Fréttablaðið - 09.05.2008, Blaðsíða 38

9. MAÍ 2008 FÖSTUDAGUR2 ● fréttablaðið ● heilsa og lífsstíll
Íslenska kvennalandsliðið í íshokkí kom, sá og
sigraði á heimsmeistaramóti 4. deildar í Rúmen-
íu í mars, eftir að hafa gengið illa í undanförnum
keppnum.
„Landsliðið er ekki nema þriggja ára gamalt og
þegar við kepptum fyrst á heimsmeistaramóti
urðum við í neðsta sæti og í því næstneðsta árið á
eftir. Það var því sætur sigur og draumi líkast að
vinna gullið í ár. Við mættum til Rúmeníu sem lús-
erar gærdagsins en enduðum sem drottningar í
sjónvarpsviðtölum og veisluhöldum eftir heims-
meistaragullið og vöktum mikla athygli,“ segir
Guðrún Kristín Blöndal, aldursforseti liðskvenna
kvennalandsliðsins í íshokkí, en með sigrinum
skaust liðið rakleiðis upp í 3. deild.
„Með tilkomu skautahalla í Reykjavík og á
Akureyri fór af stað kvennadeild í íshokkí árið
2000. Fyrst í stað spiluðu menntaskólastelpur upp
á grín og skemmtun, en í dag skipa liðin alvöru
íþróttamenn sem þjálfa allt að fimm sinnum í viku
og hlaupa og lyfta þess á milli,“ segir Guðrún sem
þakkar kanadíska þjálfaranum Söruh Smiley og ein-
huga metnaði íshokkíkvenna heimsmeistaragullið
í ár.
„Erlendis æfa þúsundir kvenna íshokkí og úr
hundruðum að velja í landslið þjóða. Það sem vakti
mesta athygli á frækilegu afreki okkar úti var
mannfæðin, en hér æfa að hámarki 45 konur íshokkí
og þá taldar með stelpur í öllum aldursflokkum, frá
fjögurra ára og upp úr. Við höfum því val úr aðeins
þrjátíu kvenna hópi á landsvísu í okkar landslið og
vorum því sannkallað kraftaverkalið á heimsmeist-
aramótinu,“ segir Guðrún sem byrjaði að æfa ís-
hokkí með Skautafélagi Akureyrar á 26. aldursári.
„Íshokkí er íþrótt sem fylgir manni lengi, allt frá
barnæsku til fullorðinsára. Meðalaldur er hærri
en gengur og gerist í mörgum öðrum íþróttum og
margar í margföldu heimsmeistaraliði Kanada nú
sem eru eldri en 35 ára. Ég á því mikið eftir þótt ég
sé gamla kempan í liðinu,“ segir Guðrún og hlær
dátt, en vinsældir íshokkís fara hratt vaxandi meðal
íslenskra stúlkna.
„Við vorum nýlega með opna daga á Akureyri
og fullan ís af kappsömum stelpum, en þær yngstu
sem æfa eru fjögurra ára. Upp er að koma ný kyn-
slóð íshokkístúlkna á Akureyri á aldrinum tíu til
sextán ára, sem er kjöraldur og þeim fer töluvert
hraðar fram en okkur gömlu. Sportið er opið stelp-
um á öllum aldri og næsta haust verðum við aftur
með opna daga á Akureyri og í Reykjavík þar sem
stelpur fá að prófa gallana líka. Það er nefnilega
alls ekki það sama að fara á skauta og í íshokkí, og
gaman að segja frá því að þegar stelpur eru tvístíg-
andi að velja á milli fótbolta og íshokkís en prófa
bæði, velja þær allar íshokkí enda skemmtilegur
leikur fyrir alvöru keppnisfólk. Leikurinn krefst
mikilla átaka og ekki þurr þráður í undirgallanum
eftir leiki, og maður fær mikla útrás fyrir streitu,
enda rífst ég ekki lengur við eiginmanninn þegar ég
kem heim,“ segir Guðrún og skellihlær.
