Fréttablaðið - 19.05.2008, Blaðsíða 4
4 19. maí 2008 MÁNUDAGUR
BOSTON, AP Bandaríski öldungar-
deildarþingmaðurinn Edward
Kennedy er á batavegi eftir að
hafa veikst á heimili sínu. Hann
mun dvelja á sjúkrahúsi í Boston
næstu daga og gangast undir
umfangsmiklar rannsónir. Fyrst
var talið að Kennedy hefði fengið
heilablóðfall en svo reyndist ekki
vera. Í október síðastliðnum
gekkst hann undir aðgerð sem var
ætlað að koma í veg fyrir hjarta-
áfall.
Kennedy, sem er 76 ára, er sá
eini af hinum frægu Kennedy-
bræðrum sem er á lífi. Elsti bróðir
hans Jopeph lést í síðari heims-
styrjöldinni, John F. Kennedy,
fyrrverandi forseti, var myrtur
árið 1963, rétt eins og þriðji bróðir-
inn Robert, fimm árum síðar. - fb
Edward Kennedy á batavegi:
Gengst undir
rannsóknir
EDWARD KENNEDY Bandaríski þingmað-
urinn er á batavegi eftir að hafa veikst á
heimili sínu.
LÖGREGLUMÁL Tveir karlmenn
voru handteknir á laugardags-
kvöld grunaðir um akstur undir
áhrifum áfengis.
Mennirnir voru saman í bifreið
sem lenti aftan á strætisvagni á
gatnamótum Grensásvegar og
Miklubrautar laust fyrir mið-
nættið með þeim afleiðingum að
bíllinn kastaðist á grindverk sem
skilur að akreinar. Þegar
lögregla kom á staðinn gátu
mennirnir ekki gert grein fyrir
því hvor þeirra hafði ekið bílnum
og voru þeir því báðir handteknir
og látnir sofa úr sér á lögreglu-
stöð.
Þrír aðrir ökumenn voru
stöðvaðir á höfuðborgarsvæðinu
grunaðir um ölvunarakstur í
fyrrinótt og einn er grunaður
um að hafa ekið undir áhrifum
lyfja. - þo
Handteknir fyrir ölvunarakstur:
Vildu ekki segja
hvor ók bílnum
Jörð skalf við Kleifarvatn
Mikil skjálftavirkni var við Kleifar-
vatn í fyrrnótt og mældust tæplega
50 skjálftar þar frá miðnætti og til
klukkan hálf sjö í gærmorgun. Stærsti
skjálftinn mældist 3,3 á Richter og
varð klukkan 00.45, hans varð vart
víða á höfuðborgarsvæðinu.
JARÐSKJÁLFTI
VEÐURSPÁ
Kaupmannahöfn
Billund
Ósló
Stokkhólmur
Gautaborg
London
París
Frankfurt
Friedrichshafen
Berlín
Alicante
Mallorca
Bassel
Eindhoven
Las Palmas
New York
Orlando
San Francisco
HEIMURINN
Vindhraði er í m/s.
Hitastig eru í °C.
Gildistími korta er um hádegi.
14°
13°
12°
12°
11°
13°
17°
19°
20°
19°
21°
20°
15°
21°
17°
32°
20°
15°
Á MORGUN
Austlægar áttir
um allt land.
MIÐVIKUDAGUR
Austlæg eða
norðaustlæg átt.
8
7
7
9
9
10 8 10 9
9
8
8
7 8
7
8
8
9
12
8
5
5
5
6
4
4
4
4
3
3
3
SVIPAÐ VEÐUR
verður á öllu land-
inu líkt og verið
hefur undanfarið
með úrkomulofti
eða skúrum norð-
an til. Styttir upp
í kvöld og nótt,
hægur vindur um
allt land og hiti á
bilinu 7-13 stig yfi r
daginn.
Elín Björk
Jónsdóttir
Veður-
fræðingur
Dyravörður barinn í höfuðið
Dyravörður á skemmtistað í miðborg
Reykjavíkur var barinn í höfuðið með
glerflösku þegar hann reyndi að
stöðva slagsmál í fyrrinótt. Hann var
fluttur á slysadeild en meiðsli hans
reyndust ekki alvarleg.
