Fréttablaðið - 15.05.2008, Blaðsíða 13
FIMMTUDAGUR 15. maí 2008 13
AFMÆLI „Það er mikill afmælishugur í
Hafnfirðingum þessa dagana enda erum við
búnir að bíða í hundrað ár eftir að geta haldið
þessa hátíð,“ segir Lúðvík Geirsson, bæjar-
stjóri Hafnarfjarðar. Viðamikil dagskrá
afmælishelgar bæjarins var kynnt formlega í
fyrradag og ber þar einna hæst stórtónleika
á Víðistaðatúni, hátíðarbæjarstjórnarfund í
gamla góðtemplarahúsinu og Bryggjuball
með fiskiveislu á sjálfan afmælisdaginn.
Afmælishelgin verður haldin hátíðleg 29.
maí til 1. júní. Ber hátíðin heitið Heimboð í
Hafnarfjörð, en hugmyndin að baki þeirri
nafngift er sú að Hafnfirðingar bjóði
landsmönnum öllum í heljarinnar afmælis-
veislu. Hápunkturinn verður að teljast
stórtónleikarnir Hafnarfjörður rokkar sem
fara fram á Víðistaðatúni laugardaginn 31.
maí, en meðal þeirra sem þar stíga á svið eru
Megas og Senuþjófarnir, Sprengjuhöllin,
Sálin og Björgvin Halldórsson. Lúðvík býst
við fjölmenni á túnið.
„Við reiknum með þrjátíu til fimmtíu
þúsund gestum á tónleikana. Víðistaðatúnið
er stórt og mikið og í raun algjör kjöraðstaða
til að halda svona tónleika.“ Spurður hvort
öðrum en Hafnfirðingum sé boðið í afmælið
segir Lúðvík svo vissulega vera. „Þetta er
ekki einkaveisla fyrir okkur Hafnfirðinga því
saga bæjarins er hluti af sögu þjóðarinnar.
Því viljum við hvetja alla vini Hafnarfjarðar
nær og fjær til að koma í heimsókn.“ - kg
Hafnarfjörður býður upp á mikla dagskrá í tilefni 100 ára afmælis bæjarins:
Búist við allt að 50.000 manns á tónleika
AFMÆLI Lúðvík Geirsson, bæjarstjóri Hafnarfjarðar, og
fulltrúar afmælisnefndar kynntu dagskrá afmælishelgar
bæjarins á Fjörukránni. FRÉTTABLAÐIÐ/VALLI
LÖGREGLA Tvö innbrot voru framin
á Akureyri milli klukkan fjögur og
fimm aðfaranótt miðvikudags. Svo
virðist sem þrír menn á þrítugs-
aldri hafi verið að verki í bæði
skiptin og eru þeir nú í haldi
lögreglu.
Fyrra innbrotið var í Endur-
vinnslustöðinni en hið síðara í
Dýraspítalanum Lögmannshlíð. Að
sögn lögreglunnar á Akureyri er
óljóst eftir hverju mennirnir voru
að slægjast en enga fjármuni var
að hafa á stöðunum tveimur.
Lögreglan kom auga á mennina
akandi skammt hjá dýraspítalan-
um og voru þeir handteknir eftir
nokkurn eltingaleik. - jse
Lögreglan á Akureyri:
Innbrotsþjófar
teknir á flótta
KJARAMÁL Félag íslenskra
náttúrufræðinga hefur farið fram
á fund með Árna Mathiesen
fjármálaráðherra en verið neitað
um fundinn.
Forystumenn
innan BHM
ræða nú sín á
milli að fara
sameiginlega
fram á fund með
fjármálaráð-
herra, og jafnvel
fleiri ráðherr-
um, til að árétta
kröfuna um stuttan samningstíma
og samningsumboð samninga-
nefndar ríkisins.
