Fréttablaðið - 09.05.2008, Blaðsíða 18

18 9. maí 2008 FÖSTUDAGUR
Umsjón: nánar á visir.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 371
4.923 -0,36% Velta: 3060 milljónir
HLUTABRÉF Í ÚRVALSVÍSITÖLU: Atorka 7,25 +0,84% ... Bakkavör
33,45 +0,60% ... Eimskipafélagið 21,00 -1,18% ... Exista 10,83 -1,81%
... FL Group 6,37 +0,00% ... Glitnir 17,00 +0,30% ... Icelandair Group
21,80 +0,00% ... Kaupþing 799,00 -0,13% ... Landsbankinn 27,60
-1,08% ... Marel 93,40 +0,00% ... SPRON 4,67 +0,43% ... Straumur-
Burðarás 11,87 -0,67% ... Teymi 3,62 +0,00% ... Össur 96,00 -1,03%
MESTA HÆKKUN
ATLANTIC PETROLEUM +3,35%
FØROYA BANKI +2,04%
ATORKA +0,84%
MESTA LÆKKUN
EXISTA -1,81%
EIMSKIPAFÉLAGIÐ -1,18%
LANDSBANKINN -1,08%
ORF líftækni hefur formlega
opnað hátæknigróðurhúsið Grænu
smiðjuna í Grindavík. Þar er fram-
leitt erfðabreytt bygg sem notað
er til að búa til svokölluð sérvirk
prótín en þau eru svo seld í lyfja-
framleiðslu, lyfjaþróun og rann-
sóknir.
ORF líftækni er þegar orðið
stærsta fyrirtækið á sínu sviði í
Evrópu og eru aðstandendur
félagsins bjartsýnir á framhaldið.
Afurðir félagsins eru mjög sér-
hæfðar og segir Björn Lárus
Örvar, sameindaerfðafræðingur
og framkvæmdastjóri félagsins,
mikinn áhuga á framleiðslunni.
Þegar hefur verið samið um fyrstu
sölu. Hann talar um framleiðsluna
sem „græna stóriðju“ en 2.000 fer-
metra byggingin sem nú hefur
verið tekin í notkun er einungis
fyrsti áfangi starfseminnar.
Össur Skarphéðinsson iðnaðar-
ráðherra skar fyrsta byggið við
hátíðlega athöfn í gær og tók gróð-
urhúsið formlega í notkun.
Gróðurhúsið er sagt einstakt í
heiminum og framleiðslan að
mestu sjálfvirk. Mikla orku þarf
til ræktunar byggs í gróðurhúsi og
notar verksmiðjan rafmagn og
heitt vatn frá orkuveri Hitaveitu
Suðurnesja í Svartsengi. - óká
Græn stóriðja í Grindavík
FL Group tapaði
tæpum 48 milljörðum
króna frá janúar til
mars á þessu ári. Á
hálfu ári hefur félagið
tapað um 111 milljörð-
um króna.
Stærstan hluta taps-
ins á fyrsta ársfjórð-
ungi 2008 má rekja til
fallandi gengis hluta-
bréfa sem FL Group á.
Bréf félagsins í Glitni
lækkuðu um 20,6 millj-
arða króna og í öðrum
skráðum félögum um
13,8 milljarða króna. Tap vegna
sölu á hlutum í Commerzbank,
Finnair og Aktiv Kapital nam 11,3
milljörðum króna. Samanlagt er
þetta tap upp á tæpa 46 milljarða
króna.
Tapið færist ekki allt yfir á eigið
fé því hreinn gengishagnaður af
gjaldeyrisstöðu var
um sjö milljarðar
króna. Neikvæð áhrif
tapsins á eigið féð eru
því um 41 milljarður.
Jón Sigurðsson for-
stjóri sagði eiginfjár-
stöðuna sterka eða um
115 milljarða króna.
Endurfjármögnun
skulda á þessu ári
gengi vel og einungis
væri eftir að fjár-
magna tvo milljarða
ef fimm milljarða
skuldabréfaútboð í
maí væri talið með.
