Fréttablaðið - 10.05.2008, Blaðsíða 62

n Gospelkór Suðurnesja var stofnaður í nóvember 2005 og hefur
allar götur síðan vaxið og dafnað. Gospelkórinn er þekktur fyrir
líflegan og skemmtilegan söng og lagavalið er fjölbreytt.
Með hefðbundnum gospellögum blandast þekktar dægurperlur,
bæði íslenskar og erlendar.
Gospelkórinn samanstendur af einstaklingum á öllum aldri.
Elín Halldórsdóttir er kórstóri en hún var aðalhvatamaður að stofnun
kórsins, eftir að hafa stjórnað kórunum Spirit of Joy og Femmes
Fatales í Regensburg í Þýskalandi um nokkura ára skeið.
Gospelkórinn er í samstarfi við Keflavíkurkirkju og kemur reglulega
fram í athöfnum í kirkjunni. Kórinn verður með tvenna tónleika á
Stóru Gospelhátíðinni, annars vegar tónleika með hljóðfærum og
síðan Acapella tónleika. Nánari upplýsingar um kórinn er á bloggsíðu
kórsins. Gospel.bloggar.is.
8
Grundvöllur og hlutverk Þjóðkirkjunnar
n Grundvöllur
Íslenska Þjóðkirkjan er evangelísk lúthersk kirkja, hluti hinnar heilögu almennu kirkju er
biður, boðar og þjónar í nafni Jesú Krists um heim allan.
Kristin kirkja er fólk sem kallað er til samfélags við Guð og við hvert annað í trú, von og
kærleika. Andi Guðs knýr kirkjuna til að boða og vitna um Jesú Krist í orði og verki.
Kirkjan byggir á Biblíunni og vitnisburði hinna fyrstu kristnu um hinn krossfesta og
upprisna Jesú Krist og þeim lífsviðhorfum sem felast í þeim boðskap.
Kristin kirkja og fólkið í landinu hafa átt samleið frá upphafi byggðar. Kristin trú og siður
eru samofin sögu þjóðarinnar og eru mótandi afl í samfélaginu. Þjóðkirkjan vill miðla
komandi kynslóðum hinum kristna arfi og vera vakandi fyrir nýjum tækifærum og
leiðum í starfi sínu sem helgast af bæn, boðun og þjónustu.
n Hlutverk
Hlutverk Þjóðkirkjunnar er að boða og iðka kristna trú á þann veg að
sérhver einstaklingur er tekur á móti boðskapnum um Jesú Krist:
Játi trú á Guð, höfund alls lífs, og leiti leiðsagnar hans í lífinu.
o finni þörf sína fyrir nærveru og gæsku Guðs
o beri virðingu fyrir sköpun Guðs
o virði helgi og gildi hverrar manneskju
o haldi í heiðri boðorð Guðs
Trúi á Jesú Krist sem frelsara og fyrirmynd og sýni þá trú í orði og verki
o setji traust sitt á Jesú Krist og orð hans
o beri umhyggju fyrir öðrum sem svar við elsku Guðs
o iðrist og fyrirgefi eins og Guð fyrirgefur
o sýni umburðarlyndi og stuðli að réttlæti og friði í samskiptum við annað fólk
Styrkist í trú, von og kærleika með hjálp heilags anda
o eigi samfélag við Guð í bæn, orði Guðs, skírn og altarisgöngu
o kynnist krafti og gleði trúarinnar í samfélagi safnaðarins
o sýni örlæti og hjálpsemi sem svar við góðum gjöfum Guðs
o eflist í von um eilíft líf með Guði
n Þjóðkirkjan rækir hlutverk sitt með því að:
o boða, biðja og þjóna í helgihaldi,
o fræða um kristna trú og siðferðisgildi,
o sinna kærleiksþjónustu, hjálparstarfi og kristniboði innanlands og utan,
o starfa um land allt í söfnuðum þar sem fjölskyldur og einstaklingar eiga
athvarf á stundum gleði og sorgar,
o liðsinna hverjum þeim sem þarfnast stuðnings,
o standa vörð um kristna trúar- og menningararfleifð á Íslandi,
o miðla af reynslu systurkirkna um heim allan.
n Samfylgd um allt land
Í Þjóðkirkjunni eru 279 söfnuðir enda starfar kirkjan um allt land. Um 120 þeirra eru mjög
smáir, þar búa færri en 100 manns. Í nokkrum safnaðanna búa hins vegar nokkur þúsund
manns. Alls eru 104 prestaköll á landinu. Stór söfnuður getur myndað eitt prestakall en
algengt er að nokkrir söfnuðir séu í prestakalli.
n Grasrótar uppbygging
Hverjum söfnuði er stjórnað af sóknarnefnd. Allir sem tilheyra Þjóðkirkjunni og eru
orðnir 16 ára geta boðið sig fram í sóknarnefnd. Þær eru misstórar eftir stærð safnaða og
sóknarnefndarfólk er sjálfboðaliðar eins og stærstur hópur þeirra sem taka þátt í
kirkjustarfi.
Sóknarnefndir kjósa fólk á kirkjuþing sem fer með æðsta vald í málefnum Þjóðkirkjunnar
innan lögmæltra marka. Þar eiga sæti 29 kjörnir fulltrúar, 12 vígðir menn (prestar eða
djáknar) og 17 leikmenn, auk þess biskup Íslands, tveir vígslubiskupar og einn fulltrúi
guðfræðideildar Háskóla Íslands með málfrelsi og tillögurétt.
Tölulegar upplýsingar
279 sóknir
104 prestaköll
15 prófastsdæmi
2 vígslubiskupsdæmi
1 biskupsdæmi
156 prestar
29 djáknar
156 prestar starfa innan Þjóðkirkjunnar,
í sóknum eða sérþjónustu, á sjúkrahús-
um, stofnunum eða í tengslum við
sérstakar þarfir kirkjumeðlima eða
þjóðfélagshópa. Fyrsta konan var vígð
árið 1974. Núna starfa 45 konur sem
prestar innan Þjóðkirkjunnar. Prestar
Þjóðkirkjunnar starfa einnig meðal
Íslendinga erlendis, í Bretlandi, Noregi,
Danmörku og Svíþjóð.
29 djáknar eru starfandi innan Þjóðkirkj-
unnar, bæði í söfnuðum og á stofnunum.
Þeirra hlutverk er bæði að sinna fræðslu
og kærleiksþjónustu, að vera til staðar
fyrir þá sem þurfa.