Fréttablaðið - 22.05.2008, Blaðsíða 16
16 22. maí 2008 FIMMTUDAGUR
NEYTENDAMÁL Áratugsbaráttu
kjúklingaframleiðenda gegn kam-
fílóbakter er stefnt í hættu verði
matvælalöggjöf Evrópusam-
bandsins leidd í lög á Íslandi.
Þetta segir Jarle Reiersen,
framleiðslustjóri kjúklingafram-
leiðandans Reykjagarðs.
Frumvarp um innleiðingu mat-
vælalöggjafarinnar er til með-
ferðar í sjávarútvegs- og land-
búnaðarnefnd Alþingis.
Jarle, sem áður var dýralæknir
alifuglasjúkdóma hjá embætti
yfirdýralæknis, telur fólki standa
ógn af evrópsku fersku kjúkl-
ingakjöti enda veiti Evrópusam-
bandið neytendum ekki varnir
gegn kamfílóbakter.
„Evrópusambandið vill ekki
veita tryggingu fyrir kamfíló-
bakter. Það þýðir að Ísland fær
ekki að krefjast vottorða og rann-
sókna þannig að kerfið sem var
komið hér á fót er rifið niður,“
segir Jarle.
Í kjölfar þess að hér greindust
326 tilfelli kamfílóbaktersýkinga
í fólki árið 1999 gripu yfirvöld og
kjúklingaframleiðendur til viða-
mikilla og kostnaðarsamra
aðgerða til að sporna við ástand-
inu. Sýni eru tekin úr öllum eldis-
hópum og greinist kamfílóbakter-
mengun er kjötið ýmist fryst eða
hitað. Við það drepst sýkillinn.
Jarle segir árangurinn mælan-
legan; á síðasta ári hafi greinst
rétt rúmlega 40 tilfelli. Óvíst sé
hvort og hve mörg þeirra rekja
megi til kjúklinga.
Það er mat Jarle að verði mat-
vælalöggjöf ESB innleidd sé
vörnum gegn kamfílóbakter varp-
að fyrir róða. Varla þjóni tilgangi
að vera með fokdýrt eftirlitskerfi
fyrir íslenska framleiðslu en ekki
erlenda. Þess utan væri þá fram-
leiðendum mismunað eftir þjóð-
erni. „Við viljum halda þessum
sýnatökum áfram til að verja
neytendur fyrir þessari hugsan-
legu vá en það verða þá allir að
sitja við sama borð,“ segir Jarle.
Kamfílóbaktersýking er
algengasta iðrasýking í mönnum í
hinum vestræna heimi. „Þetta er
ekki pínulítið vandamál, þetta er
gífurlegt vandamál,“ segir Jarle.
Að hans sögn kom kamfílóbakter-
mengun upp í um átta prósentum
íslenskrar kjúklingaframleiðslu á
síðasta ári. Í löndum innan Evr-
ópusambandsins getur hlutfallið
numið tugum prósenta. Hann
segir starfsmenn Evrópusam-
bandsins á sviði matvælaeftirlits
vilja taka upp hliðstætt eftirlits-
kerfi og hér er við lýði en stjórn-
málamenn, einkum í suðurlönd-
um álfunnar, séu því andvígir.
bjorn@frettabladid.is
Matvælalöggjöf ESB ógnar
vörnum gegn kamfílóbakter
Verði matvælalöggjöf Evrópusambandsins leidd í íslensk lög bresta varnir gegn kamfílóbaktermengun í
kjúklingakjöti. Við það margfaldast hættan á kamfílóbaktersýkingum í mönnum. Slíkum sýkingum hefur
svo gott sem verið útrýmt með viðamiklum og kostnaðarsömum ráðstöfunum kjúklingaframleiðenda.
JARLE REIERSEN
PÖKKUN Framleiðslustjóri Reykjagarðs
óttast að matvælalöggjöf Evrópusam-
bandsins spilli fyrir góðum árangri sem
náðst hefur í baráttunni við kamfílóbakt-
er. FRÉTTABLAÐIÐ/HARI
ALÞINGI Geir H. Haarde forsætis-
ráðherra segir óvenjulegt að
Samfylkingin hafi lýst sig andvíga
ákvörðun
sjávarútvegsráð-
herra um að
hefja hrefnu-
veiðar en það sé
að mörgu leyti
hreinlegra en að
fara í felur með
þá afstöðu.
Steingrímur J.
Sigfússon,
formaður VG, gagnrýndi þetta á
Alþingi í gær. Sagði hann gjörn-
inginn aumlegan enda bæru báðir
stjórnarflokkarnir ábyrgð á
verkum ríkisstjórnarinnar. Velti
Steingrímur jafnframt fyrir sér
hvort þingmeirihluti væri fyrir
ákvörðuninni þar sem Samfylking-
in væri á móti. - bþs
Ágreiningur um hrefnuveiðar:
Hreinlegra en
að fara í felur
STEINGRÍMUR J.