Jón sagði að rekstrarkostnaður
hefði verið skorinn niður um 33
prósent á fjórðungnum og stefnt
að því að lækka hann um fimmtíu
prósent á árinu. Starfsmenn væru
nú 26 en voru 41 fyrir fimm mán-
uðum. - bg
Tapar 48 milljörðum
Seðlabanki Evrópu og Seðlabanki
Englands ákváðu báðir í gær að
halda stýrivöxtum sínum óbreytt-
um. Eru vextir Seðlabanka Evrópu
nú fjögur prósent og fimm prósent
hjá Seðlabanka Englands.
Báðir bankar vísuðu til áhyggna
af verðbólgu í rökstuðningi fyrir
ákvörðunum sínum, sem komu
ekki á óvart og ollu litlum við-
brögðum á mörkuðum.
Stýrivextir Seðlabanka Evrópu
hafa nú verið óbreyttir í ellefu
mánuði samfleytt. Sérfræðingar
telja þó að bankinn gæti lækk-
að vextina síðar á árinu þar sem
teikn séu á lofti um að kólnun sé
framundan í efnahagslífi Evrópu-
sambandslanda. - bih
Vextir í Evrópu
eru óbreyttir
Langt er nú liðið frá því að síðasta
krónubréfaútgáfan leit dagsins
ljós en lítið hefur verið um að vera
á þeim vettvangi undanfarna mán-
uði. Krónubréf hafa nú ekki verið
gefin út síðan 15. febrúar síðast-
liðinn, að því er fram kemur í
Morgunkorni Glitnis. Þar segir
þetta ekki koma á óvart, þar sem
aðstæður á gjaldeyrisskiptamark-
aði hafa ekki verið með besta móti
hér á landi og vaxtamunur við
útlönd verið afar lítill í stystu
samningum.
Lítið er um gjalddaga krónu-
bréfa í sumar. Í gær gjaldféll
tveggja milljarða króna útgáfa
þýska bankans Rentenbank sem
jafnframt er eini gjalddagi maí-
mánaðar. Í júní gjaldfalla krónu-
bréf að nafnvirði 15 milljörðum
króna að viðbættum vöxtum og í
júlí og ágúst samtals 22 milljarðar
króna. - bih
Vaxtamunur lítill
Í GRÆNU SMIÐJUNNI „Fyrsta uppskeran,“ sagði Össur Skarphéðinsson glaðbeittur
við opnun hjá ORF Líftækni í Grindavík í gær. Með honum er Björn L. Örvar fram-
kvæmdastjóri. FRÉTTABLAÐIÐ/STEFÁN
AÐ ÞÚ GETUR MILLIFÆRT
VILDARPUNKTANA ÞÍNA TIL
ÆTTINGJA EÐA VINAR OG KEYPT
VILDARPUNKTA HVENÆR SEM ER
Á WWW.VILDARKLUBBUR.IS?
VISSIR ÞÚ …
Vildarklúbbur
ÍS
L
E
N
S
K
A
S
IA
.I
S
I
C
E
4
19
81
0
5
/0
8
WW
W.VI
LDARKLUBBUR.IS
Sveittur bankastjóri
Vegna misskilnings var Sigurjón Árnason, banka-
stjóri Landsbankans, spurður á uppgjörsfundi
hvernig hann skýrði að lán til tengdra aðila
hefðu hækkað að skilja mætti um tugi milljarða.
Það kom í fyrstu á Sigurjón áður en
ljóst var að um misskilning var að
ræða og farið var að fletta í upp-
gjörspappírum til að athuga hvort
mistök hefðu verið gerð við gerð
reikninga. Þegar sannleikurinn
kom í ljós; að ruglað hafði verið
saman milljónum og milljörðum
var bankastjóranum mikið létt.
