Fréttablaðið - 20.05.2008, Blaðsíða 46

30 20. maí 2008 ÞRIÐJUDAGUR
LÁRÉTT
2. loðfeldur, 6. frá, 8. dauði, 9.
eldsneyti, 11. á fæti, 12. lítið barn, 14.
bragsmiður, 16. upphrópun, 17. tala,
18. blóm, 20. tveir eins, 21. hvæs.
LÓÐRÉTT
1. þökk, 3. skammstöfun, 4. nennu-
leysi, 5. berja, 7. fyrirhyggja, 10. nár,
13. gæfa, 15. flotholt, 16. heyskapa-
ramboð, 19. sjó.
LAUSN
1
6 7 8
10
13
119
12
15
16
18
21
20
17
14
19
2 3 4 5
BESTI BITINN Í BÆNUM
„Það er gott take-away á Siam
í Hafnarfirði en ef ég fæ mér
pitsu er það nýi pitsustaðurinn á
Dalveginum sem heitir Castello,
þar eru alveg geggjaðar eldbak-
aðar pitsur. Síðan er Austur-
Indíafélagið svona spari.“
Sigríður Beinteinsdóttir söngkona
„Ég fer til New York í byrjun júní á
hugleiðslunámskeið og svo bauð
vinkona mín mér á sjálfsstyrking-
arnámskeið í London um miðjan
júlí á vegum Landmark Forum,“
segir Eva María Jónsdóttir, sem
ætlar að nýta sumarfríið með
öðrum hætti en vanalega.
Spurð hvernig skráningarnar á
þessi námskeið hafi komið til segist
Eva María lengi hafa haft áhuga á
hugleiðslu. „Ég hef ekki hugleitt
reglulega hingað til en lengi langað
að læra meira. Ég frétti svo af
þessu tiltekna námskeiði í New
York eftir krókaleiðum, fannst það
mjög spennandi og ákvað að skrá
mig. Námskeiðið verður haldið
fyrir utan borgina þar sem fókus-
inn verður alfarið á hugleiðslunni,
svo það verða engar verslunarferð-
ir á dagskránni,“ segir Eva María
sem hefur sömu sögu að segja um
námskeiðið í London. „Dagskráin
þar verður frá klukkan 9 á morgn-
ana til 22 á kvöldin, föstudag, laug-
ardag, sunnudag og þriðjudag, en
ætli mánudagurinn sé ekki ætlaður
til að maður hugsi sinn gang,“ segir
Eva María og hlær.
„Ég fer ein á bæði námskeiðin
svo það verður ný reynsla að gera
eitthvað í fríinu án barnanna og
mannsins míns. Ég hálf skammast
mín fyrir það, en heil 33% af sumar-
fríinu munu fara í sjálfa mig. Það
er samt nauðsynlegt að rækta sjálf-
an sig reglulega svo þetta verður
eflaust góð upplifun,“ segir Eva
María að lokum. - ag
Sjónvarpsstjarna á sjálfsstyrkingarnámskeið
SÆKIR NÁMSKEIÐ Í NEW YORK OG LONDON Í SUMAR Hugleiðsla og sjálfsstyrking
verða efst á baugi í sumarfríinu hjá Evu Maríu Jónsdóttur. FRÉTTABLAÐIÐ/STEFÁN
„Stelpurnar koma annaðhvort í
ágúst eða um jólin,“ segir Inácio
Pacas da Silva Filho, betur þekkt-
ur sem Pacas úr Hæðinni, nú eða
bara Pacas hans Begga. Þeir
lýstu því yfir að ef þeir myndu
vinna Hæðina færi verðlaunaféð
– alls tvær milljónir – í að bjóða
dætrum Pacasar til Íslands en
þær eru búsettar í Brasilíu. Þeir
sigruðu.
„Þær hefur lengi langað til að
koma en þetta er dýrt ferðalag,“
segir Pacas fullur tilhlökkunar.
