Fréttablaðið - 23.05.2008, Blaðsíða 40
23. MAÍ 2008 FÖSTUDAGUR4 ● fréttablaðið ● hvataferðir
Skólabúðirnar í Reykjaskóla í Hrútafirði
hófu starfsemi sína fyrir tuttugu árum
og hafa aldrei notið meiri vinsælda.
„Starfsemi Skólabúðanna hófst árið 1988,
þegar Héraðsskólinn hér á Reykjum í Hrúta-
firði lagði niður starfsemi. Þær hafa starf-
að allar götur síðan og notið mikilla vin-
sælda. Markmiðið hefur verið frá upphafi
að brjóta upp hefðbundið skólastarf og má
segja að þetta sé eins konar nám í lífsleikni,“
segir Þorvarður Guðmundsson, einn af for-
svarsmönnum Skólabúðanna í Reykjaskóla í
Hrútafirði.
„Nemendurnir sem koma til okkar eru
langflestir úr 7. bekk og eru víða af landinu.
Við fáum tvo þriðju hluta af þessum árgangi
og það eru helst krakkar af Austfjörðum og
suðausturhorninu sem vantar til okkar. Hins
vegar fáum við marga af Vestfjörðum og í ár
eru til dæmis krakkarnir frá Patreksfiði að
koma í fyrsta sinn,“ segir Þorvarður og bætir
við að það stefni í met á næsta ári enda 3.000
nemendur sem munu dvelja á Reykjum það
árið.
Þorvarður tekur á móti nýjum hópi viku-
lega sem dvelur eina skólaviku, frá hádegi á
mánudegi til hádegis á föstudegi. Í hverjum
hópi eru um hundrað börn og með þeim fylg-
ir kennari, auk þess sem aðstoðarfólk kemur
með ef börn eru með fötlun eða greiningu.
„Við erum með sjö til átta starfsmenn hér
og sjáum um alla kennslu. Síðan sjá kennar-
ar hópsins um alla gæslu, eftirlit og kvöld-
vökur ásamt okkur,“ útskýrir Þorvarður og
heldur áfram: „Kennslan er mikið byggð
á útikennslu og upplifun auk þess sem við
notum staðarhætti hér. Við förum í fjöruna
og notum náttúruna mikið þar sem skólabæk-
ur eru notaðir í algjöru hófi. Auk þess erum
við með sundlaug og íþróttahús fyrir krakk-
ana. Síðan fara þau í svokallaðan stöðvaleik
þar sem þau kynnast svæðinu og fá að upp-
lifa Byggðasafnið á Reykjum. Einnig segj-
um við mikið af sögum, förum í leiki og reyn-
um að ögra þeim, til dæmis með því að leyfa
þeim að kljást við veru á heimavist.“
Nýjasta kennslugreinin í Reykjaskóla er í
samstarfi við sparisjóðina á Íslandi og hefur
þegar vakið miklar vinsældir að sögn Þor-
varðar. „Undraheimur auranna er kennsla
sem byggir á almennri fjármálafræðslu og
endar á spili sem fjallar einmitt um skólabúða-
dvöl. Þar eru þau að græða og tapa á víxl og
þurfa að leysa ýmsar þrautir. Þetta hefur al-
gjörlega slegið í gegn hjá krökkunum og þau
eru mjög spurul og vakandi í þessum tímum.
Við erum mjög stolt af þessu verkefni enda
ekki margir sem sinna þessu eins vel. Þarna
fá þau kennsluefni með sér heim og það eru
nánast einu kennslubækurnar sem hér eru
notaðar,“ segir Þorvarður hlæjandi og bætir
við að langflestir finni sig vel í skólabúðun-
um.
„Við tökum á móti öllum börnum sem hing-
að vilja koma og fötlun eða greining er engin
fyrirstaða. Sveitastemningin er alls ráðandi
og við byggjum mikið á heilnæmu mataræði
og bönnum til dæmis sælgæti og farsíma.
Fyrir suma er þetta alveg ómögulegt í fyrstu,
þau sakna mömmu og tölvunnar, en þegar
kemur að heimför á föstudegi vilja þau lang-
flest vera lengur og það segir heilmikið um
hugarfar krakkanna. Hérna fá þau bara að
vera úti í náttúrunni í friði og ró og fá hrein-
lega að vera þau sjálf.“
Allar nánari upplýsingar á www.skolabu-
dir.is - rh
Upplifun og útikennsla án skólabóka
Þorvarður Guðmundsson hjá Skólabúðunum í Reykjaskóla í könnunarleiðangri í fjörunni ásamt krökkum
frá Borgarhólsskóla á Húsavík. MYND/INGUNN PEDERSEN
Brunað um Hólaskóg
Rétt fyrir ofan Geysi í Hauka-
dal, eða að Kjóastöðum III, er
ferðaþjónustan Fjórhjólaferð-
ir við Geysi starfrækt. Þar er
boðið upp á fjórhjólaferðir um
Haukadalsskóg fyrir allt að 45
manns.
Leiðirnar og lengd þeirra
eru mismunandi og eru valdar
með tilliti til hópsins sem ferð-
ast hverju sinni.
Í klukkutíma ferðum er
farið um Haukadalsskóg á skil-
greindum slóðum og upp á
Haukadalsheiði. Ekið er yfir
bergvatnsár um skóg og upp á
heiði þar sem sandurinn, auðn-
in og útsýnið tekur við.
Í dagsferðum er farið upp
að Hagavatni, sem er jökullón
austan undir Hagafelli í Lang-
jökli. Farið er niður í gljúfur
með fossum og flúðum og niður
á jafnsléttu.
Á svæðinu er ýmiss konar
önnur afþreying sem hópar
og fyrirtæki geta nýtt sér. Í
Haukadalsskógi eru auk fjór-
hjólaleiðanna meðal annars
skilgreindar reiðleiðir, göngu-
leiðir og hjólastólastígar sem
Sjálfsbjörg á Selfossi hefur
látið gera fyrir fatlaða. Þá hefur
skógræktin útbúið grillskýli
fyrir allt að 100 manns og þar
eru tveir skálar sem er hægt að
leigja fyrir. Í seilingarfjarlægð
eru síðan Gullfoss, Geysir og
Hótel Geysir.
Mest er sótt í ferðirnar á
vorin og haustin en fyrirtæki
bjóða starfsmönnum sínum
gjarnan í ferðir af þessu tagi
í kringum árshátíðir eða til að
umbuna þeim fyrir vel unnin
störf.
Fjórhjólin eru líka þeim eig-
inleika búin að þau er hægt að
nota við ólík veðurskilyrði og
finnst mörgum gaman að keyra
í slabbi, drullu eða snjó. Þeim
má þó allt eins aka á sumrin
og njóta náttúrunnar og veður-
blíðunnar í leiðinni.
Að sögn forsvarsmanna
Fjórhjólaferða við Geysi hafa
konur sýnt ferðunum sérstakan
áhuga að undanförnu og hafa
heilu saumaklúbbarnir mætt í
ferðir. Nánari upplýsingar má
nálgast á www.4hjol.is/
- ve
Farið er yfir ýmsar torfærur. MYND/FJÓRHJÓLAFERÐIR