Fréttablaðið - 23.05.2008, Blaðsíða 2

2 23. maí 2008 FÖSTUDAGUR
STJÓRNMÁL Fyrstu tíu mánuði
núverandi ríkisstjórnar var ferða-
kostnaður ráðherranna rúmlega
94 milljónir króna. Þetta kemur
fram í svari Geirs H. Haarde for-
sætisráðherra við fyrirspurn Álf-
heiðar Ingadóttur, þingmanns
Vinstri grænna.
„Það er vissulega eðlilegt að
mestur kostnaður sé vegna ferða
utanríkisráðherra en ég sé það
greinilega að framboð okkar til
öryggisráðsins hefur þar veruleg
áhrif,“ segir Álfheiður. „Eins sýnir
svarið það svart á hvítu að sú
ákvörðun ráðherranna að ferðast
með einkaþotu til leiðtogafundar
NATO í Rúmeníu var bruðl.“
Kostnaður utanríkisráðherra
vegna þeirrar ferðar var, sam-
kvæmt svari forsætisráðherra,
tæpar 2,8 milljónir og kom 2,3
milljón króna kostnaður í hlut for-
sætisráðuneytisins. „Það sést ber-
sýnilega að aðrir ráðherrar eru að
ferðast mun lengra eins og til
Afríku, Suður-Ameríku og Karíba-
hafs fyrir jafnvel helmingi
minna,“ segir Álfheiður.
Henni finnst þó skorta á ýmsar
upplýsingar í svari forsætisráð-
herra. „Þarna kemur í raun ekki
fram heildarkostnaður við hverja
ferð heldur aðeins kostnaður við
ferð ráðherranna og starfsmanna
ráðuneytanna, en reikningarnir
fyrir aðra sem fara í hans föru-
neyti eru síðan sendir á viðkom-
andi undirstofnanir.“
Um heildarkostnaðinn segir Álf-
heiður: „Þetta eru nær 100 millj-
ónir á tíu mánuðum sem er mjög
mikið. Það getur verið erfitt að
finna eitthvað til viðmiðunar en ég
þori að fullyrða að þetta er ekki
minni kostnaður en hjá öðrum
ríkis stjórnum.“
Ráðherrar eru misjafnlega fast-
heldnir á fjármuni þegar kemur
að risnu, það er að segja kostnaði
vegna veislna, matarboða og gjafa.
Þorgerður Katrín Gunnarsdóttir
menntamálaráðherra er þar efst á
blaði með eina og hálfa milljón en
Björgvin G. Sigurðsson viðskipta-
ráðherra hefur ekki eytt krónu í
risnu.
Dýrasta ferð ráðherra er ferð
forsætisráðherra til Kanada þegar
hann fór við sjötta mann þangað í
opinbera heimsókn í fyrrasumar.
Hún kostað tæpar þrjár og hálfa
milljón.
jse@frettabladid.is
Guðrún, er brostinn á veru-
leikaflótti á Akranesi?
„Veruleikinn er svo mismunandi hjá
sumum.“
Mótmæli Akurnesinga við móttöku pal-
estínskra flóttamanna valda flóttamanna-
nefnd áhyggjum. Guðrún Ögmundsdóttir
er formaður flóttamannanefndar.
flugfelag.is
Aðeins eitt símtal í 570 3400 og málið er afgreitt.
Flugfrakt
Sækjum og sendum
– hratt og örugglega
á hagstæðu verði.
REYKJAVÍK
AKUREYRI
EGILSSTAÐIR
FÆREYJARVESTMANNAEYJAR
ÍSAFJÖRÐUR
GRÆNLAND
VOPNAFJÖRÐUR
ÞÓRSHÖFN
GRÍMSEY
NARSARSSUAQ
KULUSUK
CONSTABLE POINT
NUUK
Til/frá Reykjavík
Akureyri 8-12 ferðir á dag
Egilsstaðir 5-7 ferðir á dag
Ísafjörður 2-3 ferðir á dag
Vestmannaeyjar 2-3 ferðir á dag
VEÐUR Gert er ráð fyrir því að hiti
geti farið í allt að 27 stig í Hall-
ormsstað á mánudag.
Kristín Hermannsdóttir, veður-
fræðingur hjá spádeild Veður-
stofu Íslands, segir að um helgina
muni rólegar suðlægar og vest-
lægar áttir bera með sér hlýindi
yfir landið. „Við þessar aðstæður
er skjól og hlýtt á Norðurlandi og
Austurlandi og kjöraðstæður til að
veðrið sé gott,“ segir Kristín.
Sjálfvirk spá gerir ráð fyrir
fremur björtu veðri og yfir tuttugu
stiga hita á Egilsstöðum og í Hall-
ormsstað frá laugardegi til þriðju-
dags. Hæst geti hitinn farið í 27
stig í Hallormsstað á mánudag
eins og áður segir og 26 stig þann
dag á Egilsstöðum.
