Fréttablaðið - 15.05.2008, Blaðsíða 74
54 15. maí 2008 FIMMTUDAGUR
maturogvin@frettabladid.is
Matreiðslubókin Cooking With Style – The Icelandic
Way verður fáanleg á Grillinu á Hótel Sögu, en þar
hefur yfirmatreiðslumaður Grillsins, Bjarni Gunnar
Kristinsson, tekið saman nokkrar uppskriftir sem
gestir á staðnum hafa fengið að smakka á liðnum
árum. „Þetta hefur lengi verið draumur okkar í
Grillinu. Við höfum ferðast út um allan heim og á
fínni stöðum er oft svona bók sem gefur hugmynd um
hver list hússins er, sem er gaman fyrir fólk að geta
blaðað í,“ útskýrir Bjarni, sem kveðst hafa notið
dyggrar aðstoðar annarra starfsmanna eldhússins við
gerð bókarinnar.
Cooking With Style er þó gefin út á heldur óhefð-
bundinn hátt því það er í gegnum heimasíðuna blurb.
com. „Til að fara í bókaútgáfu hér þarf maður að hafa
lágmark tvö, þrjú þúsund eintök til að skila hagnaði,
svo við ákváðum að nýta okkur þessa síðu. Þar getur
maður búið til bók og pantað eitt eintak, eða mörg
hundruð,“ útskýrir Bjarni. Bókin er í yfirlestri sem
stendur, en verður fáanleg í takmörkuðu upplagi á
Grillinu í byrjun júní eða svo. „Svo verður hún líka í
sölu á síðunni og þá getur fólk ráðið því í hvernig
formi það vill hafa hana,“ útskýrir Bjarni.
Hann segir áherslu Grillsins vera á ferskt bragð og
íslenskt hráefni, í bland við þá strauma og stefnur
sem í gangi eru í heiminum. „Okkur langar að fræða
fólk um okkar matargerðarlist,“ segir Bjarni, en í
bókinni, sem nær yfir þrjátíu síður, er að finna jafn
fjölbreytta rétti og kengúrucarpaccio og túnfisk með
mangósalsa.
Sýnishorn af bókinni verður hægt að sjá á Blurb.
com í lok maí, undir „bookstore“ og þá „cooking“. - sun
Grillið gefur út uppskriftabók
GAMALL DRAUMUR Bjarni Gunnar Kristinsson, yfirmatreiðslu-
maður á Grillinu, segir það gamlan draum hjá starfsfólki staðar-
ins að gefa út bók sem lýsir matargerðarlist hans. FRÉTTABLAÐIÐ/GVA
> Prófaðu …
… japanskar soba-núðlur. Þær eru gerðar úr
bókhveiti, og annaðhvort notaðar í heitar súpur
eða bornar fram kaldar. Í Japan eru þær oftar en
ekki borðaðar með sósu til að dýfa þeim í, en
þær má líka nota í köld salöt með góðum
árangri.
Margir hafa skipt svarta teinu í
tehillunni út fyrir heilsusamlegra
te á síðustu árum. Úr mörgu er að
velja, en græn te hafa til að mynda
verið geysivinsæl og rauðrunnate
hafa einnig átt upp á pallborðið
hjá mörgum. Hvít te eru hins
vegar í mikilli sókn núna, en þau
eru einnig fáanleg í mörgum mis-
munandi bragðtegundum.
Í hvítu tei eru yfirleitt yngri tel-
auf en í öðrum tetegundum, en
þau munu innihalda aðeins minna
koffín en eldri lauf sem notuð eru
í aðrar gerðir. Hvíta teið þykir
bera af öðrum tegundum og vera
enn hollara en grænt te. Það er
dýrara en önnur te og er oft nýtt í
matargerð vegna bragðsins, sem
er sætt en með mildum krydd-
keim. Hvítt te hefur fengist hjá
Kaffitári, Te og kaffi og í hinum
ýmsu heilsuverslunum landsins.
Það er um að gera að skipta úr
svörtu yfir í hvítt og prófa ein-
hverja af hinum mörgu tegundum
sem í boði eru.
