Fréttablaðið - 19.05.2008, Blaðsíða 6

6 19. maí 2008 MÁNUDAGUR
www.jonogoskar.is Laugavegur 61 / Smáralind / Kringlan
P
IP
A
R
• S
ÍA
• 8
1
0
1
7
Stúdentastjarnan og -rósin 2008
fallegar stúdentsgjafir sem fást hjá okkur
14 kt. gull
8.300 kr. Stjarnan
9.300 kr. Rósin
Ferðaskrifstofa
á mann miðað við 2 fullo
rðna og 2 börn á Alagom
ar í 7 nætur.
Verð miðað við 2 í íbúð
59.874 kr .
Verðdæmið miðast við b
rottför 28. ágúst. Innifal
ið í verði:
Flug, fl ugvallaskattar, gi
sting og íslensk fararstjó
rn.
SUÐUR-AFRÍKA, AP Að minnsta kosti
sjö létust og tugir særðust um
helgina eftir að ofbeldismenn
ruddust um úthverfi Jóhannesar-
borgar í Suður-Afríku og höfðu
uppi kynþáttaáróður.
Tvö fórnarlambanna voru
brennd til bana og þrjú til viðbótar
lamin til ólífis. Rúmlega fimmtíu
manns voru jafnframt flutt á
sjúkrahús með skot- og stungusár.
Mikil ofbeldisalda hefur gengið
yfir borgina undanfarna viku.
Hófst hún í hverfinu Alexandra
þegar reiðir íbúar sökuðu útlend-
inga, sem margir eru flóttamenn
frá Simbabve, um að taka frá þeim
störf og húsnæði.
Yfirvöld segja að skipulögð
glæpagengi hafi notfært sér
atburðina sem afsökun fyrir því
að stela og skjóta á fólk.
Thabo Mbeki, forseti Suður-
Afríku, ætlar að setja á fót nefnd
til að rannsaka atburðina. Forseti
Afríska þjóðarráðsins, Jacob
Zuma sem er líklegur til að taka
við embættinu af Mbeki á næsta
ári, fordæmdi árásirnar. „Suður-
Afríka má ekki vera þekkt fyrir
útlendingahatur,“ sagði hann.
Stjórnvöld í landinu hafa að
undanförnu reynt að breyta ímynd
Jóhannesarborgar sem glæpa-
höfuðborgar heimsins fyrir heims-
meistarakeppnina í fótbolta sem
verður haldin þar eftir tvö ár.
Rúmlega fimmtíu morð eru fram-
in í borginni á hverjum degi.
Hundruð þúsunda innflytjenda
búa í Jóhannesarborg, margir
hverjir án tilskilinna leyfa. - fb
Forseti Afríska þjóðarráðsins fordæmir ofbeldisöldu í Jóhannesarborg:
Burt með útlendingahatrið
JACOB ZUMA Forseti Afríska þjóðarráðs-
ins hefur fordæmt ofbeldið í Jóhannes-
arborg í Suður-Afríku.
EFNAHAGSMÁL Íslenska ríkið gæti haft af því tals-
verðan kostnað að styrkja gjaldeyrisvarasjóðinn og
grípa til mögulegra annarra aðgerða vegna hrær-
inga í efnahagslífinu undanfarið.
Geir H. Haarde forsætisráðherra útilokar ekki að
það verði viðvarandi verkefni stjórnvalda að berjast
gegn óprúttnum aðilum sem sjái sér ávinning í því
að setja klærnar í íslenskt efnahagslíf.
„Það má vel vera að þetta sé dæmi um hluti sem
þurfa sífellt að vera í vinnslu. Eftir því sem okkar
hagkerfi verður opnara, og fjármagnshreyfingar
mikilvægari, er því brýnna að vera með öfluga
varasjóði,“ segir Geir H. Haarde forsætisráðherra.
Gjaldeyrissamningar við seðlabanka Danmerkur,
Noregs og Svíþjóðar sem kynntir voru fyrir helgi
kosta hvorki Seðlabankann né ríkið nokkuð, nema
lánsheimildirnar séu nýttar, segir Geir.
„Þetta er fyrst og fremst varnarviðbúnaður sem
bankinn er að koma sér upp, en auðvitað er ekki
hugmyndin að nýta þetta nema ef í harðbakkann
slær. Þetta er viðbúnaður sem best er að þurfa ekki
að nota,“ segir Geir.
Tekið var lán til að styrkja gjaldeyrisforðann á
síðasta ári, og er nú unnið að undirbúningi frekari
lántöku, segir Geir. Hann vill þó ekki upplýsa hvort
lánið verði tekið, né hvenær af því verði.
