Fréttablaðið - 21.05.2008, Blaðsíða 38
21. MAÍ 2008 MIÐVIKUDAGUR8 ● fréttablaðið ● vinnuvélar
● FYRIR STÓRA SEM
SMÁA CAT-vinnuvélarnar, eða
Caterpillar eins og þær kallast
fullu nafni, eru víðfrægar og
hafa fyrir löngu áunnið sér sinn
sess í vinnuvélaheiminum. Þess
má til gamans geta að Cater-
pillar-vinnuvélar hafa komið við
sögu allra stórframkvæmda á
sviði jarðvinnu hérlendis eins
og virkjun fallvatna til raforku-
framleiðslu. Hins vegar er hægt
að kynna þetta fræga vörumerki
snemma á lífsleiðinni þar sem
ýmis leikföng fást með CAT-
merkinu og er þá oftast um að
ræða smækkuð líkön af gröfum
og þess háttar sem litlir fingur
hafa gaman af að handleika.
Það má vinna mörg þörf störf
á litlum smábýlum í sandkassa
eða á sængurfjöllum með þess-
um litlu vinnuvélum. Leikföng-
in geta einnig sómað sér vel í
hillum hjá áhugamönnum um
vinnuvélar.
Stelpurnar á trukkunum
Konur hafa í auknum mæli sótt í stétt vörubílstjóra. Trukkastelpurnar keyra ýmsa
bíla og Margrét nefnir þar meðal annars malartreilera og fjögurra öxla bíla.
„Mótordellan er í blóðinu enda alin upp í sveit og komin á dráttarvél sex ára. Síðan tók ég vinnuvélaréttindi og meirapróf og hef
keyrt vörubíl síðan ég var átján ára,“ segir Margrét Erla Júlíusdóttir, sem var eina stelpan á vörubíl þegar hún byrjaði.
FRÉTTABLAÐIÐ/GVA
Jenný Friðjónsdóttir, eða Pæjan eins og
hún kallar sig á bílnum, kom á laggirnar
bloggsíðu Trukkastelpnanna.
Margrét Erla Júlíusdóttir hefur keyrt
vörubíl í ellefu ár og líkar vel.
Trukkastelpurnar er félags-
skapur kvenna sem keyra vöru-
flutningabíla á Íslandi og halda
úti sameiginlegri bloggsíðu.
„Við trukkastelpurnar kynntumst
flestar í gegnum bloggsíðu sem
ein okkar, Jenný Friðjónsdóttir,
kom á laggirnar,“ segir Margrét
Erla Júlíusdóttir vörubílstjóri,
sem er í félagskap þrettán kvenna
sem allar keyra vörubíla á Ís-
landi.
Margrét keyrir 660 hestafla FH
16 Volvo vörubíl með gámalyftu
fyrir Jón og Margeir í Grinda-
vík þar sem hún er búsett. Bíla-
áhuginn hefur fylgt Margréti nán-
ast alla tíð og þrátt fyrir ungan
aldur hefur hún setið undir stýri
vörubíla síðastliðin ellefu ár. „Ég
ólst upp í sveit og var örugglega
ekki nema sex ára þegar ég sett-
ist upp í dráttarvél. Síðan fór ég
að vinna í fiski og fór fljótlega að
keyra þar lyftara. Síðan tók ég
vinnuvélaréttindin sautján ára og
er með réttindi á gröfu og krana.
Í framhaldi af því tók ég meira-
próf átján ára og hef keyrt síðan,“
útskýrir Margrét, sem var á þeim
tíma eina stelpan á vörubíl.
„Langflestir karlarnir voru já-
kvæðir og hjálpsamir í minn garð.
Samt voru nokkrir af eldri körlun-
um sem fannst skrítið að fá stelpu
í hópinn. Konum sem keyra vöru-
bíla hefur fjölgað mikið síðast-
liðin tvö til þrjú ár. Flestar keyra
malar treilera og eru á fjögurra
öxla bílum.“
Margrét hvetur allar stelpur og
konur sem hafa áhuga á starfinu
að láta drauminn rætast og hafa
þá samband við Trukkastelpurn-
ar. Enda félagsskapurinn opinn
öllum konum í bransanum.
„Við hittumst eins oft og við
getum; borðum saman og gerum
annað skemmtilegt. Síðan tölum
við líka aðeins um bílana,“ segir
Margrét hlæjandi, sem er með
alhliða mótordellu að eigin sögn.
„Ég er mikið á krossara og lenti
í þriðja sæti á Íslandsmeistara-
mótinu í fyrra. Síðan er maður-
inn minn líka í þessu og meira
að segja dóttir okkar, sem er átta
ára, á lítið hjól.“
„Það gat nú verið svolítið erfitt
í fyrstu að vera með kassabíl og
vagn aftan á stórum hringtorgum
í borginni án þess að rata nokkuð.
Síðan kom þetta allt saman,“ segir
Margrét, sem hefur aldrei komist
í hann krappann. Eða eins og hún
segir sjálf: „Ég er alltaf að reyna
að vanda mig á veginum.“
Allar upplýsingar um Trukka-
stelpurnar er að finna á http://
trukkastelpurnar.bloggar.is. - rh