Fréttablaðið - 23.05.2008, Blaðsíða 27
FÖSTUDAGUR 23. maí 2008
HRÍSGRJÓNIN
Hrísgrjónin skipta miklu máli í sushigerð. Best er að nota ekta sushi-
hrísgrjón og sjóða þau samkvæmt leiðbeiningum á umbúðunum. Fyrst
þarf að leggja grjónin í bleyti
og skola þau vel og láta þau
standa áður en þau eru soðin.
Mikilvægt er að nota sushiedik,
sem fæst í matvöruverslunum,
svo grjónin loði vel saman.
PÚRRUBITI
Í þennan bita er notuð púrra
sem er skorin í strimla og léttsteikt (eða svituð) á pönnu. Japanskri
sojasósu og nokkrum dropum af sesamolíu er skvett út á og látið sjóða í
örlitla stund eða þar til laukurinn er orðinn mjúkur. Þegar bitinn er settur
saman er valið eitt blað í ljósari kantinum og annað dökkt, það er einnig
fallegt að setja örþunnt skorna paprikusneið með sem gott er að
steikja á pönnunni með lauknum svo
hún mýkist. Búinn er til hrísgrjóna-
koddi (úr um það bil einni matskeið
af hrísgrjónum). Blöðin af púrrunni og
paprikan eru lögð ofan á hrísgrónin með
vasabi á milli og svo bundið saman með nori
(þarablöðum).
SMÁLÚÐUBITI
Hrár smálúðubiti er lagður ofan á
hrísgrjónakodda með vasabi á milli. Vasabi
sesamfræum er stráð yfir fiskinn og japanskri
chili kryddblöndu. Á sama hátt má búa til góða
laxabita eða túnfiskbita.
RÚLLA MEÐ RISARÆKJU
Í eina rúllu þarf þrjár til fjórar stórar risarækjur. Rúllurnar eru gerðar
þannig að noriblað er lagt á sérstakar rúllumottur (sem fást í flestum
matvöruverslunum) og um það bil 180 grömmum af soðnum sushi-
grjónum er dreift yfir blaðið. Lína
af vasabi er sett yfir hrísgrjónin
og rækjufyllingin þar ofan á. Í
henni eru soðnar risarækjur,
salat, avókadó, soðin rófa skorin í
strimla, japanskt majones og steikt
púrra með soja og sesam. öllu
þessu er rúllað upp og best er að
láta rúlluna standa
í smástund svo
þarinn sé orðinn
blautur þegar rúllan
er skorin í sneiðar.
Þegar boðið er til veislu er
tilvalið að bjóða gestum upp
á sushi. Þessi japanski fingra-
matur er alltaf klassískur og
alls ekki eins flókið að útbúa
og margir halda.
„Það er ofsalega gaman að búa til
sushi en maður verður að gefa
sér góðan tíma,“ segir Stefanía
Ingvarsdóttir í Sushismiðjunni.
„Maður hendir þessu ekkert
saman á nokkrum mínútum. Það
tekur rúman klukkutíma að sjóða
hrísgrjónin samkvæmt kúnstar-
innar reglum og svo þarf að skera
hráefnið til,“ segir Stefanía og
bætir því við að það sé mesti mis-
skilningur að fólk þurfi að vera
útlært í sushi til að geta notið
þess. „Í Japan er sushi fingra-
matur svo maður þarf ekki einu
sinni að stressa sig á að kunna á
prjónana. Það er vissulega ákveð-
in seremónía í kringum sushi en
hún er fljótlærð,“ segir Stefanía.
Vasabi er nauðsynlegt að hafa
með öllu sushi og það má kaupa í
næstu matvöruverslun, annað-
hvort tilbúið í túbu eða sem duft
sem þarf að blanda í vatni. Nori-
þarablöð þarf einnig að kaupa
ætli maður að útbúa sushi og gott
er að eiga bambusmottu til búa til
rúllurnar. „Þú færð allt til sushi-
gerðar í næstu matvöruverslun.
Mestu skiptir síðan að velja
ferskt og gott hráefni,“ segir
Stefanía sem sjálf er afar sólgin í
sushi og var fús til að gefa les-
endum hugmyndir að nokkrum
sushibitum. Hún segir skemmti-
legast að blanda saman og hafa
mismunandi bita. Það gælir við
bragðlaukana og er líka fallegra
á borðinu. thorgunnur@frettabladid.is
Bæði fallegt og gómsætt
Stefanía segir mikilvægt að velja ferskt og gott hráefni til sushigerðar.
FREÉTTABLAÐIÐ/STEFÁN
Gunnars
Bar
Hlíðarvegur 7 | 860 Hvolsvöllur | s: 487 8050 | fax: 487 8058
hotelhvolsvollur@simnet.is | www.hotelhvolsvollur.is/
gr
af
is
ka
.is
–
0
8-
10
7
Velkomin
Fimmtiu tveggja manna og fjögur eins-
manns herbergi. Einnig eru tvö herbergi
hönnuð með sérþarfir fatlaðra í huga. Öll
herbergi eru innréttuð með baði, síma,
sjónvarpi, hárþurku og þráðlausu netsam-
bandi. 2 heitir pottar.
Hótel Hvolsvöllur er staðsett í hjarta Njáluslóða þar sem sagan
svífur yfir vötnum aðeins um 100 km frá Reykjavík
Ekki er ráð…
…nema í tíma sé tekið!
Við erum farin að skipuleggja haustið.
Fundir, ráðstefnur, árshátíðir, villibráð, jólahlaðborð og aðrir mannfagnaðir.