Fréttablaðið - 10.05.2008, Blaðsíða 56

GLEÐIBANDIÐ
EDOCSKEFAS
G.I.G
JACKLOND
GOSPELKÓR SUÐUR

SIGURÐUR INGIMARSS
MIRIA
KÓRVÍÐISTA
BLÚSSVEIT Þ
Ó
TRÚBOÐARNIR
HERBERT GUÐMUNDSSON
ICESTEPP
RÚNAR OG EMIL
PÉTUR HRAFNSSON
HJÁLPRÆÐISHERINN u.n.G
GOSPELKÓR JÓNS VÍDALÍNS
SKÁTARNIR
GOSPELKÓR RE
BJÖRG
PÁLL RÓSINKRANS
S
Þ
ND SALTSGOSPELBA
Skoðaðu dagskrána á www.biggospelfestival.com
2
STÓRA
Frítt innNánari upplýsingar, drög að dagskrá, video, tónlist og fleira er að finna á vef okkar www.biggospelfestival.com
HVAÐ ER GOSPEL?
Þessi spurning gæti komið upp í
huga margra um þessar mundir,
þegar þeir sjá umfangið á Stóru
Gospelhátíðinni. Búið er að
heilmerkja 2ja hæða rútu fyrir
viðburðinn, tvö til þrjú tólf
blaðsíðna blöð verða gefin út og send inn á öll
heimili landsins og fréttabréf sent á öll heimili
í Hafnarfirði, Garðabæ og Álftanesi.
Heilmiklum vef er haldið úti og yfir 100 manns
á leiðinni til landsins frá ýmsum löndum til að
taka þátt í viðburðinum. Alls mætti áætla að
um 500 manns spili og syngi á hátíðinni ef við
teljum innlenda tónlistarfólkið og Gospel-
kórana með. Þessi tónlistarhópur er fólk sem á
það sameiginlegt að spila einhverskonar
Gospeltónlist. Flestir koma einungis ánægj-
unnar vegna en aðrir í þeim hugleiðingum að
koma tónlist sinni á framfæri og taka þátt í
þessari skemmtilegu útihátíð sem á að höfða
til allrar fjölskyldunnar.
Fjölbreytileiki í stað fordóma
Kristilegt starf er jafn fjölbreytt og litirnir í
náttúrunni. Hvert starf og kirkja hefur sinn lit
hvort sem það er Þjóðkirkjan, Fríkirkjan eða
frjálsu samfélögin. Það sem er sameiginlegt
með öllum kristilegum samtökum og kirkjum
eru góð gildi sem gott er að rifja upp:
Undirstaðan (gildin) í kristinni trú eru td:
Heiðarleiki, jákvæðni, hjálpsemi, kærleikur,
miskunnsemi, réttlæti, uppbygging, líf,
heilbrigði, einlægni, óeigingirni, bæn, lækning,
uppfræðsla, vísindi, sannleikur og fordóma-
leysi.
Orðið GOSPEL þýðir Fagnaðarerindið eða
Góðu fréttirnar. Góðu fréttirnar eru þær að
Jesús kristur sonur Guðs lægði sjálfan sig,
gerðist maður og tók allar misgjörðir okkar á
sig. Hann leysti fólk undan valdi myrkursins
með því að ganga í dauðann fyrir það og reis
aftur upp okkur til lífs og blessunar.
Hver er munurinn á Gospel
og annari tónlist?
Gospel á rætur sínar í kristna trú og sungið er
til Guðs á frjálsan og óháðan hátt.
Tónlistin hefur það markmið að byggja upp
áheyrendur, draga fram nærveru og frið Guðs
eða einfaldlega fjalla um góða og heilbrigða
hluti í lífinu. Sum trúarbrögð kyrja einhvers
konar tónlist en Gospel er frjáls tjáningarmáti
listamannsins um trú sína sem skilar áheyren-
dum og tónlistarfólki einhverri djúpstæðri
reynslu eða upplifum sem hvergi er hægt að
finna í neinni annari tegund tónlistar. Ef
hefðbundin tónlist er skoðuð þá fjallar hún
alltaf um manninn og gjörðir hans og oft er
ástin upphafin á mismunandi heilbrigðan hátt
eða bara stokkar og steinar, fjölbreytnin þar er
óendanleg en er yfirleitt veraldleg eða um
veraldlega hluti. Gospeltónlist er alltaf um
Guðdóminn eða eitthvað tengt Guðdóminum.
Albert Einstein sagði á sínum seinni árum að
það væri ekki mögulegt að enginn Guð væri
til. Líklega hefur hann hugsað málið til enda
og komist að þessari niðurstöðu, það er
nefnilega mjög ólíklegt að veröldin hafi orðið
til af tilviljun.
Gospeltónlist mætti líkja við hafið
Fyrir þá sem standa í fjarska og horfa á hafið
er það ósköp slétt og ekkert sérstaklega
merkilegt, en þeir sem kafa ofan í hafið
(Gospeltónlistina) fá að upplifa nýjar víddir,
nýtt líf, nýja möguleika og gróður og landslag
sem ekki er hægt að sjá í fjarska. Þú þarft að
dýfa þér í Gospelið til að upplifa áhrifin.