„Það er ekki hægt að lýsa þessu eins og fótbolta-
leik, þetta kemur þegar það kemur,“ segir Geir. „Í
þessu gildir bara því fyrr því betra, en þó er
mikilvægt að rasa ekki um ráð fram, og gera þetta
af yfirvegun. Það held ég að hafi tekist hingað til,“
segir hann.
Þó að gjaldeyrisskiptasamningurinn kosti ríkið
ekki krónu kostar möguleg lántaka ríkið fé vegna
vaxtagreiðslna. Geir bendir þó á að þar sem lánið sé
ekki hugsað til fjárfestinga eða eyðslu verði það
væntanlega endurfjárfest, þó með þeim hætti að
hægt verði að grípa til peninganna ef þörf krefji.
Þá velti endanlegur kostnaður ríkisins á kjörum á
láninu annars vegar, og hagnaði af endurfjárfest-
ingu hins vegar. Þau kjör liggi ekki fyrir.
brjann@frettabladid.is
Öflugir varasjóðir
sífellt mikilvægari
Það gæti orðið viðvarandi verkefni stjórnvalda að bregðast við áreiti gegn ís-
lensku efnahagslífi, segir forsætisráðherra. Ekki hefur verið tilkynnt um næstu
aðgerðir stjórnvalda, en líklegt að gjaldeyrisvarasjóður verði efldur á næstunni.
VIÐBRÖGÐ Ríkisstjórnin hefur verið gagnrýnd fyrir að bregðast seint við vanda í efnahagslífinu. Geir H. Haarde segir að ekki borgi
sig að rasa um ráð fram. FRÉTTABLAÐIÐ/VALLI
SEGIR EKKI ÁHERSLUMUN Í
UMRÆÐU UM ESB
Geir H. Haarde, formaður Sjálfstæðisflokksins, segir
ekki áherslumun á því hvernig hann og Þorgerður
Katrín Gunnarsdóttir, varaformaður flokksins, tali um
stefnuna í Evrópumálum.
Geir sagði á fundi Sjálfstæðisflokks-
ins á laugardag að Íslandi sé betur
borgið utan Evrópusambandsins (ESB)
en innan þess.
Þorgerður Katrín hefur talað fyrir því
að byrjað verði á nauðsynlegum stjórn-
arskrárbreytingum vegna mögulegrar
aðildar að ESB fyrir lok kjörtímabilsins.
Þá sagði hún á fundi fyrir helgi að
treysta yrði þjóðinni til að kjósa um mikilvæg mál, þar
með talið aðild að ESB. Hún sagði þó slíka atkvæða-
greiðslu í fyrsta lagi geta orðið á næsta kjörtímabili.
„Við erum bæði með landsfundarsamþykktina frá
því í fyrra sem grundvöll, og þar er mörkuð skýr stefna,“
segir Geir. „Við þurfum kannski að vera duglegri að
útskýra á hvaða forsendum stefna flokksins er byggð.
Svo verður að koma í ljós hvað verður með þjóðarat-
kvæðagreiðslur eða stjórnarskrárbreytingar.“
Ekki er tímabært að kveða upp úr með þjóðarat-
kvæðagreiðslu nú, þar sem ljóst sé að hún geti fyrst
orðið á næsta kjörtímabili, segir Geir.
Engin sérstök stefnumörkunarvinna sé í gangi innan
flokksins vegna Evrópumála. Geir telur afar ólíklegt að
flokkurinn fari sömu leið og Samfylkingin, sem leyfði
flokksmönnum að kjósa um stefnuna.
FINNLAND, AP Finni á þrítugsaldri
skaut mann til bana og særði
annan áður en hann framdi
sjálfsvíg í norðurhluta Finnlands.
Áður en maðurinn framdi ódæðið
hafði hann starfað sem friðar-
gæsluliði í Kosovo, en hafði
komið þaðan fyrir viku. Ekki er
vitað hvað honum gekk til.
Atvikið varð fyrir utan
næturklúbb í bænum Rovaniemi.
Svo virðist sem maðurinn hafi
skotið úr skammbyssu sinni á þá
sem yfirgáfu klúbbinn með
fyrrgreindum afleiðingum. Að
sögn lögreglunnar hafði maður-
inn ekkert yrt á fórnarlömb sín
áður en hann hleypti af. - fb
Skotárás í Finnlandi:
Myrti einn og
særði annan
Hefur þú áhyggjur af stöðu
íslenska geitfjárstofnsins?
Já 48,9%
Nei 51,1%
SPURNING DAGSINS Í DAG:
Vilt þú að reist verði stytta af
Vigdísi Finnbogadóttur fyrir
framan tónlistarhúsið sem nú
er í byggingu?
Segðu þína skoðun á visir.is
KJÖRKASSINN