Fréttablaðið - 23.05.2008, Blaðsíða 12
12 23. maí 2008 FÖSTUDAGUR
BÚRMA, AP Ban Ki-moon, framkvæmdastjóri Samein-
uðu þjóðanna, er einn örfárra útlendinga sem fengið
hafa að fara inn á neyðarsvæðin á óshólmum Irra-
waddy-fljóts í Búrma. Hann flaug þangað með þyrlu í
gær og lenti á nokkrum stöðum þar sem flóttamanna-
búðum hefur verið hróflað upp í skyndingu.
„Megintilgangur minn með því að koma hingað er
að sýna samstöðu,“ sagði Ban, sem ræddi við fólk í
þorpinu Kyondah, þar sem sett hafa verið upp blá
tjöld fyrir um 500 manns. Fólkið hefur einnig fengið
nýjan eldunarbúnað og teppi í tjöldin til sín.
Þessar tjaldbúðir virðast vera hafðar sérstaklega til
sýnis til marks um að hjálparstarfi sé sinnt í landinu.
Þangað hafa leiðtogar herforingjastjórnarinnar komið
og erindrekar erlendra ríkja og hjálparstofnana komu
þangað í síðustu viku.
Alþjóðlegar hjálparstofnanir segja að víða á
óseyrarsvæðinu og jafnvel á sumum stöðum nálægt
borginni Rangún hafi fólki enn ekki borist nægileg
aðstoð síðan fellibylurinn Nargis reið yfir fyrir
þremur vikum.
Þyrlunni, með Ban innanborðs, var flogið víða um
óseyrarsvæðið, þar sem sást yfir þorp og bæi sem
gereyðilögðust í hamförunum. Á þessu svæði, sem
verst varð úti, fórust nærri 80 þúsund manns, en að
auki er 56 þúsund manna saknað. Alls er talið að á
annað hundrað manns hafi farist og á þriðju milljón
vanti aðstoð.
„Mér er mjög brugðið vegna þess sem ég hef séð,“
sagði Ban, sem ætlar að hitta forystumenn herfor-
ingjastjórnarinnar um helgina og þrýsta á þá um að
þiggja meiri utanaðkomandi aðstoð handa íbúum
neyðarsvæðanna.
Víða skortir fólk hreint vatn, fæðu, húsaskjól og
læknishjálp. Brýn þörf er til þess að aðstoð berist sem
allra fyrst, þar sem sjúkdómar eru illviðráðanlegir
vegna þeirra bágbornu aðstæðna sem fólk býr við.
„Eftir meira en þrjátíu ára reynslu af neyðarstörf-
um þá er þörfin hér fyrir neyðarhjálp sú langmesta
sem við höfum nokkurn tímann séð,“ sagði Lionel
Rosenblatt, yfirmaður bandarísku hjálparsamtakanna
Refugees International, sem staddur er í Taílandi. „Og
samt, hérna rétt handan við landamærin í Taílandi,
erum við með allt sem þarf til að bjarga þessu fólki.“
- gb
Ban Ki-moon skoð-
ar neyðina í Búrma
Framkvæmdastjóri Sameinuðu þjóðanna ætlar að þrýsta á herforingjastjórnina
í Búrma að þiggja meiri utanaðkomandi hjálp. Hann kom til Búrma í gær.
BÍÐA HJÁLPAR Fáir íbúar á verstu neyðarsvæðunum urðu varir
við þriggja daga þjóðarsorg, sem herforingjastjórnin lýsti yfir á
þriðjudag og lauk í gær. FRÉTTABLAÐIÐ/AP
VIÐSKIPTI Eignir Almenna
lífeyrissjóðsins hafa nú í fyrsta
skipti komist yfir 100 milljarða
króna. Eignir sjóðsins voru 92,7
milljarðar í byrjun árs, og
vöxturinn það sem af er ári því
um átta prósent.
Almenni lífeyrissjóðurinn
sameinaðist Lífeyrissjóði lækna í
byrjun árs 2006. Frá þeim tíma
hafa eignir sjóðsins vaxið um 21
prósent á ári að jafnaði. Þetta
kemur fram í tilkynningu.
Þar segir enn fremur að eignir
lífeyrisþega séu ávaxtaðar í
skuldabréfum, og sveiflur á
hlutabréfamarkaði hafi því ekki
áhrif á lífeyrisgreiðslur. - bj
Almenni lífeyrissjóðurinn:
Eignir rjúfa 100
milljarða múr
LEIKSKÓLAR Vistunargjöld á
leikskólum í Norðurþingi lækka
um fjórðung frá 1. ágúst og
systkinaafslátturinn eykst.