Beggi er ekki síður spenntur. „Ég
sjálfur hefði helst viljað fá þær í
gær. Þetta er líka svo gott til að
gleðja hjarta Pacasar, sem hefur
ekki séð þær í hartnær tvö ár.“
Beggi segir það mikið ferli að fá
þær hingað til lands. „Þær eru
báðar í skóla og geta því kannski
komið í ágúst en alveg pottþétt um
jólin. Þær eru svo spenntar fyrir
því að koma hingað og sjá snjóinn
og upplifa okkar menningu. Þær
hafa aldrei farið út fyrir
Brasilíu.“
Beggi segir að stelpurnar hafi
vitað allan tímann að ef hann og
Pacas kæmu til með að vinna Hæð-
ina þá fengju þær að koma til
Íslands. „Þær fylgdust með rosa-
lega spenntar á Vísi.is. Skildu auð-
vitað ekki neitt en gátu þó séð
hvort við ynnum eða ekki,“ segir
Beggi.
Að öllum líkindum munu Beggi
og Pacas fljúga til móts við þær
enda þær óvanar ferðalögum og
tala einungis portúgölsku.
Beggi lofar því að þjóðin muni
fá að fylgjast með þegar stelpurn-
ar koma til landsins og sjái þessa
fallegu sögu verða að veruleika.
„Sagan er bæði falleg, og hún er
heil,“ segir Beggi einlægur.
- shs
Stelpur Pacasar heim í jólasnjóinn
SPENNTIR Beggi og Pacas eru spenntir að fá stelpurnar heim.
LÁRÉTT: 2. pels, 6. af, 8. hel, 9. kol,
11. tá, 12. kríli, 14. skáld, 16. oj, 17.
níu, 18. rós, 20. ff, 21. fnæs.
LÓÐRÉTT: 1. takk, 3. eh, 4. letilíf, 5.
slá, 7. forsjón, 10. lík, 13. lán, 15. dufl,
16. orf, 19. sæ.
Heilsíðuumfjöllun er um kynn-
ingartónleika Garðars Thors
Cortes í nýjasta hefti breska glans-
tímaritsins OK! sem kom í
verslanir í gær. Garðar prufu-
keyrði nýja plötu sína fyrir hóp
útvaldra á safninu Dali Universe í
London á dögunum, en platan er
væntanleg í verslanir í sumar.
Búist er við miklu af íslenska ten-
órnum enda sló fyrsta platan hans
í gegn hjá unnendum sígildrar tón-
listar. Garðar hefur sjálfur sagt
nýju plötuna vera öllu klassískari
en þá fyrstu sem hlaut tilnefningu
til Classical Brit Awards.
En að kynningarveislunni. Öllu
jafnan eru þær sóttar af minni
háttar stjörnum sem sækja í
myndavélar eins og flugur á
mykjuskán. Mannsöfnuðinn setti
þó hljóðan þegar fremur lágvax-
inn, asískan mann bar að garði.
Hann var umsetinn yngismeyjum
og heilu stóði af lífvörðum og
reyndist vera sjálfur Prins Azim,
sonur soldánsins af Brunei. Hazim
vildi ólmur láta mynda sig við hlið
Garðars og hlóð tenórinn lofi fyrir
frammistöðu hans. „Rödd hans er
guðdómleg,“ sagði Azim í samtali
við OK!.
Azim prins er sólginn í frægðar-
fólk og á vini á æðstu stöðum í
félagslífi hinna ríku. Hann er
þekktur fyrir dálæti sitt á popp-
stjörnum, leikurum og fyrir sætum
og borgaði meðal annars bæði
Kate Moss og Shannon Elizabeth
fyrir það eitt að mæta í teiti hjá
sér. Hann hefur sérstakan unun af
því að horfa á Mariuh Carey flytja
sín frægustu lög og sendi henni
fokdýrt hálsmen og demantshring
í stíl með einkaþotu fyrir ekki
margt löngu. Poppkóngurinn
Michael Jackson hefur heldur
ekki farið á mis við gjafmildi
Azim, sem borgaði honum nokkrar
milljónir íslenskra fyrir að koma í
25 ára afmælið sitt á síðasta ári.
