Fréttablaðið - 21.05.2008, Blaðsíða 4

MARKAÐURINN 21. MAÍ 2008 MIÐVIKUDAGUR4
F R É T T I R
Bandaríski seðlabankinn ætti að
vinna gegn bólumyndun á eigna-
markaði og koma þannig í veg
fyrir að efnahagslífið beri skaða
af þegar þær springa.
Þetta segir Frederic Mishkin,
einn af bankastjórum bandaríska
seðlabankans. Mishkin vann
skýrslu um íslenskt efnahagslíf
ásamt dr. Tryggva Þór Herberts-
syni, nú forstjóra Aska Capital,
fyrir Viðskiptaráð í hittiðfyrra.
Mishkin segir seðlabankann
verða að gera greinarmun á
því hvers konar bólum bankinn
eigi að beina sjónum að. Þannig
telur hann að bankinn hafi átt að
fylgjast betur með verðhækkun
á fasteignamarkaði og bregðast
við. Netbóluna, sem sprakk með
látum um síðustu aldamót, hafi
átt að láta í friði. Muninn segir
hann felast í víðtækari áhrifum
fasteignalána á efnahagslífið en
hræringa á hlutabréfamarkaði.
Þá hefur fréttaveitan Mark-
etWatch eftir Mishkin að stýri-
vextir bíti almennt ekki á bólu-
myndun. Fjárfestar geri svo
mikla arðsemiskröfu að fjár-
mögnunarkostnaður sé auka-
atriði og leita verði áhrifaríkari
leiða, svo sem að sníða fjármála-
fyrirtækjum þrengri stakk. - jab
FREDERIC MISHKIN Íslandsvinurinn
og bankastjórinn Frederic Mishkin segir
bandaríska seðlabankann verða að bregð-
ast við eignabólum.
Seðlabankar
skoða bólurnar
Finnskur fjármálaheimur stendur
traustum fótum um þessar mund-
ir þrátt fyrir lánsfjárkreppuna
sem bitið hefur í bækur banka og
annarra fjármálafyrirtækja víða
um heim frá miðju síðasta ári.
Þetta er álit alþjóðlega mats-
fyrirtækisins Fitch, sem bætir
við að fjármögnunarleiðir þriggja
stærstu banka landsins séu dreifð-
ar og þeir hafi ekki átt erfitt með
að fjármagna sig.
Fitch bætir því hins vegar við að
útlit sé fyrir að aðstæður finnskra
fjármálafyrirtækja verði eilítið
erfiðari á þessu ári en í fyrra. Um
sé að kenna minni hagvexti í Finn-
landi og samdrætti hjá helstu við-
skiptalöndum Finna.
Umsvifamestu bankarnir í Finn-
landi eru Nordea, stærsti banki
Norðurlandanna, OP Pohjola og
Sampo Bank, sem er í eigu hins
danska Danske Bank. Kaupþing
og Straumur eru með starfsemi
í Finnlandi, auk þess sem Exista
á tæpan fimmtungshlut í finnska
tryggingafélaginu Sampo sem
seldi frá sér Sampo Bank á síð-
asta ári. - jab
KAMPAKÁTUR FORSTJÓRI Christian
Clausen, forstjóri Nordea, umsvifamesta
banka Norðurlandanna. Matsfyrirtækið
Fitch segir finnskan fjármálaheim standa
traustum fótum. MARKAÐURINN/AFP
Finnar standa traustum fótum
Patrick Coveney, forstjóri breska samlokuframleið-
andans Greencore, segir útlit fyrir að hráefnisverð
muni hækka áfram og verði jafnvel hærra á seinni
hluta þessa árs en í fyrra.
Bakkavör tilkynnti á síðasta uppgjörsfundi í enda
apríl að félagið ætti um ellefu prósent í samloku-
framleiðandanum í gegnum skiptasamninga.
Coveney sagði í samtali við fréttastofu Reuters
nýverið verðið hafa hækkað svo mikið upp á síð-
kastið að allt eins mætti reikna með að fyrirtækið
yrði að verja öllum hagnaði síðasta árs og jafnvel
ríflega það í efniskostnað á árinu. Rekstrarhagnað-
ur Greencore í fyrra nam 91 milljón evra, jafnvirði
10,5 milljarða íslenskra króna.
Aðspurður sagði Coveney erfitt að segja til um
áhrif aðkomu Bakkavarar í hluthafahóp Greencore.
Málið væri eðlilega viðkvæmt, ekki síst þar sem
fyrirtækin etja kappi á breskum samlokumarkaði.
„Þetta eru okkar stærstu keppinautar. En ég tel
óvíst að alvarleg vandamál muni koma upp,“ sagði
hann. - jab
BAKKABRÆÐUR Forstjóri Greencore, sem Bakkavör á tæp ellefu pró-
sent í, spáir hærra hráefnisverði í haust en nú. MARKAÐURINN/VILHELM
Dýrtíðin étur hagnað samlokuframleiðanda
Jón Aðalsteinn Bergsveinsson
skrifar
Bandaríski ofurfjárfestirinn Warren Buffett, sem
nýverið settist í hásætið á lista bandaríska við-
skiptatímaritsins Forbes yfir auðugustu einstakl-
inga í heimi, leitar þessa dagana að fjárfestingar-
tækifærum í Evrópu.