Fjórir flokkar Gospeltónlistar
Fyrst ber að nefna tónlist þar sem textum er
beint “til Guðs”. Í þessari tegund af tónlist
gerist alltaf eitthvað merkilegt, bæði hjá
tónlistarfólkinu sjálfu og þátttakendum því
það beinir söng sínum til Guðs, tilbeiðsla og
bænir eru sungnar og raddirnar þandar til
Guðs skapara alls. Þessi tónlistarstíll er
kallaður Worship á ensku, tilbeiðsla á íslensku
og flokkast undir lofgjörðartónlist en í mörg ár
var þessi tegund af tónlist að mestu bundin
við kórsöng. Seinna bættust svo hljóðfærin við
og þótti mörgum um mikið ofstæki að ræða,
en trúin er ekkert feimnismál og það er í lagi
að brjóta upp stíla og hefðir svo lengi sem
boðskapurinn helst óbreyttur. Í dag hefur
Worshiptónlist verið brotin upp á nýjan hátt
og er Worship sungið í rokk stíl, reggae stíl,
blues stíl og í raun er allt tónlistarform
leyfilegt að nota í Worshiptónlist.
Við fáum að heyra í Sarah Kelly sem syngur í
þessum stíl laugardagskvöldið 28. júní og hvet
ég alla til að sjá þetta atriði þar sem Sarah
syngur bæði um reynslu sína í lífinu og svo er
hún með einstakan tilbeiðslusöng til Guðs.
Sarah Kelly hefur greinilega kafað ofan í
bænina og Orðið því hún kann svo sannarlega
að kalla á Guð sinn í tilbeiðslusöng sínum.
Öllum líkar vel við Söru því hún er einlæg í því
sem hún gerir og hún fer ekki fram á mikið
umstang í kringum sig. Sarah spilar einungis
frumsamið efni en hefur stöku sinnum spilað
einn og einn sálm sem hún útsetur á einstak-
lega skemmtilegan hátt. Fleiri listamenn spila
Worship tónlist á hátíðinni og mætti nefna af
þeim sem koma erlendis frá, þá Christian
Charles De Plique, Katie Bennett með
þjóðlagastíl og Michelle Fragar frá Hillsong
United með accustic tónlist. Hérlendis flytja
margir aðilar Worshiptónlist í hinum ýmsum
útfærslum og við fáum að sjálfsögðu að heyra
í þeim á hátíðinni.
Fyrir áratug eða svo bættist flokkur númer
tvö til viðbótar í Worshiptónlist með þann
tilgang að draga niður nærveru Guðs en það
er lofsöngur sem er “persónuleg bæn til Guðs”
og spámannleg til áheyrandans. Í þessum
flutningi leitast tónlistarfólk við að heyra frá
Guði, leyfa anda sínum, tilfinningum og huga
að ráða ferðinni og sleppa sér lausum í
tilbeiðslu sinni. Þessi flutningur getur
stundum stuðað fólk sem þessu er ekki vant.
Skrítið segja sumir, en hér er bara einn stíll til
viðbótar í Gospeltónlist.
Hátíðarnefnd vill leyfa sem flestum stílum að
njóta sín á hátíðinni og verður þessi því ekki
undanskilinn og vonum við fyrir vikið að
hátíðin verði frumlegri, óhefðbundnari og
meiri upplifun fyrir áheyrendur.
Einnig viljum við biðja þá sem eldri eru að
fordæma ekki þennan nýja stíl eða flutninginn
því svo lengi sem flutningurinn er jákvæður,
heilbrigður og biblíulegur er hann velkominn
í Gospelflóruna. Sá sem flytur svona tónlist
þarf að vera sérstaklega hæfur og vel að sér í
orði Guðs. Ekki má listamaðurinn tjá sig í
bæninni nema það samræmist heilagri
ritningu kristinna manna. Allt skal miðast til
uppbyggingar fyrir áheyrendur.
Númer þrjú má nefna Gospeltónlist sem fjallar
“um Guð og hvernig hann starfar”
og er þessi stíll kallaður Praise og fellur hérlendis undir flokkinn lofgjörðartónlist
enda náskyldur Worshiptónlist en er meira fyrir sálina.
Í flokk númer fjögur er tónlist sem fjallar “um boðskap Guðs” og einhver íhugun um
orð hans og réttlæti. Í þessum flokki sem er líklega sá stærsti í Bandaríkjunum og
víðar eru flestir Gospel listamenn. Oft er þetta kallað Semí Gospel eða “kristileg
afþreyingartónlist” því hér er hægt að útfæra boðskapinn á alla tónlistarstíla sem til
eru og form og hefðir ekki teknar of hátíðlegar.
Á hátíðinni fáum við að heyra bæði rokk, indi rokk, techno, hip Hop, reggae, o.fl.
í þessum flokki.
Öll þessi tónlist er með einhvern boðskap til íhugunar og þarf áheyrandinn að
fylgjast vel með því hvað flytjandinn er að koma til skila í lagasmíð sinni. Öll Gospel-
tónlist á það sameiginlegt að hún upphefur ekki veraldlega hluti né dóp, kynlíf,
ofbeldi eða óheilbrigt líferni. Allur texti er miðaður til uppbyggingar fyrir áheyr-
andann, óháð aldri og vonumst við til þess að svo megi verða í ár.
Vonandi sérð þú og þín fjölskylda þér fært að koma á þessa
útihátíð sem er nú í fyrsta skipti, haldin á 100 ára afmæli
Hafnarfjarðarbæjar. Endilega vertu með því öll litaflóran verður í
Hafnarfirði í sumar, njóttu vel.
Baldvin Baldvinsson
framkvæmdastjóri Stóru Gospelhátíðarinnar
Upplifðu eitthvað nýtt, dagana 20.-29. júní 2008 og vertu með okkur.
Lífið hefur svo margt gott upp á að bjóða.