Fréttablaðið - 13.05.2008, Blaðsíða 11
ÞRIÐJUDAGUR 13. maí 2008 11
ALÞINGI Í samgönguráðuneytinu
er nú unnið að því að samþætta
betur stefnumótun og áætlana-
gerð og gera verklag vandaðra og
skilvirkara. Hefur ráðgjafarfyrir-
tækið Capacent liðsinnt ráðu-
neytis fólki við verkefnið.
Þetta kemur fram í svari
samgönguráðherra við fyrirspurn
Bjarna Harðarsonar Framsóknar-
flokki um hvernig tekið hafi verið
á brotalömum í ráðuneytinu
vegna Grímseyjarferjumálsins.
Jafnframt getur ráðherra þess
að stjórnsýsluúttektar Ríkisend-
urskoðunar á Vegagerðinni sé að
vænta.
- bþs
Samgönguráðuneytið:
Unnið að skil-
virkara verklagi
ALÞINGI Í smíðum er í fjármála-
ráðuneytinu frumvarp um
húsnæðissparnaðarkerfi með
skattafrádrætti
fyrir 35 ára og
yngri. Er því
ætlað að hvetja
til sparnaðar
hjá fólki sem
hyggur á fyrstu
kaup eigin
húsnæðis.
Árni Mathie-
sen fjármála-
ráðherra sagðist
vonast til að geta lagt frumvarpið
fram til kynningar nú á vordögum.
Ríkisstjórnin ákvað að koma
slíku sparnaðarkerfi með skatta-
frádrætti á fót í tengslum við gerð
kjarasamninga í febrúar. - bþs
Frumvarp í smíðum:
Sparnaður með
skattaafslætti
ÁRNI MATHIESEN
KJARAMÁL Biðstaða virðist vera í
samningaviðræðum við hið
opinbera þó að aðilar hittist
reglulega á samningafundum hjá
ríkissáttasemjara. Inga Rún
Ólafsdóttir, framkvæmdastjóri
Huggarðs, segir að síðasta vika
hafi verið tíðindalítil, viðræðurn-
ar séu „stál í stál“.
Samninganefnd ríkisins hviki
ekki frá sínu tilboði en samninga-
nefnd Huggarðs og Ljósmæðra-
félagsins standi við sitt.
Forysta BSRB hittir fulltrúa
ríkisins á fundi á fimmtudaginn.
- ghs
Kjaraviðræður við ríkið:
Kjaraviðræður
komnar í bið
MENNTAMÁL Grunnskóli á vegum
Hjallastefnunnar verður ekki rek-
inn áfram á Vallarheiði, gamla
varnar svæðinu á Keflavíkurflug-
velli, á komandi skólaári. Reykja-
nesbær mun á haustdögum setja á
stofn hverfisskóla sem verður útibú
frá Njarðvíkurskóla.
Eiríkur Hermannsson, fræðslu-
stjóri Reykjanesbæjar, segir
ákvörðunina hafa verið tekna í sam-
ráði við stjórnendur Hjallastefn-
unnar. „Þau tóku að sér að reka
skóla fyrir okkur við sérstakar
aðstæður í fyrra. Litið var á skólann
sem hverfisskóla en þetta fyrir-
komulag hentar kannski ekki slík-
um skóla. Hjallastefnan vill reka
sína skóla með því fyrirkomulagi að
hægt sé að velja á milli Hjallastefn-
unnar og hverfisskóla.“ Eiríkur
segir að mikil fjölgun sé fyrirsjáan-
leg á Vallarheiði og því eðlilegt að
rekinn sé hverfisskóli þar eins og
annars staðar í Reykjanesbæ.
Matthías Matthíasson, skólastjóri
Barnaskóla Hjallastefnunnar í
Reykjanesbæ, segir Hjallastefnuna
hafa áhuga á því að reka grunnskóla
í Reykjanesbæ. „Við höfum bent á
það að við höfum ekki viljað reka
hverfisskóla heldur að fólk geti
valið skólann okkar en sé ekki
bundið búsetu sinnar vegna. Þess
vegna fórum við þessa leið.“ Matthí-
as segir alltaf hafa staðið til að reka
skólann á Vallarheiði í eitt ár og
endurmeta starfsemina í kjölfarið.
- shá
Grunnskóli Hjallastefnunnar á Vallarheiði hættir rekstri eftir eins árs starf:
Hverfisskóli hentar betur
VALLARHEIÐI Fólksfjölgun á gamla
varnarsvæðinu hefur verið mun meiri
en áætlað var og því talið betra að reka
hefðbundinn hverfisskóla.
FRÉTTABLAÐIÐ/HEIÐA
EVRÓPUMÁL Björgvin G. Sigurðs-
son viðskiptaráðherra var
útnefndur „Evrópumaður ársins“
á fundi Evrópusamtakanna sem
haldinn var í tilefni af Evrópu-
deginum 9. maí.
Í þakkarræðu sinni tók
Björgvin undir hugmyndir
framsóknarmanna um tvöfalda
þjóðaratkvæðagreiðslu um
aðildarsamningaviðræður við
Evrópusambandið. Hann sagðist
sjálfur vera hlynntari því að
sækja um beint og leggja svo
samninginn fyrir þjóðina. Hins
vegar væri þetta góð leið sem
allir ættu að geta sameinast um.
- aa
Evrópusamtökin:
Björgvin G. Evr-
ópumaður ársins
Áhugasamir útlendingar
Jafnmargir Íslendingar og útlendingar
hafa skráð sig til þátttöku í Lauga-
vegshlaupinu sem haldið verður 12.
júlí í sumar. Þeir erlendu hópar sem
hafa skráð sig til þátttöku eru allir
litlir, að sögn Svövu Oddnýjar Ásgeirs-
dóttur verkefnastjóra.
LAUGAVEGURINN