Fréttablaðið - 10.05.2008, Blaðsíða 32

32 10. maí 2008 LAUGARDAGUR
U
llariðnaðurinn hafði legið nokkuð lengi niðri og Bergþóru
hafði í mörg ár langað til að gera eitthvað með íslensku
ullina og þjóðlegrar skírskotanir í hönnun. Jóel hafði um
langt skeið ekki sinnt öðru en tónlistinni og saman langaði
þau að vinna stórt verkefni saman og Jóel ákvað því að færa sig
yfir til Bergþóru meðfram tónlistinni. „Það þýddi ekkert að fá hana
yfir í tónlistina til mín svo að ég kom bara til hennar,“ segir Jóel og
Bergþóra er ekki lengi að draga þá fullyrðingu í efa. „Það var alla-
vega eitthvað í mér sem langaði að spreyta sig á öðrum vettvangi
líka og læra eitthvað nýtt, þó að vissulega vinni ég að tónlistinni
áfram daglega. Þetta var því svolítil áskorun og mjög hressandi.
Við skelltum aleigunni í veðmálið og þá verða auðvitað bestu hug-
myndirnar til – með þetta allt í lúkunum,“ segir Jóel en hann sér um
rekstrarhlið fyrirtækisins, fjármál, vefinn, kynningarefni og annað
slíkt. „Bebba sér alfarið um hönnunina á flíkunum sjálfum en auð-
vitað blandast þetta alltaf eitthvað. Ég stíg hins vegar ekki fæti inn
á hönnunarsvæðið – en það er jarðsvengjusvæði notabene á ákveðn-
um tímapunktum. Ég er búinn að læra hvenær mér er óhætt að
kommentera á hönnunina.“
Í góðum félagsskap í New York
Bergþóra segir að þau séu komin með stöðuga dreifingu og sölu hér
á landi sem þau séu ánægð með. Í Reykjavík er Kisan þeirra aðal-
söluaðili og hefur verið með allar vörur þeirra frá byrjun, einnig
eru þau sjálf með verslun í tengslum við vinnustofu sína út í
Örfirisey og Kraum hefur verið með stakar flíkur á boðstólum.
„Núna er aðaláherslan lögð á útflutninginn. Sá útflutningur hófst á
síðasta ári, með því að við fórum á Skandinavíumarkað í búðir sem
við erum ákaflega ánægð með og erum þar innan um merki eins og
Isabel Marrant og svo er þetta að aukast verulega núna á þessu ári
segir Bergþóra og segir að í haust verði vörur þeirra meðal annars
að finna í löndum eins og Japan, Danmörku, Ítalíu, Spáni og jafnvel
Grænlandi. Svo eru þau auðvitað afar spennt fyrir nýrri verslun
Kisunnar sem opna mun í Soho í New York og munu New York-búar
því eflaust klæða af sér vetrarkuldann í háklassa íslenskum ullar-
peysum næstu vetur. „Þetta er frábær staðsetning, Kisan er þarna
í góðum félagsskap verslana eins og Paul Smith, Prada og Apple,
ekki amaleg staðsetning það,” segir Jóel.
Peysa á Dorrit
Bergþóra og Jóel segja að ýmislegt sé á döfinni og viðurkenna að
vinna eftir nokkurra ára áætlun, sem þau hafi gert í byrjun, og jú,
sé að ganga ótrúlega rétt eftir. „Við erum til dæmis á næstu dögum
að opna vefverslun í samstarfi við Grapewire, fyrirtæki Einars
Arnar Benediktssonar, þar sem hægt verður að nálgast vörur okkar
í gegnum þann vef. Svo erum við bara á fullu að hlaða utan á þann
kjarna sem kominn er og nú í sumar eru að bætast við nýjar vörur
í línuna okkar, meðal annars kjólar úr hrásilki og sjal sem byggt er
á gömlu hyrnunum.
Það er alltaf skemmtilegast að byrja á einhverju nýju og sjá það
verða til,“ segir Bergþóra og segir að viðtökurnar hér heima hafi
verið framar vonum og þau hafi í raun ekki búist við að ná til þessa
stóra hóps. Og eru ekki margir að sverma fyrir einkapöntunum?
„Við gerum nú eiginlega ekkert af einka pöntunum nema í einstaka
tilfellum og jú, reyndar er ein slík í gangi, á sjálfa forsetafrúna
okkar, hana Dorrit,” segir Bergþóra að lokum.
Íslensk framleiðsla í útrás
Bergþóra Guðnadóttir og Jóel Pálsson hafa í um tvö og hálft ár rekið fyrirtækið Farmers
Market og hafa Íslendingar kolfallið fyrir fallegum ullarflíkum þeirra. Nú eru það hins vegar
útlönd sem vilja íslensku hönnunina og eru verslanir í einum tíu löndum, þar af einar níu í Dan-
mörku, farnar að selja vörur Farmers market nú í ár. Júlía Margrét Alexandersdóttir ræddi við list-
skapandi hjónin sem um þessar mundir virðast vera ein af fáum íslenskum móhíkönum í útrás.
NÁTTÚRU- OG BORGARBÖRN Hjónin Bergþóra Guðnadóttir hönnuður og tónlistarmaðurinn Jóel Pálsson lögðu saman í ævintýrið Farmers Market fyrir um tveimur
og hálfu ári og segjast hafa bæði borgar- og sveitabakgrunninn. Annar afi Jóels var garðyrkjubóndi í Mosfellsdal og hinn verkfræðingur í Reykjavík.
FRÉTTABLAÐIÐ/GVA
HLÝTT OG NOTALEGT Þessi peysa kallast Reykjahlíð.
Peysurnar hafa verið vinsælar bæði meðal Íslend-
inga og útlendinga en nú eru þær í útrás og fást um
þessar mundir í einum tíu löndum.
MYND/KATRÍN ELVARSDÓTTIR
LITLA-BREKKA Farmers Market hefur gert talsvert af
því að hanna barnapeysur eins og þessa.
MYND/ÓTTAR GUÐNASON
ÍSLENSKUR LOPI Í ÍSLENSKRI NÁTTÚRU Bergþóra
hafði lengi gengið með það í kollinum að vinna
hönnun sína úr íslenskri arfleifð. Hvíta ullarpeysan
er einnig ný og er af sömu gerð og sú svarta og er
því einnig kölluð Stóra-Fljót.
MEIRA NÝTT Falleg skinnhúfa sem hefur bæst við vörulínu Farmers Market og
hönnuðurinn kallar Þúfu. MYND/ARI MAGG
ÖXL Allar flíkur Farmers Market heita eftir bæjarnöfnum sem tengjast Jóeli
og Bergþóru persónulega. Sjalið er nýtt í línu þeirra og kallast Öxl og svarta
peysan er nefnd eftir bænum Stóra-Fljóti.
MYND/ARI MAGG