„Þetta er sjálfvirk spá dálítið
langt fram í tímann og hitatölurn-
ar frekar háar þannig að ég myndi
fara varlega í að trúa þessu. En
það er alveg á hreinu að það verður
gott þarna um helgina þótt erfitt
sé að segja nákvæmlega til um
hitatölurnar. Sjálf myndi ég halda
að hitinn yrði um tuttugu stig og
kannski örlítið ofar en það,“ segir
Kristín.
Aðspurð segir Kristín slíkan
hita ekki tiltakanlega óvenjulegan
á þessum árstíma enda sé júní á
næsta leiti. „Það er bara að njóta
daganna,“ bendir hún á.
Útlit er fyrir að vestanlands og
á Suðurlandi verði hitinn þessa
daga um og yfir tíu gráður. - gar
Hlýindi úr suðri koma yfir Ísland um helgina og Veðurstofa Íslands í sumarskapi:
Spá 27 stigum í Hallormsstað
ATLAVÍK Sumarið mun leika lausum
hala í Hallormsstað um og eftir helgina,
ef marka má veðurspár.
REYKJAVÍK Formlega var gengið
frá kaupum Reykjavíkurborgar á
Lækjargötu 2 á fundi borgarráðs í
gær. Ráðið samþykkti þá samning
sem gerður var við Fasteigna-
félagið Eik í upphafi mánaðarins
og Fréttablaðið greindi frá.
Kaupverðið er ríflega 320
milljónir króna og hefur borgin
þá keypt bæði húsin sem brunnu í
Austurstrætisbrunanum í fyrra.
Í nóvember keypti borgin húsið í
Austurstræti 20 á 263 milljónir.
Vátryggingarfé dregst frá báðum
upphæðunum.
Með kaupunum er flýtt fyrir
skipulagi á reitnum, sem nú er í
kynningu. - kóp
Borgarráð staðfestir kaup:
Lækjargata 2
formlega keypt
SKIPULAG Í kynningu er skipulag að
svæðinu og kaupin á Lækjargötu 2 flýta
fyrir vinnu þess.
BANDARÍKIN, AP Barack Obama er
fyrir alvöru byrjaður að leita sér
að varaforsetaefni. Þessu skýrðu
ónafngreindir starfsmenn Demó-
krataflokksins frá í gær.
Til verksins hefur verið feng-
inn Jim Johnson, fyrrverandi
stjórnar formaður fasteignalána-
sjóðsins Fannie Mae. Johnson sá
einnig um að finna varaforseta-
efni fyrir John Kerry árið 2004 og
fyrir Walter Mondale árið 1984.
„Ég hef ekki ráðið hann,“ sagði
Obama í gær, og neitaði að tjá
sig strax um varaforsetaleit sína
„vegna þess að ég hef ekki hlotið
útnefningu“. - gb
Kosningabarátta demókrata:
Obama í leit að
varaforsetaefni
DÓMSMÁL Karlmaður var í Hæsta-
rétti í gær dæmdur í þriggja mán-
aða fangelsi fyrir líkamsárás og
frelsissviptingu á fyrrverandi
kærustu sinni. Dómurinn er skil-
orðsbundinn.
Maðurinn hélt stúlkunni fang-
inni í bifreið sinni og réðst á hana.
Hún slapp en hann dró hana nauð-
uga inn í bílinn aftur. Þá hótaði
maðurinn stúlkunni með SMS-
skilaboð þannig að hún mátti ótt-
ast um líf sitt. Hann var sautján
ára þegar brotið átti sér stað og
átti engan sakaferil að baki.
Maðurinn var dæmdur til að
greiða konunni 400 þúsund krónur
í miskabætur. - kóp
Dæmdur fyrir líkamsárás:
Réðst á fyrrver-
andi kærustu
Ráðherraferðir fyrir
tæpar 100 milljónir
Ferðakostnaður ráðherra á tíu mánuðum nam tæpum 100 milljónum. Þing-
maður Vinstri grænna segir einkaþotuferð á NATO-fundinn til Rúmeníu vera
bruðl og framboð Íslands til öryggisráðsins setji mark sitt á þessi útgjöld.
DÓMSMÁL Hæstiréttur mildaði í
gær nauðgunardóm yfir karl-
manni, vegna dráttar á málinu.
Hann var í héraðsdómi dæmdur í
tólf mánaða fangelsi, en Hæsti-
réttur skilorðsbatt níu mánuði.
Maðurinn var dæmdur fyrir að
hafa í nóvember 2005 lagst ofan á
konu sem svaf drukkin í sófa.
Hann klæddi hana úr nærbuxum
og reyndi að koma fram vilja
sínum, en henni tókst að koma
honum ofan af sér og síðan út. Hún
upplýsti að eins atvik hefði átt sér
stað tveimur árum fyrr.
Hann var dæmdur til að greiða
konunni eina milljón króna í
miskabætur og allan málskostnað.
