Fréttablaðið - 10.05.2008, Blaðsíða 8

8 10. maí 2008 LAUGARDAGUR
Á alla viðburði Kópavogsdaga er ókeypis nema annað sé tekið fram.
Nánari dagskrá á www.kopavogur.is eða í síma 570 1500.
Allir Kópavogsbúar og aðrir
gestir hjartanlega velkomnir!
11:00
Listasafn Kópavogs - Gerðarsafn
20 ára afmæli Myndlistarskóla Kópavogs
Sýning á myndverkum nemenda í tilefni af afmæli skólans.
Leiðsögn kl. 14:00. Lokadagur sýningarinnar.
14:00
Kópavogsvöllur
Fótbolti – Fyrstu leikir sumarsins
Kópavogsvöllur HK-FH og Akranesvöllur ÍA-Breiðablik.
Áfram Kópavogur!
Dagskráin í dag 10. maí
Afmælisdagur
Kópavogs!
15:00
Sundlaug Kópavogs
OPNUNARHÁTÍÐ
Formleg opnun eftir endurbætur
Á 53 ára afmæli Kópavogskaupstaðar verður
ný og endurbætt Sundlaug Kópavogs blessuð
og opnuð almenningi til skoðunar.
Ókeypis í Sundlaug Kópavogs 12. maí
Sunnudagurinn 11. maí
Auglýsingasími
– Mest lesið
DÓMSMÁL Arunas Bartkus og Rol-
andas Jancevicius voru í Hæsta-
rétti á fimmtudag dæmdir í fimm
ára fangelsi fyrir hrottalega
nauðgun aðfaranótt 10. nóvember
í fyrra. Mennirnir réðust á konu
með ofbeldi í húsasundi áður en
þeir nauðguðu henni á hrottalegan
hátt. Þeir voru dæmdir til að
greiða konunni 1,2 milljónir króna,
sem er um helmingi lægri upphæð
en dómur héraðsdóms sagði til
um.
Konan hafði hitt Arunas og Rol-
andas á veitingastað fyrr um
kvöldið og bauð þeim að koma með
sér að hitta vini sína.
Skömmu síðar réðust mennirnir
tveir á konuna, felldu hana í
götuna og nauðguðu á hrottalegan
hátt. Þeir tróðu meðal annars
fingrum sínum í leggöng og „hlógu
á meðan“ eins og orðrétt segir í
dómnum. Samkvæmt lýsingum í
dómi héraðsdóms frá því 25. jan-
úar síðastliðinn var konan „skelf-
ingu lostin“ og baðst ítrekað
vægðar.
Eftir að mennirnir höfðu lokið
sér af fór konan frá vettvangi
heim til sonar síns, þaðan sem hún
fór á neyðarmóttökuna.
Mennirnir voru handteknir 12.
nóvember og hafa verið í gæslu-
varðhaldi síðan. Líklegt er að
mennirnir muni sitja af sér í
heimalandi sínu á grundvelli sam-
komulags sem dómsmálaráðherr-
ar Íslands og Litháens hafa gert
fyrir yfirvalda. - mh
Tveir Litháar fengu fimm ára fangelsisdóm fyrir hrottalega nauðgun:
Nauðgun og árás í húsasundi
HÆSTIRÉTTUR Hæstiréttur staðfesti
lengd refsingarinnar en lækkaði bóta-
greiðslur frá dómi héraðsdóms.
FRÉTTABLAÐIÐ/ANTON
EFNAHAGSMÁL Arnór Sighvatsson,
aðalhagfræðingur Seðlabanka
Íslands, segir í viðtali sem birt var
í gær á fréttavef þýska dagblaðs-
ins Frankfurter Allgemeine Zeit-
ung að upptaka evru myndi vera
til þess fallin að koma á stöðug-
leika í íslensku efnahagslífi. Það
væri hins vegar ekki hægt nema
með aðild að Evrópusambandinu
og innganga í það væri pólitískt
ógerleg eins og sakir stæðu.
„Við erum í mjög hættulegum
aðstæðum. Aðalvandi okkar er að
ná stöðugleika í gengi gjaldmiðils-
ins, og til þess þurfum við að skapa
traust á íslensku krónunni,“ segir
Arnór, spurður út í ástæður
gengishruns krónunnar og tveggja
stafa verðbólgu.
Spurður hvort svona lítið land
þurfi yfirleitt á sjálfstæðum
gjaldmiðli að halda svarar Arnór
því til, að vissulega sé Ísland ekki
hagkvæmt myntsvæði. „Það kost-
ar okkur talsvert að halda gjald-
miðlinum í jafnvægi. Gengið er
mjög óstöðugt, sem gerir það líka
að verkum að neyslan sveiflast
mjög eftir verði. Gjaldmiðillinn
er frekar uppspretta óstöðug-
leika, heldur en að hann geti dreg-
ið úr utanaðkomandi sveiflum,“
segir hann.
