Fréttablaðið - 23.05.2008, Blaðsíða 16
16 23. maí 2008 FÖSTUDAGUR
FRÉTTASKÝRING: Varnarmál
Franski flugherinn hefur
náð fullu viðbúnaðarstigi
eða „Full operational
capability“ hér á landi, sem
þýðir að hann er fær um að
senda orrustuþotur á loft
með stundarfjórðungs fyrir-
vara. Fréttablaðið heimsótti
Frakkana á varnar svæðinu
í Keflavík.
Flugsveit Frakka er fullklár til
þess að svara skipunum NATO ef
óþekkt herflugvél sést á ratsjám
ratsjárstofnunar, og þær upplýs-
ingar eru sendar áfram til her-
stjórnar NATO, svonefnds CAOC
(Combat air operations centre).
Frakkarnir komu með 110 manna
lið og tíu þotuflugmenn úr hinni
rómuðu „Cigognes“ flugsveit frá
Dijon í í Búrgúndíhéraði í Frakk-
landi, og ríða á vaðið sem fyrsta
þjóðin, á eftir Bandaríkjamönn-
um, sem annast loftrýmisgæslu
yfir Íslandi. Fjórar Mirage 2000-
orrustuþotur úr flugsveitinni eru
hér á landi til 20. júní.
Franska herliðið hefst við á
hluta gamla varnarsvæðisins.
Meðal þeirra eru fjarskipta- og
tölvubúnaðarsérfræðingar, flug-
virkjar, köfunardeild, læknir, lík-
amsþjálfari auk annars stoðliðs
frá ýmsum herstöðvum Frakk-
lands.
Öðlumst áhugaverða reynslu
„Við erum hér vegna beiðni
Íslands til NATO um að annast
loftrýmisgæslu fyrir landið,“
segir Gilles Bertrand undir-
ofursti, yfirmaður sveitarinnar.
„En það er auðvitað áhugavert
fyrir okkur að vera hér á Íslandi,
við öðlumst áhugaverða reynslu
vegna hinna ólíku aðstæðna hér í
lofti miðað við Frakkland og Evr-
ópu. Á meginlandinu er flugum-
ferð mikil sem gerir okkur erfið-
ara fyrir, en hér er frekar lítil
loftumferð og það er mjög gott að
vinna við slíkar aðstæður.
Það er einnig mjög áhugavert
að flytja út þekkingu okkar frá
Frakklandi og gera það vel ann-
ars staðar sem við gerum svo vel
heima fyrir. Það er skemmtilegt
að vera fyrsta þjóðin sem tekur
þetta verkefni að sér fyrir NATO
og leggja að einhverju leyti
grunninn fyrir þjóðirnar sem
fylgja í kjölfarið til að annast
loftrýmisgæslu fyrir Ísland.“
Bertrand, sem hefur annast
loftrýmisgæslu í Frakklandi og á
Balkanskaga, segir að þrátt fyrir
að hafa búist við erfiðari veður-
aðstæðum en í Frakklandi hafi
veðrið á Íslandi verið kjörið til
flugs undanfarnar vikur. „Við
höfum verið einstaklega heppnir
með veður. En við vitum að það
er erfiðara að fljúga hér en við
Frakklandsstrendur, veður skip-
ast skjótt í lofti og vindar eru
kraftmeiri. Sem betur fer höfum
við ekki lent í neinum vandræð-
um og höfum aldrei þurft að
hætta við flug. Umhverfið hér
við Keflavíkurflugvöll er ein-
staklega hagstætt.“
Sveitin hefur skipt loftrýminu í
nokkur svæði út frá ströndum
landsins en einnig er eitt yfir
miðhálendinu, og á bækistöðinni
á Keflavíkurflugvelli er að finna
ratsjármiðstöð í beinu gervi-
hnatta- og gagnasambandi við
CAOC (Combined Air Operations
Centre) hjá NATO þar sem fjöl-
margir skjáir sýna sérhverja
hreyfingu í loftrými Íslands.
Í Keflavík eru staddir bæði
íslenskir ratsjárstarfsmenn og
franskir GCI eða Ground Control
Interceptor-sérfræðingar sem
leiðbeina þotum ef til þess kæmi
að óþekkt flugvél sæist í loftrými
Íslands. Þess má geta að sveitin
hefur ekki eftirlit með almennri
flugumferð. „Í síðustu viku
náðum við því sem samkvæmt
hermáli kallast Full Operational
Capacity,“ útskýrir Bertrand.
