Fréttablaðið - 09.05.2008, Blaðsíða 22

22 9. maí 2008 FÖSTUDAGUR
greinar@frettabladid.is
FRÁ DEGI TIL DAGS
ÚTGÁFUFÉLAG: 365
RITSTJÓRAR: Jón Kaldal og Þorsteinn Pálsson AÐSTOÐARRITSTJÓRI: Steinunn Stefánsdóttir FRÉTTASTJÓRAR: Arndís
Þorgeirsdóttir, Kristján Hjálmarsson, Trausti Hafliðason og Höskuldur Daði Magnússon (dægurmál). FULLTRÚI RITSTJÓRA:
Páll Baldvin Baldvinsson. VIÐSKIPTARITSTJÓRAR: Björgvin Guðmundsson og Björn Ingi Hrafnsson. Fréttablaðið kemur út í
103.000 eintökum og er dreift ókeypis á heimili á höfuðborgarsvæðinu, Akureyri og þéttbýlissvæðum á suðvesturhorninu.
Einnig er hægt að fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í
stafrænu formi og í gagnabönkum án endurgjalds. issn 1670-3871
UMRÆÐAN
Aðalheiður Steingrímsdóttir
og Magnús Ingólfsson skrifa
um frumvarp til framhalds-
skólalaga.
Alþingi fjallar nú um frum-varp til framhaldsskólalaga
sem felur í sér verulegar
breytingar á starfi framhalds-
skóla. Félag framhaldsskóla-
kennara veitti menntamálanefnd Alþingis umsögn
um frumvarpið í nafni Kennarasambands Íslands 28.
janúar sl. sem hægt er að kynna sér á www.ki.is.
Félagið telur ýmislegt í frumvarpinu geta orðið efni
í góða menntastefnu ef rétt er staðið að málum en
leggur áherslu á að það verði lagfært með tilliti til
eftirfarandi sjónarmiða.
• Fyrirætlanir um að draga eigi úr miðstýringu í
námsframboði og í námskrárgerð þurfa að koma
skýrt fram í nýjum lögum.
• Tilgreina þarf námseiningafjölda til stúdentsprófs
svo að tryggt verði að nemendum bjóðist jafngilt
og sambærilegt nám og nú er.
• Skýra þarf tilgang þess að taka upp nýtt eininga-
kerfi fyrir framhaldsskólastigið.
• Skýra þarf tilgang þess að lengja skólaárið í
framhaldsskólum um fimm daga.
• Bæta þarf forsendur skóla til þess að bjóða
nemendum upp á nám við hæfi og sveigjanlega
námsframvindu.
• Tryggja verður rétt nemenda og kennara til
þátttöku í ákvörðunum um innra starf framhalds-
skóla.
• Tryggja verður rétt nemenda til fjölbreytilegs
framhaldsskólanáms.
• Tryggja verður að skólar geti axlað aukna ábyrgð á
vinnustaðanámi nemenda.
• Tryggja þarf að ólögráða fram-
haldsskólanemendur njóti sambæri-
legs stuðnings, ráðgjafar og
þjónustu og ólögráða nemendur á
öðrum skólastigum.
• Markmið um aukna náms- og
starfsráðgjöf fyrir nemendur þurfa
að koma skýrar fram í nýjum
lögum.
• Tryggja þarf rétt ólögráða
nemenda til framhaldsskólavistar í
grennd við heimili sitt.
• Setja verður gæðaviðmið um
þjónustu við nemendur í fjar- og dreifnámi og að
tryggja jafnan aðgang þeirra að náminu.
• Nám og námsgögn verði ólögráða nemendum að
kostnaðarlausu.
Fjöldi samþykkta um frumvarpið sem berast
þessa dagana frá einstökum kennarafélögum
framhaldsskólanna til Alþingis og menntamálaráð-
herra fela í sér þá ósk og sannfæringu að sátt verði
að ríkja í samfélaginu um nýja löggjöf og fram-
kvæmd hennar í skólunum. Slík sátt er væntanlega
um leið traustasti hornsteinn farsæls skólastarfs.
