Fréttablaðið - 09.05.2008, Blaðsíða 27

[ ]Helgin verður votviðrasöm. Gúmmístígvél eru því eini skófatnaðurinn af viti í helgarbröltið um hvítasunnuna.
Mótettukór Hallgrímskirkju flytur Vesper eftir
Rachmaninov á annan í hvítasunnu.
Vesper er gjarnan talið eitt helsta tónverk rússnesku
rétttrúnaðarkirkjunnar og merkasta verk tónskálds-
ins Sergeis Rachmaninov. Mótettukórinn flytur
Vesper í Hallgrímskirkju á annan í hvítasunnu, 12.
maí kl. 17. Einsöngvararnir þrír sem syngja með kórn-
um eru ekki af verri endanum og sagði Hörður
Áskelsson, stjórnandi kórsins, okkur lítillega frá
þeim.
„Við fáum einn söngvara alla leið frá Pétursborg en
það er hann Vladimir Miller sem er basso profondo og
mjög þekktur sem slíkur. Verkið er skrifað fyrir
hefðbundinn fjögurra radda kór a cappella auk þess
sem sérlega djúpar bassaraddir bætast við venjulega
kórbassann og er það gríðarlega áhrifamikið,“ segir
Hörður spenntur. „Ég frétti af Miller í gegnum
Kammerkór eistnesku fílharmóníunnar sem söng í
Salnum í Kópavogi. Þetta er mikil viðbót fyrir okkur
og útvíkkun á verkinu,“ útskýrir Hörður.
Tenórinn er meðlimur í Mótettukór Hallgrímskirkju
og heitir Nebojsa Colic. „Hann kemur frá Serbíu en
hefur búið á Íslandi í nokkur ár og auk þess að syngja
með okkur í Mótettukórnum þá er hann kórstjóri hjá
rétttrúnaðarkirkjunni á Íslandi. Þó svo að hann starfi
ekki sem tónlistarmaður þá hefur hann þekkt þetta
verk, sögu þess og merkingu frá blautu barnsbeini og
þessa tegund af tónlist en serbneska réttrúnaðar-
kirkjan er með tónlist í þessum stíl,“ útskýrir Hörður.
Síðast en ekki síst er það altsöngkonan Auður
Guðjohnsen sem Hörður kynntist fyrst í inntökuprófi
hjá kammerkórnum Schola Cantorum sem Hörður
stýrir einnig. „Hún hreif okkur mikið þar og nýtur sín
vel í verkinu,“ segir Hörður einlægur.
Í Vesper er kórröddum skipt mikið upp og þegar
mest lætur syngur kórinn í ellefu röddum. Verkið er
einkar hljómfagurt og að sögn Harðar nýtur það sín
vel í miklum hljómi Hallgrímskirkju. Hægt að nálgast
miða í Hallgrímskirkju og er almennt miðaverð 3.000
krónur. Verkið verður flutt aftur 15. júní á alþjóðlegri
tónlistarhátíð á Akureyri. „Þá koma þrír rússneskir
söngvarar frá Moskvu og syngja þessi þrjú hlutverk
og er það ekki síður spennandi,“ segir Hörður, sem
hlakkar mikið til tónleikanna. hrefna@frettabladid.is
Náttsöngvar á hvítasunnu
Hörður hefur lagt sig fram við að gera flutning Mótettukórsins
á Vesper eftir Rachmaninov sem líkastan uppruna sínum.
FRÉTTABLAÐIÐ/ANTON BRINK
Thai-golfmót
Hið árlega Thai-golfmót fer fram
á Þverárvelli á Hellishólum
á morgun. Allir Taílandsfarar,
áhugamenn um Taíland og aðrir
góðir gestir eru velkomnir á
mótið. Ræst verður út frá öllum
teigum klukkan 11. Verð
kr. 3.500 og er glæsileg-
ur taí-kvöldverður að
hætti meistara-
kokka Hellis-
hóla innifalinn í
mótsgjaldi. Skrán-
ing er hafin á
www.golf.is
eða í síma 487-
8360. Glæsileg
verðlaun verða
veitt fyrir karla
og konur.
Skráning á Thai-
golfmót fer fram
í gegnum www.
golf.is.
Hátíð í bæ
Menningar- og afmælishátíðin
Vor í Árborg 2008 er nú í fullum
gangi, en hátíðin hefur notið
mikilla vinsælda undanfarin ár.
Meðal viðburða um helgina má
nefna glímu, leiðsögn um Stokks-
eyri og tónleika Lúðrasveitar
Selfoss á laugardaginn og göngu
á Ingólfsfjall og rokktónleika á
sunnudaginn. Er þá fátt upptalið.
Allar nánari
upplýsingar
um dag-
skrána er
að finna á
vefsíðunni
www.
arborg.is
Alls kyns
spennandi
uppákomur
verða á Menn-
ingar- og afmælis-
hátíðinni Vor í
Árborg 2008.
Blaðberinn
bíður þín
Þú færð Blaðberann þinn í Skaftahlíð 24
alla virka daga frá kl. 8-17.
óðar fréttir fyrir umhverfiðBlaðberinn...