Buffett er nú á fjögurra daga hraðferð um Evr-
ópu og mun koma við í einni stórborg á dag til að
funda með fjárfestum og forkólfum í evrópskum
fyrirtækjarekstri. Tilgangur viðræðnanna er að
rekast á endanum á fjárfestingartækifæri í álf-
unni.
Ferðalag fjárfestisins aldna, sem um árabil hefur
verið nefndur Vitringurinn frá Omaha sökum hæfi-
leika sinna á sviði fjárfestinga, hófst í Þýskalandi
á mánudag. Í gær fór hann til Lausanne í Frakk-
landi en í dag spókar hann sig í Madríd á Spáni, ef
allt gengur eftir. Ferðinni lýkur svo á morgun í Míl-
anó á Ítalíu. Hann hélt blaðamannafund á flug hóteli
í Frankfurt á mánudag þar sem hann fór yfir til-
gang fararinnar.
Í fyrsta lagi verður fyrirtækið sem Buffett ætlar
að landa í nafni fjárfestingarfyrirtækisins Berks-
hire Hathaway að vera umsvifamikið með rekstrar-
hagnað upp á 75 milljónir Bandaríkjadala, jafnvirði
rúmra 5,5 milljarða íslenskra króna, hið minnsta.
„Það eru mörg fyrirtæki í Evrópu sem skynsamt er
fyrir okkur að kaupa,“ sagði Buffett og bætti við að
á nýmörkuðum, sem hefðu verið mjög í umræðunni
sem ört vaxandi markaðir, væru fá fyrirtæki sem
gætu státað af slíkum árangri.
Bloomberg-fréttaveitan bendir á að Berkshire
Hathaway sitji á digrum sjóðum, eigi 35 millj-
arða dala í lausafé og verði kaupin eðlilega að vera
stór til að sjást hreinlega í efnahagsreikningi fjár-
festingarfélagsins, sem hleypur á 200 milljörðum
dala. Veitan bendir sömuleiðis á að stefnt sé að því
að rúmur helmingur tekna fjárfestingarfélagsins
komi utan Bandaríkjanna eftir þrjátíu til fjörutíu
ár. Óvíst er hvort Buffett endist aldur til að upp-
lifa það en hann er 77 ára. Félagið hefur hins vegar
fjárfest talsvert utan landsteina, svo sem í Kína,
Ísrael og í Bretlandi.
Ekkert hefur verið gefið uppi um hvort ein-
hver fyrirtæki hafa þegar hlotið náð fyrir augum
Buffetts. Bloomberg bendir reyndar á að Þýska-
land sé kjörinn vettvangur fyrir milljarðamæring-
inn aldna en 75 prósent fyrirtækja þar í landi séu
rótgróin, í einkaeigu og nokkur af þeirri stærðar-
gráðu sem fjárfestirinn leiti eftir. Þrjú gætu sér-
staklega hentað vel í eignasafnið. Þar á meðal er
Robert Bosch, eitt stærsta fyrirtæki heims á sviði
varahlutaframleiðslu í bíla, lyfjaframleiðandinn
Boehringer Ingel heim og lágvöruverðskeðjan Aldi
Group. Til gamans má geta að stofnendur keðjunn-
ar eru bræðurnir Karl og Theo Albrecht, ríkustu
menn Þýskalands, sem báðir eru á lista Forbes yfir
tuttugu ríkustu menn heims.
SVONA STÓRT FYRIRTÆKI? Ríkasti maður heims, bandaríski
öldungurinn Warren Buffett, er í verslunarleiðangri í fjórum stór-
borgum í Evrópu. Hann er með heimild upp á tæpa 2.600 millj-
arða króna. MARKAÐURINN/AP
Tækifærin í Evrópu
Warren Buffett leitar nú kauptækifæra í Evrópu. Aðeins vel
rekin og óskráð félög hljóta náð fyrir augum fjárfestisins.
Danmörk, Holland, Ísland, Nor-
egur, Sviss, Finnland, Kórea og
Svíþjóð eru leiðandi í hlutfalls-
legri dreifingu á háhraðateng-
ingum innan aðildarríkja Efna-
hags- og framfarastofnunar-
innar (OECD). Meðalhlutfallið
er þrjátíu áskriftir fyrir hverja
hundrað íbúa og eru áðurnefnd
lönd langt fyrir ofan markið.
Samkvæmt nýrri úttekt
OECD, sem birt var á mánu-
dag, voru áskrifendur að há-
hraðatengingum 235 milljónir
talsins í desember á síðasta ári.
Það er átján prósenta aukning á
milli ára.
Hlutfallslega voru flestir
áskrifendur að háhraðanetum í
Lúxemborg, Þýskalandi og Ír-
landi í enda síðasta árs. Það
er fimm prósenta aukning frá
í hitteðfyrra. Meðalvöxturinn
nemur hins vegar þremur pró-
sentum á milli ára.
Bandaríkin eru stærsti mark-
aðurinn innan OECD með 69,9
milljónir áskrifenda. - jab
Ísland leiðandi í
háhraðatengingum