Fréttablaðið - 19.05.2008, Blaðsíða 55

MÁNUDAGUR 19. maí 2008 23
■ Írski kalkúninn Dustin fær
mikinn meðbyr í Belgrad. Þar
komst hann í sjónvarpsviðtal
með sigurvegara síðustu keppni,
Maríu Serifovic, sem lýsti því
yfir að hún vonaði að kalkúninn
myndi vinna. Þá hefur hinn
heimsfrægi tískumógúll Jean
Paul Gaultier, sem er í frönsku
sendinefndinni og lýsir keppn-
inni í franska sjónvarpinu, falast
eftir fundi með kalkúnanum til
að láta þá ósk sína rætast að
smellt verði mynd af þeim
saman.
■ Rússar hafa tapað stríðinu
gegn Grikkjum um sviðsmynd-
ina í Beogradska-höllinni. Dima
Bilan, keppandi Rússa, verður
að gjöra svo vel að sleppa risa-
stórum stiga sem hann ætlaði að
drösla upp á svið. Hann þarf þó
ekki að örvænta því eftir af
sviðsmyndinni er pallur úr klaka
sem skautadrottning mun sýna
listir sínar á. Sjálfur verður
Dima svo berfættur og lætur
skína í bringuhárin á meðan
hann engist á sviðinu í mikilli
innlifun.
■ Hinir finnsku Teräsbetoni fara
alla leið í þungarokkinu og bjóða
upp á flugelda, sprengjur og allra
handa eldglæringar. Þessir fimm
vörpulegu menn eru auðvitað í
leðri frá toppi til táar og gefa
löndum sínum í Lordi lítið eftir í
töffaraskap.
Allir vilja kalkúnann
ÞAÐ YRÐI SAGA TIL NÆSTA BÆJAR
EF SOKKABRÚÐA YNNI EUROVISION
Dustin the Turkey brýtur blað og er
eftirsóttur í Belgrad.
Leikkonan Lucy Liu hefur lagt
boxhanskana á hilluna eftir að
hafa stundað íþróttina grimmt að
undanförnu. Liu, sem hefur leikið
í Charlie´s Angels og Kill Bill,
steig fyrir skömmu inn í hringinn
á móti annarri stúlku og lenti í
miklum hremmingum.
„Ég steig inn í hringinn á móti
þessari stelpu og hún lamdi mig
beint á nefið. Það var rosalega
sárt. Ég nefbrotnaði ekki en ég sá
samt stjörnur. Þetta gerði
útslagið. Ég held ég sé ekki nógu
sterk til að þola þetta lengur,“
sagði Liu.
Hvílir sig á boxinu
LUCY LIU Leikkonan Lucy Liu er hætt að
boxa eftir að hafa næstum nefbrotnað
á dögunum.
ÞRÍR DAGAR TIL STEFNU
Á meðan Ellen DeGeneres
er rífandi hamingjusöm
og á leið upp að altarinu
með kærustu sinni, Portiu
Di Rossi, er fyrrverandi
kærasta hennar, leikkonan
Anne Heche í verri málum.
Eftir að framleiðslu þáttanna Men
In Trees, þar sem Anne Heche fór
með aðalhlutverkið, var hætt er
fjárhagsstaða hennar orðin svo
slæm að hún hefur ekki efni á að
borga fyrrverandi eiginmanni
sínum, Coley Laffoon, þá 15 þús-
und dollara á mánuði sem dómstóll
úrskurðaði að honum bæri að fá
þegar þau skildu. Heche freistar
þess nú að fá úrskurðinum breytt í
ljósi breyttra aðstæða, og í skjölum
sem hafa verið lögð fyrir dómstól
skrifar Heche að hún eigi í miklum
fjárhagskröggum, þar sem hún
þurfi einnig að borga fyrir eigið
húsnæði og bíl, auk skólagöngu
sonar síns, sem er í einkaskóla.
Skilnaður Laffoons og Heche
var ekki í hópi þeirra fegurstu, en
Laffoon kallaða leikkonuna meðal
annars slæma móður. Heche svar-
aði fyrir sig og sagði að Laffoon
gerði lítið annað en að „sitja bara
heima og skoða klámsíður“. Heche
og DeGeneres voru saman í þrjú
ár, en hættu saman árið 2000. Ári
síðar gaf Heche út ævisögu sína,
þar sem hún segist hafa átt við
geðræn vandamál að stríða stærst-
an hluta ævi sinnar, eftir að hafa
verið misnotuð kynferðislega af
föður sínum. Hún er nú með leik-
aranum James Tupper, sem lék
einmitt á móti henni í Men In
Trees.
Heche er skítblönk
SKRAUTLEGUR SKILNAÐUR Skilnaður þeirra Heche og Laffoons var ekki fallegur, og
nú segist Heche ekki lengur geta greitt honum þá mánaðarlegu upphæð sem um
samdist við skilnaðinn. NORDICPHOTOS/GETTY
Umsóknarfrestur er til 30. maí
Kynntu þér námið á www.hr.is
VIÐ HÁSKÓLANN Í REYKJAVÍK
Tækni- og verkfræðideild HR býður upp á
BSc NÁM Í VERKFRÆÐI
• BSc í fjármálaverkfræði
• BSc í hátækniverkfræði
Tækni- og verkfræðideild HR leggur áherslu á framúrskarandi kennslu, öflugar rannsóknir
og sterk tengsl við atvinnulífið.
Umsækjendur í grunnnám í verkfræði þurfa að hafa lokið stúdentsprófi eða hafa sambæri-
lega menntun og með haldgóða þekkingu í stærðfræði, raungreinum, íslensku og ensku.
Miðað er við að nemandi hafi lokið a.m.k. 21 einingu í stærðfræði og 6 einingum í eðlisfræði.
• BSc í heilbrigðisverkfræði
• BSc í rekstrarverkfræði
www.si.is
Dagskrá
8.00 Morgunverður í boði SI
8.30 Árni Mathiesen, fjármálaráðherra
Bjarni Már Gylfason, hagfræðingur SI
Þorsteinn Víglundsson,
framkvæmdastjóri BM Vallár
Ingólfur Bender, forstöðumaður
greiningardeildar Glitnis
10.00 Fundarlok
Það er ljós í myrkrinu
Samtök iðnaðarins boða til morgunverðarfundar um ástand
og horfur í bygginga- og mannvirkjagreinum í Íþrótta- og
sýningarhöllinni í Laugardal, þriðjudaginn 20. maí kl. 8.00–10.00.
Fundarstjóri er Helgi Magnússon,
formaður SI
Fundurinn er öllum opinn og
aðgangur er ókeypis.
Skráning á mottaka@si.is
– leiðir til úrbóta í byggingariðnaði –
A
u
g
lý
si
n
g
a
sí
m
i
– Mest lesið