Fréttablaðið - 23.05.2008, Blaðsíða 8
23. maí 2008 FÖSTUDAGUR
DÓMSMÁL Karlmaður á fertugs-
aldri, Þórarinn Gíslason, var í gær
dæmdur í sextán ára fangelsi fyrir
að bana nágranna sínum í fjölbýl-
ishúsi við Hringbraut í október á
síðasta ári. Þórarinn sló manninn
þremur þungum höggum í höfuðið
með slökkvitæki. Hann neitaði
ávallt sök og kvaðst ekki muna
eftir atburðinum.
Þórarinn hringdi sjálfur í lög-
reglu skömmu eftir hádegi hinn 7.
október síðastliðinn og sagðist
hafa komið að vini sínum og
nágranna, blóðugum og
rænulausum í rúmi sínu.
Hann sagðist hafa grun um
að kona sem í húsinu bjó
hefði banað manninum.
Þórarinn var í mjög annar-
legu ástandi, undir áhrifum
áfengis, svefnlyfja og floga-
veikilyfja. Fyrir dómi hefur
hann sagst lítið muna eftir
atburðunum.
Grunur féll strax á Þórar-
in. Hann var með duft úr
slökkvitækinu á vanganum,
blóðslettur á fötum sínum og
hruflaður á hendi líkt og eftir
átök.
Lögregla studdist jafnframt við
upptökur úr eftirlitsmyndavél í
húsinu, sem sýna mennina tvo
yfirgefa húsið saman skömmu
fyrir hádegi og snúa aftur stuttu
síðar. Enginn sést síðan koma á
staðinn þar til lögregla fær sím-
hringingu. Í niðurstöðu dómsins
segir að Þórarinn sé sá eini sem
kemur til greina sem banamaður
mannsins.
Réttarmeinafræðingur bar fyrir
rétti að hvert högganna þriggja
hefði getað valdið þolandanum
bana. Í dómnum segir að
Þórarni hafi ekki getað
dulist það hversu hættu-
leg árásin var og að hann
eigi sér engar máls-
bætur.
Þórarinn hefur setið í
óslitnu gæsluvarðhaldi í
sjö og hálfan mánuð, eða
frá 8. október, og dregst sá
tími frá fangelsisdómn-
um. Hann hefur hlotið sex
refsidóma frá árinu 1998,
fyrir þjófnað, skjalafals og
eignaspjöll.
Fjölskipaður Héraðs-
dómur Reykjavíkur dæmdi
Þórarin sem áður segir í
sextán ára fangelsi og jafnframt
til að greiða rúma milljón í sakar-
kostnað og aðstandendum hins
látna rúma hálfa milljón í skaða-
bætur. stigur@frettabladid.is
Sextán ár
fyrir morð á
Hringbraut
Þórarinn Gíslason hlaut í gær sextán ára fangelsis-
dóm fyrir að bana vini sínum með slökkvitæki.
Hann kveðst lítið sem ekkert muna eftir morðinu.
HRINGBRAUT 121 Morðinginn og fórnarlambið voru nágrannar í þessu fjölbýlishúsi.
FRÉTTABLAÐIÐ / ANTON
■ 6. apríl 2006
Phu Tién Nguyén dæmdur í sextán
ára fangelsi í Hæstarétti fyrir að hafa
banað manni með hnífi í maí 2004.
■ 23. febrúar 2006
Magnús Einarsson dæmdur í ellefu
ára fangelsi í Hæstarétti fyrir að
bana eiginkonu sinni í nóvember
2004.
■ 17. febrúar 2006
Sigurður Freyr Kristmundsson
dæmdur í fjórtán og hálfs árs fang-
elsi í Héraðsdómi Reykjavíkur fyrir
að stinga mann til bana í húsi við
Hverfisgötu.
■ 29. september 2005
Hákon Eydal dæmdur í sextán ára
fangelsi í Hæstarétti fyrir að hafa
banað Sri Rhamawati í júlí 2004.