Arnór segir að jafnvel megi
vænta þess að verðbólga á árinu
verði 13-14 prósent, aðallega
vegna áhrifa veikingar krónunnar
á verð innfluttrar vöru. Áhrif
gengisskráningar á verðþróun sé
tuttugu sinnum meiri hérlendis en
til að mynda í Bandaríkjunum.
Spurður hvort fjármálageirinn
sé orðinn of stór fyrir Ísland svar-
ar Arnór að hann væri „mun
rólegri ef okkar fjármálageira
svipaði meira til þess sem er í
Lúxemborg.“ Beðinn að útskýra
þetta nánar segir hann að í Lúx-
emborg sé fjármálageirinn að
vísu mjög stór sem hlutfall af
landsframleiðslu, en að veru-
legum hluta sé hann dótturfyr-
irtæki stórra alþjóðlegra banka.
„Við erum með stóra innlenda
banka, sem stunda viðskipti sín að
stærstum hluta í útlöndum. Bank-
arnir okkar hafa þannig engan
þrautalánveitanda í þeim gjald-
miðlum sem þeir stunda sín við-
skipti,“ segir hann. Seðlabanki
Íslands eigi erfitt með að gegna
því hlutverki þar sem þrautalán
hans í íslenskum krónum gagnist
bönkunum lítið.
Arnór gerir í viðtalinu enn fremur
lítið úr hættunni sem íslensku efna-
hagslífi stafi í raun af vogunarsjóð-
um. Þeir séu einfaldlega hluti af
þeim veruleika sem allir þurfi að
lifa við á hinum alþjóðlega opna
fjármálamarkaði.
Hann lýkur viðtalinu á að taka
fram að styrkur Íslands sé mjög
sveigjanlegt efnahagslíf sem geti
lagað sig mjög hratt að nýjum
aðstæðum. audunn@frettabladid.is
Stöðugleiki kæmist
á með upptöku evru
Aðalhagfræðingur Seðlabankans segir í þýsku blaðaviðtali að það sé mjög vanda-
samt verkefni að reyna að halda úti trúverðugri, verðbólgumiðaðri peningamála-
stefnu í landi sem býr við gjaldmiðil sem er jafn óstöðugur og íslenska krónan.
EVRUR Sveigjanlegt efnahagslíf sem
lagar sig hratt að nýjum aðstæðum
er styrkur Íslands, að mati Arnórs
Sighvatssonar aðalhagfræðings Seðla-
bankans.
RÚSSLAND, AP Langdrægar eldflaugar, skriðdrekar og
önnur þung hergögn voru í gær áberandi í hersýn-
ingu á Rauða torginu í Moskvu á árlegri sigurhátíð,
þar sem sigursins yfir Þýskalandi nasismans er
minnst. Slík þungavopn hafa ekki verið með í
sýningunni frá því á dögum Sovétríkjanna sálugu, en
að tekið skuli upp á því á ný þykir merki um vaxandi
hernaðarlegt sjálfstraust Rússa.
Útgjöld Rússa til hermála hafa fjórfaldast á síðustu
árum, í takt við auknar tekjur ríkissjóðs með
hækkandi útflutningsverðmæti jarðgass og olíu.
Þótt umfang hersýningarinnar hafi verið mun
minna en tíðkaðist á árum Sovétstjórnarinnar hefur
endurvakning þessarar hefðar vakið áhyggjur um að
hún endurspegli endurvakta stórveldisdrauma Rússa,
sem kunni að bitna á grannþjóðum þeirra. En Dmítrí
Medvedev, sem tók við af Vladimír Pútín sem forseti
í vikunni, tók skýrt fram í ávarpi við upphaf hersýn-
ingarinnar að „sannur tilgangur vopna og hergagna
sé að sjá fósturjörðinni fyrir áreiðanlegum vörnum.“
Rússlandsþing staðfesti skipun Pútíns í embætti
forsætisráðherra á fimmtudag, en að skipa hann í það
var fyrsta embættisverk Medvedevs. Þeir fylgdust
því saman með hersýningunni af vegg Kremlar. - aa
PÚTÍN OG MEDVEDEV Fylgjast með hersýningu á árlegri sigur-
hátíð á Rauða torginu í Moskvu.
Hersýning í Moskvu hápunktur árlegrar sigurhátíðar:
Kjarnorkueldflaugar sýndar á ný