Fréttablaðið - 19.05.2008, Blaðsíða 10
HEIMASÍMI NET GSM
NOTAÐU ÞITT EIGIÐ NÚMER
www.tal.is | Síðumúla 32, 108 Reykjavík | Þjónustuver 1817 | Skrifstofa 445 1600 | tal@tal.is
*S
am
kv
æ
m
t
sk
ilm
ál
um
.
Þú þarft ekki að skipta um símanúmer til að lækka símreikninginn. Hjá Tali flytur þú númerið með
þér og færð allan pakkann: Net, heimasíma og GSM frá 3.990 kr. á mánuði. 0 kr. úr heimasíma í
alla heimasíma innanlands, 14,90 kr. í alla GSM innanlands og ótakmarkað niðurhal.*
Ef þú kaupir allan pakkann á www.tal.is og greiðir með kreditkorti færðu fyrsta mánuðinn frían.
HEILBRIGÐISMÁL „Dagar þessa kerfis eru taldir,“ segir
Friðbjörn R. Sigurðsson, sérfræðingur í krabba-
meinslækningum og fyrrverandi formaður Lækna-
ráðs, um sjúkraskráningarkerfið Sögu. Læknar eru
almennt sammála um að það sé meingallað og ekki
til þess fallið að auka öryggi sjúklinga.
Ástandið sé óviðunandi. Þessum ummælum hans
virðast margir læknar sammála, ef skoðuð eru viðtöl
í nýjasta hefti Læknablaðsins.
„Í rauninni er þetta lélegt ritvinnslukerfi og engin
leið að nota það sem gæðakerfi,“ segir Friðbjörn.
Hér á landi rekist þeir sem vilji byggja upp skrána
strax á ströng persónuverndarákvæði, sem komi í
veg fyrir frekari uppbyggingu sem myndi koma
öryggi sjúklinga til góða. Hann telur þó að auðveld-
lega megi koma til móts við slík sjónarmið, svo sem
með notkun aðgangslykla svipuðum þeim sem fólk
notar til að komast inn á heimabankann sinn.
Óskar Einarsson lungnalæknir segir í Læknablað-
inu að kerfið hafi upphaflega verið hugsað sem tæki
fyrir heilsugæslu. Fyrir sjúkrahús komi það sér
mjög illa. Augljós galli sé að ekki skuli vera rafrænn
aðgangur á milli heilsugæslunnar og sjúkrahúsa.
Það hafi í för með sér að þegar sjúklingur komi
bráðveikur inn á bráðamóttöku og ekki sé möguleiki
að fá heilsufarsupplýsingar hjá honum sjálfum sé
það enn síður hægt í miðlægri sjúkraskrá. Hann
telur Íslendinga nú um það bil áratug á eftir þeim
þjóðum sem þeir vilji bera sig við hvað þetta varðar.
Helga Hansdóttir öldrunarlæknir telur þó að
Sögukerfið nýtist betur í bráðatilfellum en við
meðhöndlun langvinnra sjúkdóma. Ástæðan sé sú að
við meðhöndlun slíkra sjúklinga þurfi mikla yfirsýn
sem Sögukerfið bjóði ekki upp á, sakir lélegra
leitarskilyrða og órökréttrar uppsetningar. „Ef
sjúkraskrárkerfið yrði bætt myndi það auka
skilvirkni, auka öryggi sjúklinga og draga mjög úr
kostnaði í heilbrigðiskerfinu,“ segir Helga. Hún
segir ljóst að umbóta sé þörf. Nú séu sjúkraskrán-
ingar á Íslandi í millibilsástandi pappírs- og rafræns
kerfis. Slíkt geti reynst mjög hættulegt, þar sem
töluverður misbrestur sé á því að upplýsingar séu
skráðar á báða staði, og verði því að hafa varann á.
Segir hún líf og heilsu sjúklinga vega þyngra en ótta
um að persónuupplýsingar leki til hnýsins fólks.
karen@frettabladid.is
Sjúkraskráningar á
Íslandi áratug á eftir
Læknar virðast sammála um að sjúkrarskráningarkerfið sem íslenskum lækn-
um hefur verið gert að styðjast við sé meingallað. Það sé ekki til þess fallið að
auka öryggi sjúklinga og núverandi ástand sé óviðunandi, jafnvel hættulegt.