SÍÐUSTU MANNDRÁPSDÓMAR
Umsóknarfrestur er til 30. maí
Kynntu þér námið á www.hr.is
VIÐ HÁSKÓLANN Í REYKJAVÍK
Boðið er upp á
BSc NÁM Í VERKFRÆÐI
• BSc í fjármálaverkfræði
• BSc í hátækniverkfræði
Nám í verkfræði við Háskólann í Reykjavík veitir nemendum sterka fræðilega undirstöðu í
bland við sérhæfða fagþekkingu.
Umsækjendur í grunnnám í verkfræði þurfa að hafa lokið stúdentsprófi eða hafa sambæri-
lega menntun og með haldgóða þekkingu í stærðfræði, raungreinum, íslensku og ensku.
Miðað er við að nemandi hafi lokið a.m.k. 21 einingu í stærðfræði og 6 einingum í eðlisfræði.
• BSc í heilbrigðisverkfræði
• BSc í hugbúnaðarverkfræði
• BSc í rekstrarverkfræði
Ferðaskrifstofa
miðað við 2 fullorðna og
2 börn í 7 nætur
á Alagomar, brottför 28.
ágúst.
Verð miðað við 2 í íbúð 5
9.900 kr.
BARNAVERND Álag á starfsmenn
sem starfa við barnavernd hefur
aukist mikið á undanförnum árum,
bæði vegna fjölgunar mála, en
einnig vegna þess að þau verða
verða stöðugt flóknari. Samhliða
þessari þróun eru gerðar auknar
kröfur til starfsmenn barnavernd-
ar. Þetta er meðal þeirra ástæðna
sem ráða því að Háskóli Íslands
hefur ákveðið að bjóða upp á
diplómanám í barnavernd sem
hefst í haust.
Barnaverndarstofa veitir styrk
til kennslu og rannsókna í
tengslum við þessa nýju námsleið.
Umsóknarfrestur er til 5. júní. - kdk
Háskóli Íslands:
Háskólanám í
barnavernd
Til ríkissáttasemjara
Kjaraviðræðum Flugfreyjufélags
Íslands og Iceland Express hefur verið
vísað til ríkissáttasemjara.
KJARAMÁL
VARNARMÁL „Að mínu mati eru það
sjálfsagðir mannasiðir að hafa fyrir
því að ná í umsækjendur til að til-
kynna þeim að þeir hafi ekki verið
ráðnir í stöðuna,“ segir Stefán Páls-
son friðarsinni. Stefán sótti um
stöðu forstjóra nýrrar Varnarmála-
stofnunar, en var ekki tilkynnt um
ráðningu Ellisifjar Tinnu Víðisdótt-
ur í starfið fyrr en daginn eftir að
tilkynning þess efnis var send til
fjölmiðla á mánudag.
„Í fjölmiðlum var haft eftir upp-
lýsingafulltrúa utanríkisráðuneyt-
isins að reynt hefði verið að ná í alla
umsækjendur. Ég fékk hvorki sím-
tal né tölvupóst og fyrst á miðviku-
dag fékk ég formlegt bréf frá ráðu-
neytinu. Þetta er til marks um þann
mikla asa sem einkennt hefur allt
þetta ferli, og ég vona að þetta sé
ekki til marks um það sem koma
skal,“ segir Stefán. Hann óskar
Ellisif velgengni í nýju starfi. „Ég
vona að hún geri sem minnst og
tryggi þannig öryggi landsins og
hag skattborgara sem best.“
Urður Gunnarsdóttir fjölmiðla-
fulltrúi utanríkisráðuneytisins,
segir utanríkisráðuneytið ávallt
vera undir mikilli pressu að koma
út fréttatilkynningu þegar ráðið er í
ný störf. „Við viljum sjálf tilkynna
um ráðningar frekar en að fréttir
um þær leki út. Við reyndum að
hringja í sem flesta og byrjuðum á
þeim sem lengst komust í umsókn-
arferlinu, en það tíðkast ekki að
hringja í hvern einasta umsækj-
anda,“ segir Urður. - kg
Stefán Pálsson var ekki ráðinn í stöðu forstjóra Varnarmálastofnunar:
Mannasiðir að láta fólk vita
FRIÐARSINNI Stefán Pálsson er ósáttur
við að hafa frétt af ráðningu Ellisifjar
Tinnu Víðisdóttur í fjölmiðlum.