Afsláttur með öðru barni eykst úr
25 í 50 prósent og afsláttur með
þriðja barni fer úr 50 prósentum í
75 prósent. Þannig hyggst
sveitarstjórnin nota rekstrar-
afgang sinn síðustu ár.
Eftir breytinguna greiða hjón
með tvö börn á leikskóla á
Húsavík rúmlega 15 þúsund
krónum minna á mánuði en áður
eða samtals rúmlega 167.500
krónum minna á ári.
Fréttablaðið greindi frá því í
vetur að leikskólagjöld væru mun
hærri í Norðurþingi en víða
annars staðar á landinu. - ghs
Breytingar í Norðurþingi:
Leikskólagjöld
lækka töluvert
LÆKKUN Í NORÐURÞINGI Leikskólagjöld
lækka í Norðurþingi um 25 prósent í
ágúst. Myndin er úr safni.
Allir velkomnir!
Fyrirkomulag
hafrannsókna
– Hvernig náum við bestum árangri?
Hádegisverðarfundur í Valhöll
föstudaginn 23. maí, kl. 11.45 – 13.15
Frummælendur:
Friðrik Már Baldursson,
prófessor og formaður
stjórnar Hafrannsóknarstofu
og Illugi Gunnarsson,
hagfræðingur og alþingismaður.
Fundarstjóri:
Arnbjörg Sveinsdóttir,
formaður þingflokksins og
formaður sjávarútvegsnefndar þingsins.
Að fundinum stendur
sjávarútvegsnefnd.
VIKA 15
DAGBÓK NÝRRA ÍSLENDINGA
Algirdas er á fullu að undirbúa þjóða-
hátíð sem haldin verður 31. maí í
íþróttahúsinu við Strandgötu í Hafn-
arfirði. „Ég mun þar kynna Litháen en
þar munu um þrjátíu þjóðir kynna sig,“ segir hann en
að auki er hann að klára tölvunámskeiðið sem hann
hefur verið á í vetur. „Við erum búin að stofna félag
Litháa á Íslandi og ég er í tíu manna bráðabirgðastjórn
sem fundar vikulega svo það er nóg að gera.“ Konan
hans átti afmæli í gær og þau horfðu á Söngvakeppni
Evrópskra sjónvarpsstöðva. „Ég spái Rússum sigri á laug-
ardag en við þurfum að halda með Íslandi og Litháen,“
segir Algirdas sem gleðst yfir því að Manchester United
vann meistaradeildina í vikunni. „Það er mitt félag.“
Algirdas Slapikas:
Þjóðahátíð
undirbúin
„Við munum hafa umsjón með fram-
kvæmdum IceAid á svæðinu,“ segir
Charlotte sem flaug til Lundúna í gær.
„Á sunnudaginn flýg ég svo til Kenía þaðan sem ég fer
áfram til Líberíu en ferðalagið tekur um sólarhring. Í
Líberíu endurbyggði IceAid munaðarleysingjaheimili árið
2006 og svo tölvuver sem er sambyggt því. Núna erum
við að fara að byggja heilsugæslu sem mun nýtast bæði
heimilinu og næsta nágrenni þess.“ Hún segir heimilið
vera í útjaðri Monróvíu, höfuðborgar Líberíu, og flest
börn sem þar búa hafi misst foreldra sína í borgarastyrj-
öldinni sem geisaði í landinu til ársins 2003.
Charlotte Ólöf Ferrier:
Farin til
Líberíu
„Ég er á Akureyri en hugurinn er farinn
að sveima á heimaslóðir,“ segir Filipe.
Hann hefur verið að vinna að rannsókn-
um hjá Matís sem meðal annars miðast
að því að mæla hormón í þorski. „Niðurstöðurnar láta
reyndar nokkuð á sér standa en ég verð bara að taka
því. Þetta er svona í vísindunum, maður verður að vera
þolinmóður.“
Hann tekst á loft þegar þegar minnst er á heimferð.
„Ég er búinn að panta far út til Portúgals í byrjun júlí og
þá mun ég ferðast um í heimalandinu. Ég er satt að segja
farinn að sakna vina, fjölskyldu, matarins og þess mun-
aðar að geta keypt mér áfengi á skikkanlegu verði.“ Í lok
ágúst mun kappinn svo koma aftur til Íslands og er viss
um að þá verði hann farinn að sakna eyjunnar í norðri.