HÆTTULEGT MILLIBILSÁSTAND Helga Hansdóttir öldrunarlæknir segir það millibilsástand sem nú ríkir í sjúkraskráningum í
pappírs- og rafrænt kerfi geta reynst sjúklingum hættulegt, þar sem misbrestur hafi verið á því að upplýsingar séu skráðar á báða
staði. Líf og heilsa fólks vegi þyngra en ótti við að persónuupplýsingar leki til hnýsins fólks. FRÉTTABLAÐIÐ/PJETUR
KERFIÐ EKKERT ANNAÐ EN
LÉLEGT RITVINNSLUKERFI
Friðbjörn R. Sigurðsson segir
sjúkra skráningarkerfið Sögu ónot-
hæft sem gæðakerfi. Hann geti
til að mynda hvorki séð í því hve
marga sjúklinga hann meðhöndl-
aði á síðasta ári né hvernig sú
meðferð gekk. FRÉTTABLAÐIÐ/PJETUR BRETLAND Gordon Brown forsætis-
ráðherra Bretlands er mikill aðdá-
andi diskóbræðranna í Bee Gees.
Þessu heldur Robin Gibb, fyrrver-
andi meðlimur hljómsveitarinnar,
fram í nýlegu viðtali við The
Times.
Robin Gibb segir Brown hafa
lýst tónlist Bee Gees sem „tíma-
lausri klassík“, og hann sé sér-
staklega hrifinn af lögunum Stay-
ing Alive og Tragedy vegna þess
að þau fjalli um „mannlega
reynslu og mannleg sambönd og
lifi áfram“.
Brown hefur áður lýst yfir aðdá-
un sinni á bresku hljómsveitinni
Arctic Monkeys, en gat að vísu
ekki nefnt eitt einasta lag sveitar-
innar þegar hann var spurður. - kg
Forsætisráðherra Bretlands:
Gordon Brown
er mikill unn-
andi Bee Gees
GORDON BROWN Lagið „Staying Alive“
er í miklu uppáhaldi hjá Brown.
FINNLAND Einn alræmdasti fangi
Norðurlanda, Finninn Juha
Valjakkala, sem myrti fjölskyldu
í Svíþjóð 1989 og hefur setið í
fangelsi í Finnlandi og Svíþjóð
alla tíð síðan, flúði úr fangelsinu
um þarsíðustu helgi.
Valjakkala, sem hefur tekið upp
nafnið Nikita Fouganthine, var í
leyfi þegar hann stakk af til
Lapplands ásamt eiginkonu sinni,
að sögn finnska dagblaðsins
Hufvudstadsbladet.
Valjakkala var handtekinn á
fimmtudaginn sænsku þjóðinni til
mikillar ánægju en Svíar kvíða
mikið fyrir því þegar Valjakkala
verður látinn laus úr fangelsi í
sumar. Valjakkala er alræmdur
fyrir blóðugt morð á hjónum og
syni þeirra í kirkjugarði í Åmsele
og hafa sænsk stjórnvöld
mótmælt kröftuglega í hvert sinn
sem komið hefur til tals að láta
hann lausan. - ghs
Valjakkala handtekinn á ný:
Alræmdur
morðingi flúði
til Lapplands
FLÚÐI TIL LAPPLANDS Juha Valjakkala,
eða Nikita Fouganthine, er alræmdasti
morðingi Norðurlandanna. Hann flúði
til Lapplands um þarsíðustu helgi en
náðist á fimmtudag.
INDÓNESÍA, AP Rúmlega sjö hundr-
uð manns sluppu með skrekk-
inn þegar eldur kom upp í ferju í
Indónesíu. Ferjan var að nálgast
áætlunarstað sinn á eyjunni Born-
eó þegar eldurinn kom upp.
Öllum farþegunum var gert
að yfirgefa ferjuna hið snarasta
vegna eldsins. Bátar eru helsti
samgöngumátinn í Indónesíu
enda tilheyra yfir sautján þús-
und eyjar landinu. Tíð slys eiga
sér stað um borð í ferjunum, oft-
ast vegna of mikils farþegafjölda
eða vegna þess að öryggismálum
hefur ekki verið sinnt nægilega
vel. - fb
Ferjusigling í Indónesíu:
Sjö hundruð
sluppu úr eldi
Grunur um brot gegn börnum
Karlmaður á fimmtugsaldri, sem starf-
aði sem æskulýðsleiðtogi í Västerås
í Svíþjóð, hefur verið handtekinn
grunaður um nauðganir og önnur
kynferðisbrot gagnvart börnum, að
sögn Dagens Nyheter.
SVÍÞJÓÐ