Jafnframt er sú krafa áberandi að vinna þurfi
frumvarpið mun betur í ýmsum mikilvægum
greinum.
Fá frumvörp hafa á síðari árum fengið fleiri
athugasemdir og gagnrýni og framhaldsskólafrum-
varpið nú. Efnislegar og faglegar forsendur
einstakra lagagreina þarf að ígrunda vel og vanda
sem mest og best. Eins er með faglegar áherslur
menntunar og uppeldis. Vafamál er hvort tími
vinnist til að ganga sómasamlega frá málinu á
vorþingi. Löggjafinn þarf nú að staldra við og skoða
málið á sjálfstæðan hátt.
Höfundar eru formaður og varaformaður Félags
framhaldsskólakennara, Kennarasambandi
Íslands.
AÐALHEIÐUR
STEINGRÍMSDÓTTIR
MAGNÚS
INGÓLFSSON
Framhaldskólinn í höndum Alþingis
Steingrímur í einkaflug
Eiður Guðnason sendiherra segir á
bloggsíðu sinni frá ferð sem hann fór
í ásamt fimm öðrum þingmönnum
með einkaflugvél til Grænlands árið
1985. Tilefnið var stofnfundur vest-
norræna þingmannaráðsins og var
ákveðið að leigja flugvél til að spara
tíma. Eiður segist ekki sjá neinn mun
á þessu og flugi Geirs H. Haarde og
Ingibjargar Sólrúnar Gísladóttur með
einkaþotum. Af sexmenningum
sem fóru til Grænlands á
sínum tíma situr aðeins
einn ennþá á þingi:
Steingrímur J. Sigfússon,
formaður Vinstri grænna.
Flokkssystkin hans
gagnrýndu einmitt
einkaþotuflug Geirs og
Ingibjargar harðlega og töluðu um að
stjórnmálamenn ættu að deila kjörum
með almenningi. Ekki ber á öðru en
þau hafi fyrirgefið formanninum brot
sitt. Ætli það teljist ekki fyrnt?

Hvenær á að upplýsa laun?
Fréttastofa Sjónvarps fjallaði um
ráðningu Jakobs Frímanns Magnús-
sonar í starf framkvæmdastjóra
miðborgarmála kvöldfréttum í gær.
Í fréttinni var meðal annars sagt frá
launum Jakobs Frímanns og
þau sundurliðuð. Þetta er
áhugavert í ljósi þess að
mánuðum saman þráaðist
RÚV við að upplýsa um
laun dagskrárstjóra
Ríkisútvarpsins og
Ríkissjónvarpsins.
Stjórnmálastarf
Ingibjörg Sólrún Gísladóttir, formaður
Samfylkingarinnar, var ekki hress í
kvöldfréttum Stöðvar tvö á mið-
vikudagskvöld, þar sem Heimir Már
Pétursson fréttamaður spurði hana
út í loforð um afnám á veglegum
lífeyriskjörum ráðamanna. Ítrekað
hefur verið minnt á þetta loforð í
kvöldfréttum Stöðvar tvö og sagði
Ingibjörg Sólrún engu líkara en
að fréttastofa Stöðvar tvö væri í
stjórnmálastarfsemi en ekki að
segja fréttir. Heimir Már
ætti alltént að vera öllum
hnútum kunnugur á þeim
vettvangi; hann er fyrrver-
andi framkvæmdastjóri
Samfylkingarinnar.
bergsteinn@frettabladid.is
SPOTTIÐB
orgarstjórn Reykjavíkur hefur bitið það í sig að hún vilji
leggja áformaða Sundabraut í göng undir Laugarnes og
Sundin. Hvað sem það kostar. Fram hefur komið, meðal
annars á fundi sem fram fór í Ráðhúsi Reykjavíkur á
miðvikudagskvöld sem boðaður var með svo skömmum
fyrirvara og auglýstur svo illa að hann fór framhjá ansi mörgum
sem áhuga hefðu haft á að leggja þar orð í belg, að gangaleiðin
yrði að minnsta kosti níu milljörðum króna dýrari kostur en hin
svonefnda eyjaleið, sem Vegagerðin telur skynsamlegri.