Filipe Figueiredo:
Hlakkar til
heimferðar
„Við vinnufélagarnir vorum að tala um
hvað allt væri orðið dýrt hérna á Íslandi,“
segir Rachid Benguella. „Allt virðist hafa
hækkað í verði að undanförnu og Ísland er dýrasta land í
Evrópu. Ég heyrði einhvers staðar að verðlag hér væri 64
prósentum hærra en í Evrópu og vona að verðlag hækki
ekki meira úr þessu því mér finnast þessar verðhækkanir
alveg nógu brjálaðar fyrir.“ Rachid nefnir nokkur dæmi
og segir bensínlítrann kosta næstum 160 krónur. „Ég veit
ekki hvernig efnahagskerfið virkar hér á landi en fólkið
sem sér um efnahagsáætlanir hlýtur að vita hvað það er
að gera. Ég vona því að það finni lausnir fljótlega.“
Rachid Benguella:
Hefur áhyggjur
af háu verðlagi
GFGD
DALAI LAMA Í LONDON Andlegur
leiðtogi Tíbeta hélt ræðu í Royal
Albert Hall í London í gær á ferðalagi
sínu um Vesturlönd til að afla mál-
stað þjóðar sinnar stuðnings.
NORDICPHOTOS/AFP
VIÐSKIPTI Greiningardeild Kaup-
þings segir ólíklegt að krónubréf
verði gefin út á móti bréfum sem
falla á gjalddaga á árinu.
Greiningardeildin segir í
hálffimmfréttum að útgáfan hafi
að mestu legið niðri það sem af er
ári. Vaxtamunur á gjaldmiðla-
skiptamarkaði sé nánast enginn.
Hvati til útgáfunnar ráðist þar.
Sem betur fer séu engir stórir
gjalddagar á næstu mánuðum en
hátt í þrjú hundruð milljarðar falli
á gjalddaga næsta árið.
Ríkið hefur tilkynnt um sölu á
skuldabréfum upp á fimmtán
milljarða króna. Greiningardeildin
segir að sala þeirra komi hugsan-
lega á móti næsta gjalddaga
krónubréfa og styðji við gengi
krónunnar. - ikh
Greiningardeild Kaupþings:
Krónubréfaút-
gáfan í dvala
KRÓNAN Greiningardeild Kaupþings
telur ólíklegt að nokkuð verði gefið út af
krónubréfum sem gjaldfalla á árinu.
HEILBRIGÐISMÁL „Mér finnst að
manneskja sem hefur verið í
áhættuhegðun eigi bara að geta
fengið mánaðarskammt lyfja
útleystan í einu,“ segir Ingibjörg S.
Benediktsdóttir, frænka ungu kon-
unnar sem lést af völdum ofneyslu
vímuefna í byrjun mánaðarins frá
tveimur ungum sonum.
Unga konan hafði fengið ávísað
bæði geðlyfjum og svefnlyfjum
frá mismunandi læknum og telja
ættingjar hennar að meiri aðgæslu
hefði mátt sýna, þá einkum með til-
liti til þess að ljóst hefði verið að
hún ætti við fíkniefnavanda að
stríða. Ingibjörg segir að fjölskyld-
an hafi sent Landlæknisembættinu
óformlegt erindi vegna málsins og
vonast sé til þess að málið verði
tekið til skoðunar þótt enn hafi ekki
verið sent formlegt erindi. „Hún
fékk útskrifaðan þriggja mánaða
skammt af lyfjum ávísaðan að
verðmæti 94 þúsund á kostnað
skattborgara í einu. Þann skammt
kláraði hún svo á viku,“ segir Ingi-
björg og spyr hvort ekki hefði
verið eðlilegra að ávísa minni
skömmtum í tilfelli sem þessu.
Matthías Halldórsson aðstoðar-
landlæknir segir að af þeim gögn-
um sem Landlæknisembættið hafi
undir höndum virðist ekkert óeðli-
legt við lyfjaávísanir þeirra lækna
sem meðhöndluðu stúlkuna.
Honum þyki umræðan um þessa
tilteknu lækna sem hana önnuðust
óréttmæt. - kdk
Aðstoðarlandlæknir segir ekkert óeðlilegt að sjá við vinnubrögð læknanna:
Ættingjar undrast lyfjaávísanir
MATTHÍAS HALLDÓRSSON Hann segir
að ekkert óeðlilegt hafi sést í gögnum
sem Landlæknisembættið hefur undir
höndum.