- kóp
Kynferðisbrot í Hæstarétti:
Dómur mildað-
ur vegna tafa
Ekki ljóst hver sveiflaði öxi
Héraðsdómur hefur sýknað mann af
ákæru um að hafa sveiflað öxi við
öldurhúsið Prikið í júní í fyrra. Ekki
þótti sannað að maðurinn hefði verið
sá sem sveiflaði öxinni, þar sem eini
sjónarvotturinn var lögregluþjónn
að skemmta sér, sem sá atvikið úr
fjarlægð og undir áhrifum áfengis.
DÓMSMÁL
BORGARMÁL Kostnaður vegna ferða
Dags B. Eggertsson, borgarfull-
trúa Samfylkingar, frá árinu 2005
nemur tæpri þremur og hálfri
milljón og er sá mesti meðal full-
trúanna á þessu tímabili.
Þetta kemur fram í úttekt sem
Ólafur F. Magnússon borgarstjóri
lét gera eftir harða umræðu um
fjárreiður borgarinnar sem litu
dagsins ljós eftir að hann réð Jakob
Frímann Magnússon í stöðu fram-
kvæmdastjóra miðborgarmála.
Úttektin nær til allra borgarfull-
trúa og varaborgarfulltrúa en
heildarkostnaður vegna ferða
þeirra nam tæpum 27 milljónum.
Sjálfur er Ólafur neðstur á þess-
um útgjaldalista en hann hefur
ekki eytt einni krónu til ferðalaga.
Næstur á eftir Degi kemur Gísli
Marteinn Baldursson, borgarfull-
trúi Sjálfstæðisflokks, með tæpar
tvær og hálfa milljón og því næst
Vilhjálmur Þ. Vilhjálmsson sam-
flokksmaður hans með tæpar tvær.
Ferðakostnaður borgarfulltrúa frá árinu 2005:
Dagur með mestu ferðaútgjöld
FERÐAKOSTNAÐUR BORGARFULLTRÚA
OG VARABORGARFULLTRÚA
Dagur B. Eggertsson ............................................................................. 3.298.817
Gísli Marteinn Baldursson.................................................................... 2.415.376
Vilhjálmur Þ. Vilhjálmsson.................................................................... 1.933.600
Þorbjörg Helga Vigfúsdóttir ................................................................. 1.407.618
Kjartan Magnússon ................................................................................ 1.195.320
Björk Vilhelmsdóttir ............................................................................... 1.195.094
1. Ingibjörg Sólrún Gísladóttir utanríkisráðherra... ........................... 21.676.402
2. Geir H. Haarde forsætisráðherra... ................................................... 19.418.122
3. Þorgerður Katrín Gunnarsdóttir menntamálaráðherra.. ............ 10.737.037
4. Björn Bjarnason dómsmálaráðherra... ........................................... 8.110.087
5. Þórunn Sveinbjarnardóttir umhverfisráðherra... .......................... 7.068.676
6. Árni M. Mathiesen fjármálaráðherra... ............................................ 6.609.412
7. Guðlaugur Þór Þórðarson heilbrigðisráðherra... .......................... 4.879.165
8. Björgvin G. Sigurðsson viðskiptaráðherra... .................................. 4.043.838
9. Einar K. Guðfinnsson sjávarútvegsráðherra... ............................... 3.799.233
10. Össur Skarphéðinsson iðnaðarráðherra... .................................... 3.384.568
11. Kristján Möller samgönguráðherra... .............................................. 2.502.313
12. Jóhanna Sigurðardóttir félagsmálaráðherra... ............................. 1.929.343
Samtals ................................................................................................. 94.158.196
FERÐAKOSTNAÐUR RÁÐHERRA
FRÁ MYNDUN RÍKISSTJÓRNAR
ÞOTA ICEJET Dornier-vélin sem Geir H. Haarde og Ingibjörg Sólrún Gísladóttir
flugu með til Búkarest. FRÉTTABLAÐIÐ/VALLI
DAGUR B. EGGERTSSON Borgarstjóri lét
gera úttekt á ferðakostnaði borgarfull-
trúa og varaborgarfulltrúa. Dagur var þar
efstur á lista með tæpar þrjár og hálfa
milljón en borgarstjóri neðstur án slíkra
útgjalda.
Fótbrotnaði við foss
Erlendur ferðamaður fótbrotnaði
við Seljalandsfoss í gærmorgun.
Maðurinn rann til á hálum göngustíg
og missteig sig með fyrrgreindum
afleiðingum. Hann var fluttur með
sjúkrabíl á Landspítalann.
LÖGREGLUMÁL
20 óku of hratt
Um tuttugu manns hafa verið teknir
í vikunni fyrir of hraðan akstur í
Borgarnesi. Lögreglan þar er í átaki
gegn hraðakstri innanbæjar. Öku-
menn hafa verið stöðvaðir á níutíu
kílómetra hraða.
LÖGREGLUMÁL
SPURNING DAGSINS