SIGFÚSSON
Undir áhrifum á stolnum bíl
Lögreglan á Suðurnesjum stöðvaði
ökumann aðfaranótt miðvikudagsins
vegna gruns um akstur undir áhrifum
ólöglegra fíkniefna. Er maðurinn einn-
ig grunaður um að hafa stolið bílnum
sem hann ók.
LÖGREGLUFRÉTTIR
BRETLAND, AP Dalai Lama, andleg-
ur leiðtogi Tíbeta, hóf á þriðjudag
ellefu daga heimsókn til Bret-
lands með því að taka við heiðurs-
doktorsnafnbót frá Metropolitan-
háskólanum í Lundúnum. Hann
mun í heimsókninni meðal annars
eiga fund með Gordon Brown for-
sætisráðherra, sem fyrir vikið
mun vafalaust fá yfir sig harðorð
mótmæli frá ráðamönnum í Kína.
Aðgerðasinnar sem berjast
fyrir frjálsu Tíbet eru reyndar
ekki alls kostar sáttir heldur, þar
sem þeir höfðu vænst þess að for-
sætisráðherrann tæki á móti
Dalai Lama í embættisbústað
sínum að Downingstræti tíu eins
og Tony Blair gerði árið 1999.
Þess í stað á fundurinn að fara
fram í embættisbústað biskups-
ins af Kantaraborg, en til hans
hafa einnig fleiri trúarleiðtogar
verið boðaðir.
Dalai Lama átti viðdvöl í Berlín
fyrir helgina þar sem hann hitti
þýska þróunarmálaráðherrann.
Ekki stóð á mótmælum Kína-
stjórnar sem sagði fundinn brot á
yfirlýstum stuðningi Þjóðverja
við óskipt Kína.
Sjálfur stefnir Dalai Lama ekki
að sjálfstæði Tíbets heldur auk-
inni sjálfstjórn innan Kína. - aa
Dalai Lama í heimsókn til Bretlands:
Fær ekki að hitta Brown
í Downingstræti 10
HEIÐRAÐUR Dali Lama tekur við heiðurdoktorsskjali úr hendi rektors Metropolitan-
háskólans í Lundúnum. NORDICPHOTOS/AFP
Hraðakstur á Suðurnesjum
Sjö ökumenn voru kærðir fyrir of hrað-
an akstur á Suðurnesjum í fyrrinótt. Sá
er hraðast ók var á 70 kílómetra hraða
þar sem hámarkshraði er 30.
LÍBANON, AP Fulltrúar stríðandi
fylkinga í Líbanon náðu í gær sam-
komulagi eftir langan sáttafund í
Katar. Samkomulagið afstýrir nýju
borgarastríði en ríkisstjórnin, sem
nýtur stuðnings Vesturlanda, kaup-
ir það því verði að færa Hizbollah,
hinni herskáu hreyfingu sjíamús-
lima í landinu, þau lykilvöld sem
hún sóttist eftir; neitunarvald við
öllum ákvörðunum nýrrar þjóð-
stjórnar.
Stjórnvöld í Íran og Sýrlandi, sem
styðja Hizbollah, voru fljót til að
bera lof á samkomulagið, sem náð-
ist fyrir milligöngu arabaríkja. En
ljóst þykir að það hljóti misjafnar
undirtektir meðal ráðamanna á
Vesturlöndum, enda eru þeim hin
auknu áhrif Hizbollah vafalaust
ekki að skapi.
Talsmaður Líbanonstjórnar, Saad
Hariri, virtist viðurkenna að hans
menn hefðu að mestu látið undan
kröfum mótaðilans í viðræðunum,
sem til var efnt eftir að til nýrra
átaka milli fylkinga kom í Líbanon
fyrr í mánuðinum eftir átján mán-
aða pattstöðu.
Þess er vænst að á grundvelli
nýja samkomulagsins verði nýr
málamiðlunarforseti kjörinn á
sunnudag; að því er líbanska ríkis-
fréttastofan greindi frá yrði sá
hershöfðingi í máttlitlum en hlut-
lausum stjórnarher landsins. - aa
Stríðandi fylkingar í Líbanon sátu langan sáttafund í Katar:
Samkomulagið álitið sigur fyrir Hizbollah
FÖGNUÐUR Skóladrengir í Aamchit norður af Beirút fagna samkomulaginu og
hampa mynd af Michel Suleiman hershöfðingja og verðandi forseta. FRÉTTABLAÐIÐ/AP
spar.is
Velkomin
NÝTT LOFTFAR Splunkunýtt Zeppelin-
loftfar hófst á loft í Friedrichshafen í
Þýskalandi í gær. Loftfarið verður flutt
til Bandaríkjanna í haust þar sem það
verður í notkun í Kaliforníu.
FRÉTTABLAÐIÐ/AP