LÖGREGLUFRÉTTIR
VINNUMARKAÐUR „Ég gef mér að
þetta muni taka nokkra daga í
viðbót. Viðræður ganga í sjálfu
sér ágætlega fyrir sig en það er
að mörgu að hyggja og kjara-
samningar verða ekki hristir
fram úr erminni á mjög snögg-
soðinn hátt,“ segir Ögmundur
Jónason, formaður BSRB.
Fulltrúar bandalagsins funduðu í
gær með samninganefnd ríkisins
og munu aftur hittast klukkan 13 í
dag.
Ögmundur segir að enn liggi
ekkert fyrir um upphæðir eða
samningstíma en báðum aðilum
sé umhugað um að ljúka samning-
unum sem fyrst.
Samninganefnd Starfsgreina-
sambandsins fundaði einnig með
fulltrúum ríkisins í gær. Áfram-
hald verður á þeim viðræðum í
dag. - þo
Samningar BSRB og ríkisins:
Viðræðurnar
ganga ágætlega
LÖGREGLUMÁL Karlmaður á
þrítugsaldri höfuðkúpubrotnaði
þegar ráðist var á hann í Þver-
holti í fyrrinótt.
Árásin átti sér stað á sjötta
tímanum og var maðurinn á gangi
þegar nokkrir menn stukku út úr
bifreið sem ekið var fram hjá og
réðust á hann. Var hann meðal
annars laminn í höfuðið með
barefli með fyrrgreindum
afleiðingum.
Maðurinn sem ráðist var á var
fluttur á sjúkrahús en reyndist
ekki í lífshættu. Hann er á
batavegi. Lögregla rannsakar
málið og grunar hverjir kunna að
hafa verið að verki. - þo
Ráðist á mann í Þverholti:
Höfuðkúpubrot-
inn eftir árás
STJÓRNMÁL „Ég held að Frjálslyndi
flokkurinn sé að leika sér að eldin-
um í allri innflytjendaumræðu, og
það sýndi sig á Akranesi. Þetta er
ekki mál sem er pólitískt klókt hjá
þeim að keyra á,“ segir Birgir
Guðmundsson, stjórnmálafræð-
ingur og lektor við Háskólann á
Akureyri, um meirihlutaskiptin á
Akranesi á miðvikudag. Ástæða
þess að bæjarfulltrúi Frjálslyndra
og óháðra gekk í Sjálfstæðisflokk-
inn var afstaða Magnúsar Þórs
Hafsteinssonar, varaformanns
Frjálslyndra, til móttöku flótta-
manna á Akranesi.
Aðspurður hvort afstaða
Magnúsar sé í beinum tengslum
við stefnu flokks hans í málefnum
innflytjenda segir Birgir erfitt að
fullyrða nokkuð um það. „Magnús
segir málið snúast um bæjarpólit-
ík og aðferðafræði en ekki stefnu
flokksins í málefnum útlendinga,
og það getur vel verið lögmætt
sjónarmið hjá honum. Hins vegar
hlýtur það að teljast mjög athygl-
isverð tilviljun ef svo er. Stefna
Frjálslyndra í þessum málum
hefur verið mjög til umræðu síðan
í október 2006 og ekki nema eðli-
legt að fólk velti fyrir sér hvort
samhengi sé þarna á milli. Eins er
eðlilegt að fólk spyrji hvort þarna
séu kynþáttafordómar á ferð.
Frjálslyndi flokkurinn getur ekki
kvartað yfir slíkum spurningum í
ljósi sögunnar,“ segir Birgir. - kg
Birgir Guðmundsson stjórnmálafræðingur um meirihlutaskiptin á Akranesi:
Frjálslyndir að leika sér að eldi
BIRGIR GUÐMUNDSSON stjórnmála-
fræðingur segir Frjálslynda leika sér að
eldinum í innflytjendaumræðu.
FASTEIGNAMARKAÐUR „Það er verið
að nota íbúðarhúsnæði almennings
núna til þess að ná tökum á verð-
bólgunni,“ segir Ingibjörg Þórðar-
dóttir, formaður Félags fasteigna-
sala.
Ingibjörg segir óvissuna um þær
breytingar sem til stendur að gera
á starfsemi Íbúðalánasjóðs ekki
hagstæða fyrir almenning. Það að
sá möguleiki sé fyrir hendi að
lánum sjóðsins verði skipt upp í
haust, annars vegar fyrir almenna
lántakendur með hærri vöxtum og
hins vegar fyrir þá
tekjulægri með
lægri vöxtum,
telur hún verða til
þess að fólk flýti
sér að taka lán
fyrir haustið á
þeim vöxtum sem
nú eru fyrir hendi.
