Fréttablaðið - 20.05.2008, Blaðsíða 18
[ ]Vatnsbrúsa er gott að hafa alltaf með sér í hjóla- og göngu-ferðirnar í sumar. Miðað er við að drekka um átta glös af vatni á dag.
Flestir hafa heyrt um spa, en fæstir vita hvað í
orðinu felst.
„Spa er upplifun, dekur og vellíðan sem tengist vatni,
og í spa-meðferð gleymir fólk stund og stað í innri ró
og slökun,“ segir Gríma E. Ársælsdóttir, snyrtifræðing-
ur, spa-þerapisti og eigandi heildsölunnar Mandala,
sem er umboðsaðili ítölsku hágæðavörunnar Comfort
Zone sem hlotið hefur verðlaun sem besta spa-vörulína
Evrópu.
„Með spa er leitast við að örva öll skynfæri manns-
ins; snertingu, sjón, heyrn, bragð og lykt. Fræðin eru
ævaforn og margslungin og ég er fyrsti Íslendingurinn
sem lært hefur spa-þerapíu, en þess má geta að Aqua
Spa á Akureyri hefur hlotið þjálfun hjá mér og var
nýlega valið flaggskip Comfort Zone á Íslandi,“ segir
Gríma sem síðastliðin þrjú ár hefur lagt stund á spa-
þerapíu á Ítalíu.
„Í náminu er kennt hvernig við beitum röddinni,
opnum dyr, tökum á móti fólki og hvaða ilm, birtu,
hljóð og tónlist við notum við þær aðstæður, því allt
smýgur það í undirmeðvitund viðskiptavinarins sem
með fyrstu hughrifum myndar sér skoðanir og
væntingar á þeirri upplifun sem koma skal. Fætur eru
þvegnir með blómasápum í stórum leirskálum áður en
lagst er, nuddaðir með ilmolíum og mikið snertir því
þeir geyma orkupunkta sem valda mikilli vellíðan,“
segir Gríma en sem yfirþjálfari Comfort Zone á Íslandi
rekur hún kennslusetur sem snyrtifræðingar,
nuddarar, sjúkra- og íþróttaþjálfarar nýta sér.
„Spa er fyrir alla og orðinn lífsstíll hjá mörgum að
fara vikulega í spa-meðferð; hvort sem það er að láta
bursta sig upp úr kókoshnetu, skrúbba húðina með
salti, bera á hana góðar olíur og slaka vel á. Slíkt er
endurnýjandi og veitir andlega og líkamlega slökun.
Við leggjum heita steina á maga eða í lófa viðskipta-
vinarins ef hann er orkulaus eða þreyttur, og fólki
finnst þetta ógleymanlegt og vill meira,“ segir Gríma,
sem á dögunum kom heim með það allra nýjasta úr
spa-fræðum í farteskinu; spa í flugvélum.
„Comfort Zone er í fararbroddi í spa-meðferðum á
fimm stjörnu lúxushótelum í 50 löndum og gerði
nýlega samning við EOS-flugfélagið og skemmtiferða-
skip P&P Cruiseship um þjálfun spa-þerapista um borð.
Flug er oft erfitt og gott að nýta tímann í flugi til spa-
dekurs, en eftir leir á axlir, sogæðanudd á fótum og
handsnyrtingu er fólk tilbúið að fara á mikilvæga fundi
í útlöndum. Fólk um allan heim leyfir sér þetta og í
mörgum þotum eru hægindastólar, nuddbekkir og
hægt að panta spa-þerapista um borð,“ segir Gríma
sem árlega er kvödd í símenntun víðs vegar um
heiminn, þar sem farið er yfir áður lærð spa-fræði og
tileinkað sér það nýjasta í faginu.
„Við lærum meðal annars ævagamlar aðferðir frá
Indlandi, Mið-Austurlöndum og Miðjarðarhafi, eins og
hvernig konur nudduðu araba eftir margra daga
úlfaldareið í eyðimörkinni, og þá hafði hver ættflokkur
sína siði og aðferðir. Með indversku nuddi er til dæmis
líkt eftir sandölum, slöngum, fílasporum og léttu
sandfoki, og notaðar sérstakar ilmolíur til að skapa
réttu stemninguna. Einnig er farið yfir hvað mismun-
andi heimshlutar kljást við í spa-meðferðum, en sem
dæmi má nefna að evrópskar konur sem gjarnan
klæðast flegnu og ganga um topplausar á sólarströnd-
um eru spéhræddar við brjóstanudd, á meðan konur í
þeim hlutum heimsins sem þurfa að hylja hár sitt og
líkama þykir slíkt sjálfsagt, en þar þykir brjóstanudd
mjög mikilvægt á meðgöngu og eftir barnsburð,“ segir
Gríma sem vonast til að sérstök spa-braut verði sem
fyrst sett á laggirnar í snyrtifræðinámi Íslendinga.
„Nemendur leitast eftir að komast á nemasamninga
hjá Comfort Zone ytra til að læra fræðin, en vitaskuld
þarf að mennta fólk hér heima til að anna eftirspurn
því þótt við bjóðum upp á spa hér og þar, þurfum við
einnig að hafa á þeim stöðum fólk sem kann að veita þá
þjónustu.“ thordis@frettabladid.is
Lífsins dekur og vellíðan
Gríma E. Ársælsdóttir snyrtifræðingur er fyrst Íslendinga til að
læra spa, en fræðin eru flókin og aldagömul.
FRÉTTABLAÐIÐ/ARNÞÓR
Geislar sólarinnar eru vissu-
lega hættulegir en þeir hafa þó
sína kosti.
Konur sem þjást af brjóstakrabba-
meini og mælast með lítið magn D-
vítamíns í líkamanum eru líklegri til
að látast úr sjúkdómnum en þær
konur sem fá nóg D-vítamín. Þetta
leiðir nýleg bandarísk rannsókn í
ljós.
Niðurstöðurnar styrkja fyrri
kenningar um að sólarvítamínið
kunni að reynast vel í baráttunni við
krabbamein en lengi hefur því verið
haldið fram að D-vítamín kunni að
hafa fyrirbyggjandi áhrif.
Niðurstöðurnar gefa þó ekki til-
efni til aukinna sólbaða. Hins vegar
er öllum hollt að láta sólina skína á
sig annað slagið, að sjálfsögðu með
sólarvörn þó. - þo
D-vítamín
gegn krabba
Steinanudd er
meðal úrvals
nuddaðferða
í spa-með-
ferðum, en
einnig notað
í almennri
slökun og við
endurnýjun
orku.
D-vítamín
getur reynst
vel í baráttunni
við brjósta-
krabbamein.