Fréttablaðið - 09.05.2008, Blaðsíða 16

16 9. maí 2008 FÖSTUDAGUR
FRÉTTASKÝRING
GUÐSTEINN BJARNASON
gudsteinn@frettabladid.is
FRÉTTASKÝRING: Neyðarástand í Búrma
Fórnarlömbum fjölgar
meðan aðstoð er tafin
AÐSTOÐAR BEÐIÐ Þessi fjölskylda eldar mat undir berum himni skammt frá þorpinu Dedaje, sem er tæpa fimmtíu kílómetra
suður af Rangún. NORDICPHOTOS/AFP
ÞAKIÐ FAUK AF HÚSI SUU KYI
Óvíst er hvort Aung San Suu Kyi, friðarverðlaunahafi Nóbels og leiðtogi
stjórnarandstöðunnar í Búrma, slapp ómeidd þegar fellibylurinn Nargis reið
yfir landið um síðustu helgi.
Nágranni hennar segir að þakið hafi fokið af húsi hennar í Rangún, og
húsið sé rafmagnslaust með öllu. Ekki er vitað hvort hún hefur nóg af mat og
vatni. Nágranninn segist þó sjá að kveikt sé á kertum í húsinu á kvöldin.
„Ég kenni í brjósti um hana. Svo virðist sem enginn hugsi um hana,“ sagði
nágranninn, sem vildi ekki láta nafns síns getið af ótta við herforingjastjórn
landsins.
Suu Kyi hefur verið í stofufangelsi á heimili sínu samtals í tólf af síðustu
átján árum vegna baráttu sinnar fyrir því að lýðræði verði komið á í landinu.
AUNG SAN SUU KYI
Óvíst er hvort hún
er slösuð.
FRÉTTABLAÐIÐ/AP
Hjálpargögn frá Samein-
uðu þjóðunum eru byrjuð
að berast til Búrma, en
allri aðstoð frá Bandaríkj-
unum hefur verið hafnað.
Herforingjastjórnin hikar
enn við að hleypa útlend-
ingum inn í landið.
Það var ekki fyrr en í gær, sex
dögum eftir að fellibylurinn Nargis
reið yfir landið, sem fyrsta flug-
vélin með hjálpargögn frá Samein-
uðu þjóðunum fékk að lenda á flug-
vellinum í Rangún, stærstu borg
landsins.
Herforingjastjórnin tefur enn
fyrir því að starfsfólk hjálpar-
stofnana fái vegabréfsáritanir til
að fylgja eftir hjálpargögnum og
sjá til þess að þau berist þangað
sem þörfin er brýnust.
Óttast er að allar þessar tafir
verði til þess að fjöldi látinna verði
á endanum vel yfir hundrað þús-
und.
„Raunveruleg hætta er á því að
úr þessu verði enn verri harm-
leikur ef okkur tekst ekki að
koma þeirri aðstoð fljótt til skila
sem brýn þörf er fyrir,“ segir
John Holmes, aðstoðarfram-
kvæmdastjóri Sameinuðu þjóð-
anna. Hann sagði starfsfólk Sam-
einuðu þjóðanna leggja hart að
stjórninni í Búrma um að tefja
ekki frekar fyrir aðstoð, en telur
þó að átök eða deilur við herfor-
ingjastjórnina muni ekki hjálpa
þeim, sem þurfa á aðstoð að
halda.
Hann sagðist telja að ein og hálf
milljón manna hafi þegar orðið
fyrir miklum áhrifum af völdum
fellibylsins.
Síðdegis í gær höfðu fjórar flug-
vélar frá Sameinuðu
þjóðunum lent í
Rangún með
birgðir af orku-
ríku kexi, lyfjum
og öðrum hjálpar-
gögnum. Þessar
flugvélar hafa
beðið átekta síðustu tvo daga
meðan umheimurinn beið eftir að
stjórnin í Búrma gæfi þeim grænt
ljós.
Á meðan bíður fólk á hamfara-
svæðunum, margt hvert einangrað
og matarlaust, sumir slasaðir og
jafnvel dauðvona.
Herforingjastjórnin hefur til
þessa hafnað allri aðstoð frá
Bandaríkjamönnum, þrátt fyrir að
bandarískar herflugvélar bíði
átekta hlaðnar hjálpargögnum.
Þrjú bandarísk herskip eru einnig
á leið til Búrma.
Herforingjastjórnin sagði í gær
að tæplega 23 þúsund manns væru
látin og rúmlega 42 þúsunda að
auki væri saknað, langflest á
óseyrasvæðum Irrawaddy-fljóts-
ins.
Shari Villarosa, erindreki Sam-
einuðu þjóðanna í Búrma, segir að
tala látinna geti á endanum orðið
eitthvað yfir hundrað þúsund,
einkum vegna skorts á hreinu
vatni og mat.
Að mati talsmanna Sameinuðu
þjóðanna er meira en milljón
manns heimilislaus í Búrma. Heilu
þorpin á óseyrarsvæðunum eru
enn á kafi í vatni, nærri viku eftir
að fellibylurinn reið yfir.