Halldóra Friðjónsdóttir,
formaður BHM, hefur sent
formönnum aðildarfélaga BHM
bréf þar sem hún greinir frá því
að lítið sé að gerast á samninga-
fundum og að samningsumboð
samninganefndar ríkisins virðist
takmarkað. Halldóra kannar
hvort vilji sé fyrir því að BHM
fari í nafni aðildarfélaganna fram
á fund með ráðherra. Ákvörðun
verði tekin á næstu dögum. - ghs
Náttúrufræðingar:
Neitað um
fund með Árna
Verðtryggðar skólamáltíðir
Kaffi- og veitingastofan Þorpið fær
greiddar verðbólgubætur aftur í
tímann vegna skólamáltíða fyrir
Patreksskóla á Patreksfirði. Bæjarráð
Vesturbyggðar hefur einnig samþykkt
að greiðslur til Þorpsins verði endur-
skoðar mánaðarlega í samræmi við
breytingar á neysluverðsvísitölu.
PATREKSFJÖRÐUR
Trúnaðarbréf afhent
Gunnar Pálsson hefur afhent stjórn-
völdum á Maldíveyjum trúnaðarbréf
sitt, fyrstur íslenskra sendiherra. Hann
verður með aðsetur í Nýju Delí.
UTANRÍKISMÁL
Fasteignaverð lækkar
Fasteignaverð fer lækkandi í Svíþjóð.
Í sautján af 21 léni í Svíþjóð hefur
fasteignaverðið lækkað eða staðið í
stað síðustu mánuði, og ekki útlit fyrir
breytingu þar á.
SVÍÞJÓÐ
ÁRNI MATHIESEN
Strandgötu 43 | Hafnarfirði
Sími 565 5454
Ráðstefna á Grand Hótel, föstudaginn 16. maí frá kl. 14 – 17.
WWW.BIFRÖST.ISWWW.PWC.IS
Háskólinn á Bifröst og PricewaterhouseCoopers
leiða saman hesta sína og leita svara við
spurningunni um hvernig stjórnarhættir séu
ákjósanlegastir og hvort hið opinbera og
einkageirinn geti lært hvort af öðru. Rætt verður
um hvort æskilegt sé að stjórna opinberum
fyrirtækjum með sambærilegum hætti og
einkareknum. Þá verður velt vöngum yfir starfs-
umhverfi stjórnenda opinberra fyrirtækja, með
hvaða hætti stjórnir séu skipaðar og hvort góðir
RÁÐSTEFNA HÁSKÓLANS Á BIFRÖST OG PRICEWATERHOUSECOOPERS:Setning og inngangsorð, Bryndís Hlöðvers-
dóttir, aðstoðarrektor Háskólans á Bifröst.
Ávarp viðskiptaráðherra, Björgvins G.
Sigurðssonar.
David Austin, PwC UK - governance &
public sector:
"Recent UK Public Sector Governance
Developments - Checks and Balances".
Ástráður Haraldsson, hrl. og dósent í
Lagadeild Háskólans á Bifröst:
"Rekstrarform ríkisrekstrar og réttarvernd
opinberra starfsmanna".
Ragnar Þ. Jónasson, Fyrirtækjaráðgjöf PwC:
"Stjórnarhættir fyrirtækja - hvar erum við
stödd? - Eiga sömu sjónarmið við um
opinber og skráð félög? "
Panelumræður.
Samantekt og slit - Ágúst Einarsson, rektor
Háskólans á Bifröst.
Léttar veitingar að ráðstefnu lokinni.
Ráðstefnan fer fram á Grand Hótel þann 16.
maí nk. milli kl. 14 og 17.
Ráðstefnustjóri er Ólöf Nordal alþingismaður.
DAGSKRÁ
stjórnarhættir ráði ríkjum alla jafna. Hugað verður að
nálægðinni við opinbert vald, svo sem stjórnmála-
menn, og spurt hvernig það endurspeglist í
stjórnskipulagi og stjórnarháttum sem og hvaða áhrif
stjórnsýslulög, sveitastjórnarlög og lög um opinbera
starfsmenn hafi á stjórnarhætti.
Skráning fer fram á bifrost@bifrost.is, aðgangseyrir
er 2000 kr., greiðist við innganginn. Allar nánari
upplýsingar fást á www.bifrost.is og www.pwc.is.
GRAND
HÓTEL
REYKJAVÍK
16. MAÍ