„Íshokkí er hörkuíþrótt sem krefst samblands
snerpu, styrks og tækni, en í raun þarf maður
líka að vera náttúrubarn í þessu til að ná góðum
árangri.“ - þlg
Drottningar á ísnum
Guðrún Kristín Blöndal með fjögurra ára dóttur sinni, Sögu
Margréti Sigurðardóttur Blöndal, en þær eru elsti og yngsti
iðkendur í kvennahokkíinu. MYND/RÓSA GUÐJÓNSDÓTTIR
Kvennalandslið Íslands í íshokkí á svellinu á heimsmeistaramótinu í Rúmeníu síðastliðna páska. MYND/KATRÍN ELÍASDÓTTIR
Að ganga um fjöll og firnindi er
lífsstíll hjá mörgum. Einn þeirra er
Hjörleifur Guttormsson, náttúru-
fræðingur og fyrrverandi alþing-
ismaður, sem er göngugarpur og
fróðleiksbrunnur um landið okkar.
Hann hefur skrifað sex árbækur
fyrir Ferðafélag Íslands og fjalla
þær allar um eystri hluta landsins.
Ein ný kom út fyrir síðustu helgi.
Hún fjallar um Úthérað, Borgar-
fjörð eystri, Víkur og Loðmund-
arfjörð. Þar leiðir hann lesandann
um landið og fléttar saman sögu og
lýsingu á náttúrufari og mannlífi
á svæðinu. Einnig hefur Hjörleif-
ur tekið flestar ljósmyndanna sem
prýða bókina en þar er líka mik-
ill fjöldi skýringarmynda um jarð-
fræði, lífríki og fornminjar á svæð-
inu auk ýmissa uppdrátta og korta.
Í útgáfuteiti sem haldið
var síðasta þriðjudag fór
Hjörleifur yfir svæðin í
bókinni, sagði frá nokkr-
um örnefnum og til-
urð þeirra eða af-
bökun.
Heimild: www.
fi.is. - gun
Um Úthérað, Víkur og Loðmundarfjörð
Árbók Ferðafélags
Íslands í ár er
eftir Hjörleif
Guttormsson.
MYND/FI.IS
FULLT VERÐ
42.900
34.900
Frábært grill
· Mikil orka 16,5 kw/h
· Ryðfrítt lok og takkaborð
· Grillgrindur úr pottjárni
· 3 brennarar úr pottjárni
· Hillur úr litaðri furu
· Neistakveikja í rofa
· Skúffa fyrir fitu
· Hitamælir
· Grillflötur: 64 x 49cm
· Stærð:120 x 99,5 x 60cm
· Þrýstijafnari og slanga
Hlíðasmára 13, 201 Kóp - Sími 554 0400
er frá
Þýskalandi
16,5
kw/h
fyrir íslenskar
aðstæður
Bowel Biotics+
Einstök formúla fyrir heilbrigði maga og ristils
- ráðlagt af meltingarlæknum og heilsusérfræðingum
Physillium Husk
Prebiotica Inulin FOS
Probiotics 5 tegundir
mjólkursýrugerla
Vinsælasta magaheilsuefnið
í Bretlandi og víðar
Ummæli íslenskra neytenda:
„Það besta og fljótvirkasta sem við höfum prófað”
Bowel Biotics+ Kids Sérstaklega
samsett svo hæfi meltingu barna
Fæst í apótekum og heilsubúðum Celsus
Skokkhópurinn í Laugum í
Laugardal er ætlaður byrjend-
um upp í maraþonhlaupara og
geta því allir verið með.
Hópurinn er gerður út frá
World Class og oftast er hlaupið
þaðan, þótt stundum sé breytt
út af venjunni. Æfingar eru
fjórum sinnum í viku og leið-
ir leiðbeinandinn, Pétur Ingi
Frantzson, þátttakendur í gegn-
um æfingaráætlun hverju sinni.
Þeir sem eru lengra komnir
fá leiðbeiningar og leggja síðan
sjálfir af stað. Pétur fylgir hins
vegar byrjendum og býr til
áætlun með þeim. Hann metur
hvern fyrir sig og útbýr síðan
áætlun sem hentar hverjum og
einum. Því er öllum hjálpað að
komast í gang.
Hátt í hundrað manns eru í
hópnum þó að þátttakendur á
æfingum séu á bilinu 25 til 45.
Leiðirnar eru mismunandi og
nú hefjast senn hlaupaferðir í
Heiðmörk á þriðjudögum.
Í hópinn komast allir sem
eiga kort í World Class en einn-
ig er hægt að hafa samband við
leiðbeinandann Pétur í síma 844
6617 til að óska eftir inngöngu.
Annars má sjá nánari dagskrá á
laugaskokk.is. - hs
Laugaskokk fyrir alla
Félagar í Laugaskokki hlaupa Þing-
vallahlaup 2008. MYND/HELGA ÁRNADÓTTIR,