Utanríkisráðherrar Bretlands
og Frakklands, þeir David Mili-
band og Bernard Kouchner, hvöttu
í gær herforingjastjórnina til þess
að „létta öllum hömlum af dreif-
ingu hjálpargagna“.
Kínversk stjórnvöld hafa hins
vegar tekið málstað herforingja-
stjórnarinnar í Búrma og hvetja
alþjóðasamfélagið til þess að mis-
nota ekki ástandið í landinu í pólit-
ískum tilgangi.
„Ástandið er
vont og versn-
ar á meðan
ekkert gerist,“
segir Ómar
Valdimarsson,
sendifull-
trúi Rauða
krossins, sem
undanfarið
hefur starfað
í Kenía en
þekkir einnig
til Búrma.
„Þetta heldur
bara áfram að versna með hverjum
klukkutímanum sem líður.“
Rauði krossinn er með um þrjá-
tíu þúsund innlenda sjálfboðaliða
í Búrma, og þeir eru fyrir löngu
byrjaðir að gera það sem þeir geta.
„Þeir hafa reyndar sjálfir orðið
illa úti margir hverjir, en það er
ansi mikið sem þessir sjálfboða-
liðar geta gert fyrir fólk. Margir af
þeim geta veitt fyrstu hjálp, og svo
eru þeir þarna að bjarga fólki út úr
rústum, hjálpa fólki að komast á
þurrt og jafnframt að athuga hvað
hefur skemmst og hve margir hafa
dáið. Þetta er mikilvægt svo hægt
verði að leggja mat á hver þörfin
er.“
Ómar segir ómögulegt að segja
til um hve lengi fólk geti beðið eftir
aðstoð.
„Það er óljóst hve mikill matur er
til á svæðinu og hversu mikið vatn
er til. Ég held að það sem fyrst og
fremst vanti sé hreint vatn, og svo
skjól og matur.“
Íslendingar geta stutt fórnarlömb
fellibylsins á vefsíðunni raudi kross-
inn.is eða með því að hringja í
söfnunarsíma Rauða krossins, sem
er 907 2020.
Sjálfboðaliðar reyna að bjarga því sem hægt er:
Ástandið er vont
ÓMAR VALDIMARS-
SON Sendifulltrúi
Rauða krossins
minnir á söfnun
fyrir fórnarlömb
fellibylsins.
Á alla viðburði Kópavogsdaga er ókeypis nema annað sé tekið fram.
Nánari dagskrá á www.kopavogur.is eða í síma 570 1500.
Allir Kópavogsbúar og aðrir
gestir hjartanlega velkomnir!
Grunnskólar Kópavogs
„Mjög er tungan málaóð“
Leikrit um líf og ljóð Bólu-Hjálmars. Stoppleikhópurinn
brunar í gegnum Bólu-Hjálmar í grunnskólum Kópavogs
á 50 mínútum.
Leikskólar Kópavogs
Óskin
Barnaleikrit fyrir yngstu áhorfendurna. Skemmtilegt ævintýri
með söngvum í flutningi Einleikhússins.
10:00
Náttúrufræðistofa & Bókasafn Kóp.
Valur hvalur
Ævintýri fyrir börn á leikskólaaldri í umsjón starfsfólks
Náttúrufræðistofu og Bókasafns. Fjörugt fræðsluerindi
í máli og myndum. Panta þarf tíma í síma 570 0450.
11:00
Listasafn Kópavogs - Gerðarsafn
20 ára afmæli Myndlistarskóla Kópavogs
Sýning á myndverkum nemenda í tilefni af afmæli skólans.
Sýningin stendur til 10. maí.
14:00
Gjábakki
15 ára afmælishátíð
Ávörp, skemmtiatriði og afmæliskaffi í boði Gjábakka.
15:00
Stúkan á Kópavogsvelli
OPNUNARHÁTÍÐ
Ávörp og stúkan blessuð. Almenningi boðið
að skoða mannvirkið.
16:00
Náttúrufræðistofa Kópavogs
Fuglinn í fjörunni
Fuglaskoðun á Kópavogsleiru í fylgd sérfræðinga
Náttúrufræðistofu. Mæting kl. 16:00 fyrir neðan
líknardeild Landspítalans (Þinghól).
17:00
Salurinn
HEIÐURSLISTAMAÐUR
Heiðurslistamaður Kópavogs
Starfsstyrkir listamanna, styrkur til listnema og útnefning
á heiðurslistamanni Kópavogs árið 2008.
Tónlistaratriði og ávörp.
20:00
Salurinn
Tíbrá: Söngtónleikar
Ferskur blær frá Ítalíu – Gissur Páll Gissurarson
og Jónas Ingimundarson. Íslensk og ítölsk sönglög.
Miðaverð 2000/1600 kr.
20:00
Félagsmiðstöðvar
Menningarnótt félagsmiðstöðva ÍTK
Menningardagskrá sem stendur alla nóttina, aðeins ætluð
unglingum í 8.-10. bekk í grunnskólum Kópavogs gegn leyfis-
bréfum undirrituðum af forsjármönnum.
Dagskráin í dag 9. maí
Auglýsingasími
– Mest lesið