Þegar tillagan um gangaleiðina er skoðuð nánar sést að þessi
áætlaði kostnaðarmunur er algert lágmark. Það eru svo miklir
óvissuþættir við að leggja tvö tvíbreið gangarör undir hafsbotn
á þessari leið, með tilheyrandi aðreinaslaufum, að viðbúið er að
þegar upp verði staðið verði kostnaðurinn mun meiri en uppruna-
legar áætlanir gera ráð fyrir. Hins vegar fylgir áætlanagerð um
smíði yfirborðsvegar um hefðbundnar brýr mjög lítil óvissa.
En jafnvel þótt áætlanir stæðust, þá eru níu milljarðar svo há
upphæð að hún krefst þess að dokað sé við. Hvað væri til dæmis
hægt að gera fyrir almenningssamgöngur á höfuðborgarsvæðinu
fyrir níu milljarða?
Betrumbætur á Vesturlandsvegi í gegn um Mosfellsbæ hafa
nú þegar minnkað þörfina á Sundabraut frá því fyrstu áform um
byggingu hennar voru smíðuð. Engu að síður er það óumdeilt að
talsverð samgöngubót yrði að henni. En það er eins og það gleym-
ist oft að hafa í huga hvaðan þeir koma og hvert þeir ætla sem
nota eiga Sundabraut. Það er vandséð, út frá því hvernig umferð-
arstraumar borgarinnar liggja, hvers vegna þeir sem nota vilja
Sundabraut eigi að aka niður í sjó fyrir utan garð Hrafns Gunn-
laugssonar í Laugarnesinu. Það þarf ekki annað en að líta á kort
til að sjá að eyjaleiðin (innri leið) liggur nær meginumferðar-
straumunum.
Við blasir að gangaleiðin myndi lítið nýtast Grafarvogsbúum,
öðrum en þeim sem starfa í gamla miðbænum. Eins og skýrt
kemur fram í spám um umferðarþunga sem Jónas Snæbjörnsson,
sérfræðingur hjá Vegagerðinni, kynnti í erindi á áðurnefndum
fundi í Ráðhúsinu og finna má á vef Vegagerðarinnar, myndi innri
leiðin nýtast íbúum á svæðinu mun betur. Svo lengi sem ekki er
hafin uppbygging nýrra íbúðarhverfa í Geldinganesi og Álfsnesi
kemur Sundabraut raunar að takmörkuðu gagni. Nema þá fyrir
gegnumstreymisumferð, en hún kemst ekki á fyrr en búið er að
leggja báða áfanga Sundabrautar, alla leið upp á Kjalarnes. Og
það verður ekki fyrr en að svo mörgum árum liðnum að í millitíð-
inni verður sjálfsagt búið að byggja nýju hverfin.
Mistökin sem gerð voru með því að hrinda í framkvæmd því
skelfilega skipulagsslysi sem kallað er „nýja Hringbraut“ ætti að
vera víti til varnaðar. Varnaðarorð heyrðust ríkulega í þá tvo ára-
tugi áður en hafizt var handa við þá framkvæmd, sem hefðu átt að
geta vakið ábyrga stjórnendur til vitundar um það í hvers konar
slys stefndi. Á því hvernig fór bera bæði Vegagerðin, samgöngu-
yfirvöld ríkisins og borgaryfirvöld ábyrgð. Nú ríður á að skyn-
semin fái að ráða áður en tugmilljörðum króna af fé almennings
er sökkt í göng undir Laugarnesbukt.
Samgönguskipulag á villigötum:
Göng undir Sund-
in væru glapræði
AUÐUNN ARNÓRSSON SKRIFAR