„Ég svitnaði bara og hélt að Bjöggi
hefði komist í kassann og hirt
allt,“ sagði Sigurjón og átti
við Björgólf Guðmundsson,
formann bankastjórnar.
Uppskar hann hlátur
fundarmanna.
Umframvarnir banka
Hrein gjaldeyrisstaða Kaupþings nam í lok mars
um 457 milljörðum króna en eigið fé var 404
milljarðar. Á síðasta ársfjórðungi bætti bankinn
við sig gjaldeyri fyrir um níutíu milljarða króna.
Davíð Oddsson seðlabankastjóri var spurður
að því á fundi í gær hvort þessi „umfram-
vörn“ á eign bankans hefði haft áhrif
á krónuna. „Ég vil nú ekki gefa álit á
því hvort þessi viðbúnaður bankanna
umfram brýnustu þörf hafi haft megin-
áhrif í þessum efnum. Við vissum
það lengi að krónan myndi lækka,“
sagði Davíð, og hann væri hlynntur
því að bankarnir verðu sig
gegn gengisbreytingum.
Þó legði hann áherslu á
að bankarnir sýndu hóf
í eigin vörnum og þetta
væri til skoðunar innan
bankans.
Peningaskápur ...
JÓN SIGURÐSSON
Seðlabankinn telur að í
meginatriðum sé íslenska
fjármálakerfið traust. Hins
vegar sé þörf á viðbúnaði.
Brýnasta verkefni bank-
anna sé að tryggja aðgang
að erlendu lánsfé og minnka
lánsfjárþörf.
„Á heildina litið er niðurstaða
Seðlabankans enn sú að fjármála-
kerfið sé í meginatriðum traust,“
sagði Davíð Oddsson seðlabanka-
stjóri þegar hann kynnti fjár-
málastöðugleika bankans í gær.
Bankinn komst að sömu niður-
stöðu fyrir ári. Þar sagði hann
jafnframt að menn yrðu að vera
viðbúnir því að vextir kynnu að
hækka og draga úr lausafé.
„Bankinn gerði ekki ráð fyrir að
veðrabrigðin yrðu svo skörp sem
raun ber vitni,“ sagði Davíð.
Seðlabankinn telur það til kosta
að eignir bankanna og fjármögn-
un þeirra sé dreifð og telur að
þeir hafi verið vel undir það búnir
að mæta þrenginum. Bankarnir
séu nú ágætlega í stakk búnir til
þess að mæta vaxandi vanskilum
og útlánatapi.
Raunar segir Seðlabankinn að í
fyrra hafi hlutfall stórra áhættu-
skuldbindinga af eigin fé bank-
anna aukist og einnig hlutfall
eignarhaldsfélaga í útlánum.
„Ástæða er til að gefa þeirri
þróun gaum,“ sagði Davíð.
Hann sagði bankana hafa
brugðist við erfiðleikum í láns-
fjármögnun með ýmsum hætti en
þörf sé á viðbúnaði. „Brýnasta
verkefni þeirra í bráð er að
tryggja aðgang að erlendu lánsfé
og minnka lánsfjárþörf,“ sagði
Davíð.
Davíð sagði að stjórnvöld hefðu
eflt úrræði sín. Þá nefndi hann
einnig sterka stöðu ríkissjóðs og
það að gjaldeyrisforðinn hefði
verið tvöfaldaður í hittiðfyrra.
Ríkisvaldið hefði lýst yfir vilja til
að styrkja hann frekar. Davíð
vildi fátt segja um stöðu mála,
upphæðir og tímasetningar, annað
en að kjör væru betri nú en fyrir
skömmu og að rætt væri við aðra
seðlabanka. Ekki væru efni til að
ræða það frekar.
ingimar@markadurinn.is
Fjármálakerfið traust
DAVÍÐ ODDSSON Seðlabankastjóri telur að fjármálakerfið sé í meginatriðum traust.
Hann ræðir lítið styrkingu gjaldeyrisvaraforða bankans. FRÉTTABLAÐIÐ/VILHELM