Fréttablaðið - 23.05.2008, Blaðsíða 32
„Partíið er eiginlega orðið fastur
liður eins og venjulega en síðan
ég byrjaði með Eurovision-kvöldin
á Nasa hafa skapast ákveðnar
hefðir,“ segir Páll Óskar en eins
og alþjóð veit er hann mikill að-
dáandi keppninnar. „Ég mun hafa
búningaskipti þrisvar um kvöldið
en það er ekki annað hægt þar sem
mikill hiti og sviti myndast þarna
inni og mun klæðast að mestu leyti
fatnaði eftir Coco vin minn,“ segir
Palli og fylgir fordæmi Eurovision-
kynna í búningaskiptum en Palli
kæmi væntanlega sterklega til
greina sem kynnir keppninnar ef
til þess kæmi að Ísland bæri sigur
úr býtum í sjálfri keppninni. Frá
því að Palli hélt fyrst Eurovision-
partíið hafa Stebbi og Eyfi allt-
af verið á svæðinu og tekið Nínu.
„Mér féllust hendur þegar ég frétti
að Stebbi yrði fjarri góðu gamni.“
En segja má að Stebbi hafi tekið
golfið fram yfir Nínu sína í þetta
skiptið því hann verður staddur
í golfferð í Þýskalandi um helg-
ina. Páll Óskar tók þó gleði sína á
ný þegar Eyfi tilkynnti honum að
hann ætlaði að flytja lagið án fé-
laga síns. bergthora@frettabladid.is
Páll Óskar klæðist pallíettum
Páll Óskar í hvítu pallíettujakkafötunum
sem eru hönnuð af Coco vini hans.
„Stofan á tuttugu ára starfsafmæli
um þessar mundir og af því tilefni
verður haldið partí á morgun,“ segir
Kjartan Sigurðsson, hárgreiðslu-
maður og framkvæmdastjóri Jóa
og félaga. Veisluhöldin hefjast kl.
19 og fara fram á hárgreiðslustof-
unni, Skólavörðustíg 8. „Veislan er
ekki bara hugsuð fyrir viðskipta-
vini okkar heldur alla þá sem lang-
ar að koma,“ segir Kjartan og býst
við heljarinnar stuði en Eurovision-
keppnin verður sýnd á stórum flat-
skjá á stofunni. „Ég get lofað mik-
illi Eurovision-stemningu og litrík-
um félagsskap enda eru margir af
kúnnum okkar afar skrautlegt og
skemmtilegt fólk í öllum regnbog-
ans litum,“ segir Kjartan en Beggi
og Pacas sjá um veisluföngin í af-
mælinu. bergthora@frettabladid.is
20 ára afmæli Jóa og félaga
Kjartan er nú á fullu að undirbúa partíið
annað kvöld.
„Niðurníðsla miðbæjarins hefur verið í mikilli um-
ræðu undanfarið og okkur langaði að leggja okkar
að mörkum til að fegra bæinn,“ segir Kjartan Páll
Eyjólfsson, framkvæmdastjóri verslunarinnar Epal,
en fallegar gluggaútstillingar verslunarinnar í auðu
húsnæði á Laugaveginum hafa sett svip sinn á mið-
bæinn. „Við komum okkur í samband við þá aðila sem
hafa húsin í sinni umsjá og þeim leist vel á hugmynd-
ina. Okkar langaði fyrst og fremst að lífga upp á
bæinn og nota tækifærið um leið til að koma íslensk-
um hönnuðum á framfæri,“ segir Kjartan og bætir
því við íslensk hönnun sé meginþema útstillinganna
en það er Ólöf Jakobína Ernudóttir, innanhússhönn-
uður Epal, sem hefur yfirumsjón með útstillingun-
um. „Við byrjuðum á glugganum á Laugavegi 37 en
þar er fatahengi Katrínar Pétursdóttur, Tré, stillt út
ásamt dvergum eftir Phillipe Starck.“ Næsti gluggi
sem Epal tók í gegn var á Laugavegi 83 en þar er
útskriftarverkefni Friðgerðar Guðmundsdóttir frá
Lista háskóla Íslands stillt út en skilrúmin fást í Epal.
„Skilrúmið heitir Stuðlar en formið sækir hún til ís-
lenska stuðlabergsins, þar er sömuleiðis finnskættaði
hundurinn Puppy eftir Ero Aarnio en báðar útstill-
ingarnar mynda skemmtilega og óvanalega heild.“
Á næstu dögum verður þriðja útstilling búðarinnar
afhjúpuð í húsinu þar sem Indókína var til húsa og
fleiri auð hús í miðbænum bíða nú þess að fá upplyft-
ingu hjá Epal. Kjartan leggur mikla áherslu á að fyrir-
tækið hafi með fegrunarátakinu slegið tvær flugur í
einu höggi, því það sé ekki síður að vekja athygli á
fyrirtækinu. „Epal opnar útibú í versluninni Liborius
á Laugavegi 7 í byrjun.júní en við deilum með þeim
húsnæði. Við verðum með gjafavörurnar okkur og
aðrar smávörur á boðstólum í svokölluðum lífsstíls-
hluta verslunarinnar,“ segir Kjartan að lokum.
bergthora@frettabladid.is
Epal fegrar Laugaveginn
Skilrúmið Stuðlar eftir Friðgerði Guðmundsdóttur vöruhönnuð er stillt út í gluggann á Laugavegi 83 ásamt hvolpum Finnans
Ero Aarnio.
4 • FÖSTUDAGUR 23. MAÍ 2008