Fréttablaðið - 20.05.2008, Blaðsíða 39
ÞRIÐJUDAGUR 20. maí 2008 23
Bandaríski tónlistarmaðurinn
John Fogerty, sem spilar í Laugar-
dalshöll annað kvöld, lendir hér á
landi í dag með eiginkonu sína og
tvö börn. „Þau ætla að njóta þess
að vera hérna og borða góðan mat,“
segir Grímur Atlason tónleika-
haldari. Munu þau dvelja á litlu
hóteli í miðborginni á meðan
hljómsveit hans verður á stærra
hóteli.
Kröfulisti Fogertys fyrir tón-
leikana vakti nokkra athygli á dög-
unum því á honum var eitt stykki
X-box leikjatölva. Grímur segist
vera búinn að redda tölvunni en
það sem hafi aftur á móti ekki
komið fram er að tölvan er fyrir
sjö ára son hans en ekki hann sjálf-
an.
KK hitar upp fyrir Fogerty og
hefur leik sinn klukkan 20. Fog-
erty stígur síðan á svið klukkutíma
síðar. „Hann byrjar þegar leikur-
inn í Meistaradeildinni er búinn
klukkan 20,“ segir Grímur og á þar
við úrslitaleik Chelsea og Man-
hester United. „Fogerty byrjar
klukkan níu þegar það er allt búið,
þannig að menn geta horft á leik-
inn og farið svo á tónleikana.“
Fogerty er í hörkuformi að sögn
Gríms og spilar öll sín helstu lög
eins og sjá má á heimasíðu hans.
Spilaði hann 25 lög fyrir skömmu í
Kaliforníu, þar á meðal slagarana
Down on the Corner, Proud Mary
og Who´ll Stop the Rain.
Enn eru eftir miðar á tónleikana
í Höllinni, sem verða þeir fyrstu í
tónleikaferð Fogertys um Evrópu.
- fb
Fyrst fótbolti, síðan Fogerty
JOHN FOGERTY Tónlistarmaðurinn John
Fogerty treður upp í Laugardalshöll
annað kvöld.
Samkvæmt
heimildum
slúðursíðunnar
PerezHilton.
com er
ofurkryddið
Mel B með
sólóplötu í
vinnslu. Það
mun ekki vera
í fyrsta sinn
sem kryddpían
reynir fyrir
sér í tónlistinni
ein síns liðs, en
að þessu sinni
mun hún vera
að vinna með þekktustu upptöku-
stjórunum vestanhafs.
Mel B hyggst halda sig í
popptónlistinni með „urban“
ívafi og mun hafa eytt síðustu
viku í vinnslu á plötunni með
Scott Storch, en fyrrverandi
kryddpían hefur einnig fengið til
liðs við sig Damon Elliott, JR
Rotem, Richie Skillz og Rodney
Jerkins.
Mel B gerir
sólóplötu
MEL B ER Í HLJÓÐ-
VERI Kryddpían
vinnur með þekkt-
um upptökustjórum
á nýrri sólóplötu
sinni.
Knattspyrnumaðurinn David
Beckham hyggst klífa fjallið
Kilimanjaro. Ástæða þess að
hann leggur upp í þessa sex daga
heljarför er sú að hann ætlar að
safna peningum fyrir Unicef í
leiðinni. Mun það hafa verið hinn
góðhjartaði söngvari U2, Bono,
sem skoraði á Beckham að gera
þetta. Heimildarmaður The Sun
sagði að þetta þrekvirki væri
aðeins meira en Beckham er
vanur að leggja á sig líkamlega,
en hann væri engu síður staðráð-
inn í að láta verða af þessu. Mun
hann hafa verið efins í fyrstu en
Bono hafi með sínum alkunna
sannfæringarmætti náð að telja
hann á að gera þetta. Engin
dagsetning hefur verið ákveðin
vegna þess að Beckham er
upptekinn með liði sínu LA
Galaxy. Klifrið mun hins vegar
fara fram, svo mikið er víst, ef
marka má heimildarmann The
Sun.
Beckham
klífur Kili-
manjaro
BECKHAM Klífur Kilimanjaro fyrir Unicef.
Hagavagninn hljómar nú í nýrri
útgáfu Megasar og Senuþjófanna.
Lagið verður ásamt öðrum íslensk-
um ellismellum á plötunni „Á morg-
un“ sem kemur út í júní. Hagavagn-
inn er eftir útvarpsmanninn
góðkunna Jónas Jónasson. „Megas
er mikill meistari og við erum góðir
vinir,“ segir Jónas.
Hann vill þó ekki leggja dóm á
flutning Megasar á laginu. „Lagið
dæmir sig sjálft, ég dæmi hvorki
lagið né flytjendur þess. Það hafa
margir tekið það í gegnum tíðina;
Haukur Morthens, Ævar Kvaran
og nú Megas, og ég yrði brjálaður
ef ég færi að taka einn fram yfir
annan. Halldór Laxness var spurð-
ur álíka spurningar og þú ert að
spyrja mig núna þegar Árni John-
sen gerði heila plötu með ljóðun-
um hans. Og Laxness svaraði: „Það
syngur hver með sínu nefi, hrafn-
inn og spóinn.“ Eigum við ekki
bara að segja að það svar sé enn
þá fullgott?“
- glh
Dæmir ekki Megas
LAGIÐ DÆMIR SIG SJÁLFT Jónas Jónas-
son yrði brjálaður færi hann að taka
einn flytjanda fram yfir annan.