Úr svörtu í hvítt
Mynta er með ferskari kryddjurt-
um sem völ er á og hefur því oft á
tíðum ratað í svalandi drykki. Hana
má þó nota í margt annað, eins og
þetta myntu-kóríandermauk. Upp-
skrift að því er að finna á síðunni
myrecipes.com, en þar kallast það
myntu-mojo. Mojoið er hefðbundin
suður-amerísk blanda, sem bæði er
notuð til marineringar og sem sósa
með mat. Mojo er til í fjölmörgum
útfærslum en sítróna og hvítlauk-
ur eru þó alltaf á meðal innihalds-
efna. Í þessari útgáfu fær myntan
einnig að leika lausum hala.
Myntu-mojo
½ bolli fersk kóríanderlauf
½ bolli fersk myntulauf
3 msk. vatn
1 msk. ólífuolía
1 msk. nýkreistur sítrónusafi
1 hvítlauksgeiri
Blandið öllu saman í matvinnsluvél,
þar til blandan er orðin slétt og svip-
uð áferðar og pestó. Berið fram með
því sem hugurinn girnist til að ljá
matnum ferskan og sumarlegan blæ.
Mynta með mat
MEINHOLLT Hvítt te er talið vera enn
hollara en grænt te, sem hefur notið
mikilla vinsælda síðustu ár. NORDICPHOTOS/AP
MYNTU-MOJO Ferskt mauk úr myntu,
kóríander, sítrónu og hvítlauk setur nán-
ast hvaða rétt sem er í sumarbúning.
NORDICPHOTOS/GETTY
Jóhanna Pálsdóttir, markaðsstjóri Íslenska
dansflokksins, er mikill matgæðingur og
finnst fátt skemmtilegra en að fá fólk í mat.
Jóhanna býður lesendum Fréttablaðsins upp á upp-
skrift að risotto með villisveppum og kampavíni,
sem hún segir henta bæði sem forrétt og aðalrétt.
„Þessi uppskrift er svolítið sumarleg og alveg tilval-
in í stelpupartí, þar sem maður þarf að opna eina
flösku af hvoru, hvítvíni og kampavíni,“ segir hún
og hlær við. „Hún er bæði mjög einföld og mjög
góð,“ bætir Jóhanna við, en henni þykir að eigin
sögn ekkert skemmtilegra en að halda matarboð.
„Ég er reyndar með eina níu mánaða gamla núna,
svo það hefur verið smá pása á því, en ég fer að taka
upp þráðinn svona með sumrinu,“ segir hún.
Matarhefð Miðjarðarhafslandanna höfðar einna
helst til Jóhönnu og þá sérstaklega þar sem upp-
skriftir þaðan ættaðar leyfa hráefninu yfirleitt að
njóta sín. „Ég er ekki fyrir mikið af sósum eða
majónesi, þá vil ég frekar ferskan fisk með ólífuolíu
og lime. Ég er hrifin af ferskum, hreinum mat,“
segir Jóhanna. Þegar minnst er á ítalska matarhefð
flýgur hugur margra beint í pastarétti, en ítalska
eldhúsið hefur upp á töluvert meira að bjóða. „Þeir
eiga til dæmis mikið af góðum kálfaréttum. Og
Grikkirnir elda heldur ekki bara moussaka, þeir eru
mjög klárir í að grilla og baka fisk,“ bendir Jóhanna
á og kímir.
Helsti matardraumur Jóhönnu er hins vegar heim-
sókn á veitingastaðinn El Bulli, fyrir utan Barcelona,
þar sem stjörnukokkurinn Ferran Adria ræður ríkjum.
„Það segja allir sem þangað hafa farið að það sé ekki
hægt að gefa þessu stjörnur, staðurinn er alveg út úr
stjörnukortinu. Það er draumur sem ég ætla að láta
rætast,“ segir hún. Jóhanna hefur annars í nógu að snú-
ast með Íslenska dansflokknum, sem frumsýnir dans-
verkið Ambra ásamt nútímadansflokknum Carte
Blanche frá Bergen í Noregi á Listahátíð. „Þetta er
mikill menningarviðburður og stór danssýning. Það eru
yfir tuttugu dansarar á sviðinu og svo beinagrind af
heilum hval. Það má segja að hann sé stærsta stjarnan
á Listahátíð, enda tólf metra langur,“ segir Jóhanna og
hlær við. Ambra verður einungis sýnt þrisvar sinnum,
23., 24. og 25. maí næstkomandi. sunna@frettabladid.is
Sumarlegt svepparisotto
MIÐJARÐARHAFSMATUR Í UPPÁHALDI Jóhanna Pálsdóttir,
markaðsstjóri íD, er sérstaklega hrifin af matarhefð Miðjarðar-
hafslandanna. Hana dreymir um að heimsækja veitingastað-
inn víðfræga, El Bulli, utan við Barcelona. FRÉTTABLAÐIÐ/ARNÞÓR
Hvaða matar gætirðu síst verið
án?