Sagan segir reyndar að soldáninn
sjálfur hafi bjargað hinum ólán-
sama Jackson frá gjaldþroti. Þeir
fjármunir hafa þó verið smáaurar
hjá soldáninum því hann er met-
inn er á tvö þúsund milljarða
króna. Azim er fjórði í röðinni að
krúnunni og fær því væntanlega
sinn skerf þegar sá gamli stígur
niður af stóli sínum.
Hvorki náðist í Garðar Thor
Cortes né Einar Bárðarson,
umboðsmann hans, við vinnslu
fréttarinnar en vinfengi Azims og
Garðars skemmir örugglega ekki
fyrir möguleikum hans á að koma
sér á framfæri ytra.
freyrgigja@frettabladid.is
GARÐAR THOR: FRUMFLUTTI EFNI AF NÝRRI PLÖTU Í LONDON
Sonur soldánsins af Brunei
hrifinn af Garðari Cortes
GÓÐIR SAMAN Garðar Thor Cortes og Azim prins voru góðir saman í London. Azim,
sem er sonur soldánsins af Brunei, hlóð íslenska tenórinn lofi fyrir frammistöðu
hans. NORDICPHOTOS/WIREIMAGE
Í dálki þessum í gær var því haldið
fram að Egill Einarsson, eða Stóri
G, væri að halda herþjálfunar-
námskeið fyrir nema í
Háskóla Íslands. Þetta mun
ekki vera rétt því nám-
skeið þetta er á vegum
Bootcamp og kemur
Egill þar hvergi nærri.
Egill hélt á sínum tíma
herþjálfunarnámskeið
í Sporthúsinu en
átökin þar voru slík að
þrír til fimm manns
köstuðu upp í hverjum
tíma. Síðan þá hefur Egill snúið sér
alfarið að fjarþjálfun þar sem hver
og einn æfir eftir sínum hraða og
líkamsástandi.
Auglýsingastofan Fíton, þar sem
Þormóður Jónsson fer fyrir fríðum
flokki, hélt velheppnaða árshátíð
úti í Viðey. Hugsanlega er það til
marks um kreppu en í fyrra var
þar á bæ farið til Washington til að
halda árshátíð. Tölvufyrirtækið CCP
þekkir hins vegar tímana tvenna frá
því netbólan sprakk og er ekkert að
draga af sér nema síður sé í flott-
heitum. Þeirra starfsmenn brugðu
sér til Marokkó til að halda árshátíð
og þar voru vellystingarnar hvergi
við nögl skornar.
Fréttir bárust fyrir helgi
af því að dansleikur
Sálarinnar, sem til stóð
að halda á Suður-
landi, hefði verið
sleginn af vegna
skorts á leyfi fyrir
skemmtanahaldi.
Einar Bárðarson
umboðsmaður
Íslands hefur ekki sleppt hend-
inni af Skímó og hann er ekki til
í að kaupa þá skýringu hundrað
prósent. Í tilkynningu þar sem segir
af stórkostlegum dansleik Skímó í
Hvíta húsinu á Selfossi, troðfullt hús
og mikil stemmning, lætur hann að
því liggja að ástæðan hafi kannski
verið önnur og þá væntanlega sú að
Sálin hafi ekki þorað í samkeppnina.
Minnir það á þegar Mánar voru og
hétu á 7. áratug síðustu aldar. Ef
vitað var að þeir væru með ball á
Suðurlandi hættu menn sér hvergi
nærri, jafnvel þó þeir hétu Hljómar.
- shs/jbg
FRÉTTIR AF FÓLKI
Strandgötu 43 | Hafnarfirði
Sími 565 5454
Hringdu í síma
ef blaðið berst ekki