Spurð hvort
auknar lántökur
fólks á fasteigna-
markaðnum séu
ekki gleðiefni
fyrir fasteignasala
sem nú hafa búið
við að fólk hefur
frekar haldið að
sér höndum, til
dæmis vegna spár
Seðlabankans um
lækkun fasteigna-
verðs, svarar Ingi-
björg: „Við erum
ekki að hugsa um
okkur heldur hvað kemur almenn-
ingi í landinu best. Það gerir þessi
sjóður.“
Þá segir Ingibjörg einnig að sér
þyki „alvarlegt og ósanngjarnt að
ráðist sé að einum þætti til að ná
tökum á verðbólgunni,“ en það
telur hún ríkisstjórnina hafa mark-
visst gert að undanförnu þegar
kemur að húsnæðismarkaði og
látið fasteignamarkaðinn og alla þá
starfsmenn sem koma að honum
súpa seyðið af því. „Þetta er þjóð-
félagleg meinsemd því margfeldis-
áhrifin eru mikil og teygja sig inn í
fjölda annarra atvinnugreina.“
„Það er svo mikill hræðsluáróð-
ur í gangi,“ segir hún. Bendir hún á
að spár um lækkandi fasteignaverð
síðustu ár hafi ekki gengið eftir, og
þau orð um að þegar gæti lækkun-
ar á markaðnum séu ekki marktæk
að því leyti að verið sé að bera
saman söluverð nú og í fyrra við
mjög ólík skilyrði og ólíkan fjölda
eigna. „Núna er markaðnum haldið
í gíslingu,“ segir hún.
„Fólk á þó ekki að einblína á
bankana. Þeir voru ekki inni á þess-
um markaði fyrir árið 2004. Þeir
möguleikar sem voru þá fyrir eru
enn til staðar, það er að segja Íbúða-
lánasjóður og lífeyrissjóðirnir, og
við því á ekki að hrófla. Það er talað
um að virk samkeppni eigi að vera
en hún hefur ekki verið fyrir hendi
hjá bönkunum hvort sem er heldur
fara þeir inn og út af markaðnum
eftir því sem þeim hentar,“ segir
hún.
Edda Rós Karlsdóttir, forstöðu-
maður greiningardeildar Lands-
bankans, segir ekki endilega lík-
legt að almenningur flýti sér að
taka lán þegar verðið sé jafn hátt
og nú. Hún segir þó nær öruggt að
verðtryggðir vextir muni hækka
þegar líður á haustið. Það hafi þó
ekkert að gera með breytingar á
Íbúðarlánasjóði heldur sé skýring-
in samspil verðbólgu og vaxta en
verðtryggðir vextir séu eins og er
óvenjulágir. karen@frettabladid.is
Segir fasteignamarkað
í gíslingu stjórnvalda
Formaður Félags fasteignasala segir ríkisstjórnina láta fasteignamarkaðinn gjalda
í tilraunum til að koma böndum á verðbólguna. Yfirmaður í Landsbankanum
segir nær öruggt að vextir hækki í haust hvað sem breytingum á sjóðnum líður.
INGIBJÖRG
ÞÓRÐARDÓTTIR
EDDA RÓS
KARLSDÓTTIR
ÍBÚÐARHÚSNÆÐI Formaður Félags fast-
eignasala segir líklegt að fólk flýti sér að
taka lán hjá Íbúðalánasjóði nú þar sem
líklegt sé að að vextir hækki í haust.
FRÉTTABLAÐIÐ/STEFÁN
GENGIÐ 16.05.2008
GJALDMIÐLAR KAUP SALA
HEIMILD: Seðlabanki Íslands
147,7172
GENGISVÍSITALA KRÓNUNNAR
73,88 74,24
143,94 144,64
114,22 114,86
15,307 15,397
14,518 14,604
12,224 12,296
0,7047 0,7089
119,44 120,16
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
Flugsagan og frumkvöðlarnir
Pallborð með flugsögunni. Gamlar hetjur.
Haldið í Skýli 25 í Fluggörðum á Reykjavíkurflugvelli
kl. 20:00. Fundarstjóri Ómar Ragnarsson.
Mánudagur 19. maí
2008 á Reykjavíkurflugvelli
sjá nánar á www.flugmal.is