Það er eitthvað við ristað brauð
með osti sem klikkar aldrei,
aldrei, aldrei …
Besta máltíð sem þú hefur
fengið?
Kjötsúpan sem mamma eldaði
og beið með þegar ég og
vinkona mín komum þægilega
dauðþreyttar niður eftir að
hafa gengið hæsta tind Íslands,
Hvannadalshnjúk.
Er einhver matur sem þér
finnst vondur?
Sulta og rabarbaragrautur er
eitthvað sem mér hefur ekki enn
tekist að fíla.
Leyndarmál úr eldhússkápn-
um:
Leyniuppskriftirnar væru ekki
leyni ef ég færi að gefa þær
upp, er það? Ég get samt deilt
nokkrum eldhústrixum sem ég
nota óspart. Ég frysti til dæmis
rjóma í klakapokum til að nota
í matargerð, nota eggjaskera til
að saxa sveppi og skræli engifer
með teskeið.
Hvað borðar þú til að láta þér
líða betur?
Ég verð agalega pirruð þegar ég
er svöng og finnst sykursjokkið
harður yfirmaður. Þá á ég það til
að háma í mig óhollustu og ekki
er það til að bæta líðan né limi.
Léttur, hollur matur er málið og
það vitum við öll. Svo er afar
mikilvægt að elda af ástríðu.
Hvað áttu alltaf til í ísskápn-
um?
Ost.
Ef þú yrðir föst á eyðieyju,
hvað tækirðu með þér?
Vatn, fæðubótarefni eða eitt-
hvað meðfærilegt, næringarríkt
með gott geymsluþol – það er
nokkuð ljóst.
Hvað er það skrítnasta sem þú
hefur borðað?
Grillaðar pöddur, krókódíll og
sviðahaus.
MATGÆÐINGURINN ANDREA RÓBERTSDÓTTIR FJÖLMIÐLAKONA
Lumar á góðum eldhúsráðum
VILLISVEPPA- OG
KAMPAVÍNSRISOTTO
2-3 skalottlaukar
2 hvítlauksrif
200 g góð risottogrjón
1 dl hvítvín
7½ dl kjúklingasoð
3-4 msk. parmesanostur
50 g smjör
1 dl kampavín eða gott freyðivín
Blandaðir villisveppir (2 pokar þurrkaðir eða 3 box
ferskir)
Fersk kryddjurt s.s. kerfill eða graslaukur
Skerið laukinn og hvítlaukinn smátt og steikið í ólífuolíu
í potti. Bætið hrísgrjónum út í og steikið í smástund.
Hellið hvítvíni út í, sjóðið niður í nokkrar mínútur og
bætið svo soðinu við smám saman. Hrærið stanslaust á
meðan grjónin sjóða.
Þegar hrísgrjónin eru hálfelduð, bætið þá smjöri og
parmesanosti (2-3 msk.) út í og látið sjóða í nokkrar
mínútur. Hellið að lokum kampavíni út í, hrærið vel og
látið malla í smástund.
Sveppir skornir niður og steiktir á pönnu í smjöri.
Risotto sett á disk og sveppum dreift yfir. Að lokum er
skreytt með ferskri kryddjurt og smá parmesanosti. Svo
má auðvitað drekka afganginn af kampavíninu með.
KOMIN Í KILJU
„Fantaskemmtileg“
- Sigurður G. Tómasson,
Útvarp Saga
„Sjaldgæf
nautn að lesa
þessa bók“
- Þráinn Bertelsson,
Fréttablaðið
„Við eigum öll að
lesa þessa bók.“
- Guðfríður Lilja Grétarsdóttir,
varaþingmaður