„Það þýðir að við getum svarað
öllum fyrirskipunum NATO og
getum sent þotur á loft með
stundarfjórðungs fyrirvara, hve-
nær sem er sólarhringsins. Eins
og er sendum við út tvær flugvél-
ar fyrir hádegi og tvær eftir
hádegi í æfingaferðir og þær eru
rúma klukkustund í lofti. “
Vopnaðar þotur
Stéphane Azou liðsforingi, sem
er yfir almannatengslum sveitar-
innar, segir að vera frönsku
sveitarinnar hér á landi sé í raun
til þess að sýna viðveru NATO á
Íslandi og að það sé ekki „gat“ í
loftrýmisgæslu bandalagsins og
gæta þess að allt loftrými þess sé
varið. Þær vélar sem fljúga inn í
lofthelgi Íslands eru
skyldugar til að tilkynna
sig og ef þær gera það
ekki geta þær skapað
hættu fyrir flugum-
ferð yfir landinu.
Þess má geta að þær
rússnesku sprengi-
vélar sem hafa farið
um íslenska loftvarn-
arsvæðið gera aldrei
grein fyrir sér fyrir-
fram. Þær hafa hins
vegar aldrei rofið
íslenska lofthelgi. „Ef
óþekkt vél sést á rat-
sjá í loftrými
Íslands fáum við
skipun frá herstjórn
NATO um að senda
þotur til móts við þær.
Þær þotur geta verið
vopnaðar. Liðsafli okkar
fylgir öllum fyrir-
skipunum NATO í
þessum efnum og viðbrögðin fel-
ast að jafnaði í því að þotur okkar
fljúga upp að og við hlið óþekktu
vélarinnar og taka til dæmis af
henni myndir. Með því móti
getum við auðkennt uppruna
hennar. Þetta er það sem við köll-
um „Air policing“ eða loftrýmis-
gæsla. Fleiri stig eru til á aðgerð-
um, til dæmis getum við beðið
vél með því að gefa henni merki
um að fylgja okkur. Einnig
getum við neytt vél til að
lenda ef þess gerist þörf.“
Aðspurður um hvað gæti
gerst „í versta falli“
svarar Azou: „Þá höfum
við getu til þess að tortíma
vélinni með flugskeytum.
En þetta „versta fall“ mun
ekki gerast. Það er enginn
óvinur í sjónmáli.“
Frakkarnir láta mjög
vel af dvölinni og mót-
tökunum á Íslandi.
„Okkur finnst
Íslendingar
mjög merki-
leg þjóð. Þið
eruð svo
fámenn en
þið áorkið svo margt, og skarið
fram úr á svo mörgum sviðum,“
segir Azou liðsforingi. En spurð-
ur hvort Frakkar hafi mætt með
franskan kokk meðferðis svarar
hann í lágum hljóðum: „Nei. En
við hefðum kannski átt að gera
það.“
Enginn óvinur í sjónmáli
GUILLAUME BELLIARD ORRUSTUFLUGMAÐUR VIÐ EINA AF MIRAGE 2000-VÉLUM
FRAKKA „Ég lenti fyrstu vélinni hér í Keflavík. Mín vél er merkt mér og er auðvitað
fallegust af þeim öllum,“ segir hann hlæjandi. FRÉTTABLAÐIÐ/ARNÞÓR
„UMHVERFIÐ VIÐ KEFLAVÍK ER SÉRSTAK-
LEGA HAGSTÆTT“ Yfirmaður flugsveit-
arinnar sem stödd er á Íslandi, Gilles
Bertrand undirforingi, á skrifstofu sinni á
varnarsvæðinu.
YFIR HUNDRAÐ FRAKKAR Meðal sveitarinnar eru fjarskipta- og tölvubúnaðarsérfræðingar, flugvirkjar, læknir og annað stoðlið frá
ýmsum herstöðvum Frakklands.
ÍSLENSKUR HEIMILISMATUR Í MÖTU-
NEYTINU „Þið borðið ótrúlega mikið af
kartöflum. Annars kvörtum við ekki yfir
neinu.“
HRESSIR Hér sést líkamsþjálfari sveitar-
innar smella kossi á kinn yfirmanns
köfunardeildarinnar.
FRÉTTASKÝRING
ANNA MARGRÉT BJÖRNSSON
amb@frettabladid.is
HLAUPIÐ Á VELL-
INUM Hér sést
flugvirki hlaupa
eftir lendingarupp-
lýsingum þegar
þota lendir.
RV
U
N
IQ
U
E
05
08
01
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Servíettur NexxStyle 39x39cm 80stk, ýmsir litir
Satiné Clean, gólfsápa
Brial Clean, alhliða hreinsiefni
Kristalin Clean, baðherbergishreinsir
Into WC Clean
Lotus eldhúsrúllur Lotus WC pappír
Lotus Maraþon Plus Lotus WC Júmbó
Lotur T-Þurrkur
Lotus V-Þurrkur
Á tilbo
ði í ma
í 2008
Umhve
rfisvott
uð hre
insiefn
i
og pa
ppírsv
örur
20%
afslá
ttur
Umhverfisvottaðar vörur
- fyrir sumarbústaðinn, veiðihúsið og ...