
og þetta er einungis fyrir byrjendur,
sem er ekki nógu gott fyrir mig, sem
hef búið hér í mörg ár.“
Junphen Sriyoha:
Í íslenskunám
Það er nóg að gera
hjá Algirdas því
hann er að klára
námskeið í heima-
síðugerð en síðan
nálgast mikil hátíð
þar sem hann mun
láta til sín taka. „31.
maí verður haldin
svokölluð þjóðahátíð í íþróttahús-
inu á Strandgötu í Hafnarfirði og ég
verð þar með bás þar sem ég mun
ásamt öðrum kynna menningu og
matarlist frá Litháen,“ segir hann.
„Að þessu sinni taka fulltrúar
frá 122 þjóðum þátt en síðasta ár
voru kynntar um 30 þjóðir og talið
að um 10 þúsund manns hafi kíkt
inn. Nú verður þetta enn stærra
þar sem Hafnarfjarðarbær heldur
upp á aldarafmæli sitt sömu helgi.
En þeir sem vilja kynna sér þetta
nánar ættu að stilla á útvarpið
Halló Hafnarfjörður og leggja við
hlustir því þar eru hátíðinni gerð
góð skil.“
Algirdas Slapikas:
Kynnir menn-
ingu Litháen
„Bíllinn minn
er bilaður en
tengdapabbi fór
með hann fyrir mig
á verkstæði,“ segir
Rachid. Bíllinn,
sem er af gerðinni
Nissan Almera,
bilaði á miðviku-
daginn og það setti Rachid í nokkur
vandræði. „Ég þurfti að taka leigu-
bíl þar sem ég var að vinna fram
eftir en svo hef ég reynt að nota
strætó. Bíllinn hefur ekki bilað í þau
tæpu þrjú ár sem ég hef átt hann.
Við hugsum vel um hann og förum
með hann í skoðun. Ég vona að
hann verði kominn í lag um helgina
þar sem við, ég og konan mín,
ætlum að fara norður á Akureyri.“
Rachid Benguella:
Bíllinn bilaður
„Frá því ég lauk
prófum hef ég
verið mjög upptek-
in við að skipu-
leggja fjársöfnun
og próflokahátíð
sem er í kvöld á
Barnum,“ segir
Charlotte Ólöf. Hún
segir söfnunina fyrir munaðarleys-
ingja í Líberíu. Þar muni hljómsveit-
in BBKeys & Co. spila taktfasta tóna
og 1.200 krónur kosta inn. „Við
erum að reyna að vekja athygli á
IceAid og þá að safna peningum
vegna verkefna í Líberíu. Húsið
opnar klukkan ellefu. Við bjóðum
frían bjór á meðan birgðir endast
og frábæra tónlist.“
Charlotte Ólöf Ferrier:
Skipuleggur
fjársöfnun
UMHVERFISMÁL Tvö tilboð bárust í flóðvar og
önnur verk við Kvíslavatn innan friðlandsins
í Þjórsárverum. Suðurverk bauð 68 milljónir
króna og Heflun tæpar 92 milljónir. Kostnað-
aráætlun hljóðar upp á 105,5 milljónir króna
og er gert ráð fyrir framkvæmdum í sumar
fáist leyfi til þess.
Þorsteinn Hilmarsson, upplýsingafulltrúi
Landsvirkjunar, segir að komi til hamfara-
flóðs við gos í Bárðarbungu verði vatns-
magnið meira en farvegur Köldukvíslar taki.
Náttúrulegur flóðfarvegur liggi í Kvísla-
vatn. Þess vegna vilji Landsvirkjun gera flóð-
var í Þúfuveri.
„Svona stór flóð hafa farið um þennan far-
veg,“ segir Þorsteinn. „Þetta er tiltölulega
einföld aðgerð sem dregur úr hættunni af
hamfaraflóði, bæði fyrir mannvirki og
útbreiðslu flóðsins í Þjórsárverum.“
Gísli Már Gíslason, formaður Þjórsárvera-
nefndar, segir að náttúrulegur farvegur flóðs-
ins sé niður Köldukvísl. Hinn farvegurinn
verði ekki náttúrulegur nema vegna þess að
búið sé að stífla Köldukvísl.
Gísli segir að verði flóð rofni stífla í
Hágöngulóni og vatnið fari með fullum krafti
vestur í Kvíslavatn. Ef ekki hefði verið stífla
í Hágöngulóni hefði sennilega níutíu prósent
af vatninu farið í Köldukvísl og tíu prósent í
farveginn í Þjórsárver.
„En núna á að veita níutíu prósentum af
vatninu í Kvíslavatn,“ segir Gísli og telur
réttast að setja flóðvarir í Köldukvíslarstíflu
og styrkja stífluna norðan við syðri Hágöngur.
„Það er eðlilegt svar við því sem er að gerast.“
- ghs
FLÓÐVARIR Í KÖLDUKVÍSLARSTÍFLU Gísli Már Gíslason,
formaður Þjórsárveranefndar, telur réttast að setja
flóðvarir í Köldukvíslarstíflu. „Það er eðlilegt svar.“
Þorsteinn Hilmarsson, upplýsingafulltrúi Landsvirkjunar, segir náttúrulegan farveg í Kvíslavatn:
Tvö tilboð bárust í flóðvar í Þúfuveri
Apple IMC
Apple IMC | Humac ehf.
Sími 534 3400
www.apple.is
Laugavegi 182
105 Reykjavík
Kringlunni
103 Reykjavík
– nýju MacBook Air fartölvuna í Kringlunni um helgina
Þegar þú snertir nýju MacBook Air breytist allt sem þú taldir þig vita um fartölvur
og verður aldrei eins aftur. MacBook Air á þig um leið og þú sérð hana.
Létt, örþunn, öflug.
Það má koma við
Dæmigerð þyngd í samanburði við MacBook Air
Fartölva . . . . . . . . . . . . . . . . . . . . . . . . . . . . . . . . . . . 2,50 kg
Tískutímarit . . . . . . . . . . . . . . . . . . . . . . . . . . . . . . . 1,64 kg
Handtaska . . . . . . . . . . . . . . . . . . . . . . . . . . . . . . . . . 2,37 kg
MacBook Air . . . . . . . . . . . . . . . . . . . . . . . . . . 1,36 kg
F
í
t
o
n
/
S
Í
A